The Comprehensive Aramaic Lexicon

210:01 [ai]	ܘܬܬܘܣܦ ܠܝ ܗܿܝ ܡܿܢܬܐ ܐܚܪܬܐܿ܂ ܐܿܝܕܐ ܕܝܘܡܢܐ ܡܛܠ
210:02 [ai]	ܕܠܟ ܐܿܫܡܫ ܩܢܝܬܗܿ܂ ܘܡܐ ܕܠܟ ܫܿܡܫܬ ܡܫܬܩܠܐ
210:03 [ai]	ܠܗܿ ܡܢܝ ܀ 40܂3 ܐܡܿܪ ܠܗ ܬܐܘܡܐ܂ ܡܗܝܡܢ ܗܘ ܐܠܗܐ
210:04 [ai]	ܕܝܗܼܒ ܠܟ ܗܫܐ ܗܕܐ ܡܿܘܗܒܬܐܼ܂ ܕܐܦ ܒܐܚܪܬܐ
210:05 [ai]	ܬܫܬܼܡܠܐ ܥܡܟ ܘܥܡ ܒ̈ܢܝ ܫܪܒܬܟ܂ ܐܢܐ ܓܝܪ ܡܢ
210:06 [ai]	ܗܢܐ ܪܙܐ ܙܥܘܪ ܐܢܐܼ ܘܡܚܝܠ܂ ܘܠܐ ܨܿܒܐ ܗܘܐ
210:07 [ai]	ܕܢܪܟܒ ܥܠܘܗܝ ܀ ܀ ܗܿܘ ܕܝܢ ܥܝܠܐ ܒܥܿܐ ܗܘܐ ܡܢܗ
210:08 [ai]	ܘܡܬܟܫܦ ܠܗܼ܂ ܕܢܬܒܪܟ ܡܢ ܪܟܘܒܗ܂ ܘܣܠܼܩ ܗܘܐ
210:09 [ai]	ܪܟܒܗ܂ ܘܐܬܼܝܢ ܗܘܘ ܐܢܫܐ ܒܬܪܗ ܘܩܕܡܘܗܝ ܕܫܠܝܚܐ܂
210:10 [ai]	ܘܪܗܛܝܢ ܗܘܘ ܕܢܚܼܙܘܢ ܡܢܐ ܓܕܫ ܠܗ܂ ܘܐܝܟܢܐ ܫܿܪܐ
210:11 [ai]	ܠܗ ܠܥܝܠܐ ܗܿܘ܂ 41܂1 ܘܟܕ ܡܼܿܛܝ ܬܪܥܐ ܕܡܕܝܢܬܐܼ ܢܚܼܬ ܡܢܗ܂
210:12 [ai]	ܘܐܡܼܪ ܠܗܼ ܙܠ ܐܬܢܛܪ ܐܝܟܢܐ ܕܐܝܬܝܟ ܗܘܝܬ܂ ܘܒܗܿ
210:13 [ai]	ܒܫܥܬܐ ܢܦܼܠ ܥܝܠܐ ܗܿܘ ܘܫܿܠܡ܂ ܘܠܟܠܗܘܢ ܗܿܢܘܢ
210:14 [ai]	ܕܐܝܬ ܗܘܘ ܬܡܿܢ܃ ܥܼܩܬ ܗܘܬ ܠܗܘܢ ܥܠܘܗܝ܂ ܘܐܡܿܪܝܢ
210:15 [ai]	ܗܘܘ ܠܗ ܠܫܠܝܚܐ܂ ܐܚܝܗܝ܂ ܐܡܿܪ ܠܗܘܢ ܫܠܝܚܐ܂
210:16 [ai]	ܠܐ ܗܘܐ ܡܛܠ ܕܠܐ ܡܫܟܚ ܐܢܐ ܕܐܚܝܘܗܝ ܠܗܢܐ
210:17 [ai]	ܥܝܠܐ ܠܐ ܡܚܐ ܐܢܐ ܠܗ܂ ܐܠܐ ^ܗܕܐ^ ܗܿܝ ܕܡܥܕܪܐ
210:18 [ai]	ܠܗ܂ ܗܿܘ ܓܝܪ ܡܿܢ ܕܝܗܼܒ ܗܘܐ ܠܗ ܡܠܬܐܼ܂ ܡܫܟܚ ܗܘܐ
210:19 [ai]	ܕܢܥܒܼܕ ܠܗ ܕܠܐ ܢܡܘܬ܂ ܐܠܐ ܗܕܐ ܗܝ ܕܡܥܕܪܐ ܠܗ܂
210:20 [ai]	ܘܦܩܼܕ ܗܘܐ ܫܠܝܚܐ ܠܗܿܢܘܢ ܕܥܡܗܼ܂ ܕܢܚܼܦܪܘܢ
211:01 [ai]	ܕܘܟܬܐ ܘܢܛܡܼܪܘܢ ܦܓܪܗ܂ ܘܥܒܼܕܘ ^ܗܘܘ^ ܐܝܟܢܐ
211:02 [ai]	ܕܦܩܼܕ ܗܘܐ ܠܗܘܢ ܀
211:03 [ai]	‍[‍ܫܠܼܡܬ ܦܪܟܣܝܣ ܕܐܪܒܥ܂
211:04 [ai]	‍[‍ܬܘܒ ܦܪܟܣܣ ܕܚܡܫ܂
211:05 [ai]	42܂1 ܘܥܠ ܗܘܐ ܫܠܝܚܐ ܠܡܕܝܢܬܐܼ܂ ܟܕ ܟܢ̈ܫܐ ܗܿܢܘܢ
211:06 [ai]	ܥܡܗ܂ ܘܪܢܿܐ ܗܘܐ ܕܢܐܙܠ ܠܒܝܬ ܐܢ̈ܫܘܗܝ܂ ܕܗܿܘ
