The Comprehensive Aramaic Lexicon

190:01 [ai]	ܡܢܟܘܢ ܡܪ̈ܝܼ܂ ܒܚܕ ܡܢ ܒ̈ܬܐ ܬܚ̈ܬܝܐ ܕܗܕܐ ܒܝܪܬܐ
190:02 [ai]	ܐܥܿܡܪ܂ ܐܡܿܪܝܢ ܠܗ ܗܿܢܘܢ ܡ̈ܠܐܟܐ܂ ܠܐ ܡܫܟܚ ܐܢܬ
190:03 [ai]	ܠܡܥܼܡܪ ܒܗܕܐ ܒܝܪܬܐ܂ ܐܡܿܪ ܠܗܘܢ ܥܠ ܡܢܐ܂
190:04 [ai]	ܐܡܿܪܝܢ ܠܗ܂ ܗܕܐ ܒܝܪܬܐܼ܂ ܗܿܝ ܗܝ ܕܒܢܼܐ ܗܘܐ ܗܿܘ
190:05 [ai]	ܟܪܣܛܝܢܐ ܠܐܚܘܟ܂ ܗܿܝ ܕܝܢ ܐܡܼܪ ܠܗܘܢ܂ ܒܥܿܐ
190:06 [ai]	ܐܢܐܿ ܡܢܟܘܢ ܡܪ̈ܝܼ܂ ܐܪܦܐܿܘܢܢܝ ܐܙܿܠ ܠܘܬ ܐܚܝܼ܂
190:07 [ai]	ܘܐܙܒܼܢ ܡܢܗ ܒܝܪܬܐ ܗܕܐ܂ ܐܚܝ ܓܝܪ ܠܐ ܪܓܝܫ
190:08 [ai]	ܒܗܼܿ܂ ܘܡܿܙܒܢ ܠܗܿ ܠܝ ܀ 23܂1 ܗܿܝܕܝܢ ܡ̈ܠܐܟܐ ܠܢܦܫܗ ܕܓܕ
190:09 [ai]	ܐܪܦܝܘ܂ ܘܟܕ ܗܼܢܘܢ ܡܿ‍{‍ܐ‍}‍‍<‍ܠ‍>‍ܒܫܝܢ ܗܘܘ ܠܗܼ܂ ܢܦܫܗܼ ܥܠܼܬܼ
190:10 [ai]	ܒܗ܂ ܘܐܡܼܪ ܠܗܿܢܘܢ ܕܩܿܝܡܝܢ ܗܘܘ ܩܕܡܘܗܝ܂ ܕܩܪܘ
190:11 [ai]	ܠܝ ܠܐܚܝ ܕܐܿܒܥܐ ܡܢܗ ܒܥܘܬܐ ܚܕܐ ܀ ܀ ܗܿܝܕܝܢ
190:12 [ai]	ܣܒܿܪܘܗܝ ܠܡܿܠܟܐܼ܂ ܕܐܚܘܟ ܚܼܿܝܐ܂ ܘܡܿܠܟܐ ܫܘܪ ܩܡ
190:13 [ai]	ܡܢ ܕܘܟ‍{‍ܘ‍}‍ܬܗܼ܂ ܘܥܡ ܣܘܓܐܐ ܕܐܢܫ̈ܐ ܠܒܝܬܐ ܕܐܚܘܗܝ
190:14 [ai]	ܥܐܿܠ ܗܘܐ܂ ܘܟܕ ܥܼܠ ܗܘܐ ܩܕܡ ܥܪܣܗܼ܂ ܬܘܼܪ ܗܘܐ
190:15 [ai]	ܠܗ܂ ܘܠܐ ܡܫܟܚ ܗܘܐ ܠܡܡܠܠܘ ܥܡܗ ܀ 23܂2 ܐܡܿܪ ܠܗ
190:16 [ai]	ܐܚܘܗܝ܂ ܝܿܕܥ ܐܢܐ ܐܚܝܼ܂ ܕܐܠܘ ܒܥܼܐ ܠܟ ܐܢܫ
190:17 [ai]	ܦܠܓܗܿ ܕܡܿܠܟܘܬܟ܃ ܝܗܿܒ ܗܘܝܬ ܚܠܦܝ܂ ܗܫܐ ܕܝܢ ܒܥܿܐ
190:18 [ai]	ܐܢܐ ܡܢܟ܃ ܕܬܙܒܿܢ ܠܝ ܡܿܙܒܢܘ ܡܕܡ ܕܐܢܬ ܥܡܼܠܬ
190:19 [ai]	ܒܗ܂ ܐܡܿܪ ܠܗ ܡܿܠܟܐܼ܂ ܐܡܼܪ ܠܝ ܡܢܐ ܐܙܒܿܢ ܠܟ܂
190:20 [ai]	ܐܡܿܪ ܠܗ܂ ܝܡܝܼ ܠܝ܂ ܘܝܡܼܐ ܠܗ܂ ܕܡܢ ܟܠ ܕܐܝܬ ܠܗ
190:21 [ai]	ܕܢܒܥܼܝܘܗܝܼ܂ ܢܬܠ ܠܗ܂ ܐܡܿܪ ܠܗ ܙܒܿܢ ܠܝ ܒܝܪܬܐ ܗܿܝ
191:01 [ai]	ܕܐܝܬ ܠܟ ܒܫܡܝܐ܂ ܐܡܿܪ ܠܗ ܡܿܠܟܐ܂ ܠܝ ܒܝܪܬܐ
191:02 [ai]	ܒܫܡܝܐܼ ܡܿܢ ܝܗܼܒ ܠܝ܂ ܐܡܿܪ ܠܗ ܐܚܘܗܝ܂ ܗܿܝ ܕܒܢܼܐ
191:03 [ai]	ܠܟ ܗܿܘ ܟܪܣܛܝܢܐ܂ ܐܡܿܪ ܠܗ ܡܿܠܟܐ܂ 24܂1 ܗܿܝ ܠܐ
