The Comprehensive Aramaic Lexicon

220:01 [ai]	ܨܒܘܬܐ ‍{‍ܐܝܼ‍}‍‍<‍ܐܿܝ‍>‍ܕܐ ܕܛܿܒ ܣܢܝܐ ܗܘܬ܂ ܘܐܬܼܐ ܘܫܼܩܠ
220:02 [ai]	ܐܘܟܪܣܛܝܐ܂ ܘܐܼܙܠ ܕܢܣܼܝܡ ܒܦܘܡܗܼ܂ ܘܝ̈ܒܫܝ ܗ̈ܘܝ
220:03 [ai]	ܬܪ̈ܬܝܢ ܐܝܼ̈ܕܘܗܝ܂ ܘܠܐ ܡ̈ܛܝ ܠܦܘܡܗ܂ ܘܟܕ ܚܼܙܐܘܗܝ
220:04 [ai]	ܡܢ ܗܿܢܘܢ ܕܐܝܬ ܗܘܘ ܥܡܗ܂ ܐܬܘ ܐܘܕܥܘܗܝ
220:05 [ai]	ܠܫܠܝܚܐ ܡܢܐ ܓܼܕܫܗ܂ ܘܩܼܪܝܗܝ ܫܠܝܚܐܼ ܘܐܡܼܪ
220:06 [ai]	ܠܗ܂ ܐܡܼܪ ܠܝܼ ܒܪܝܼ ܘܠܐ ܬܒܗܬ ܡܢܝ܂ ܡܢܐ ܣܥܼܪܬ
220:07 [ai]	ܘܐܬܝܬ ܠܟܐ ܗܫܐܿ܂ ܕܗܐ ܡܿܘܗܒܬܗ ܕܡܪܢ
220:08 [ai]	ܐܟܣܼܬܟܿ܂ ܗܕܐ ܕܣ̈ܓܝܐܐ ܐܝܠܝܢ ܕܒܚܘܒܐ ܘܒܫܪܪܐ
220:09 [ai]	ܘܒܗܝܡܢܘܬܐ ܩܿܪܒܝܢ ܠܗܿ ܡܐܿܣܝܐ ܠܗܘܢܿ܂ ܠܟ ܕܝܢ
220:10 [ai]	ܕܝܠܟ ܡܘܒܫܘ ܐܘܒܫܬܟ܂ ܘܠܐ ܗܘܐ ܐܝܩܐ ܓܕܫܟ
220:11 [ai]	ܗܠܝܢ܂ 51܂2 ܘܟܕ ܚܼܙܐ ܗܘܐ ܥܠܝܡܐ ܗܿܘ ܕܐܬܟܣܣ ܠܗ ܡܢ
220:12 [ai]	ܐܘܟܪܣܛܝܐ ܕܡܪܢܼ ܐܬܼܐ ܢܦܼܠ ܩܕܡ ܪ̈ܓܠܘܗܝ ܕܫܠܝܚܐܼ܂
220:13 [ai]	ܘܒܥܿܐ ܗܘܐ ܡܢܗ ܘܡܬܟܫܦ ܩܕܡܘܗܝܼ ܘܐܡܿܪ ܠܗ
220:14 [ai]	ܥܿܒܕܐ ܒܝܼܫܐ ܥܿܒܕܬ ܗܘܝܬ܂ ܐܢܬܬܐ ܚܕܐ ܪܚܿܡ ܗܘܝܬ
220:15 [ai]	ܒܦܘܬܩܐ ܠܒܪ ܡܢ ܡܕܝܢܬܐ܂ ܘܐܦ ܗܼܝ ܪܚܡܐ ܗܘ‍{‍ܝ‍}‍ܬ ܠܝ܂
220:16 [ai]	ܘܡܛܠ ܕܫܡܿܥܬ ܗܘܝܬ ܡܢܟ ܫܪܪܐ ܕܐܡܿܪ ܐܢܬ܂