211:07 [ai]	ܥܠܝܡܐ ܕܐܿܚܝ܂ ܡܛܠ ܕܣܓܿܝ ܒܥܼܐ ܗܘܐ ܡܢܗ܂
211:08 [ai]	42܂2 ܘܐܢܬܬܐ ܚܕܐ ܫܦܝܪܬܐܼ܂ ܩܥܼܬ ܒܩܠܐ ܪܡܐܼ ܘܐܡܿܪܐ
211:09 [ai]	ܠܗ܂ ܫܠܝܚܐ ܕܐܠܗܐ ܚܼܕܬܐ ܕܐܬܼܐ ܠܗܢܕܘ܂ ܥܒܼܕܗ
211:10 [ai]	ܕܐܠܗܐ ܩܕܝܫܐ ܕܒܟ ܡܬܟܪܙ܃ ܘܡܚܝܢܐ ܕܢܦܫ̈ܬܐ
211:11 [ai]	ܕܐܝܠܝܢ ܕܠܘܬܗ ܐܬܼܝܢ܃ ܘܡܐܣܝܢܐ ܕܦܓܪ̈ܐ
211:12 [ai]	ܐܝܠܝܢ ܕܡܢ ܒܥܠܕܒܒܐ ܡܫܬܢܩܝܢ܃ ܕܗܘܼܐ ܥܠܼܬܐ ܕܚ̈ܝܐ
211:13 [ai]	ܠܟܠܗܿ ܐܢܫܘܬܐ ܕܗܢܕܘܼ܂ ܐܦܣ ܕܢܥܿܠܘܢܢܝ ܩܕܡܝܟ܃ ܕܐܿܡܪ
211:14 [ai]	ܠܟ ܡܕܡ ܕܓܕܫܢܝ܂ ܕܐܟܒܪ ܡܢ ܠܘܬܟܼ ܣܒܪܐ ܢܗܘܼܐ
211:15 [ai]	ܠܝ܂ ܘܗܠܝܢ ܕܩܿܝܡܝܢ ܝܬܝܪܐܝܬ ܢܫܬܪܪܘܢ ܒܐܠܗܐ ܗܿܘ
211:16 [ai]	ܕܡܢܟ ܡܿܬܟܪܙ܂ ܘܐܡܿܪܐ ܐܢܐ ܠܟ܂ ܕܠܐ ܗܘܐ ܒܨܝܪܐܝܬ
211:17 [ai]	ܡܫܬܢܩܐ ܐܢܐ ܡܢ ܒܥܠܕܒܒܐܿ܂ ܗܐ ܙܒܢܐ ܕܫ̈ܢܝܐ
211:18 [ai]	ܚܡܫ܂ ܒܫܠܼܝܐ ܓܝܪ ܝܬܒܐ ܗܘܝܬ܂ ܘܫܝܢܐ ܚܼܕܝܪ
212:01 [ai]	ܗܘܐ ܠܝ܂ ܡܢ ܟܘܠ ܓܒ̈ܝ܂ ܘܕܡܕܡ ܠܐ ܝܿܨܦܐ ܗܘܝܬ܂
212:02 [ai]	ܡܛܠ ܕܐܦܠܐ ܨܦܬܐ ܝܿܕܥܐ ܗܘܝܬ܂ 43܂1 ܓܼܕܫ ܕܝܢ ܒܚܕ
212:03 [ai]	ܡܢ ܝܘ̈ܡܬܐ ܟܕ ܢܿܦܩܐ ܗܘܝܬ ܡܢ ܒܠܢܐܼ܂ ܦܓܼܥ ܒܝ
212:04 [ai]	ܓܒܪܐ ܚܕ܂ ܕܒܚܙܘܗ ܟܕ ܫܓܝܼܫ ܡܬܚܙܐ ܗܘܐ܂
212:05 [ai]	ܢܥܡܬܗ ܘܒܪܬ ܩܠܗܼ ܛܒ ܪܟܝܟܐ ܗܘܬ܂ ܘܐܡܼܪ ܠܝ
212:06 [ai]	ܕܐܢܐ ܘܐܢܬ ܒܚܕ ܚܘܒܐ ܢܗܘܼܐ܂ ܘܐܢܬܝ ܐܫܬܘܬܦܝ
212:07 [ai]	ܥܡܝ ܒܫ‍<‍ܘ‍>‍ܬ‍{‍ܘ‍}‍ܦܘܬܐ ܕܓܒܪܐ ܘܕܐܢܬܬܐ܂ ܘܐܡܿܪܬ ܠܗ܂
212:08 [ai]	ܐܢܿܐ ܠܡܟܝܪܝ ܠܐ ܗܿܘܝܬ܂ ܡܛܠ ܕܠܐ ܡܫܟܚܐ ܐܢܐ
212:09 [ai]	ܠܡܣܿܝܼܒܪܘ ܠܓܒܪܐ܂ ܠܟ ܕܝܢ ܕܒܓܘܪܐ ܨܼܒܝܬ ܕܬܫܬܘܬܦ
212:10 [ai]	ܥܡܝܼ܂ ܐܝܟܢܐ ܢܦܫܝ ܝܗܒܐ ܐܢܐ ܠܟ܂ ܘܠܛܠܝܬܐ ܕܐܝܬ
212:11 [ai]	ܗܘܬ ܥܡܝ ܐܡܿܪܬ ܠܗܿ܂ ܚܙܝ ܠܚܨܝܦܘܬܗ ܕܗܿܘ ܥܠܝܡܐܿ܂
212:12 [ai]	ܥܕܡܐ ܕܒܦܪܪܝܣܝܐ ܢܡܠܠ ܥܡܝ܂ ܘܗܼܝ ܐܡܼܪܬ ܠܝ܂ ܕܐܢܐܼ
212:13 [ai]	ܠܓܒܪܐ ܣܒܐ ܚܿܙܝܬ ܕܡܿܡܠܠ ܥܡܟܝ܂ 43܂2 ܘܟܕ ܠܒܝܬܐ
