← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62071: P ApocBar

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

84:01 [ai]ܐܢܐ ܗܟܝܠ ܗܐ ܐܘܕܥܬܟܘܢܼ ܥܕ ܚܝ ܐܢܐ܂ ܐܡܿܪܬ ܓܝܪܼ ܕܡܝܬܪ̈ܬܐ ܬܐܠܦܘܢ܂ ܦܩܕܢܝ ܓܝܪ ܚܝܠܬܢܐܼ ܕܐܪܬܝܟܘܢܿ ܘܐܣܝܡ ܩܕܡܝܟܘܢ ܩܠܝܠ ܡܢ ܦܘܩ̈ܕܢܐ ܕܕܝܢܼܗ ܡܢ ܩܕܡ ܕܐܡܘܬ
84:02 [ai]ܐܬܼܕܟܪܘ ܕܒܙܒܼܢ܂ ܡܣܿܗܕܘ ܣܗܿܕ ܒܟܼܘܢ ܡܘܫܐܿ ܫܡܝܐܼ ܘܐܪܥܐ܂ ܘܐܡܼܪ܂ ܕܐܢ ܬܥܼܒܪܘܢ ܥܠ ܢܡܘܣܐܼ ܬܬܒܿܕܪܘܢ܂ ܘܐܢ ܬܛܪܘܢܝܗܝܼ ܬܬܿܢܛܪܘܢ
84:03 [ai]ܐܠܐܼܿ ܐܦ ܐܚܪ̈ܢܝܬܐ ܐܡܼܪ ܗܘܐ ܠܟܘܢ ܟܕ ܐܝܬܝܟܘܢ ܗܘܝܬܘܢ ܐܟܚܕܐ ܬܪ̈ܥܣܪ ܫܒ̈ܛܝܢ ܒܡܕܒܪܐ
84:04 [ai]ܘܡܢ ܒܬܪ ܡܘܬܗܼ ܕܚܼܩܬܘܢ ܐ̈ܢܝܢ ܡܢܟܘܢ܂ ܡܛܠ ܗܢܐ ܡܿܛܝܟܘܢ ܗܠܝܢ ܕܡܩ̈ܕܡܢ ܗ̈ܘܝ ܐܡܝܪ̈ܢ
84:05 [ai]ܘܗܫܐܼ܂ ܡܘܫܐ ܐܡܼܪ ܗܘܐ ܠܟܘܢܼ ܡܢ ܩܕܡ ܕܠܐ ܢܓܕܫܟܘܢ܂ ܘܗܐܼ ܓܕܫܟܘܢ܂ ܫܒܼܩܬܘܢ ܓܝܪ ܢܡܘܣܐ
84:06 [ai]ܐܦ ܐܢܐ ܗܐ ܐܡܿܪ ܐܢܐ ܠܟܘܢܼ ܡܢ ܒܬܪ ܕܚܫܬܘܢܼ܂ ܕܐܢ ܬܛܦܝܣܘܢ ܠܐܝܠܝܢ ܕܐܬܐܡܪ ܠܟܘܢܼ܂ ܬܣܿܒܘܢ ܡܢ ܚܝܠܬܢܐܼ ܟܠ ܡܕܡܿ ܕܣܝܡ ܘܢܛܝܪ ܠܟܘܢ
84:07 [ai]ܬܗܘܐ ܕܝܢ ܗܕܐ ܐܓܪܬܐ ܒܝܬ ܠܝ ܘܠܟܘܢ ܠܣܗܕܘܬܐ܂ ܕܬܗܘܘܢ ܥܗܝܕܝܢ ܠܦܘܩ̈ܕܢܘܗܝ ܕܚܝܠܬܢܐ܂ ܐܝܟܢܐ ܕܐܦ ܠܝܼ ܢܗܘܐ ܠܝ ܡܦܩ ܒܪܘܚܐ ܩܕܡ ܗܿܘ ܕܫܕܪܢܝ
84:08 [ai]ܘܗܘܼܝܬܘܢ ܥܗܝܕܝܢ ܠܢܡܘܣܐܼ ܘܠܨܗܝܘܢ܂ ܘܠܐܪܥܐ ܩܕܝܫܬܐܼ ܘܠܐ̈ܚܝܟܘܢܿ ܘܠܕܝܬܩܐ ܕܐ̈ܒܗܝܟܘܢ܂ ܘܠܥܕܥܐ̈ܕܐ ܘܠܫ̈ܒܐܼ ܠܐ ܬܛܥܼܘܢ
84:09 [ai]ܘܫܿܠܡܘ ܗܕܐ ܐܝܓܪܬܐ ܘܡܫܠܡܢܘܬܗ ܕܢܡܘܣܐ ܠܒܢܝܟܘܢ ܡܢ ܒܬܪܟܘܢܼ܂ ܐܝܟܢܐ ܕܐܦ ܠܟܘܢ ܐܫܠܼܡܘ ܠܟܘܢ ܐ̈ܒܗܝܟܘܢܿ
84:10 [ai]ܘܒܟܠ ܙܒܢ ܐܡܝܢܐܝܬܼ ܗܘܼܝܬܘܢ ܒܥܝܢ ܘܡܨܠܝܢ ܚܦܝܛܐܝܬ ܡܢ ܟܠܗܿ ܢܦܫܟܘܢܼ܂ ܐܝܟ ܕܢܬܪܥܐ ܠܟܘܢ ܚܝܠܬܢܐ܂ ܘܠܐ ܢܚܫܘܒܼ ܣܘܓܐܐܼ ܕܚ̈ܛܗܝܟܘܢ܂ ܐܠܐ ܢܬܼܕܟܼܪ ܠܬܪܝܨܘܬܐ ܕܐ̈ܒܗܝܟܘܢ
84:11 [ai]ܐܢ ܓܝܪ ܐܝܟ ܣܘܓܐܿܐ ܕܪ̈ܚܼܡܘܗܝ ܠܐ ܢܕܘܢܼܢ܂ ܘܝ ܠܼܢ ܠܟܠܗܘܢ ܐܝ̈ܠܝܕܐ