220:17 [ai]	ܘܗܝܡܢܘܬܐ ܕܐܠܗܐ ܕܡܿܟܪܙ ܐܢܬ܂ ܘܝܿܕܥܬ ܒܫܪܪܐ
220:18 [ai]	ܕܫܠܝܚܗ ܐܢܬ ܕܐܠܗܐܼ܂ ܩܿܒܠܬ ܗܘܝܬܼ ܐܦ ܐܢܐ
220:19 [ai]	ܪܘܫܡܐ܂ ܥܡ ܗܿܢܘܢ ܕܩܿܒܠܘ܂ 51܂3 ܘܗܟܢܐ ܐܡܿܪ ܗܘܝܬ܂
220:20 [ai]	ܕܐܝܢܐ ܡܟܝܠ ܕܡܫܬܘܬܦ܂܂ ܫܘܬܦܘܬܐ ܨܐܬܐ̈
221:01 [ai]	ܝܬܝܪܐܝܬ ܕܝܢ ܕܓܘܪܐܼ܂ ܠܝܬ ܠܗ ܚ̈ܝܐ ܠܘܬ ܐܠܗܐ
221:02 [ai]	ܗܢܐ ܕܡܿܟܪܙ ܐܢܬ܂ ܘܡܛܠ ܕܪܚܿܡ ܗܘܝܬ ܠܗܿ܂ ܒܥܿܝܬ
221:03 [ai]	ܗܘܝܬ ܡܢܗܿ ܘܐܦܝܣܬܗܿ ܕܬܥܡܪ ܥܡܝ ܥܘܡܪܐ ܕܟܝܐ
221:04 [ai]	ܘܩܕܝܫܐ ܘܒܗܝܠܐ ܘܢܟܦܐ ܘܟܢܝܟܐܿ܂ ܗܢܐ ܕܡܿܠܦ
221:05 [ai]	ܐܢܬ܂ ܘܠܐ ܨܿܒܝܐ ܗܘܬ܂ ܘܟܕ ܚܿܙܝܬ ܕܠܐ ܡܬܛܦܝܣܐ
221:06 [ai]	ܠܝ܂ ܕܡܿܟܬܗܿ ܘܩܛܠܬܗܿ܂ ܡܛܠ ܕܠܐ ܡܣܿܝܒܪ ܗܘܝܬ
221:07 [ai]	ܕܐܚܙܝܗܿ܂ ܟܕ ܥܡ ܐܢܫܐ ܐܚܪ̈ܢܐ ܡܫܬܘܼܬܦܐ ܗܘܬ ܀
221:08 [ai]	52܂1 ܘܟܕ ܗܠܝܢ ܫܡܼܥ ܫܠܝܚܐ ܐܡܼܪ ܗܘܐ܂ ܐܘ ܪܚܡܬܐ
221:09 [ai]	ܕܚܿܒܠܐ ܕܠܐ ܡܬܚܡܨܐܿ܂ ܐܝܟܢܐ ܠܗܢܐ ܐܙܝܥܼܬ ܕܗܠܝܢ
221:10 [ai]	ܢܥܒܼܕ܂ ܐܘ ܠܚܒܪܐ ܕܚܒܿܠܐܿ܂ ܐܝܟܢܐ ܠܐ ܐܫܟܚ ܗܢܐ
221:11 [ai]	ܠܡܣܿܝܒܪܘ ܡܢܗ܂ ܐܘ ܠܫܘܬܦܘܬܐ ܫܪܝܚܬܐ܂ ܐܝܟܢܐ
221:12 [ai]	ܡܚܒܠܐ ܪܥ̈ܝܢܐ ܕܒ̈ܢܝܢܫܐ ܡܢ ܩܕܝܫܘܬܗ ܕܡܫܝܚܐ܂ ܐܘ
221:13 [ai]	ܠܥܿܒܕܗܿ ܕܛܘܥܝܝ܃ ܐܝܟܢܐ ܒܕܝܠܗܿ ܣܓܿܝ