191:04 [ai]	ܡܫܟܚ ܐܢܐ ܕܐܙܒܿܢ ܠܟ܂ ܡܨܿܠܐ ܐܢܐ ܕܝܢ ܘܒܥܿܐ
191:05 [ai]	ܐܢܐ ܡܢ ܐܠܗܐܼ܂ ܕܐܿܥܘܠ ܠܗܿ ܘܐܩܒܠܗܼܿ܂ ܘܐܿܫܘܐ
191:06 [ai]	ܕܐܿܗܘܐ ܡܢ ܥܡܘܪ̈ܝܗܿ܂ ܘܐܢܬ ܐܢ ܫܪܝܪܐܝܬ ܨܿܒܐ
191:07 [ai]	ܐܢܬ ܕܬܙܒܼܢ ܠܟ ܒܝܪܬܐܼ܂ ܗܢܐ ܐܪܕܟܠܐ ܗܼܘ ܒܿܢܐ ܠܟ܂
191:08 [ai]	ܕܛܒܿܐ ܡܢ ܗܿܝ ܕܝܠܝ܂ 24܂2 ܘܫܕܪ ܐܦܩܗ ܠܝܗܘܕܐ ܘܠܗܿܘ
191:09 [ai]	ܬܓܪܐ ܕܚܒܝܫ ܗܘܐ ܥܡܗܼ ܘܐܡܼܪ ܠܗ܂ ܒܥܿܐ ܐܢܐ
191:10 [ai]	ܡܢܟܼ܂ ܐܝܟ ܓܒܪܐ ܕܒܥܿܐ ܡܢ ܡܫܡܫܢܐ ܕܐܠܗܐ܂
191:11 [ai]	ܕܬܨܿܠܐ ܥܠܝ܂ ܘܬܒܥܿܐ ܥܠܝ ܡܢ ܐܠܗܐ ܗܿܘ ܕܦܠܚܿ ܐܢܬ
191:12 [ai]	ܠܗܼ܂ ܕܗܼܘ ܢܫܒܘܩ ܠܝ ܡܐ ܕܠܟ ܥܿܒܕܬ܂ ܘܢܫܘܝܢܝ
191:13 [ai]	ܕܐܿܥܘܠ ܠܗܿܝ ܒܝܪܬܐ ܕܒܢܼܝܬ ܠܝ܂ ܘܐܿܗܘܐ ܦܠܚܼܐ ܠܐܠܗܐ
191:14 [ai]	ܗܢܐ ܕܡܟܪܙ ܐܢܬ܂ ܐܦ ܐܚܘܗܝ ܐܬܼܐ ܘܢܦܼܠ ܩܕܡ
191:15 [ai]	ܪ̈ܓܠܘܗܝ ܕܫܠܝܚܐܼ ܘܐܡܼܪ ܠܗ܂ ܒܥܿܐ ܐܢܐ ܡܢܟ܃
191:16 [ai]	ܐܬܚܼܢܢ ܐܦ ܐܢܐ ܩܕܡ ܐܠܗܟ܂ ܘܐܿܫܘܐ
191:17 [ai]	ܕܐܿܗܘܐ ܠܗ ܦܠܚܼܐ܂ ܘܬܘܒ ܐܩܿܒܠ ܡܕܡ ܕܗܼܘ ܒܝܕ
191:18 [ai]	ܡ̈ܠܐܟܐ ܚܘܝܢܝ܂ 25܂1 ܐܡܿܪ ܝܗܘܕܐ܂ ܡܿܘܕܐ ܐܢܐ ܠܟ
191:19 [ai]	ܡܪܢ ܝܫܘܥ ܡܫܝܚܐܼ܂ ܕܐܢܬ ܗܘ ܒܠܚܘܕܝܟ ܐܠܗܐ
191:20 [ai]	ܕܫܪܪܐ܂ ܘܠܝܬ ܐܚܪܝܢ܂ ܘܐܢܬ ܝܿܕܥ ܐܢܬܼ ܡܕܡ ܕܐܢܫ
192:01 [ai]	ܠܐ ܝܿܕܥ܂ ܐܢܬ ܕܗܘܼܘ ܪ̈ܚܡܼܝܟ ܥܠ ܒ̈ܢܝܢܫܐ ܕܐܢܬ
192:02 [ai]	ܨܼܒܝܬ ܘܥܼܒܕܬ ܐܢܘܢ܂ ܘܗܼܢܘܢ ܛܥܐܘܟ܂ ܘܐܢܬ ܠܐ
192:03 [ai]	ܐܪܫܠܬ ܐܢܘܢ܂ ܩܿܒܠ ܠܡܿܠܟܐ ܘܠܐܚܘܗܝܼ܂ ܘܚܠܘܛ
192:04 [ai]	ܐܢܘܢ ܒܕܝܪܟ܂ ܘܡܫܘܚ ܐܢܘܢ ܘܕܟܐ ܐܢܘܢ ܡܢ
192:05 [ai]	ܓܪܒܗܘܢ܂ ܘܢܿܛܪ ܐܢܘܢ ܡܢ ܕܐܒ̈ܐܼ܂ ܘܪܥܝܼ ܐܢܘܢ
192:06 [ai]	ܒܡܪ̈ܓܝܟ܃ ܘܐܫܩܐ ܐܢܘܢ ܡܢ ܡܥܝܢܟ ܕܠܐ ܡܬܕܠܚܐ܂
192:07 [ai]	ܘܠܐ ܓܝܙܐ ܡܪܕܝܬܗܿ܂ 25܂2 ܗܐ ܓܝܪ ܒܥܿܝܢ ܡܢܟ܂ ܘܡܬܟܫܦܝܢ܃
192:08 [ai]	ܘܨܿܒܝܢ ܕܢܗܘܼܘܢ ܠܟ ܦ̈ܠܚܼܐ܂ ܘܢܬܪܕܦܘܢ ܡܢ ܒܥܠܕܒܒܟ܃
192:09 [ai]	ܘܕܢܗܘܼܘܢ ܣ̈ܢܝܐܐ ܡܛܠܬܟ܂ ܬܗܼܘܐ ܠܗܘܢ ܗܟܝܠ