212:14 [ai]	ܐܙܠܿܬ ܘܐܚܫܡܬܼ܂ ܠܒܝܼ ܡܩܢܛ ܗܘܐ ܠܝ ܡܢܗ܃
212:15 [ai]	ܕܒܬܪ̈ܬܝܢ ܕܡ̈ܘܢ ܐܬܚܙܝ ܠܝ܂ ܘܕܡܿܟܬ ܟܕ ܪܢܝܿܐ ܐܢܐ
212:16 [ai]	ܒܗ܂ ܘܒܠܠܝܐ ܐܬܼܐ ܘܐܫܬܘܬܦ ܥܡܝ ܒܫܘܬܦܘܬܐ
212:17 [ai]	ܨܐܬܐ܂ ܘܐܦ ܒܐܝܡܡܐ ܚܿܙܝܐ ܗܘܝܬ ܠܗ ܘܥܿܪܩܐ
212:18 [ai]	ܗܘܝܬ ܡܢܗ܃ ܒܠܠܝܐ ܕܝܢ ܕܚܝܠܐܝܬ ܐܿܬܐ ܗܘܐ ܥܠܝܼ
212:19 [ai]	ܘܡܫܿܬܢܕ ܗܘܐ ܒܝ܂ ܘܗܐ ܥܕܟܝܠ ܐܝܟ ܕܚܿܙܐ ܐܢܬ
212:20 [ai]	ܠܝ ܗܐ ܚܡܫ ܫ̈ܢܝܢܼ ܘܠܐ ܐܪܦܝܢܝ܂ 43܂3 ܐܠܐ ܡܛܠ ܕܝܿܕܥܐ
213:01 [ai]	ܐܢܐ ܘܡܗܝܡܢܐ ܐܢܐ܃ ܕܐܦ ܫ̈ܐܕܐ ܘܐܦ ܪ̈ܘܚܐ
213:02 [ai]	ܘܐܦ ܕܝ̈ܘܐ ܡܫܬܥܒܕܝܢ ܠܟ ܘܕܚܠܝܢ ܡܢ ܨܠܘܬܟܼ܂
213:03 [ai]	ܒܥܿܝܐ ܐܢܐ ܡܢܟ ܡܪܝ܃ ܕܬܨܿܠܐ ܥܠܝ ܘܬܒܥܐ ܡܢ
213:04 [ai]	ܐܠܗܐܼ܂ ܘܬܪܕܘܦ ܡܢܝ ܢܣܝܘܢܐ ܗܢܐ܂ ܘܙܒܢܐ ܕܩܝܡ
213:05 [ai]	ܠܝ ܐܿܗܘܐ ܒܪܬ ܚܐܪ̈ܐܼ܂ ܘܐܬܼܟܢܫ ܠܘܬ ܟܝܢܝ
213:06 [ai]	ܩܕܡܝܐ܂ ܘܐܩܿܒܠ ܡܿܘܗܒܬܐ ܕܠܬܝ̈ܒܐ ܡܬܝܗܒܐ ܀
213:07 [ai]	44܂1 ܗܿܝܕܝܢ ܫܠܝܚܐ ܟܕ ܚܼܙܐ܂ ܡܚܦܛܢܘܬܗ ܕܒܥܠܕܒܒܐܼ܂
213:08 [ai]	ܐܪܝܡ ܩܠܗ ܘܐܡܼܪ܂ ܐܘ ܒܝܼܫܬܐ ܕܠܐ ܬܼܝܟܐ܂ ܐܘ
213:09 [ai]	ܒܥܠܕܒܒܐ ܕܠܐ ܒܗܠܿ܂ ܐܘ ܠܚܿܣܡܐ ܕܠܝܬ ܠܗ ܫܠܼܝܐ܂
213:10 [ai]	ܐܘ ܣܢܝܐ ܕܥܡ ܫܦܝܪ̈ܐ ܡܬܼܟܬܫ ܐܢܬ܂ ܕܬܼܟܒܘܫ
213:11 [ai]	ܐܢܘܢ ܬܚܘܬܝܟ܂ ܐܘ ܕܐܝܬ ܠܗ ܕܡܼ̈ܘܬܐ ܣ̈ܓܝܐܬܐ
213:12 [ai]	ܣ̈ܢܝܬܐܿ܂ ܘܐܝܟܢܐ ܕܨܿܒܐ ܡܬܚܼܙܐ܂ ܓܘܢܟ ܕܝܢ ܐܘܟܡܐ
213:13 [ai]	ܠܐ ܡܬܚܿܠܦ܂ ܡܛܠ ܕܟܝܢܟ ܗܘ܂ 44܂2 ܐܘ ܨܢܝܥܐ ܘܡܿܕܘܕܢܐ
213:14 [ai]	ܕܥܿܒ̈ܕܐ ܛ̈ܒܐ܂ ܐܘ ܐܝܠܢܐ ܡܪܝܪܐ ܕܦܐܪ̈ܘܗܝ ܠܗ
213:15 [ai]	ܕܡܿܝܢ܂ ܐܘ ܐܿܟܠܩܪܨܐ ܕܓܠܐ܂ ܕܒܕܠܐ ܕܝܠܗ ܡܬܟܬܫ܂
213:16 [ai]	ܐܘ ܠܛܘܥܝܝ ܕܟܕ ܥܠ ܪܝܫܗܿ ܟܦܼܝܐ܂ ܩܿܝܡܐ ܒܚܨܝܦܘܬܐܿ܂
213:17 [ai]	ܘܡܡܪܚܐ ܥܠ ܐܝܠܝܢ ܕܛܿܒܝܢ ܡܢܗܿ܂ ܐܘ ܠܒܝܼܫܬܐ ܕܫܼܿܦܐ
213:18 [ai]	ܐܝܟ ܚܘܝܐ܂ ܘܪܚܼܿܫܐ ܘܥܐܿܠܐ ܘܠܡܝܬܪܘܬܐ ܡܫܬܘܫܛܐ܂
