The Comprehensive Aramaic Lexicon

180:01 [ai]	ܥܙܝܙܘܬܗ܃ ܘܩܼܪܝܬ ܒܩܠܟ ܠܡ̈ܝܼܬܐ ܘܚܝܼܘ܂ ܘܠܐܝܠܝܢ
180:02 [ai]	ܕܚܿܝܼܝܢ ܘܡܣܒܪܝܢ ܒܟܼ܂ ܡܠܼܟܬ ܠܗܘܢ ܝܘܪܬܢܐ
180:03 [ai]	ܒܡܿܠܟܘܬܟ܂ ܐܢܬ ܗܘ ܕܗܼܘܝܬ ܐܝܙܓܕܐ ܘܐܫܬܕܪܬ
180:04 [ai]	ܡܢ ܪ̈ܘܡܐ ܥ̈ܠܝܐ܂ ܡܛܠ ܕܐܢܬ ܗܘ ܡܫܟܚ ܕܬܥܼܒܕ
180:05 [ai]	ܨܒܝܢܐ ܚܼܿܝܐ ܘܡܫܠܡܢܐ ܕܫܿܠܘܚܟ܂ ܫܒܝܚ ܐܢܬ ܡܪܝܿ
180:06 [ai]	ܒܚܝܠܟ܂ ܘܦܘܪܢܣܟ ܡܚܕܬܢܐ ܗܘ ܒܟܠܗܝܢ ܒܪ̈ܝܬܟ܃
180:07 [ai]	ܘܒܥܿܒ̈ܕܐ ܟܠܗܘܢ ܕܬܩܢܼܬ ܐܠܗܘܬܟ܃ 10܂4 ܘܐܚܪܝܢ ܠܐ
180:08 [ai]	ܡܫܟܚ ܠܡܓܡܪ ܠܨܒܝܢܐ ܕܪܒܘܬܟ܂ ܘܠܐ ܕܢܩܘܡ ܥܠ
180:09 [ai]	ܩܢܘܡܟ ܐܝܟܢܐ ܐܝܬܝܟ܂ ܘܢܚܼܬܬ ܠܟ ܠܫܝܘܠ ܘܡܼܛܝܬ
180:10 [ai]	ܥܕܡܐ ܠܚܪܬܗܿ ܘܦܬܼܚܬ ܬܪ̈ܥܝܗܿ ܘܐܣܩܼܬ ܚ̈ܒܝܫܝܗܿ܂
180:11 [ai]	ܘܕܪܫܼܬ ܠܗܘܢ ܐܘܪܚܐ ܠܪܘܡܐ ܒܩܢܘܡܗܿ ܕܐܠܗܘܬܟ܂
180:12 [ai]	ܐܝܢ ܡܪܝ ܒܥܿܐ ܐܢܐ ܡܢܟ ܥܠ ܥ̈ܠܝܡܐ ܗܠܝܢ܃ ܕܡܕܡ
180:13 [ai]	ܕܝܿܕܥ ܐܢܬ ܕܡܿܥܕܪ ܠܗܘܢܼ ܬܥܒܕ ܠܗܘܢ܂ ܘܣܡ ܐܝܕܗ
180:14 [ai]	ܥܠܝܗܘܢܼ ܘܐܡܼܪ ܠܗܘܢ܂ ܡܪܢ ܢܗܼܘܐ ܥܡܟܘܢ܂
180:15 [ai]	ܘܐܪܦܝ ܐܢܘܢ ܘܢܦܼܩ܃ 11 ܡܿܠܟܐ ܕܝܢ ܠܫ̈ܘܫܒܝܢܐ ܡܦܝܼܣ
180:16 [ai]	ܗܘܐ ܕܢܦܩܼܘܢ ܡܢ ܒܝܬ ܓܢܘܢܐ܂ ܘܟܕ ܥܡܐ ܟܠܗ ܢܦܼܩ
180:17 [ai]	ܗܘܐ܂ ܘܬܪܥܐ ܕܒܝܬ ܓܢܘܢܐ ܐܬܬܚܕ܂ ܚܬܢܐ ܐ̈ܦܝ
180:18 [ai]	ܓܢܘܢܐ ܐܪܝܡ ܗܘܐ܃ ܐܝܟܢܐ ܕܠܟܠܬܐ ܢܝܿܬܐ ܠܘܬܗ܂
180:19 [ai]	ܘܚܼܙܐ ܗܘܐ ܠܡܪܢ ܒܕܡܼܘܬܗ ܕܝܗܘܕܐ ܕܩܐܿܡ ܗܘܐ
180:20 [ai]	ܘܥܡ ܟܠܬܐ ܡܡܠܠ ܗܘܐ܂ ܘܐܡܼܪ ܠܗ ܚܬܢܐ ܕܗܐ
180:21 [ai]	ܩܕܡܝܐ ܢܦܩܼܬ ܗܘܝܬ ܠܟ܂ ܐܝܟܢܐ ܗܪܟܐ ܐܢܬ
181:01 [ai]	ܥܕܟܝܠ ܀ ܐܡܿܪ ܠܗ ܡܪܢ ܐܢܐ ܠܐ ܗܿܘܝܬ ܝܗܘܕܐ܂
181:02 [ai]	ܐܠܐ ܐܚܘܗܝ ܐܢܐ ܕܝܗܘܕܐ܂ ܘܝܬܼܒ ܗܘܐ ܠܗ ܡܪܢ
181:03 [ai]	ܒܥܪܣܐܼ܂ ܘܐܦܣ ܗܘܐ ܠܗܘܢ ܠܥ̈ܠܝܡܐ ܕܢܬܼܒܘܢ ܥܠ
181:04 [ai]	ܟܘܪ̈ܣܘܬܐ܂ ܘܫܼܿܪܝ ܕܢܐܡܪ ܠܗܘܢ܂ 12܂1 ܥܗܕܘ ܒ̈ܢܝ ܕܐܚܝ