192:10 [ai]	ܦܪܪܣܝܐ ܒܟ܃ ܘܢܫܬܪܪܘܢ ܒܪ̈ܐܙܝܟ ܫ̈ܒܝܚܐܼ܂ ܘܢܩܒܠܘܢ
192:11 [ai]	ܡܢ ܕܫ̈ܢܐ ܕܡ̈ܘܗܒܬܟ܂ 26܂1 ܘܿܪܘܙܝܢ ܗܘܘ ܒܬܫ̈ܒܚܬܐ
192:12 [ai]	ܩ̈ܕܝܫܬܐ ܘܢܩܝܦܝܢ ܗܘܘ ܠܗ ܠܫܠܝܚܐܼ܂ ܘܠܐ ܦܪܩܝܢ
192:13 [ai]	ܗܘܘ ܡܢ ܠܘܬܗ܂ ܘܟܠ ܕܣܢܝܩ ܗܘܐ ܢܣܿܒ ܗܘܐܼ
192:14 [ai]	ܘܡܬܬܢܝܚ܂ 26܂2 ܘܒܥܘ ܡܢܗ ܕܢܩܿܒܠܘܢ ܪܘܫܡܐܼ ܘܐܡܿܪܝܢ
192:15 [ai]	ܠܗ܂ ܕܥܕ ܦܼܢ̈ܝܢ ܢܦܫ̈ܬܢ ܠܘܬ ܐܠܗܐ ܢܩܿܒܠ ܪܘܫܡܐ܂
192:16 [ai]	ܫܡܼܥܢ ܓܝܪ ܕܐܠܗܐ ܗܿܘ ܕܡܿܟܪܙ ܐܢܬܼ܂ ܒܪܘܫܡܐ
192:17 [ai]	ܡܬܝܕܥܝܢ ܠܗ ܟܠܗܘܢ ܥܼܪ̈ܒܘܗܝ܂ ܐܡܿܪ ܠܗܘܢ
192:18 [ai]	ܝܗܘܕܐ܂ ܕܐܦ ܐܢܐ ܚܿܕܐ ܐܢܐ ܘܒܥܿܐ ܐܢܐ ܡܢܟܘܢ܂
192:19 [ai]	ܕܬܫܬܘܬܦܘܢ ܒܐܘܟܪܣܛܝܐ܃ ܘܐܦ ܒܒܘܪܟܬܗ ܕܡܫܝܚܐ
192:20 [ai]	ܗܢܐ ܕܡܟܪܙ ܐܢܐ ܀ ܀ 26܂3 ܘܦܩܼܕ ܗܘܐ ܡܿܠܟܐ ܕܬܬܟܠܐ ܒܠܢܐ
192:21 [ai]	ܝܘ̈ܡܬܐ ܫܒܥܐ܂ ܘܐܢܫ ܠܐ ܢܣܚܐ ܒܗܿ܂ ܘܟܕ ܫܠܼܡܘ
193:01 [ai]	ܫܒܥܐ ܝܘ̈ܡܝܢ܃ ܒܝܘܡܐ ܕܬܡܢܝܐܼ܂ ܥܠܘ ܬܠܬܝܗܘܢ
193:02 [ai]	ܠܒܠܢܐ ܒܠܠܝܐ ܕܢܥܡܼܕ ܐܢܘܢ ܝܗܘܕܐ܂ ܘܫܪ̈ܓܐ
193:03 [ai]	ܣ̈ܓܝܐܐܼ ܢܗܝܪ̈ܝܢ ܗܘܘ ܒܒܢܐ܂ 27܂1 ܘܟܕ ܥܠܼܘ ܠܒܝܬ ܘ̈ܙܢܐܼ܂
193:04 [ai]	ܥܐܼܠ ܗܘܐ ܩܕܡܝܗܘܢ ܝܗܘܕܐ܂ ܘܐܬܚܙܝ ܠܗܘܢ
193:05 [ai]	ܡܪܢܼ ܘܐܡܼܪ ܠܗܘܢ܂ ܫܠܡܐ ܥܡܟܘܢ ܐ̈ܚܝ܂܂ ܗܼܢܘܢ
193:06 [ai]	ܕܝܢ ܩܠܐ ܫܡܼܥܘ ܒܠܚܘܕ܂ ܚܙܘܐ ܕܝܢ ܠܐ ܚܼܙܘ ܗܘܘ
193:07 [ai]	ܕܡܿܢܼܘ܂ ܠܐ ܓܝܪ ܥܕܡܐ ܠܗܫܐ ܥܼܡܕܘ ܗܘܘ܂ ܘܣܼܠܩ
193:08 [ai]	ܗܘܐ ܩܡ ܠܗ ܝܗܘܕܐ ܥܠ ܣܦܬܗ ܕܘܙܢܐܼ܂ ܘܐܪܡܝ ܡܫܚܐ
193:09 [ai]	ܒܪ̈ܝܫܝܗܘܢ ܘܐܡܼܪ܂ 27܂2 ܬܐ ܫܡܐ ܩܕܝܫܐ ܕܡܫܝܚܐ܂ ܬܐ
193:10 [ai]	ܚܝܠܐ ܕܚܢܢܼܐ ܕܡܢ ܪܘܡܐ܂ ܬܘ ܪ̈ܚܡܼܐ ܡ̈ܫܠܡܢܐ܂ ܬܝ
193:11 [ai]	ܡܿܘܗܒܬܐ ܡܪܝܡܬܐ܂ ܬܝ ܫܘܬܦܘܬܐ ܕܒܘܪܟܬܐ܂ ܬܝ
193:12 [ai]	ܓܠܝܬ ܪ̈ܐܙܐ ܟ̈ܣܝܐ܂܂ ܬܝ ܐܡܐ ܕܫܒܥܐ ܒܬܝ̈ܢܿ܂
193:13 [ai]	ܕܒܒܝܬܐ ܕܬܡܢܝܐ ܗܘܼܐ ܢܝܚܟܝ܂ ܬܝ ܐܝܙܓܕܐ