213:19 [ai]	ܘܥܕܡܐ ܠܐܡܬܝ ܐܿܡܼܪ ܗܠܝܢ܂ ܐܠܐ ܒܥܓܠ ܚܿܘܐ
213:20 [ai]	ܩܢܘܡܟ ܒܥܠܕܒܒܐ ܕܥܒܼ̈ܕܘܗܝ ܕܡܫܝܚܐ܂ ܕܢܚܼܙܘܢ
213:21 [ai]	ܟܢ̈ܫܐ ܗܠܝܢ ܕܠܘܬ ܐܠܗܐ ܕܫܪܪܐ ܩܿܪܝܢܢ ܠܗܘܢ ܀
213:22 [ai]	44܂3 ܘܟܕ ܗܠܝܢ ܐܡܼܪ ܗܘܐ ܫܠܝܚܐ܂ ܐܬܼܐ ܒܥܠܕܒܒܐ ܗܿܘ
214:01 [ai]	ܘܩܡ ܩܕܡܘܗܝܼ܂ ܠܐ ܚܿܙܐ ܗܘܐ ܠܗ܃ ܐܠܐ ܐܢ ܗܼܘ
214:02 [ai]	ܫܠܝܚܐ ܘܐܢܬܬܐ ܗܿܝ܂ ܘܒܩܠܐ ܪܡܐ ܩܿܥܐ ܗܘܐ܂ ܟܕ
214:03 [ai]	ܟܠܗܘܢ ܐܝܠܝܢ ܕܐܝܬ ܗܘܘ ܬܡܿܢܼ ܫܡܿܥܝܢ ܗܘܘ ܠܗ܂ 45܂1 ܡܐ
214:04 [ai]	ܠܢ ܘܠܟ ܫܠܝܚܗ ܕܡܪܝܡܐ܂ ܡܐ ܠܢ ܘܠܟ ܥܒܼܕܗ̈ ܕܝܫܘܥ
214:05 [ai]	ܡܫܝܚܐ ܡܢܐ ܠܢ ܘܠܟ ܒܪ ܪ̈ܐܙܘܗܝ ܩ̈ܕܝܫܐܿ ܕܐܠܗܐ܂
214:06 [ai]	ܡܢܐ ܨܿܒܐ ܐܢܬ ܠܡܘܒܕܘܬܢܿ܂ ܟܕ ܥܕܟܝܠ ܙܒܢܢ ܠܐ
214:07 [ai]	ܡܼܛܐ܂ ܡܢܐ ܒܥܐ ܐܢܬ ܕܬܣܒ ܫܘܠܛܢܐ ܕܐܬܝܗܒ
214:08 [ai]	ܠܢܿ܂ ܟܕ ܥܕܡܐ ܠܗܫܐ ܐܝܬ ܠܢ ܥܠܘܗܝ ܣܒܪܐ܂ ܡܢܐ ܠܢ
214:09 [ai]	ܘܠܟ ܕܐܬܼܝܬ ܠܡܛܪܕܢ܂ ܐܢܬ ܒܐܝܠܝܢ ܕܡܫܼܬܡܥܝܢ ܠܟ
214:10 [ai]	ܫܠܝܼܛ ܐܢܬ ܥܠܝܗܘܢ܂ ܘܚܢܢ ܒܐܝܠܝܢ ܕܡܬܪܡܝܢ ܠܢ
214:11 [ai]	ܫܠܝܛܝܢܢ ܒܗܘܢ܂ 45܂2 ܥܠ ܡܢܐ ܨܒܝܼܬ ܕܬܕܒܼܪܢ ܒܩܛܝܪܐ
214:12 [ai]	ܡܢ ܩܕܡ ܙܒܢܢ܃ ܟܕ ܐܢܬ ܠܐܚܪ̈ܢܐ ܡܿܦܩܕ ܐܢܬ܃ ܕܒܩܛܝܪܐ
214:13 [ai]	ܠܐܢܫ ܠܐ ܬܕܒܼܪܘܢ܂ ܡܢܐ ܡܬܝܥܢ ܐܢܬ ܥܠ ܕܠܐ
214:14 [ai]	ܕܝܠܟ܃ ܕܝܠܟ ܓܝܪ ܠܐ ܣܿܦܩܝܢ ܠܟ܃ ܡܢܐ ܡܬܕܡܐ ܐܢܬ
214:15 [ai]	ܠܡܪܟ ܐܠܗܐܿ܂ ܕܛܫܿܝ ܪܒܘܬܗ ܘܐܬܚܼܙܝ ܒܦܓܪܐܿ܂
214:16 [ai]	ܘܣܒܪܢ ܥܠܘܗܝ ܕܡܿܝܘܬܐ ܗܘ܂ ܘܐܬܗܼܦܟ
214:17 [ai]	ܘܕܒܼܪܢ ܒܩܛܝܪܐ܂ ܟܐܡܬ ܓܝܪ ܡܢܗ ܝܠܼܝܕ ܐܢܬ܂ ܟܕ
214:18 [ai]	ܣܒܪܢ ܓܝܪ ܥܠܘܗܝ ܕܬܚܝܼܬ ܫܘܠܛܢܢ ܢܪܡܝܘܗܝ܃
214:19 [ai]	ܐܬܗܼܦܟ ܗܼܘ ܗܓܼܡܢ ܠܥܘܡܩܐ܂ 45܂3 ܠܐ ܓܝܪ ܝܿܕܥܝܢ ܗܘܝܢ
214:20 [ai]	ܠܗ܂ ܐܛܥܝܢ ܗܘܐ ܓܝܪ ܒܚܙܬܗ ܡܟܝܟܬܐܿ܂ ܘܒܣܢܝܩܘܬܗ