181:05 [ai]	ܡܠܠ ܥܡܟܘܢܼ ܘܕܥܼܘ ܠܡܼܿܢܘ ܐܓܥܠܟܘܢ܂ ܘܕܥܘ ܕܡܚܕܐ
181:06 [ai]	ܕܡܬܦܪܩܝܢ ܐܢܬܘܢ ܡܢ ܗܕܐ ܫܘܬܦܘܬܐ ܨܐܬܐܼ܂
181:07 [ai]	ܗܿܘܝܢ ܐܢܬܘܢ ܢܘ̈ܣܐ ܕܟ̈ܝܐ܂ ܘܡܬܦܪܩܝܢ ܐܢܬܘܢ ܡܢ
181:08 [ai]	ܚ̈ܫܐ ܟܣ̈ܝܐ ܘܓ̈ܠܝܐܼ܂ ܘܡܢ ܨܦܬܐ ܝܬܝܪܬܐ ܕܒ̈ܢܝܐ܂
181:09 [ai]	ܗܿܢܘܢ ܕܚܪܬܗܘܢ ܥܩܬܐ ܗܝ ܡܪܝܪܬܐ܂ 12܂2 ܘܐܢ
181:10 [ai]	ܢܗܼܘܘܢ ܠܟܘܢ ܚ̈ܫܐ܂ ܡܛܠܬܗܘܢ ܗܿܘܝܢ ܐܢܬܘܢ
181:11 [ai]	ܛܿܠܡܝܢ ܘܒܿܙܝܢ ܘܡܿܚܝܢ ܠܝܬܡ̈ܐ܂ ܘܥܿܠܒܝܢ ܠܐܪ̈ܡܠܬܐܼ܂
181:12 [ai]	ܘܡܫܬܢܩܝܢ ܐܢܬܘܢ ܣܿܓܝ ܒܚܘܣܪ̈ܢܝܗܘܢ܂ ܣܘܓܐܐ
181:13 [ai]	ܓܝܪ ܕܒ̈ܢܝܐ ܟܐ̈ܒܐ ܣ̈ܓܝܐܐ ܗܿܘܝܢ ܠܗܘܢ܂ ܐܘ
181:14 [ai]	ܕܡܿܠܟܐ ܢܿܦܠ ܥܠܝܗܘܢ܃ ܐܘ ܕܒܪ ܐܓܪܐ
181:15 [ai]	ܐܿܚܕ ܠܗܘܢ܂ ܐܘ ܕܦܠܓܐ ܢܿܦܠ ܥܠܝܗܘܢ܂ ܘܐܢ ܚܠܝܡܝܢ
181:16 [ai]	ܢܗܼܘܘܢܼ ܣܪܚܝܢ܂܂ ܐܘ ܒܓܘܪܐ ܐܘ ܒܓܢܒܘܬܐ܂ ܐܘ
181:17 [ai]	ܒܙܢܝܘܬܐܼ ܐܘ ܒܝܥܢܘܬܐ܂ ܐܘ ܒܫܘܒܗܪܐ ܣܪܝܩܐ܂ ܘܒܗܠܝܢ
181:18 [ai]	ܣܘܪ̈ܚܢܐ ܡܿܫܬܢܩܝܢ ܐܢܬܘܢ ܒܗܘܢ܂ 12܂3 ܐܠܐ ܐܢ
181:19 [ai]	ܬܬܛܿܦܝܣܘܢ ܠܝ ܘܬܼܛܪܘܢ ܢܦܫܟܘܢ ܕܟܝܐܝܬ ܠܐܠܗܐ܂
182:01 [ai]	ܢܗܼܘܘܢ ܠܟܘܢ ܒ̈ܢܝܐ ܚ̈ܝܐ܂ ܗܿܢܘܢ ܕܚܕ ܡܢ ܡ̈ܘܡܐ
182:02 [ai]	ܘܢ̈ܟܝܢܐ ܠܐ ܩܿܪܒ ܠܗܘܢ܂ ܘܗܿܘܝܬܘܢ ܕܠܐ ܨܦܬܐ
182:03 [ai]	ܘܕܠܐ ܥܩܬܐܼ ܘܕܠܐ ܟܪܝܘܬܐ܂ ܘܡܣܿܒܪܝܢ ܐܢܬܘܢ
182:04 [ai]	ܕܐܡܬܝ ܬܚܼܙܘܢ ܡܫܬܘܬܐ ܗܿܝ ܕܫܪܪܐܼ܂ ܘܬܗܼܘܘܢ
182:05 [ai]	ܒܗܿ ܡܫ̈ܒܚܢܐ܂ ܘܬܬܡܼܢܘܢ ܥܡ ܥܿܐ̈ܠܝ ܠܓܢܘܢܐ ܀ ܀
182:06 [ai]	13܂1 ܗܿܢܘܢ ܕܝܢ ܥ̈ܠܝܡܐܼ ܐܬ‍{‍ܬ‍}‍ܛܦܝܣܘ ܗܘܘ ܒܝܕ ܡܪܢ܂
182:07 [ai]	ܘܐܫܼܠܡܘ ܠܗ ܢܦܫܗܘܢ܃ ܘܐܬܦܪܩܘ ܗܘܘ ܡܢ ܨܚܢܘܬܐ܂
182:08 [ai]	ܘܥܠ ܕܘܟܝ̈ܬܗܘܢ ܐܓܗܘ܂܂ ܘܡܪܢ ܢܦܼܩ ܡܢ ܠܘܬܗܘܢ
182:09 [ai]	ܘܐܡܼܪ ܠܗܘܢ܂ ܬܗܼܘܐ ܠܘܬܟܘܢ ܛܝܒܘܬܗ ܕܡܪܟܘܢ ܀
182:10 [ai]	13܂2 ܒܨܿܦܪܐ ܕܝܢ ܟܕ ܢܓܼܗܬܼܿ܂ ܩܿܕܡ ܡܿܠܟܐ ܡܼܠܐ ܦܬܘܪܐܼ܂
182:11 [ai]	ܘܐܥܼܠ ܩܕܡ ܚܬܢܐ ܘܟܠܬܐ܂ ܘܐܫܟܚ ܐܢܘܢ ܟܕ ܝܬܼܝܒܝܢ܂