221:14 [ai]	ܡܬܬܪܝܡܐ܂ 52܂2 ܘܦܩܼܕ ܫܠܝܚܐ ܕܢܝܿܬܘܢ ܠܗ ܡ̈ܝܐܼ ܒܠܩܢܐ
221:15 [ai]	ܕܫܝܓܬܐ܂ ܘܐܝܬܝܘ ܠܗ ܡ̈ܝܐ ܕܢܨܿܠܐ ܥܠܝܗܘܢܼ ܘܫܒܚ
221:16 [ai]	ܘܒܪܟܼ ܘܐܡܼܪ܂ ܡ̈ܝܐ ܕܡܢ ܡ̈ܝܐ ܚ̈ܝܐ ܐܬܝܗܒܘ ܠܢ
221:17 [ai]	ܢܘܗܪܐ ܕܡܢ ܐܝܬܝܐ ܫܒܝܚܐ ܐܫܼܬܠܚ ܠܢ܃ ܚܿܢܢܐ ܕܡܢ
221:18 [ai]	ܚܿܢܢܐ ܐܫܼܬܕܪ ܠܢ܃ ܢܐܬܐ ܚܝܠܟ ܙܟܝܐܼ܂ ܘܐܣܝܘܬܟ
221:19 [ai]	ܘܡܪܚܡܢܘܬܟ ܬܫܼܟܢ ܘܬܫܼܪܐ ܥܠ ܡ̈ܝܐ ܗܠܝܢ ܕܫܡܟ
221:20 [ai]	ܝܫܘܥ ܡܚܝܢܢ ܐܿܟܪܙܬ ܥܠܝܗܘܢ܂ ܘܐܡܼܪ܂ ܡܿܘܗܒܬܐ
221:21 [ai]	ܕܪܘܚܐ ܕܩܼܘܕܫܐ ܬܫܼܿܬܠܡ ܒܟܘܢ ܀ 52܂3 ܘܐܡܼܪ ܠܗܿܘ
222:01 [ai]	ܥܠܝܡܐ܂ ܙܠ ܐܫܝܓ ܐܝܼ̈ܕܝܟ ܒܗܿܢܘܢ ܡ̈ܝܐ܂ ܘܐܙܼܠ
222:02 [ai]	ܐܫܝܓ ܐܝܼ̈ܕܘܗܝ ܘܗܼ̈ܘܝܼ ܐܝܟܢܐ ܕܐܝܬܝܗܝܢ ܗ̈ܘܝ ܥܕܠܐ
222:03 [ai]	ܢܐ̈ܒܫܢ܂ ܘܐܡܼܪ ܠܗ ܫܠܝܚܐ܂ ܡܗܝܡܢ ܐܢܬ ܗܟܝܠ
222:04 [ai]	ܒܡܪܢ܂ ܕܟܘܠ ܡܕܡ ܡܿܛܐ ܒܐ̈ܝܼܕܘܗܝ ܒܐ̈ܝܼܕܘܗܝ ܠܡܥܒܕ ܀
222:05 [ai]	ܐܡܿܪ ܠܗ ܗܿܘ ܥܠܝܡܐ܂ ܠܐ ܗܿܘܝܬ ܒܨܝܪܐ
222:06 [ai]	ܒܗܝܡܢܘܬܐ܂ ܐܦ ܡܛܠ ܗܕܐ ܕܗܿܝܡܢܬ ܒܐܠܗܐ
222:07 [ai]	ܣܥܿܪܬ ܗܢܐ ܣܘܥܪܢܐ܂ ܟܕ ܣܒܿܪ ܗܘܝܬ ܕܫܦܝܪ ܥܿܒܕܬ
222:08 [ai]	ܗܘܝܬ܂ ܒܥܿܐ ܗܘܝܬ ܓܝܪ ܡܢܗܿ ܐܝܟܢܐ ܕܐܡܿܪܬ