193:14 [ai]	ܕܬܪܥܘܬܐܼ܂ ܘܐܫܬܘܬܦ ܥܡ ܬܪ̈ܥܝܬܗܘܢ ܕܗܠܝܢ
193:15 [ai]	ܥܠܝ̈ܡܐ܂ ܬܝ ܪܘܚܐ ܕܩܘܕܫܐܼ܂ ܘܕܟܝ ܟܘ̈ܠܝܬܗܘܢ
193:16 [ai]	ܘܠܒ̈ܘܬܗܘܢ܂ 27܂3 ܘܐܥܡܕ ܐܢܘܢ ܒܫܡ ܐܒܐ ܘܒܪܐ
193:17 [ai]	ܘܪܘܚܐ ܕܩܘܕܫܐ ܀ ܘܟܕ ܣܠܼܩܘ ܡܢ ܡ̈ܝܐܼ܂ ܐܬܚܙܝ
193:18 [ai]	ܠܗܘܢ ܥܠܝܡܐܼ܂ ܘܐܚܝܕ ܗܘܐ ܩܪܝܘܢܐ ܟܕ
193:19 [ai]	ܢܗܝܪ܂ ܘܦܟܼܗ ܗܘܐ ܠܗ ܢܘܗܪܗܘܢ ܕܗܿܢܘܢ ܫܪ̈ܓܐ
193:20 [ai]	ܒܢܘܗܪܗ܂ ܘܟܕ ܢܦܩܼܘ ܠܒܪ܂ ܐܬܟܣܝ ܠܗ ܡܢܗܘܢ܂
193:21 [ai]	ܘܐܡܼܪ ܫܠܝܚܐ܂ ܐܦܠܐ ܡܫܟܚܝܢ ܗܘܝܢ ܕܢܣܿܝܒܪ ܢܘܗܪܟ܂
194:01 [ai]	ܡܛܠ ܕܡܝܬܪ ܗܘ ܡܢ ܚܙܬܢ ܀ ܘܟܕ ܢܓܗܼܬ ܘܗܘܼܐ ܨܿܦܪܐ܂
194:02 [ai]	ܩܨܼܐ ܐܘܟܪܣܛܝܐܼ܂ ܘܫܘܬܦ ܐܢܘܢ ܒܦܬܘܪܗ ܕܡܫܝܚܐ܂
194:03 [ai]	ܘܡܬܒܣܡܝܢ ܗܘܘ ܘܿܪܘܙܝܢ܂ ܘܟܕ ܣ̈ܓܝܐܐ ܡܬܬܘܣܦܝܢ
194:04 [ai]	ܗܘܘ ܘܐܬܼܝܢ ܗܘܘ ܠܒܝܬܓܘܣܗ ܕܡܫܝܚܐܼ܂ 28܂1 ܘܝܗܘܕܐ ܠܐ
194:05 [ai]	ܫܿܠܐ ܗܘܐ ܠܡܟܪܙܘ ܘܠܡܐܡܪ ܠܗܘܢ܂ ܓܒܪ̈ܐ ܘܢ̈ܫܐ
194:06 [ai]	ܘܛ̈ܠܝܐ܃ ܥ̈ܠܝܡܐ ܘܒܬܘ̈ܠܬܐܼ܂ ܐܬܪܚܩܘ ܡܢ ܙܢܝܘܬܐ
194:07 [ai]	ܘܡܢ ܝܥܢܘܬܐ܂ ܘܡܢ ܦܘܠܚܢܐ ܕܫ̈ܐܕܐ܂ ܒܗܠܝܢ ܓܝܪ
194:08 [ai]	ܬܠܬܐ ܪ̈ܝܫܝܢ ܗܘܿܐ ܟܠܗ ܪܘܫܥܐ܂ ܙܢܝܘܬܐ ܓܝܪ ܡܥܘܪܐ
194:09 [ai]	ܡ̈ܕܥܐ܂ ܘܡܚܫܟܐ ܥ̈ܝܢܐ ܕܢܦܫܐ܂ ܡܕܘܕܐ ܗ̈ܠܟܬܗ
194:10 [ai]	ܕܦܓܪܐ܂ ܘܡܫܚܠܦܐ ܓܘܢܗ܂ ܘܥܿܒܕܐ ܠܗ ܟܪܝܗܐ܂
194:11 [ai]	ܝܥܢܘܬܐ ܕܝܢ ܒܙܘܥܐ ܡܩܝܡܐ ܠܗܿ ܠܢܦܫܐ ܒܓܘ ܦܓܪܐ܂
194:12 [ai]	ܟܕ ܫܩܠܐ ܡܕܡ ܕܠܐ ܕܝܠܗܼܿ܂ ܘܩܢܝܛܐ ܕܠܡܐ ܟܕ ܬܼܦܢܐ
194:13 [ai]	ܥܿܒܕܐ ܠܡܪ̈ܘܗܝ ܬܒܗܬ܂ ܦܘܠܚܢܐ ܕܝܢ ܕܟܪܣܐܼ܂ ܒܨܦܬܐ
194:14 [ai]	ܘܒܥܩܬܐ ܡܿܥܡܪ ܠܗܿ ܠܢܦܫܐ܂ ܟܕ ܩܢܝܛܐ ܕܕܠܡܐ ܢܼܚܣܪ
194:15 [ai]	ܠܗܿ܂ ܘܥܠ ܕܪܚܝܩܝܢ ܡܢܗܿ ܬܫܬܘܫܛ܂ 28܂2 ܡܐ ܕܐܬܦܪܩܬܘܢ
194:16 [ai]	ܓܝܪ ܡܢ ܗܠܝܢ܂ ܗܿܘܝܬܘܢ ܕܠܐ ܨܦܬܐ ܘܕܠܐ ܥܩܬܐ܂
194:17 [ai]	ܘܫܪܟܐ ܨܐܝܕܝܟܘܢ ܗܿܝ ܕܠܐ ܬܨܦܘܢ ܕܡܚܪ܂ ܡܛܠ
194:18 [ai]	ܕܗܼܘ ܡܚܪ ܕܝܠܗ ܝܨܿܦ܂ ܘܐܬܕܟܪܘ ܗܿܝ ܐܚܪܬܐ ܕܟܬܝܒܐ