182:12 [ai]	ܚܕ ܠܘܩܒܠ ܚܕ܂ ܘܓ̈ܠܝܢ ܐ̈ܦܝܗܿ ܕܟܠܬܐ ܘܝܿܬܒܐ܂ ܘܐܦ
182:13 [ai]	ܚܬܢܐ ܦܨܝܚ ܗܘܐ ܛܿܒ܂ ܐܡܿܪܐ ܠܗܿ ܐܡܗܿ ܠܟܠܬܐ܂
182:14 [ai]	ܡܢܐ ܝܿܬܝܒܬܝ ܗܟܘܬ ܘܠܐ ܒܗܿܬܬܝ܂ ܐܠܐ ܐܝܟ ܗܿܝ
182:15 [ai]	ܕܗܐ ܙܒܢܐ ܣܓܝܐܐ ܘܥܘܬܩܐ ܕܝܘ̈ܡܬܐܼ ܐܝܬ ܠܟܝ܂
182:16 [ai]	ܘܐܦ ܐܒܘܗ ܐܡܼܪ ܡܛܠ ܚܘܒܟܝ ܣܓܝܐܐ ܕܠܘܬ ܒܥܠܟܝ܃
182:17 [ai]	ܘܐܦܠܐ ܡܬܚܦܝܘ ܡܬܚܦܝܬܝ ܀ 14܂1 ܘܥܼܢܬܿ ܟܠܬܐܼ ܘܐܡܿܪܐ
182:18 [ai]	ܠܗܿ܂ ܫܪܝܪܐܝܬ ܐܡܝܼ ܒܚܘܒܐ ܐܢܐ ܣܓܝܐܐ ܘܠܡܪܝ
182:19 [ai]	ܡܨܿܠܝܐ ܐܢܐ ܕܐܿܩܘܐ ܒܗܢܐ ܚܘܒܐ ܕܐܿܪܓܫܬ ܒܗ
182:20 [ai]	ܒܗܢܐ ܠܠܝܐ܂ ܘܐܿܩܪܐ ܠܚܬܢܐ ܠܐ ܡܬܚܒܠܢܐ
182:21 [ai]	ܕܐܬܚܼܙܝ ܠܝ ܒܗܢܐ ܠܠܝܐ܂ ܘܕܠܐ ܡܬܚܦܝܐ ܐܢܐ
182:22 [ai]	ܡܛܘܠ ܕܬܚܦܝܬܐ ܕܚܒܿܠܐ ܡܢܝܼ ܐܫܬܼܩܠܬ܂ ܘܕܠܐ
183:01 [ai]	ܒܗܬܬܐ ܐܢܐ܂ ܡܛܠ ܕܥܿܒܕܐ ܕܒܗܬܬܐ ܡܢܝܼ ܐܬܪܚܿܩ
183:02 [ai]	ܠܗ܂ ܘܕܠܐ ܡܬܬܘܝܐ ܐܢܐܼ܂ ܡܛܘܠ ܕܬܘܬ ܢܦܫܐ
183:03 [ai]	ܕܡܦܢܝܐ ܠܚ̈ܝܐܼ ܒܝ ܟܬܪܬ܂ 14܂2 ܘܕܦܨܿܝܚܐ ܐܢܐ ܘܚܿܕܝܐ
183:04 [ai]	ܐܢܐ ܡܛܠ ܕܒܝܘܡܐ ܕܚܕܘܬܐ ܗܕܐ ܥܒܘܪܬܐ ܠܐ
183:05 [ai]	ܐܿܫܬܓܫܬ ܒܗܿ܂ ܘܕܐܬܬܫܝܛ ܠܝ ܥܿܒܕܐ ܗܢܐ ܕܚܿܒܠܐ
183:06 [ai]	ܘܫ̈ܠܠܐ ܕܡܫܬܘܬܐ ܗܕܐ ܕܒܿܛܠܐܼ܂ ܡܛܠ ܕܠܡܫܬܘܬܐ
183:07 [ai]	ܗܿܝ ܕܫܪܪܐ ܐܿܙܕܡܢܬ܂ ܘܕܠܐ ܐܿܙܕܘܓܬ ܥܡ ܓܒܪܐ
183:08 [ai]	ܒܙܘܘܓܐ܃ ܕܚܪܬܗ ܬܘܬ ܢܦܫܐ ܗܝ ܡܪܝܪܬܐ܂ ܡܛܠ
183:09 [ai]	ܕܠܓܒܪܐ ܗܿܘ ܕܫܪܪܐ ܐܬܡܿܟܪܬ܂ 15܂1 ܘܐܦ ܣ̈ܓܝܐܬܐ
183:10 [ai]	ܕܠܗܠܝܢ ܕܡ̈ܝܢ ܐܡܿܪܐ ܗܘܬ ܀ ܗܿܝܕܝܢ ܐܦ ܚܬܢܐ ܥܢܼܐ
183:11 [ai]	ܘܐܡܼܪ܂ ܡܿܘܕܐ ܐܢܐ ܠܟ ܐܠܗܐ ܚܼܕܬܐ܃ ܕܒܝܕ
183:12 [ai]	ܐܟܣܢܝܐ ܐܬܼܐ ܠܟܐ܂ ܡܿܫܒܚ ܐܢܐ ܠܟ ܐܠܗܐ ܕܒܝܕ
183:13 [ai]	ܓܒܪܐ ܥܒܼܪܝܐ ܡܿܬܟܪܙ܂ ܗܿܘ ܕܐܪܚܩܢܝ ܡܢ ܚܒܿܠܐ܃
183:14 [ai]	ܘܙܪܥܼ ܒܝ ܚ̈ܝܐ܃ ܗܿܘ ܕܦܪܩܢܝ ܡܢ ܟܘܪܗܢܐ ܕܡܿܟܬܪ
183:15 [ai]	ܗܘܐ ܒܝ ܠܥܠܡ܃ ܗܿܘ ܕܚܼܿܘܝ ܠܢ ܢܦܫܗ܂ ܘܐܿܪܓܫܬ ܒܡܐ