214:21 [ai]	ܘܒܡܣܟܢܘܬܗ܂ ܘܣܒܪܝܢ ܗܘܝܢ ܟܕ ܚܙܝܢܝܗܝܼ ܕܚܕ ܡܢ
215:01 [ai]	ܒ̈ܢܝܢܫܐ ܗܘ܂ ܘܠܐ ܝܿܕܥܝܢ ܗܘܝܢ ܕܗܘܼܝܘ ܡܚܝܢܐ ܕܟܘܠܗܿ
215:02 [ai]	ܐܢܫܘܬܐ܂ ܝܗܼܒ ܠܢ ܕܝܢ ܫܘܠܛܢܐܼ܂ ܕܒܕܝܠܢ ܟܡܐ ܕܐܝܬ
215:03 [ai]	ܠܢ ܙܒܢܐ ܕܝܠܢ ܠܐ ܢܿܪܦܐ܂ ܘܒܕܝܠܢ ܗܘܼܝܢ ܡܬܚܫܚܝܢ܂ ܐܢܬ
215:04 [ai]	ܕܝܢ ܗܐ ܨܼܒܝܬ ܕܝܬܝܪ ܡܢ ܡܕܡ ܕܝܗܼܒ ܠܟ ܬܩܼܢܐܼ ܘܠܢ
215:05 [ai]	ܬܼܚܫ ܀ 46܂1 ܘܟܕ ܗܠܝܢ ܐܡܼܪ ܗܘܐ ܫܐܕܐ ܗܿܘ܂ ܬܘܒ ܒܟܼܐ
215:06 [ai]	ܗܘܐ ܘܐܡܼܪ܂ ܫܿܒܩ ܐܢܐ ܠܟܝ ܐܘ ܒܪܬ ܙܘܓܝ ܫܦܝܪܬܐܿ܂
215:07 [ai]	ܕܠܙܒܢܐ ܣܓܝܐܐ ܐܫܟܚܬܟܝ ܘܥܠܝܟܝ ܐܬܬܢܝܚܬ܂ ܫܿܒܩ
215:08 [ai]	ܐܢܐ ܠܟܝ ܚܬܝ ܘܚܒܝܒܬܝ܂ ܕܥܠܝܗܿ ܣܿܒܪܬ ܕܐܿܩܘܐ܂ ܡܢܐ
215:09 [ai]	ܐܿܥܒܕ ܠܐ ܝܿܕܥ ܐܢܐ܂ ܘܒܓܢ ܡܿܢ ܐܿܩܪܐ܂ ܕܢܥܕܪܢܝ܂ ܝܿܕܥ
215:10 [ai]	ܐܢܐ ܡܢܐ ܐܿܥܒܕ܂ ܐܿܙܠ ܐܢܐ ܠܝ ܠܐܬܪܐ ܐܚܪܢܐܼ܂
215:11 [ai]	ܠܐܝܟܐ ܕܛܒܼܗ ܕܓܒܪܐ ܗܢܐ ܠܐ ܐܿܫܡܥ܂ ܠܟܝ
215:12 [ai]	ܚܒܝܒܬܝ ܐܥܩܘܒ܂ 46܂2 ܘܐܪܝܡ ܗܘܐ ܩܠܗܼ ܘܐܡܼܪ܂ ܦܘܫܝ
215:13 [ai]	ܕܠܐ ܫܿܠܡܐ ܐܝܿܕܐ ܕܓܘܣܐ ܐܚܼܕܬ ܒܐܝܢܐ ܕܝܬܝܪ ܡܢܝ܂
215:14 [ai]	ܐܿܙܠ ܐܢܐ ܕܐܿܦܗܐ ܘܐܿܒܥܐ ܠܝ ܕܐܟܘܬܝ܂ ܘܐܢ ܠܐ
215:15 [ai]	ܐܿܫܟܚ ܠܝܼ܂ ܬܘܒ ܠܘܬܟܝ ܐܿܦܢܐ ܠܝ܂ ܝܿܕܥ ܐܢܐ ܓܝܪ
215:16 [ai]	ܕܗܫܐ ܡܛܠ ܕܩܪܝܒ ܗܘ ܠܟܝ ܗܢܐ ܓܒܪܐܿ܂ ܗܐ
215:17 [ai]	ܐܚܿܕܬ‍<‍ܝ‍>‍ ܒܗ ܓܘܣܐ܂ ܡܿܫܢܐ ܐܢܐ ܕܝܢ ܡܟܐܼ܂ ܘܐܝܟ
215:18 [ai]	ܕܐܝܬܝܟܝ ܗܿܘܝܐ ܐܢܬܝ܂ ܕܟܕ ܠܠܝܐ ܢܐܬܐ ܘܠܗ ܛܥܝܐ
215:19 [ai]	ܐܢܬܝܼ܂ ܘܠܝ ܕܝܠܝ ܐܬܪܐ ܗܿܘܐ ܠܘܬܟܝ܂ ܗܫܐ ܓܝܪ ܫܡܗ
215:20 [ai]	ܗܘ ܕܗܿܘ ܕܡܿܟܪܙ ܐܢܐ ܐܕܚܠܢܝ܂ ܀ 46܂3 ܘܟܕ ܗܠܝܢ ܐܡܼܪ
216:01 [ai]	ܗܘܐ ܫܐܕܐ ܗܿܘ܂ ܒܗܿ ܒܫܥܬܐ ܐܬܒܥܝ ܘܠܐ ܐܫܬܟܚ܂
216:02 [ai]	ܐܠܐ ܬܢܢܐܼ ܘܢܘܪܐ ܐܬܚܼܙܝܬܿ ܡܢ ܒܬܪܗ܂ ܘܟܠܗܘܢ
216:03 [ai]	ܗܠܝܢ ܕܬܡܿܢ ܩܿܝܡܝܢ ܗܘܘ ܬܡܝܗܝܢ ܗܘܘ܂ 47܂1 ܘܟܕ ܚܼܙܐ