222:09 [ai]	ܩܕܡܝܟ܂ ܘܠܐ ܨܒܼܬ ܗܘܬ ܕܬܫܡܥܢܝ ܬܼܛܪ ܢܦܫܗܿ
222:10 [ai]	ܒܕܟܝܘܬܐ ܘܒܢܟܦܘܬܐ܂ ܡܛܠ ܗܢܐ ܥܿܒܕܬ ܠܗܿ ܗܟܢܐ ܀
222:11 [ai]	53܂1 ܐܡܿܪ ܠܗ ܝܗܘܕܐ ܬܐ ܢܐܙܠ ܠܦܘܬܩܐ ܐܬܪ ܕܥܒܼܕܬ
222:12 [ai]	ܗܕܐ ܥܒܝܕܬܐ܂ ܘܐܿܙܠ ܗܘܐ ܩܕܡܘܗܝ ܕܫܠܝܚܐ܂ ܘܟܢܫܐ
222:13 [ai]	ܣܓܝܐܐ ܐܿܬܐ ܗܘܐ ܒܬܪܗ܂ ܘܟܕ ܡܿܛܝܘܼ܂ ܠܦܘܬܩܐ ܥܠܘ
222:14 [ai]	ܠܓܘܗ܃ ܘܐܫܟܚܘܗܿ ܠܗܿܝ ܐܢܬܬܐܼ ܟܕ ܡܝܼܬܐ܂ ܘܟܕ ܚܙܗܿ
222:15 [ai]	ܫܠܝܚܐ ܟܼܪܝܬܼ ܠܗ ܥܠܝܗܿ܂ ܥܠ ܕܛܠܝܐ ܗܘܬ܂ ܘܐܡܼܪ
222:16 [ai]	ܕܢܫܩܠܘܢܗܿ ܘܢܦܩܘܢܗܿ ܠܡܨܥܬܐ ܕܦܘܬܩܐ܂ ܘܟܕ
222:17 [ai]	ܐܝܬܝܘܗܿ ܘܐܪܡܝܘܗܿ ܒܥܪܣܐܼ܂ ܣܡ ܐܝܼܕܗ ܥܠܝܗܿ
222:18 [ai]	ܝܗܘܕܐ ܬܐܘܡܐ ܘܫܼܿܪܝ ܗܘܐ ܕܢܐܡܪ܂ 53܂2 ܝܫܘܥ ܡܚܝܢܢ
222:19 [ai]	ܕܡܢ ܡܬܘܡ ܠܐ ܡܗܡܐ ܡܢܢ ܒܟܠܙܒܢ ܕܩܿܪܝܢܢ ܠܗܼ܂
222:20 [ai]	ܝܫܘܥ ܕܐܿܬܐ ܠܘܬܢ ܒܟܠܙܒܢ ܕܒܥܿܝܢܢ ܠܗ܂ ܐܢܬ ܗܘ
222:21 [ai]	ܕܠܗܕܐ ܨܼܠܝܐ ܐܕܢܟ܃ ܕܗܼܘܝܢ ܒܥܝܢܢ ܠܟ܂ ܘܝܿܗܒ ܐܢܬ
223:01 [ai]	ܠܢ܂ ܝܫܘܥ ܗܿܘ ܕܠܐ ܢܫܼܐܠ ܒܠܚܘܕ ܐܦܣ ܠܢ܂ ܐܠܐ
223:02 [ai]	ܕܐܝܟܢܐ ܐܦ ܕܢܨܿܠܐ ܐܠܦܢ܃ 53܂3 ܗܿܘ ܕܒܗܠܝܢ ܥ̈ܝܢܝܢ ܕܦܓܪܐ
223:03 [ai]	ܗܫܐ ܠܐ ܡܬܚܙܐ ܠܢ܃ ܘܒܗܠܝܢ ܥ̈ܝܢܐ
223:04 [ai]	ܕܡܕܥܢ ܠܐ ܥܿܢܕ ܡܢܢ܂ ܗܿܘ ܕܟܣܼܐ ܡܢܢ ܒܚܙܬܗ̈