183:16 [ai]	ܕܐܝܬܝ܂ ܗܿܘ ܕܦܨܝܢܝ ܡܢ ܡܦܘܠܬܐ ܘܠܡܝܬܪܘܬܐ
183:17 [ai]	ܫܘܫܛܢܝ܂ ܗܿܘ ܕܡܢ ܗܠܝܢ ܕܥܼܒܪ̈ܢ ܦܪܩܢܝ܃ ܘܠܗܠܝܢ ܕܠܐ
183:18 [ai]	ܥܒܪ̈ܢ ܐܫܘܝܢܝ܂ ܗܿܘ ܕܐܫܬܘܫܛ ܥܕܡܐ ܠܙܥܘܪܘܬܝ
183:19 [ai]	ܕܝܠܝ܃ ܕܠܪܒܘܬܐ ܢܡܿܛܐ܂ 15܂2 ܗܿܘ ܕܠܐ ܐܚܼܕ ܪ̈ܚܡܼܘܗܝ ܡܢܝ
183:20 [ai]	ܕܐܒܝܕ ܗܘܝܬ܂ ܐܠܐ ܕܐܒܥܿܐ ܢܦܫܝ ܚܘܝܢܝ܂ ܘܕܠܐ ܕܝܠܝ
183:21 [ai]	ܡܢܝ ܐܪܚܩ܂ ܗܿܘ ܕܟܕ ܐܢܐ ܠܐ ܝܿܕܥ ܗܘܝܬ ܠܗܼ ܗܼܘ
184:01 [ai]	ܒܥܢܝ܂ ܗܿܘ ܕܟܕ ܐܢܐ ܠܐ ܪܓܝܫ ܗܘܝܬ ܒܗܼ܂ ܗܼܘ
184:02 [ai]	ܐܫܬܘܫܛ ܠܘܬܝ܂ ܗܿܘ ܕܗܫܐ ܐܿܪܓܫܬ ܒܗܼ܂ ܘܠܐ
184:03 [ai]	ܡܿܨܐ ܐܢܐ ܕܐܿܡܪ ܡܕܡ ܕܠܐ ܝܿܕܥ ܐܢܐ܂ ܗܿܘ ܕܐܢ
184:04 [ai]	ܡܕܡ ܐܡܿܪ ܐܢܐ ܒܡܪܚܘܬܐ ܥܠܘܗܝܼ ܠܐ ܐܿܫܠܡ܂ ܡܛܠ
184:05 [ai]	ܚܘܒܗ ܗܘ ܓܝܪ ܡܡܪܚ ܐܢܐ܂ 16܂1 ܘܟܕ ܗܠܝܢ ܡܢ ܚܬܢܐ
184:06 [ai]	ܘܡܢ ܟܠܬܐ ܡܿܠܟܐ ܫܡܼܥ܂ ܢܚ̈ܬܘܗܝ ܣܼܕܩ܂ ܘܠܩܪ̈ܝܒܘܗܝ
184:07 [ai]	ܐܡܿܪ ܗܘܐ܂ ܦܘܩܘ ܥܓܠ ܒܡܕܝܢܬܐ ܟܠܗܼܿ܂ ܘܐܬܟܪܟܘ
184:08 [ai]	ܐܝܿܬܘ ܠܝ ܠܓܒܪܐ ܗܿܘ ܚܿܪܫܐ܃ ܕܐܢܐ ܒܐ̈ܝܼܕܝ ܐܥܠܬܗ
184:09 [ai]	ܠܒܝܬܝ܃ ܘܥܠ ܒܪܬܝ ܒܝܼܫܬ ܓܕܐ ܐܡܿܪܬ ܠܗ ܕܢܨܿܠܐ܂
184:10 [ai]	ܓܒܪܐ ܕܢܫܟܚܗ ܘܢܝܬܝܘܗܝ ܠܝܼ܂ ܟܘܠ ܕܢܫܼܐܠ ܐܬܠ ܠܗ܂
184:11 [ai]	ܘܐܙܠܘ ܡܬܟܪܟܝܢ ܗܘܘ ܒܥܿܝܢ ܠܗ܂ ܘܠܐ ܐܫܟܚܘܗܝ ܡܛܠ
184:12 [ai]	ܕܚܼܙܩ ܗܘܐ ܠܗ܂ 16܂2 ܘܐܙܠܘ ܠܦܘܬܩܐ ܕܫܿܪܐ ܗܘܐ ܒܗܼ܂
184:13 [ai]	ܘܐܫܟܚܘܗܿ ܠܗܿܝ ܙܡܿܪܬܐ ܟܕ ܝܬܒܐ ܘܒܿܟܝܐ܃ ܥܠ ܕܠܐ
184:14 [ai]	ܕܒܪܗܿ ܥܡܗ܂ ܘܟܕ ܐܫܬܥܝܘ ܠܗܿ ܡܕܡ ܕܗܘܼܐ܂ ܚܼܕܝܬܿ
184:15 [ai]	ܘܐܡܿܪܐ܂ ܐܿܫܟܚܬ ܠܝ ܢܝܿܚܐ ܗܪܟܐ܂ ܘܩܡܼܬܿ ܐܙܠܼܬܼ ܠܘܬ
184:16 [ai]	ܗܿܢܘܢ ܥ̈ܠܝܡܐܼ܂ ܘܥܡܗܘܢ ܥܿܡܪܐ ܗܘܬ ܙܒܢܐ
184:17 [ai]	ܣܓܝܐܐ܂ ܘ‍{‍ܐ‍}‍ܬܠܡܕܘ ܐܦ ܠܡܿܠܟܐ ܐܦ ܣܘܓܐܐ ܕܐܚ̈ܐܼ
184:18 [ai]	ܟܢܫܘ ܗܘܘ܂ ܥܕܡܐ ܕܐܫܬܼܡܥ ܗܘܐ ܛܒܼܐ ܠܫܠܝܚܐ
184:19 [ai]	ܒܗܢܕܘ ܡܕܝܢܬܐ܃ ܘܐܙܠܘ ܠܘܬܗ ܘܐܬܚܿܠܛܘ ܥܡܗ܂
184:20 [ai]	ܫܠܡܼܬܼ ܦܪܟܣܝܣ ܩܕܡܝܬܐ ܀ ܀ ܀