216:04 [ai]	ܫܠܝܚܐܼ ܐܡܼܪ ܠܗܘܢ܂ ܠܐ ܡܕܡ ܢܘܟܪܝ ܚܼܿܘܝ ܗܿܘ
216:05 [ai]	ܚܪܡܐ܂ ܐܠܐ ܟܝܢܐ ܗܿܘ ܕܒܗ ܐܬܛܿܠܩ܃ ܢܘܪܐ ܓܝܪ
216:06 [ai]	ܡܛܠܩܐ ܠܗ܂ ܘܬܢܢܐ ܣܿܠܩ ܡܢܗ ܀ 47܂2 ܘܫܼܿܪܝ
216:07 [ai]	ܗܘܐ ܫܠܝܚܐ ܕܢܐܡܪ܂ ܝܫܘܥ ܪܐܙܐ ܟܣܝܐ ܕܠܝ
216:08 [ai]	ܐܬܓܠܼܝ܃ ܐܢܬ ܗܘ ܕܓܠܝܼܬ ܠܝ ܪ̈ܐܙܝܟ ܝܬܝܪ ܡܢ ܚܒܪ̈ܝ
216:09 [ai]	ܟܠܗܘܢ܂ ܘܐܡܿܪܬ ܠܝ ܡ̈ܠܐ ܐܝܠܝܢ ܕܐܢܐ ܗܘ ܝܿܩܕ ܐܢܐ
216:10 [ai]	ܒܗܝܢ܂ ܘܐܿܡܪ ܐ̈ܢܝܢ ܠܐ ܡܫܟܚ ܐܢܐ܂ ܝܫܘܥ ܐܢܫܐ
216:11 [ai]	ܝܠܼܝܕܐ܂ ܩܼܛܝܠܐ ܡܝܼܬܐ܂ ܝܫܘܥ ܐܠܗܐ ܒܪ ܐܠܗܐ܂
216:12 [ai]	ܡܚܝܢܐ ܘܡܐܿܚܐ ܡ̈ܝܼܬܐ܂ 47܂3 ܝܫܘܥ ܣܢܝܩܐ ܘܨܿܐܕ ܢܘ̈ܢܐ
216:13 [ai]	ܠܫܪܘܬܐ ܘܠܚܫܡܝܬܐ܂ ܝܫܘܥ ܡܣܿܒܥ ܠܐ̈ܠܦܐ ܣ̈ܓܝܐܐ
216:14 [ai]	ܡܢ ܠܚܡܐ ܙܥܘܪܐ܂܂ ܝܫܘܥ ܡܬܬܢܝܚ ܡܢ ܥܡܠܐ
216:15 [ai]	ܕܐܘܪܚܐ ܐܝܟ ܒܪܢܫܐܼ܂ ܘܡܗܿܠܟ ܥܠ ܓ̈ܠܠܐ ܕܝܡܼܿܐܼ
216:16 [ai]	ܐܝܟ ܐܠܗܐ܂܂ 48܂1 ܝܫܘܥ ܩܠܐ ܡܪܝܡܐ ܕܕܢܚܼ ܡܢ ܪ̈ܚܡܼܐ
216:17 [ai]	ܡ̈ܫܠܡܢܐ܂ ܦܪܘܩܐ ܕܟܠ܃ ܘܡܚܪܪܢܐ ܘܡܦܪܢܣܢܐ
216:18 [ai]	ܕܥܠܡܐܼ ܘܡܚܝܠܢܐ ܕܡ̈ܝܼܬܐ܂܂ ܝܫܘܥ ܝܡܝܢܐ ܕܐܒܐܿ܂
216:19 [ai]	ܕܣܚܼܦܬܿ ܠܒܝܼܫܐ ܠܬܚܘܡܐ ܬܚܬܝܐܼ܂ ܘܟܿܢܼܫ ܩ̈ܢܝܢܘܗܝ
216:20 [ai]	ܠܚܕ ܨܿܘܒܐ ܒܪܝܟܐ܂ ܝܫܘܥ ܡܿܠܟܐ ܕܥܠ ܟܠ ܘܟܠ
216:21 [ai]	ܡܫܿܥܒܕ܂܂ ܝܫܘܥ ܕܐܢܬ ܒܐܒܐ ܘܐܒܐ ܒܟ܃ ܘܚܕ
217:01 [ai]	ܐܢܬܘܢ ܒܚܝܠܐ ܘܒܨܒܝܢܐ ܘܒܫܘܒܚܐܼ ܘܒܐܝܬܘܬܐ܂
217:02 [ai]	ܘܡܛܠܬܢ ܐܫܬܡܿܗܬ ܒܫ̈ܡܗܐܼ ܘܐܝܬܝܟ ܒܪܐ܂
217:03 [ai]	ܘܠܒܫܼܬ ܦܓܪܐ܂܂ 48܂2 ܝܫܘܥ ܕܗܘܼܝܬ ܢܙܝܪܐܼ܂ ܘܠܟܠ ܡܦܪܢܣܐ
217:04 [ai]	ܛܝܒܘܬܟ ܐܝܟ ܐܠܗܐ܂܂ ܒܪ ܐܠܗܐ ܡܪܝܡܐ ܕܗܘܼܝܬ
217:05 [ai]	ܒܪܢܫܐ ܫܝܛܐ ܘܡܟܝܟܐ܂܂ ܝܫܘܥ ܕܠܐ ܡܗܡܐ ܡܢܢ
217:06 [ai]	ܒܡܐ ܕܒܥܿܝܢܢ ܡܢܗ܂ ܕܗܘܼܝܬ ܥܠܼܬܐ ܕܚ̈ܝܐ ܠܟܠܗܿ
217:07 [ai]	ܐܢܫܘܬܐ܂܂ ܝܫܘܥ ܕܐܬܩܼܪܝܬ ܡܛܥܝܢܐ ܥܠ ܐ̈ܦܝܢ܂
217:08 [ai]	ܐܢܬ ܗܘ ܕܡܥܕܐ ܐܢܬ ܡܢ ܛܘܥܝܝ ܠܒ̈ܢܝܢܫܐ ܕܝܠܟ܂