223:05 [ai]	ܘܓܠܼܐ ܠܢ ܛܝܒܘܬܗ܂ ܘܦܘܪܢܣܐ ܕܥܿܒ̈ܕܘܗܝ
223:06 [ai]	ܘܒܣܘܥܪ̈ܢܘܗܝ ܣ̈ܓܝܐܐ܂ ܗܿܘ ܕܟܡܐ ܕܣܦܩܝܢܢ
223:07 [ai]	ܐܝܟ ܡܫܘܚܬܢ ܝܕܥܢܝܗܝ܃ ܗܼܘ ܕܝܢ ܠܒܪ ܡܢ ܡܫܘܚܬܢ
223:08 [ai]	ܝܗܒܼ ܠܢ ܡܘܗܒܬܗ܃ ܗܿܘ ܕܐܡܼܪ ܕܫܐܠܘ ܘܢܬܝܗܒ
223:09 [ai]	ܠܟܘܢ܂ ܒܥܘ ܘܬܫܟܚܘܢ܂ ܩܘܫܘ ܘܢܬܼܦܬܚ ܠܟܘܢ܂
223:10 [ai]	ܫܐܿܠܝܢܢ ܗܟܝܠ ܡܢܟ ܡܪܢ ܟܕ ܕܚܠܝܢܢ ܡܛܘܠ ܚ̈ܘܒܝܢ
223:11 [ai]	ܘܡܛܠ ܚ̈ܛܗܝܢ܂ ܕܬܦܪܘܣ ܥܠܝܢ ܚܢܼܢܐ ܒܪ̈ܚܡܼܝܟ܂ 53܂4 ܠܐ
223:12 [ai]	ܕܗܒܐ ܘܠܐ ܣܐܡܐ ܘܠܐ ܥܘܬܪܐ ܘܠܐ ܩ̈ܢܝܢܐ܂
223:13 [ai]	ܘܠܐ ܢܟ̈ܣܐ ܘܠܐ ܢܚ̈ܬܐ܃ ܘܠܐ ܡܕܡ ܣܟ ܡܢ
223:14 [ai]	ܐܪ̈ܥܢܝܬܐ ܗܠܝܢ ܕܙܒܢܐ ܐܢ̈ܝܢܿ܂ ܘܡܢܗ ܗ̈ܘܼܝ ܘܠܗ
223:15 [ai]	ܡܬܦܢܝܢ ܒܥܿܝܢܢ܂ ܐܠܐ ܫܐܿܠܝܢܢ ܡܢܟ ܘܒܥܿܝܢܢ ܡܢ
223:16 [ai]	ܒܣܝܡܘܬܟ܃ ܕܬܩܝܡ ܒܫܡܟ ܩܕܝܫܐ ܠܗܕܐ ܕܪܡܝܐ
223:17 [ai]	ܩܕܡܝܟܼ ܠܬܫܒܘܚܬܟ ܪܒܬܐ ܘܠܬܘܕܝܬܐ ܕܐܠܗܘܬܟܼ܂
223:18 [ai]	ܘܠܫܪܪܐ ܕܗܝܡܢܘܬܟ ܕܗܠܝܢ ܕܩܿܝܡܝܢ ܀ ܀ 54܂1 ܘܐܡܼܪ ܠܗܿܘ
223:19 [ai]	ܥܠܝܡܐ܂ ܡܬܘܚ ܪܥܝܢܟ ܠܘܬ ܡܪܢ܂ ܘܚܬܼܡܗ ܗܼܘ
223:20 [ai]	ܒܨܠܝܒܐܼ ܘܐܡܼܪ ܠܗ܂ ܙܠ ܐܚܘܕܝܗܿ ܒܐܝܼܕܗܿ܂ ܘܐܡܼܪ
223:21 [ai]	ܠܗܿ܂ ܐܢܐ ܒܐܝܼ̈ܕܝ ܒܦܪܙܠܐ ܩܛܠܬܟܝ܂ ܝܫܘܥ ܕܝܢ ܒܚܢܢܼܗ