185:01 [ai]	ܦܪܟܣܝܣ ܕܬܪ̈ܬܝܢ ܟܕ ܥܼܠ ܬܐܘܡܐ ܫܠܝܚܐ ܠܗܢܕܘ
185:02 [ai]	ܘܒܢܼܐ ܒܝܪܬܐ ܠܡܿܠܟܐ ܒܫܡܝܐ܂
185:03 [ai]	17܂1 ܘܟܕ ܥܠ ܝܗܘܕܐ ܠܗܢܕܘ ܡܕܝܢܬܐ ܥܡ ܚܿܒܢ ܬܓܪܐ
185:04 [ai]	ܐܙܠܼ ܚܒܢ ܠܫܠܡܗ ܕܓܘܕ‍<‍ܢ‍>‍ܦܪ ܡܿܠܟܐ ܕܗܢܕܘ܃ ܘܐܘܕܥܗ
185:05 [ai]	ܥܠ ܓܒܪܐ ܐܘܡܢܐ ܕܐܝܬܝ ܠܗܼ܂ ܘܛܒ ܚܼܕܝ ܡܿܠܟܐ܂
185:06 [ai]	ܘܦܩܼܕ ܕܢܥܘܠ ܩܕܡܘܗܝ ܝܗܘܕܐ ܀ ܀ 17܂2 ܘܐܡܼܪ ܠܗ ܡܿܠܟܐ܂
185:07 [ai]	ܡܢܐ ܐܘܡܢܘܬܐ ܝܿܕܥ ܐܢܬ ܕܬܥܒܼܕ܂ ܐܡܿܪ ܠܗ
185:08 [ai]	ܝܗܘܕܐ܂ ܢܓܪܐ ܐܢܐܼ ܥܒܼܕܗ ܕܢܓܪܐ ܘܐܪܕܟܠܐ܂ ܐܡܿܪ
185:09 [ai]	ܠܗ ܡܢܐ ܝܿܕܥ ܐܢܬ ܕܬܥܒܕ܂ ܐܡܿܪ ܠܗ ܝܗܘܕܐ܂ ܒ̈ܩܝܣܐ
185:10 [ai]	ܝܿܠܦܬ ܕܐܥܒܕ܂ ܢܝܪ̈ܐ ܘܩ̈ܩܢܐܼ ܘܡ̈ܣܣܐ܂ ܘܠܝܩ̈ܐ ܠܣ̈ܦܢܐ
185:11 [ai]	ܘܠܦܢ̈ܛܘܢܐܼ܂ ܘܥ‍{‍ܕܪ‍}‍‍<‍ܪ̈ܕ‍>‍ܐ ܠܐ̈ܠܼܦܐ܂ ܘܒ̈ܦܣܝܠܬܐ܂ ܢܦܫ̈ܬܐ
185:12 [ai]	ܘܢܘ̈ܣܐ܂ ܘܒܝܪ̈ܬܐ ܠܡ̈ܠܟܐ܂ 17܂3 ܐܡܿܪ ܠܗ ܡܿܠܟܐ ܠܝܗܘܕܐ܂
185:13 [ai]	ܐܦ ܐܢܐܼ ܗܿܢܘ ܐܘܡܢܐ ܒܥܿܐ ܐܢܐ܂ ܐܡܿܪ
185:14 [ai]	ܠܗ ܡܿܠܟܐ܂ ܒܿܢܐ ܐܢܬ ܠܝ ܒܝܪܬܐܼ܂ ܐܡܿܪ ܠܗ ܝܗܘܕܐ
185:15 [ai]	ܒܿܢܐ ܐܢܐ ܘܡܫܿܟܠܠ ܐܢܐ܂ ܐܦ ܕܐܿܒܢܐ ܘܐܿܢܓܪ
185:16 [ai]	ܐܬܼܼܝܬ܂ 18܂1 ܘܕܒܼܪܗ ܗܘܐ ܘܢܦܼܩ ܠܒܪ ܡܢ ܬܪܥܐ ܕܡܕܝܢܬܐ܂
185:17 [ai]	ܘܡܡܠܠ ܗܘܐ ܥܡܗ ܥܠ ܥܿܒܕܐ ܕܝܠܗܿ ܕܒܝܪܬܐ܂ ܘܥܠ
185:18 [ai]	ܫܬܐ̈ܣܝܗܿ ܕܐܝܟܢܐ ܢܬܬ̈ܣܼܝܡܢ܂ ܘܟܕ ܡܼܿܛܝ ܕܘܟܬܐ ܗܿܝ
185:19 [ai]	ܕܒܗܿ ܨܼܒܐ ܡܿܠܟܐ ܕܢܒܼܢܐ ܠܗ ܒܝܪܬܐܼ܂ ܐܡܼܪ ܠܗ
186:01 [ai]	ܠܝܗܘܕܐ܂ ܗܪܟܐ ܨܿܒܐ ܐܢܐ ܕܬܒܢܐ ܠܝ ܒܝܪܬܐ܂
186:02 [ai]	ܐܡܿܪ ܠܗ ܝܗܘܕܐ܂ ܐܦ ܗܕܐ ܗܝ ܓܝܪ ܕܘܟܬܐ ܕܥܿܗܢܐ
186:03 [ai]	ܠܗܿ܂ ܐܝܬܝܗܿ ܗܘܬ ܕܝܢ ܗܟܢܐ܂ ܡܪܓܐ ܗܘܬ ܘܡ̈ܝܐ
186:04 [ai]	ܣܓ̈ܝܐܐ ܩܪܝܒܝܢ ܗܘܘ ܠܗܿ܂ 18܂2 ܐܡܿܪ ܠܗ ܡܿܠܟܐ܂ ܫܿܪܐ
186:05 [ai]	ܠܡܒܼܢܐ ܗܪܟܐ܂ ܐܡܿܪ ܠܗ ܝܗܘܕܐ܂ ܗܫܐ ܠܐ ܡܫܟܚ
186:06 [ai]	ܐܢܐ ܠܡܒܢܐ ܒܗܢܐ ܙܒܢܐ܂ ܐܡܿܪ ܠܗ ܡܿܠܟܐ܂