194:19 [ai]	ܠܟܘܢ܂ ܕܚܘܪܘ ܒ̈ܢܥܒܐ ܘܐܬܒܿܩܘ ܒܥܘܦܐ ܕܫܡܝܐ܃
194:20 [ai]	ܕܠܐ ܙܪܥܿܝܢ ܘܠܐ ܚܨܕܝܢ܃ ܘܐܠܗܐ ܡܬܪܣܐ ܠܗܘܢ܂
194:21 [ai]	ܟܡܐ ܗܟܝܠ ܥܠܝܟܘܢ ܢܬܒܼܛܠ ܠܗ ܚܣܝܪ̈ܝ ܗܝܡܢܘܬܐ܂
194:22 [ai]	28܂3 ܐܠܐ ܩܘܘ ܠܡܐܬܝܬܗ ܕܝܫܘܥ܂ ܘܣܿܒܪܘ ܒܗ ܘܗܝܡܢܘ
195:01 [ai]	ܒܫܡܗ܂ ܡܛܠ ܕܗܘܼܝܘ ܕܝܿܢܐ ܕܡ̈ܝܼܬܐ ܘܕܚ̈ܝܐ܂ ܘܗܘܼܝܘ
195:02 [ai]	ܦܪܥ ܠܟܠܢܫ ܐܝܟ ܥ̈ܒܕܘܗܝ ܒܡܐܬܝܬܗ ܐܚܪܝܬܐ܂ ܠܝܬ
195:03 [ai]	ܓܝܪ ܡܦܩ ܒܪܘܚܐ ܕܢܐܡܪ ܐܢܫ ܕܠܐ ܝܿܕܥܝܢ ܗܘܝܢ܂
195:04 [ai]	ܟܪ̈ܘܙܘܗܝ ܒܐܪ̈ܒܥ ܦܢ̈ܝܬܗ ܕܥܠܡܐ ܡܟܪܙܝܢ܃ ܕܬܘܒܘ
195:05 [ai]	ܘܗܝܡܢܘ ܒܣܒܿܪܬܐ ܚܿܕܬܐܼ܂ ܘܩܒܠܘ ܢܝܪܐ ܒܣܝܡܐ
195:06 [ai]	ܘܡܘܒܠܐ ܩܠܝܠܬܐ܂ ܘܚܝܿܘ ܘܠܐ ܬܡܘܬܘܢ܂ ܩܢܼܘ ܘܠܐ
195:07 [ai]	ܬܐܒܕܘܢ܂ ܦܘܩܘ ܡܢ ܚܫܘܟܐܼ ܘܡܩܒܠ ܠܟܘܢ ܢܗܝܪܐ܂
195:08 [ai]	ܬܘ ܠܘܬ ܛܿܒܐܼ ܘܣܒܘ ܠܟܘܢ ܛܝܒܘܬܐ܂ ܘܩܒܘܥܘ ܢܝܫܗ
195:09 [ai]	ܒܢܦܫ̈ܬܟܘܢ܂ 29܂1 ܘܟܕ ܗܠܝܢ ܐܡܼܪ ܗܘܐ ܫܠܝܚܐ܂ ܐܡܿܪܝܢ ܠܗ
195:10 [ai]	ܐܢܫܐ ܡܢܗܘܢ ܥܕܢܐ ܗܘ ܕܐܦ ܚܝܿܒܐ ܢܬܦܪܥ܂
195:11 [ai]	ܐܡܿܪ ܠܗܘܢ ܡܪܐ ܚܘܒܐ ܒܟܠܙܒܢ ܝܬܝܪ ܒܥܿܐ܂ ܐܠܐ
195:12 [ai]	ܟܡܐ ܕܘܿܠܐ ܢܬܠ ܠܗ܂ ܘܒܪܟ ܗܘܐ ܥܠ ܠܚܡܐ ܘܙܝ̈ܬܐܼ܂
195:13 [ai]	ܘܝܗܼܒ ܠܗܘܢ܂ ܘܗܼܘ ܠܥܼܣ܂ ܡܛܠ ܕܚܕܒܫܒܐ ܢܿܓܗ
195:14 [ai]	ܗܘܐ܂ 29܂2 ܘܟܕ ܕܡܝܟ ܫܠܝܚܐ ܒܠܠܝܐܼ܂ ܐܬܼܐ ܡܪܢ ܘܩܡ
195:15 [ai]	ܠܥܠ ܡܢܗܼ ܘܐܡܼܪ ܠܗ܂ ܬܐܘܡܐ܂ ܩܘܡ ܦܘܩ
195:16 [ai]	ܒܫܦܪܐ ܒܬܪ ܬܫܡܫܬܐܼ܂ ܘܙܠ ܒܐܘܪܚܐ ܡܕܢܚܝܬܐ
195:17 [ai]	ܐܝܟ ܡ̈ܝܠܐ ܬܪ̈ܝܢ܃ ܘܐܿܚܘܐ ܒܟ ܫܘܒܚܐ ܕܝܠܝ܂ ܡܛܘܠ
195:18 [ai]	ܗܢܐ ܓܝܪ ܕܢܿܦܼܩ ܐܢܬ ܥܠܘܗܝ܂ ܣ̈ܓܝܐܐ ܢܐܬܼܘܢ ܠܒܝܬ
195:19 [ai]	ܓܘܣܝ ܘܢܚܘܢ܂ ܘܚܝܠܐ ܘܟܝܢܐ ܕܒܥܠܕܒܒܐܼ ܬܼܟܼܣ܂ ܘܟܕ
195:20 [ai]	ܐܬܬܥܝܪ ܡܢ ܫܢܼܬܗܼ ܐܡܼܪ ܠܐܚ̈ܐ ܕܠܘܬܗ܂ ܒ̈ܢܝܼ܂ ܡܪܢܼ
195:21 [ai]	ܡܕܡ ܕܨܿܒܐܼ ܢܣܼܥܘܪ ܝܘܡܢܐ܂ ܐܠܐ ܢܨܿܠܐ ܘܢܒܥܿܐ