217:09 [ai]	48܂3 ܒܥܿܐ ܐܢܐ ܡܢܟ ܥܠ ܐ̈ܦܝ ܗܠܝܢ ܕܩܿܝܡܝܢ ܘܡܗܝܡܢܝܢ
217:10 [ai]	ܒܟܿ܂ ܘܣܢܝܩܝܢ ܥܠ ܥܘܕܪܢܟ܂ ܘܡܣܿܟܝܢ ܠܡܿܘܗܒܬܟܿ܂
217:11 [ai]	ܘܐܚܝܼܕܝܢ ܓܘܣܐ ܒܪܒܘܬܟܿ܂ ܘܦܬܼܚܝܢ ܐ̈ܕܢܝܗܘܢ
217:12 [ai]	ܠܡܫܼܡܥ ܡ̈ܠܝܟ ܕܡܢܢ ܡܬܡ̈ܠܠܢ܂ ܬܐܬܐ ܛܝܒܘܬܟܿ
217:13 [ai]	ܘܗܝܡܢܘܬܟܼ ܬܫܼܪܐ ܥܠܝܗܘܢ ܘܬܚܿܕܬ ܐܢܘܢ܂ ܡܢ
217:14 [ai]	ܥܿܒ̈ܕܝܗܘܢ ܩ̈ܕܡܝܐ܂ ܘܢܫܠܚܼܘܢܝܗܝ ܠܒܪ ܐܢܫܗܘܢ
217:15 [ai]	ܥܬܝܩܐ ܥܡ ܥܿܒ̈ܕܘܗܝ܂ ܘܢܠܒܼܫܘܢ ܒܪܢܫܐ ܚܼܕܬܐܿ܂
217:16 [ai]	ܕܗܐ ܡܣܿܬܒܪ ܠܗܘܢ ܒܐ̈ܝܼܕܝܼ܂ 49܂1 ܘܣܼܡ ܐܝܼܕܐ ܥܠܝܗܘܢ܃
217:17 [ai]	ܘܒܪܟ ܐܢܘܢ܂ ܘܐܡܼܪ ܠܗܘܢ܂ ܬܗܘܼܐ ܥܠܝܟܘܢ
217:18 [ai]	ܛܝܒܘܬܗ ܕܡܪܢ ܠܥܠܡ ܥܠܡܝܢ ܐܡܝܢ ܀ ܘܒܥܼܬ ܗܘܬ
217:19 [ai]	ܡܢܗ ܗܿܝ ܐܢܬܬܐܼ ܘܐܡܿܪܐ ܠܗ܂ ܫܠܝܚܗ
217:20 [ai]	ܕܡܪܝܡܐܼ܂ ܗܒ ܠܝ ܪܘܫܡܗ ܕܡܪܝ܂ ܕܠܐ ܬܘܒ ܢܗܼܦܘܟ
217:21 [ai]	ܥܠܝ ܗܿܘ ܒܥܠܕܒܒܐ܂ ܘܐܙܠܼ ܗܘܐ ܠܘܬ ܢܗܪܐ ܚܕ ܕܩܪܝܒ
217:22 [ai]	ܗܘܐ ܠܬܡܿܢ܃ ܘܐܥܡܕܗܿ ܒܫܡ ܐܒܐ ܘܒܪܐ ܘܪܘܚܐ
218:01 [ai]	ܕܩܼܘܕܫܐ܂ ܘܐܦ ܣ̈ܓܝܐܐ ܥܡܼܕܘ ܗܘܘ ܥܡܗܿ ܀ 49܂2 ܘܦܩܼܕ
218:02 [ai]	ܗܘܐ ܫܠܝܚܐ ܠܡܫܡܫܢܗ ܕܢܬܼܩܢ ܩܨܬܐ ܘܐܝܬܝ
218:03 [ai]	ܣܒܣܠܐ ܠܬܡܿܢ܃ ܘܦܪܣ ܥܠܝܗܿ ܟܬܢܐ܂ ܘܐܝܬܝ ܣܼܡ
218:04 [ai]	ܥܠܝܗܿ ܠܚܡܐ ܕܒܘܪܟܬܐ܂ ܘܐܬܼܐ ܫܠܝܚܐ ܩܡ ܠܥܠ
218:05 [ai]	ܡܢܗܼܿ ܘܐܡܼܪ ܗܘܐ܂ ܝܫܘܥ ܕܐܫܘܝܬܢ‍{‍ܝ‍}‍ ܕܢܬܩܿܪܒ
218:06 [ai]	ܠܦܓܪܟ ܩܕܝܫܐ܂ ܘܕܢܫܬܘܬܦ ܠܕܡܟ ܡܚܝܢܐܿ܂ ܘܡܛܠ
218:07 [ai]	ܬܘܟܠܢܢ ܕܥܠܝܟ ܡܡܪܚܝܢܢ ܘܡܿܩܪܒܝܢܢ܂ ܘܩܿܪܝܢܢ ܠܫܡܟ
218:08 [ai]	ܩܕܝܫܐ ܗܿܘ ܕܐܬܟܪܙ ܒܝܕ ܢܒ̈ܝܐܼ ܐܝܟ ܕܨܼܒܬܿ ܐܠܗܘܬܟܿ܂
218:09 [ai]	ܘܡܣܿܬܒܪ ܐܢܬ ܒܝܕ ܫ̈ܠܝܚܝܟ ܒܟܠܗ ܥܠܡܐ ܐܝܟ
218:10 [ai]	ܛܝܒܘܬܟܿ܂ ܘܐܬܓܠܼܝܬ ܒܪ̈ܚܡܼܝܟ ܠܙܕܝ̈ܩܐ܂ 49܂3 ܒܥܿܝܢܢ
218:11 [ai]	^^ܡܢܟ^^ ܕܬܐܬܐ ܘܬܫܬܘܬܦ ܥܡܢ ܠܥܘܕܪܢܐ ܘܠܚ̈ܝܐܼ܂