186:07 [ai]	ܘܒܐܝܢܐ ܙܒܢܐ ܡܫܟܚ ܐܢܬ ܠܡܒܢܐ܂ ܐܡܿܪ ܝܗܘܕܐ܂
186:08 [ai]	ܡܿܫܪܐ ܐܢܐ ܒܬܫܪܝܼ ܘܡܿܫܠܡ ܐܢܐ ܒܢܝܣܢ܂ ܐܡܿܪ ܠܗ
186:09 [ai]	ܡܿܠܟܐ܂ ܟܠܗܘܢ ܒܢܼܝ̈ܢܐ ܒܩܝܛܐ ܗܘ ܡܬܒܢܝܢ܂ ܘܐܢܬܼ
186:10 [ai]	ܒܣܬܘܐ ܒܿܢܐ ܐܢܬ܂ ܐܡܿܪ ܠܗ ܝܗܘܕܐ܂ ܗܟܢܐ ܗܘ
186:11 [ai]	ܡܫܟܚܐ ܒܝܪܬܐ ܕܬܬܒܼܢܐ܂ 18܂3 ܐܡܿܪ ܠܗ ܡܿܠܟܐ܂܂ ܡܕܝܢܼ
186:12 [ai]	ܪܫܘܡܝܗܿ ܠܝ ܕܐܚܙܝܗܿ܂ ܡܛܠ ܕܠܙܒܢܐ ܣܓܝܐܐ ܐܿܬܐ
186:13 [ai]	ܐܢܐ ܠܟܐ ܀ ܀ ܘܐܬܼܐ ܝܗܘܕܐ ܘܫܩܼܠ ܩܢܝܐܼ܂ ܘܫܼܿܪܝ ܗܘܐ
186:14 [ai]	ܕܢܡܫܘܚ܂ ܘܫܒܼܩ ܬܪ̈ܥܐ ܠܡܕܢܚܐ ܠܢܘܗܪܐܼ܂ ܘܟ̈ܘܐ
186:15 [ai]	ܠܡܥܪܒܐ ܠܪܘܚܐ܂ ܘܒܝܬ ܢܚ̈ܬܘܡܐ ܠܬܝܡܢܐ܂
186:16 [ai]	ܘܐܓ̈ܘܓܐ ܕܡ̈ܝܐ ܠܬܫܡܫܬܐ ܠܓܪܒܝܐ ܀ ܀ ܐܡܿܪ
186:17 [ai]	ܠܗ ܡܿܠܟܐ܂ ܫܪܝܪܐܝܬܼ ܐܘܡܢܐ ܐܢܬ ܛܿܒܐ܂ ܘܠܡܿܠܟܐܼ
186:18 [ai]	ܫܿܘܐ ܐܢܬ ܕܬܼܫܡܫ܂ ܘܫܒܼܩ ܗܘܐ ܣܘܓܐܐ ܕܟܣܦܐ
186:19 [ai]	^ܨܝܕܘܗܝܼ^܂ ܘܥܼܢܕ ܡܢ ܠܘܬܗ܂ 19܂1 ܐܦ ܟܣܦܐ ܘܕܗܒܐ
186:20 [ai]	ܡܫܕܪ ܗܘܐ ܠܗ ܒܙܒܢ ܙܒܢ܂ ܝܗܘܕܐ ܕܝܢ ܡܬܟܪܟ
187:01 [ai]	ܗܘܐ ܒܩܘܪ̈ܝܐ ܘܒܡ̈ܕܝܢܬܐ܂ ܘܐܦ ܠܡ̈ܣܟܢܐ ܡܿܦܪܢܣ
187:02 [ai]	ܗܘܐ܂ ܘܠܐ̈ܠܝܨܐ ܥܿܒܕ ܗܘܐ ܕܢܬܪܘܚܘܢ܂ ܘܐܡܼܪ ܗܘܐ
187:03 [ai]	ܕܡܿܠܟܐܼ ܠܡܿܠܟܐ ܢܬܝܗܒ܂ ܘܢܝܿܚܐ ܠܣ̈ܓܝܐܐ ܢܗܼܘܐ܂
187:04 [ai]	19܂2 ܡܢ ܒܬܪ ܕܝܢ ܙܒܢܐ ܣܓܝܐܼܐ܂ ܡܿܠܟܐ ܠܘܬ ܝܗܘܕܐ
187:05 [ai]	ܐܝ̈ܙܓܕܐ ܫܕܪ܂ ܘܫܠܼܚ ܠܗܼ ܗܟܢܐ܂ ܕܫܠܘܚ ܠܝ ܡܢܐ
187:06 [ai]	ܥܼܒܕܬܼ܂ ܘܡܢܐ ܐܿܫܕܪ ܠܟ܂ ܘܫܠܼܚ ܠܗ ܝܗܘܕܐ܂
187:07 [ai]	ܕܒܝܪܬܐ ܒܢܼܝܐ ܗܝ܂ ܘܬܛܠܝܠܐ ܗܘ ܚܣܝܪ ܠܗܿ ܀ ܗܿܝܕܝܢ
187:08 [ai]	ܡܿܠܟܐ ܟܣܦܐ ܘܕܗܒܐ ܠܝܗܘܕܐ ܫܕܪ ܗܘܐ܂ ܘܫܼܠܚ
187:09 [ai]	ܠܗܼ܂ ܕܒܝܪܬܐ ܬܬܛܠܼܠ܂ 19܂3 ܝܗܘܕܐ ܕܝܢ ܠܡܪܢ ܡܫܟܚ
187:10 [ai]	ܗܘܐ ܘܐܡܿܪ܂ ܡܿܘܕܐ ܐܢܐ ܠܟ ܡܪܝ ܕܡܝܼܬܬ ܡܛܠ
187:11 [ai]	ܕܬܚܿܝܢ‍<‍ܝ‍>‍܂ ܘܙܒܼܿܢܬܢ‍<‍ܝ‍>‍ ܠܝ ܕܐܿܗܘܐ ܡܚܪܪܢܐ ܕܣ̈ܓܝܐܐ܂