195:22 [ai]	ܡܢܗܼ܂ ܕܡܕܡ ܥܘܟܪܼܐ ܠܐ ܢܗܘܼܐ ܠܢ ܠܘܬܗ܂ ܐܠܐ
196:01 [ai]	ܐܝܟܢܐ ܕܒܟܠܙܒܢ ܕܨܿܒܐ ܢܚܿܘܐ ܒܢ ܫܘܒܚܗ ܐܦ ܗܫܐܼ
196:02 [ai]	ܢܫܼܠܡ ܨܒܝܢܗ܂ 29܂3 ܘܟܕ ܐܡܼܪ ܗܟܢܐܼ܂ ܣܡ ܐܝܼܕܗ ܥܠܝܗܘܢܼ܂
196:03 [ai]	ܘܩܼܨܐ ܐܘܟܪܣܛܝܐ ܘܝܗܼܒ ܠܟܠܗܘܢܼ ܘܐܡܼܪ ܠܗܘܢܼ܂
196:04 [ai]	ܬܗܘܐ ܠܟܘܢ ܗܕܐ ܐܘܟܪܣܛܝܐܼ܂ ܠܚܢܼܢܐ ܘܠܪ̈ܚܼܡܐܼ܂
196:05 [ai]	ܘܠܐ ܠܕܝܢܼܐ ܘܬܒܥܬܐ ܘܗܼܢܘܢ ܐܡܼܪܘ ܐܡܝܢ܂
196:06 [ai]	ܫܼܠܡܬܿ ܦܪܟܣܝܣ܂ ܕܬܪ̈ܬܝܢ܂
196:07 [ai]	ܬܘܒ ܦܪܟܣܝܣ ܕܬܠܬ܂ ܕܝܗܘܕܐ
196:08 [ai]	ܕܥܠ ܚܘܝܐ ܐܘܟܡܐ܂
196:09 [ai]	30܂1 ܘܢܦܼܩ ܗܘܐ ܫܠܝܚܐ ܠܡܐܙܠ ܠܐܝܟܐ ܕܐܡܼܪ ܠܗ ܡܪܢ܂
196:10 [ai]	ܘܟܕ ܡܼܿܛܝ ܡ̈ܝܠܐ ܬܪ̈ܝܢ ܐܣܛܝ ܡܢ ܐܘܪܚܐ ܩܠܝܼܠ܂ ܘܚܼܙܐ
196:11 [ai]	ܫܠܕܐܼ ܚܕܐ ܟܕ ܫܕܝܐ ܕܥܠܝܡܐ ܫܦܝܪܐ ܘܐܡܼܪ܂ ܡܛܠ
196:12 [ai]	ܗܢܐ ܟܝ ܢܣܝܘܢܐ ܐܦܩܬܢܝ ܠܗܪܟܐ ܡܪܢܼ܂ ܢܗܼܘܐ
196:13 [ai]	ܐܝܟܢܐ ܕܨܿܒܐ ܐܢܬ܂ 30܂2 ܘܫܼܿܪܝ ܗܘܐ ܡܨܿܠܐ ܘܐܡܿܪ܂
196:14 [ai]	ܡܪܢ ܡܪܐ ܕܡ̈ܝܼܬܐ ܘܕܚ̈ܝܐܼ܂ ܚ̈ܝܐ ܕܗܐ ܩܝܡܝܢ
196:15 [ai]	ܘܡ̈ܝܼܬܐ ܕܗܐ ܪ̈ܡܝܢܼ܃ ܡܪܝܐ ܡܪܐ ܕܢܦܫ̈ܬܐ܃ ܐܝܠܝܢ
196:16 [ai]	ܕܒܦܓܪ̈ܐ ܩ̈ܝܡܢ܃ ܘܐܒܐ ܕܟܠܗܝܢ ܢܦܫ̈ܬܐ܃ ܐܝܠܝܢ ܕܡܢ
196:17 [ai]	ܦܓܪܐ ܢܦܼܩ܃ ܬܐ ܡܪܝ ܒܗܕܐ ܫܥܬܐ܂ ܡܛܠ ܥܦܪܐ
196:18 [ai]	ܕܓܒ̈ܠܝ ܐܝܼ̈ܕܝܟ ܩ̈ܕܝܫܬܐ܂ ܘܚܘܪ ܡܢ ܫܡܝܐ ܕܩܿܪܐ ܐܢܐ
197:01 [ai]	ܠܟ܃ ܘܚܿܘܐ ܫܘܒܚܟ ܒܗܢܐ ܕܐܪܡܼܐ ܗܪܟܐ܂ 30܂3 ܘܐܡܼܪ
197:02 [ai]	ܗܘܐ ܬܘܒ܂ ܕܗܢܐ ܥܿܒܕܐ ܠܐ ܗܼܘܐ ܕܠܐ ܡܠܒܛܢܘܬܗ
197:03 [ai]	ܕܒܥܠܕܒܒܐ ܗܿܘ ܕܣܥܿܪ ܗܠܝܢ܂ ܠܐ ܕܝܢ ܡܡܪܚ ܗܘܐ
197:04 [ai]	ܒܥܠܕܒܒܐ ܗܿܘ ܕܣܥܿܪ ܗܠܝܢ ܒܡܿܢ ܕܢܘܟܪܝ ܠܗ܃ ܐܠܐ
197:05 [ai]	ܐܢ ܐܬܪܡܝ ܠܨܒܝܢܗ ܀ ܀ 31܂1 ܘܟܕ ܐܡܼܪ ܗܘܐ ܗܠܝܢ̈
197:06 [ai]	ܚܘܝܐ ܚܕ ܐܘܟܡܐ ܡܢ ܢܩܥܐ ܚܕ ܢܦܼܩ ܗܘܐ܂ ܘܪܝܫܗ
197:07 [ai]	ܡܿܛܪܐܼ ܗܘܐ܂ ܘܕܘܢܒܬܗܼ ܡܿܛܪܦ ܗܘܐ ܠܐܪܥܐ܂ ܘܒܩܠܐ