218:12 [ai]	ܘܠܡܬܦܢܝܢܘܬܗܘܢ ܕܥܒܼ̈ܕܝܟ ܠܘܬܟ܂ ܕܢܬܥܼܠܠܘܢ
218:13 [ai]	ܒܢܝܪܟ ܒܣܝܡܐ ܘܒܚܝܠܟ ܙܟܝܐ܂ ܘܢܗܘܼܐ ܠܗܘܢ
218:14 [ai]	ܠܚܘܠܡܢܐ ܕܢܦܫ̈ܬܗܘܢ ܘܠܚ̈ܝܐ ܕܦܓܪ̈ܝܗܘܢ ܒܥܠܡܟ
218:15 [ai]	ܚܼܿܝܐ ܀ ܀ 50܂1 ܘܫܼܿܪܝ ܗܘܐ ܕܢܐܡܪ܂ ܬܝ ܡܿܘܗܒܬܗ ܕܪܡܐ܂
218:16 [ai]	ܬܘ ܪ̈ܚܡܼܐ ܡ̈ܫܠܡܢܐ܂ ܬܝ ܪܘܚܐ ܩܕܝܫܬܐ܂ ܬܝ ܓܠܝܼܬ
218:17 [ai]	ܪ̈ܐܙܘܗܝ ܕܒܚܝܼܪܐ ܒ̈ܢܒܝܐ܂ ܬܝ ܡܿܣܒܪܬ ܒܫ̈ܠܝܚܘܗܝ
218:18 [ai]	ܐ̈ܓܘܢ‍{‍‍{‍ܗܘ‍}‍‍}‍‍<‍‍<‍ܘܗ‍>‍‍>‍ܝ ܕܐܬܠܝܛܢ ܙܟܝܿܐ܂ ܬܝ ܣܝܼܡܬܗܿ ܕܪܒܘܬܐ܂
219:01 [ai]	ܬܝ ܚܒܝܒܬ ܪ̈ܚܡܘܗܝ ܕܥܠܝܐ܂ ܬܝ ܫܬܝܩܬܐ ܡܿܓܠܼܝܬ
219:02 [ai]	ܪ̈ܐܙܘܗܝ ܕܪܡܐ܂ 50܂2 ܬܝ ܡܡܠܠܢܝܬܐ ܕܟܣ̈ܝܬܐ܂ ܘܡܚܘܝܬ
219:03 [ai]	ܥܿܒ̈ܕܘܗܝ ܕܐܠܗܢ܂ ܬܝ ܝܗܿܒܬ ܚ̈ܝܐ ܒܟܣܝܘܬܗܿ܂
219:04 [ai]	ܘ‍{‍ܓ̈‍}‍‍<‍ܓ‍>‍ܠܝܬܐ ܒܣܘܥܪ̈ܢܝܗܿ܂ ܬܝ ܝܿܗܒܬ ܚܕܘܬܐ ܘܢܝܿܚܐ
219:05 [ai]	ܠܟܠܗܘܢ ܐܝܠܝܢ ܕܢܩܦܝܢ ܠܗܿ܂ ܬܝ ܚܝܠܗ ܕܐܒܐ ܘܚܟܡܬܗ
219:06 [ai]	ܕܒܪܐܼ܂ ܕܚܕ ܐܢܬܘܢ ܒܟܠ܂܂ ܬܝ ܘܐܫܬܘܬܦ ܥܡܢ
219:07 [ai]	ܒܗܕܐ ܐܘܟܪܣܛܝܐ ܕܥܿܒܕܝܢܢ܂ ܘܒܗܢܐ ܩܘܪܒܢܐ
219:08 [ai]	ܕܡܩܪܒܝܢܢܿ܂ ܘܒܗܢܐ ܕܘܟܪܢܐ ܕܥܿܒܕܝܢܢ܂ 50܂3 ܘܪܫܼܡ ܨܠܝܒܐ
219:09 [ai]	ܥܠ ܠܚܡܐܼ܂ ܘܫܼܿܪܝ ܗܘܐ ܕܢܬܠ܂ ܘܝܗܼܒ ܠܘܩܕܡ ܠܗܿܝ
219:10 [ai]	ܐܢܬܬܐ ܘܐܡܼܪ ܠܗܿ܂ ܕܢܗܘܼܐ ܠܟܝ ܠܫܘܒܩܢ ܚ̈ܘܒܐ
219:11 [ai]	ܘܚ̈ܛܗܐ ܘܠܩܝܼܡܬܐ ܕܠܥܠܡ܂ ܘܡܢ ܒܬܪܗܿ ܝܗܼܒ ܠܗܿܢܘܢ
219:12 [ai]	ܐܢܫܐ ܕܐܥܡܼܕܘ ܥܡܗܿ܂ ܗܿܝ ܕܝܢ ^^ܝܗܼܒ^^ ܠܟܠܢܫܼ ܘܐܡܼܪ
219:13 [ai]	ܠܗܘܢ܂ ܬܗܘܼܐ ܠܟܘܢ ܐܘܟܪܣܛܝܐ ܗܕܐ
219:14 [ai]	ܠܚ̈ܝܐ ܘܠܢܝܿܚܐ܂ ܘܠܐ ܠܕܝܢܼܐ ܘܠܬܒܥܬܐ܂ ܘܗܢܼܘܢ
219:15 [ai]	ܐܡܼܪܘ ܐܡܝܢ ܀
219:16 [ai]	‍[‍ܫܠܼܡܬܿ ܦܪܟܣܝܣ ܕܚܡܫ܂
219:17 [ai]	‍[‍ܬܘܒ ܦܪܟܣܝܣ ܕܫܬ܂
219:18 [ai]	51܂1 ܐܝܬ ܗܘܐ ܕܝܢ ܬܡܿܢ ܥܠܝܡܐ ܚܕ ܕܣܥܼܝܪܐ ܗܘܬ ܠܗ