187:12 [ai]	ܘܠܐ ܫܿܠܐ ܗܘܐ ܠܡܿܠܦܘ܂ ܘܠܡܪܘܚܘ ܠܐܝܠܝܢ ܕ‍{‍ܐܠ‍}‍ܐܠ̈ܝܨܝܢ܂
187:13 [ai]	ܟܕ ܐܡܿܪܼ܂ ܕܡܪܟܘܢ ܡܢܝܚ ܠܟܘܢ܂ ܕܠܗ ܒܠܚܘܕܘܗܝ
187:14 [ai]	ܫܘܒܚܐ܂ ܗܼܘܝܘ ܓܝܪ ܙܝܘܢܐ ܕܝܬܡ̈ܐܼ܂ ܘܐܦ ܡܦܪܢܣܢܐ
187:15 [ai]	ܕܐܪ̈ܡܠܬܐ܂ ܘܠܟܠܗܘܢ ܐܝܠܝܢ ܕܐܠܝܨܝܢ ܗܼܘ ܡܦܪܢܣ ܀
187:16 [ai]	20܂1 ܟܕ ܕܝܢ ܐܬܼܐ ܡܿܠܟܐ ܠܡܕܝܢܬܐ܂ ܡܫܐܿܠ ܗܘܐ
187:17 [ai]	ܠܚܕ ܚܕ ܡܢ ܪ̈ܚܡܿܘܗܝ ܥܠ ܒܝܪܬܐ ܕܒܢܼܐ ܠܗ ܝܗܘܕܐ܂
187:18 [ai]	ܗܢܼܘܢ ܕܝܢ ܐܡܿܪܝܢ ܠܗ܂ ܕܠܐ ܒܝܪܬܐ ܒܢܼܝܐܼ܂ ܐܦܠܐ
187:19 [ai]	ܡܕܡ ܐܚܪܝܢ ܥܒܼܕ܂ ܐܠܐ ܡܬܟܪܟ ܗܘܐ ܒܡ̈ܕܝܢܬܐ
187:20 [ai]	ܘܒܩܘܪ̈ܝܐܼ܂ ܘܝܗܿܒ ܗܘܐ ܠܡ̈ܣܟܢܐ܂ ܘܡܿܠܦ ܗܘܐ
188:01 [ai]	ܠܗܘܢ ܐܠܗܐ ܚܼܕܬܐ܂ ܘܐܦ ܟܪ̈ܝܗܐ ܡܐܿܣܐ ܗܘܐ܂
188:02 [ai]	ܘܫ̈ܐܕܐ ܡܿܦܩ ܗܘܐ܂ ܘܣ̈ܓܝܐܬܐ ܥܿܒܕ ܗܘܐ܂
188:03 [ai]	20܂2 ܘܡܣܒܪܝܢܢ ܕܚܿܪܫܐ ܗܘ܂ ܐܠܐ ܡܪܚܡܢܘܬܗ ܘܐܣܝܘܬܗ
188:04 [ai]	ܕܡܓܢ ܗܘܬ܂ ܘܥܢܘܝܘܬܗ ܘܕܚܠܬܗ ܡܣܼܒܪܐ ܥܠܘܗܝܼ ܕܐܘ
188:05 [ai]	ܡܓܘܫܐ ܗܘ܂ ܐܘ ܫܠܝܚܐ ܗܘ ܕܐܠܗܐ ܚܼܕܬܐ܂ ܨܿܐܡ
188:06 [ai]	ܓܝܪ ܣܿܓܝܼ ܘܡܨܿܠܐ ܣܿܓܝ܂ ܘܠܥܿܣ ܠܚܡܐ ܘܡܠܚܐܼ
188:07 [ai]	ܘܫܿܬܐ ܡ̈ܝܐ܂ ܘܠܒܿܫ ܚܕܐ ܟܘܬܝܢܐ܂ ܘܡܕܡ ܠܐ ܫܩܝܠ
188:08 [ai]	ܠܗ ܡܢ ܐܢܫ܂ ܘܡܕܡ ܕܐܝܬ ܠܗ ܠܐܚܪ̈ܢܐ ܝܗܿܒ ܀ ܀ ܘܟܕ
188:09 [ai]	ܗܠܝܢ ܫܡܼܥ ܡܿܠܟܐ ܐܝܼ̈ܕܘܗܝ ܥܠ ܐ̈ܦܘܗܝ ܛܼܪܦ܂ ܘܪܝܫܗ
188:10 [ai]	ܡܣܢܪ ܗܘܐ܂ 21܂1 ܘܫܕܪ ܩܼܪܝܗܝ ܠܝܗܘܕܐ ܘܠܗܿܘ ܬܓܪܐ
188:11 [ai]	ܕܐܿܝܬܝܗܼ܂ ܘܐܡܼܪ ܠܗ܂ ܒܢܼܝܬ ܠܝ ܒܝܪܬܐ܂ ܐܡܿܪ ܠܗ
188:12 [ai]	ܝܗܘܕܐ ܒܢܝܬ ܠܟ ܒܝܪܬܐ܂ ܐܡܿܪ ܠܗ ܡܿܠܟܐ܂ ܠܐܡܬܝ
188:13 [ai]	ܐܙܿܠܝܢܢ ܚܿܙܝܢܢ ܠܗܿ܂ ܐܡܿܪ ܠܗ ܝܗܘܕܐ܂ ܠܐ ܡܫܟܚܬ
188:14 [ai]	ܕܬܚܙܝܗܿ ܗܫܐ܃ ܐܠܐ ܡܐ ܕܢܦܩܼܬ ܡܢ ܥܠܡܐ ܗܢܐ܂
188:15 [ai]	21܂2 ܗܿܝܕܝܢ ܡܿܠܟܐ ܐܬܚܿܡܬ ܛܿܒ ܒܪܘܓܙܗܼ܂ ܘܦܩܼܕ ܕܟܕ
188:16 [ai]	ܐܣܝܼܪ ܝܗܘܕܐ ܗܼܘ ܘܗܿܘ ܬܓܪܐ ܕܐܝܿܬܝܗܼ܂ ܢܐܙܠܘܢ