197:08 [ai]	ܪܡܐ ܐܡܼܪ ܠܫܠܝܚܐ܂ ܐܡܿܪ ܐܢܐ ܩܕܡܝܟ ܥܠ ܡܢܐ
197:09 [ai]	ܩܛܠܬܗ ܠܗܢܐ ܥܠܝܡܐ܂ ܐܢܬܬܐ ܚܕܐ ܫܦܝܪܬ ܚܙܘܐ
197:10 [ai]	ܐܝܬ ܒܩܪܝܬܐ ܗܕܐ ܕܠܩܘܒܠܟ܂ ܘܟܕ ܥܿܒܪܐ ܥܠܝܿ
197:11 [ai]	ܚܙܝܬܗܼܿ ܘܪܚܡܬܗܿ܂ ܘܐܿܙܠܬ ܒܬܪܗܿ܃ ܘܚܙܝܬܗ ܠܗܢܐ
197:12 [ai]	ܥܠܝܡܐ ܟܕ ܡܿܢܫܩ ܠܗܿ܂ ܘܐܦ ܡܕܡܟ ܕܡܼܟ ܥܡܗܿ܂
197:13 [ai]	ܘܨ̈ܒܘܬܐ ܐܚܪ̈ܢܝܬܐ ܣܼܥܪ ܥܡܗܿ ܐܝܠܝܢ ܕܠܐ ܫܦܝܪ̈ܢ܂
197:14 [ai]	31܂2 ܠܝ ܕܝܢ ܕܠܝ̈ܠܢ܂ ܠܟ ܕܝܢ ܠܐ ܡܿܡܪܚ ܐܢܐ ܕܐܡܿܪ
197:15 [ai]	ܐܢ̈ܝܢ܂ ܡܛܠ ܕܝܿܕܥ ܐܢܐ ܕܬܗܘܡܗ ܕܡܫܝܚܐ ܡܣܝܦ
197:16 [ai]	ܟܝܢܢ܂ ܘܡܛܠ ܕܠܐ ܐܙܝܥܗܿ܃ ܠܐ ܩܛܠܬܗ ܒܗܿܘ ܥܕܢܐ܂
197:17 [ai]	ܐܠܐ ܢܛܪܬܗ܂ ܘܒܪܡܫܐ ܟܕ ܥܒܼܪ ܥܠܝܼ܂ ܡܚܝܬܗ
197:18 [ai]	ܘܩܛܠܬܗ܂ ܘܝܬܝܪܐܝܬ ܕܐܡܼܪܚ ܗܘܐ ܕܗܕܐ ܨܒܘܬܐ
198:01 [ai]	ܒܚܕܒܫܒܐ ܠܡܣܥܪ ܀ ܀ ܐܡܿܪ ܠܗ ܝܗܘܕܐ ܡܢ ܐܝܢܐ
198:02 [ai]	ܐܢܬ ܙܪܥܐ܂ 32܂1 ܐܡܿܪ ܠܗ ܗܿܘ ܚܘܝܐ܂ ܪܚܘܫܐ ܐܢܐ ܒܪ
198:03 [ai]	ܪܚܘܫܐܼ܂ ܘܡܟܝܢܐ ܒܪ ܡܟܝܢܐ܂ ܒܪܗ ܐܢܐ ܕܗܿܘ
198:04 [ai]	ܕܫܘܠܛܢܐ ܥܠ ܒܪ̈ܝܬܐ ܐܬܝܗܒ ܠܗ܂ ܘܕܠܚܿ ܐܢ̈ܝܢ܂܂
198:05 [ai]	ܒܪܗ ܐܢܐ ܕܗܿܘ ܕܡܬܕܡܐ ܐܝܟ ܐܠܗܐ ܠܐܝܠܝܢ
198:06 [ai]	ܕܡܫܬܼܡܥܝܢ ܠܗ ܕܢܥܒܼܕܘܢ ܨܒܝܢܗ܂܂ ܒܪܗ ܐܢܐ
198:07 [ai]	ܕܗܿܘ ܕܥܠ ܟܘܠ ܕܐܬܒܼܪܝ ܠܬܚܼܬ ܡܢ ܫܡܝܐ ܫܠܝܛ܂
198:08 [ai]	ܒܪܗ ܐܢܐ ܕܗܿܘ ܕܠܒܼܪ ܡܢ ܐܘܩܝܢܘܣ ܐܝܬܘܗܝ ܘܦܘܡܗ
198:09 [ai]	ܚܬܼܝܡ܂ 32܂2 ܒܪ ܛܘܗܡܗ ܐܢܐ ܕܗܿܘ ܕܥܡ ܚܘܐ ܡܿܠܠ܂
198:10 [ai]	ܘܒܗܿ ܐܥܒܼܪܬܗ ܠܐܕܡ ܥܠ ܦܘܩܕܢܐ ܕܐܠܗܐ܂ ܘܐܢܐ
198:11 [ai]	ܐܢܐ ܗܿܘ ܕܠܩܐܝܢ ܠܒܿܛܬ ܕܠܐܚܘܗܝ ܢܩܼܛܘܠ܂ ܘܡܛܠܬܝ
198:12 [ai]	ܕܠܗܕܐ ܗܘ ܐܬܒܼܿܪܝܬ ܐܬܬܠܝܼܛܬ ܐܪܥܐ ܘܟܘ̈ܒܐ ܝܥܼܘ
198:13 [ai]	ܒܗܿ ܀ ܐܢܐ ܐܢܐ ܗܿܘ ܕܐܡܿܪܚܬ ܗܘܝܬ ܘܠܙܕܝ̈ܩܐ ܡܢ
198:14 [ai]	ܪܘܡܗܘܢ ܐܪܡܿܝܬ ܐܢܘܢ܂ ܘܒܪܓܬܐ ܕܢ̈ܫܐ ܐܣܿܪܚܬ
198:15 [ai]	ܐܢܘܢ܂ ܘܒ̈ܢܝܐ ܪܘܪ̈ܒܝ ܦܓܪܐ ܐܿܘܠܕܬ܂ ܘܐܢܐ ܥܿܒܕܬ
198:16 [ai]	ܒܗܘܢ ܨܒܝܢܝ܂ ܘܐܢܐ ܐܢܐ ܗܿܘ ܕܠܒܗ ܕܦܪܥܘܢ
198:17 [ai]	ܩܿܫܝܬ ܕܠܒ̈ܢܝ ܐܝܣܪܐܝܠ ܢܩܼܛܘܠ܂܂ ܘܒܥܒܼܕܘܬܐ ܩܫܝܬܐ
198:18 [ai]	ܢܟܒܘܫ ܐܢܘܢ܂ ܐܢܐ ܐܢܐ ܗܼܿܘ ܕܠܥܡܐ ܒܡܕܒܪܐ
198:19 [ai]	ܐܛܥܿܝܬ ܐܢܘܢ܂ ܟܕ ܫܥܿܒܕܬ ܐܢܘܢ ܕܢܥܼܒܕܘܢ ܠܗܘܢ
198:20 [ai]	ܥܓܠܐ܂ 32܂3 ܐܢܐ ܐܢܐ ܗܿܘ ܕܠܩܝܦܐ ܘܠܗܪܘܕܝܣ ܠܒܿܛܬ
198:21 [ai]	ܒܡܐܼܟܠ ܩܪܨܐ ܥܠ ܕܝܿܢܐ ܬܪܝܨܐ܂ ܐܢܐ ܐܢܐ ܗܿܘ
199:01 [ai]	ܕܠܝܗܘܕܐ ܐܥܿܒܕܬ܂ ܕܫܘܚܕ‍<‍ܐ‍>‍ ܢܣܒ܃ ܟܕ ܐܫܬܼܥܒܕ
199:02 [ai]	ܠܝ ܕܠܡܫܝܚܐ ܠܡܿܘܬܐ ܢܿܫܼܠܡ܂ ܐܢܐ ܐܢܐ ܗܿܘ ܕܫܘܠܛܢܐ
199:03 [ai]	ܐܬܝܗܼܒ ܠܗ ܕܥܠܡܐ ܗܢܐ܃ ܘܒܪ ܡܪܝܡ ܕܒܪܢܝ
199:04 [ai]	ܒܩܛܝܪܐ܃ ܘܕܒܼܪ ܕܝܠܗ ܡܢ ܠܘܬܝ܂܂ ܐܢܐ ܒܪ ܛܘܗܡܗ
199:05 [ai]	ܐܢܼܐ ܕܗܿܘ ܕ‍<‍ܡܢ ‍>‍ܡܕܢܚܐ ܐܬܼܐ ܕܫܘܠܛܢܐ ܝܗܝܼܒ ܠܗ܂
199:06 [ai]	33܂1 ܘܟܕ ܗܠܝܢ ܐܡܪ ܚܘܝܐ ܗܿܘ܃ ܡܛܠ ܕܝܗܘܕܐ ܒܥܼܐ
199:07 [ai]	ܡܢ ܡܪܢ ܕܬܬܝܗܒ ܠܗ ܡܠܬܐ܃ ܕܢܬܐܠܨܼ ܥܠ ܟܝܢܗ
199:08 [ai]	ܕܢܐܡܪ ܀ ܀ ܀ ܘܟܕ ܫܼܿܠܡܼ܂ ܟܢܫܐ ܗܿܘ ܫܡܿܥ ܗܘܐ ܟܠܗܝܢ܂
199:09 [ai]	ܘܕܚܠܬܐ ܥܡ ܗܝܡܢܘܬܐ ܫܼܪܬ ܒܟܠܗܘܢ ܗܿܢܘܢ ܕܬܡܢܿ܂
199:10 [ai]	ܟܕ ܚܼܙܘ ܘܫܡܼܥܘ ܬܕܡܪ̈ܬܐ ܗܠܝܢ܂ ܘܩܥܝܢ ܗܘܘ ܒܚܕ
199:11 [ai]	ܩܠܐ ܫܘܝܐܝܬܼ܂ ܕܚܕ ܗܘ ܐܠܗܗ ܕܓܒܪܐ ܗܢܐܼ܂ ܕܚܼܿܘܝ
199:12 [ai]	ܠܢ ܥܠ ܐܠܗܗ܃ ܘܒܡܠܬܗ ܦܩܼܕ ܠܗܕܐ ܚܝܘܬܐ ܕܚܝܠܬܐ܃
199:13 [ai]	ܘܗܼܝ ܓܠܬ ܥܠ ܟܝܢܗܿ܂ ܘܒܥܿܝܢ ܗܘܘ ܡܢܗ ܕܐܝܟܢܐ ܕܗܼܘ
199:14 [ai]	ܦܩܼܕ ܠܗ ܒܡܠܬܗ ܕܐܝܟ ܒܪܢܫܐ ܢܡܠܠܼ܂ ܕܐܦ ܒܡܠܬܗ
199:15 [ai]	ܢܩܛܠܝܘܗܝ ܀ 33܂2 ܗܿܝܕܝܢ ܝܗܘܕܐ ܪܡܼܙ ܠܗܘܢ ܒܐܝܼܕܗ܂ ܘܐܪܝܡ
199:16 [ai]	ܩܠܗ ܘܐܡܼܪ܂ ܡܡܿܪܚ ܐܢܬ ܟܕ ܡܦܪܣܝ ܟܝܢܟ ܘܩܛܝܠ
199:17 [ai]	ܐܢܬ܂ ܓܘܡܕܟ ܕܝܢ ܕܡܼܛܐ܂ ܠܐ ܗܘܐ
199:18 [ai]	ܕܬܐܡܪ ܐܝܠܝܢ ܕܣܥܼܝܪ̈ܢ ܠܟ ܒܐܝܠܝܢ ܕܐܫܬܼܡܥܘ ܠܟ܃
199:19 [ai]	ܘܠܐ ܕܚܠܼܬ ܕܣܘܦܟ ܡܼܛܐ ܠܗ܂ ܐܠܐ ܠܟ ܐܡܿܪ ܐܢܐ