188:17 [ai]	ܠܒܝܬ ܐܣܝܪ̈ܐ܃ ܥܕ ܢܫܐܿܝܠܝܘܗܝ ܥܠ ܥܿܒܕܗ ܕܠܡܿܢ ܝܗܒܗ
188:18 [ai]	ܘܗܿܝܕܝܢ ܢܘܒܕܝܘܗܝ܂ ܝܗܘܕܐ ܕܝܢ ܐܙܠܼ ܗܘܐ ܟܕ ܚܿܕܐ܂
188:19 [ai]	ܘܐܡܼܪ ܠܗ ܠܬܓܪܐ ܠܐ ܬܕܚܠ܂ ܐܠܐ ܡܗܝܡܢܘ
188:20 [ai]	ܗܝܡܢ ܒܠܚܘܕ ܘܡܢ ܗܢܐ ܥܠܡܐ ܡܬܚܪܪ ܐܢܬ܂ ܘܡܢ
188:21 [ai]	ܥܠܡܐ ܕܥܬܝܕ ܚ̈ܝܐ ܕܠܥܠܡ ܡܩܿܒܠ ܐܢܬ ܀ ܡܿܠܟܐ ܕܝܢ
189:01 [ai]	ܡܬܚܿܫܒ ܗܘܐ܂ ܕܒܐܝܢܐ ܡܿܘܬܐ ܢܡܝܬܝܘܗܝ ܠܝܗܘܕܐ
189:02 [ai]	ܘܠܬܓܪܐ܂ ܘܫܩܠܼ ܗܘܐ ܪܥܝܢܐܼ܂ ܕܒܢܘܪܐ ܟܕ ܢܫܝܼܛ
189:03 [ai]	ܢܘܩܕܝܘܗܝ ܥܡ ܬܓܪܐ ܚܒܪܗ܂ 21܂3 ܘܒܗ ܒܠܠܝܐ ܗܿܘܼ܂ ܐܚܘܗܝ
189:04 [ai]	ܕܡܿܠܟܐ ܕܫܡܗ ܗܘܼܐ ܓܕܼ܂ ܡܢ ܥܩܬܐ ܘܡܢ ܡܪܡܝܢܘܬܐ
189:05 [ai]	ܕܓܕܫܼܬܿ ܠܡܿܠܟܐܼ ܒܝܼܫܐܝܬ ܗܘܼܐ܂ ܘܫܕܪ ܩܼܪܐ ܠܡܿܠܟܐܼ
189:06 [ai]	ܘܐܡܼܪ ܠܗ܂ ܐܚܝ܃ ܒܝܬܝ ܘܒ̈ܢܝ ܡܓܥܠ ܐܢܐ ܠܟ܂ ܐܢܐ
189:07 [ai]	ܓܝܪ ܡܛܠ ܡܪܡܝܢܘܬܐ ܕܓܕܫܬ ܠܟ܃ ܐܬܬܥܿܝܩܬ ܘܡܿܐܬ
189:08 [ai]	ܐܢܐ ܠܝ܂ ܐܠܐ ܣܿܐܡ ܐܢܬ ܒܪܝܫܗ ܕܗܿܘ ܚܿܪܫܐܼ܂ ܠܐ
189:09 [ai]	ܡܢܝܼܚ ܐܢܬ ܠܓܪ̈ܡܝ ܒܫܝܘܠ܂ ܐܡܿܪ ܠܗ ܡܿܠܟܐ ܠܠܝܐ ܟܠܗܼ
189:10 [ai]	ܪܢܿܐ ܗܘܝܬ܂ ܕܐܝܟܢܐ ܐܡܝܬܗ܂ ܘܐܬܼܚܫܒܬ ܕܒܢܘܪܐ ܟܕ
189:11 [ai]	ܢܫܝܛ ܐܘܩܕܝܘܗܝ܂ ܗܿܝܕܝܢ ܐܚܘܗܝ ܕܡܿܠܟܐ ܐܡܼܪ ܠܗ܂
189:12 [ai]	ܘܐܢ ܬܘܒ ܐܝܬ ܡܕܡ ܕܡܝܿܬܪ ܡܢ ܗܢܐܼ ܥܒܕ ܠܗ܂
189:13 [ai]	ܘܥܠ ܒܝܬܝ ܘܥܠ ܒ̈ܢܝ ܡܿܦܩܕ ܐܢܐ ܠܟ܂ ܀ 22܂1 ܘܟܕ ܗܠܝܢ
189:14 [ai]	ܐܡܼܪ܂ ܢܦܫܗ ܫܒܩܬܗ܂ ܘܡܿܠܟܐ ܕܝܢ ܐܒܝܠ ܗܘܐ ܥܠ
189:15 [ai]	ܐܚܘܗܝ ܡܛܠ ܕܪܚܿܡ ܗܘܐ ܠܗ ܛܒ܂ ܘܨܿܒܐ
189:16 [ai]	ܗܘܐ ܕܒܩܒܪܐ ܛܒܐ ܢܩܒܪܝܘܗܝ܂ ܢܦܫܗ ܕܝܢ ܕܓܕ
189:17 [ai]	ܐܚܘܗܝ ܕܡܿܠܟܐ ܟܕ ܫܒܩܬܗܼ܂ ܕܒܼܪܘܗܿ ܡ̈ܠܐܟܐ
189:18 [ai]	ܘܠܫܡܝܐ ܐܣܩܘܗܿ܃ ܘܚܕ ܚܕ ܐܬܪ̈ܘܬܐ ܡܚܿܘܝܢ ܗܘܘ
189:19 [ai]	ܠܗܿ܂ ܕܒܐܝܢܐ ܡܢܗܘܢ ܨܿܒܝܐ ܕܬܗܼܘܐ܃ 22܂2 ܗܿܝܕܝܢ ܟܕ
189:20 [ai]	ܡܼܿܛܝܘ ܒܝܪܬܐ ܗܿܝ ܕܒܢܼܐ ܝܗܘܕܐ ܠܡܿܠܟܐ܂ ܚܙܗܿ
189:21 [ai]	ܐܚܘܗܝܼ܂ ܘܐܡܼܪ ܠܗܿܢܘܢ ܡ̈ܠܐܟܐ܂ ܒܥܿܐ ܐܢܐ