224:01 [ai]	ܒܗܝܡܢܘܬܝ ܡܩܝܡ ܠܟܝ ܀ 54܂2 ܘܐܙܼܠ ܗܿܘ ܥܠܝܡܐ ܩܡ ܠܥܠ
224:02 [ai]	ܡܢܗܼܿ ܘܐܡܼܪ ܗܘܐ܂ ܗܝܡܿܢܬ ܒܟ ܒܫܪܪܐ ܡܪܝ ܝܫܘܥ
224:03 [ai]	ܡܫܝܚܐ ܡܘܗܒܬܐ ܕܐܒܘܗܝܼ܂ ܕܒܟ ܟܠ ܥܘܕܪ̈ܢܝܢ܂ ܘܒܟ
224:04 [ai]	ܟܠ ܦܘܪ̈‍{‍ܣܢ‍}‍‍<‍ܢܣ‍>‍ܝܢ܂ ܘܒܟ ܟܠ ܐ̈ܣܘܢ܂ ܘܒܟ ܚ̈ܝܐ ܠܬܝ̈ܒܐ܂
224:05 [ai]	ܕܒܫܪܪܐ ܬ‍{‍ܪ‍}‍‍<‍ܝܿ‍>‍ܒܝܢ ܠܘܬܟ ܡܢ ܟܠܗ ܠܒܗܘܢ܂ ܐܝܢ ܡܪܝ
224:06 [ai]	ܒܥܿܐ ܐܢܐ ܡܢ ܡܪܚܡܢܘܬܟ ܬܐ ܠܥܘܕܪܢܝ
224:07 [ai]	ܘܠܡܬܦܢܝܢܘܬܝ ܕܝܠܝܼ܂ ܘܚ̈ܝܐ ܠܗܕܐ ܗܒ ܠܗܿ ܒܐܝܼ̈ܕܝ
224:08 [ai]	ܟܕ ܡܡܪܚ ܐܢܐ ܥܠ ܗܕܐ ܕܐܿܥܒܕ܂ ܘܚܐܿܪ ܗܘܐ
224:09 [ai]	ܒܝܗܘܕܐ ܬܐܘܡܐ ܘܐܡܿܪ ܠܗ܂ ܨܿܠܐ ܥܠܝ ܫܠܝܚܗ
224:10 [ai]	ܕܐܠܗܐܿ܂ ܕܢܐܬܐ ܡܪܝ ܠܥܘܕܪܢܝ ܕܩܿܪܐ ܐܢܐ ܠܗ܂
224:11 [ai]	54܂3 ܘܐܪܡܝ ܐܝܼܕܗ ܥܠ ܕܝܠܗܿ܂ ܘܐܡܼܪ ܬܐ ܡܪܝ ܝܫܘܥ
224:12 [ai]	ܡܫܝܚܐܼ ܘܗܒ ܠܗܕܐ ܚ̈ܝܐܼ܂ ܘܠܝ ܪܗܒܘܢܐ
224:13 [ai]	ܕܗܝܡܢܘܬܟ ܀ ܀ ܀ ܘܡܚܕܐ ܕܐܬܬܠܝ ܒܐܝܼܕܗܿ܂ ܫܼܘܪܬ
224:14 [ai]	ܩܡܼܬ ܘܚܝܪܐ ܗܘܬ ܒܐܟܠܘܣ ܗܿܘ ܣܓܝܐܐ ܕܩܐܿܡ
224:15 [ai]	ܗܘܐ܂ ܘܚܙܬܗ ܠܫܠܝܚܐ ܕܡܪܢ ܕܩܐܿܡ ܗܘܐ ܠܩܘܒܠܗܼܿ܂
224:16 [ai]	ܘܪܗܼܛܬ ܘܠܘܬ ܪ̈ܓܠܘܗܝ ܢܦܠܼܬ܂ ܘܒ̈ܫܦܘܠܘܗܝ ܐܚܝܕܐ
224:17 [ai]	ܗܘܬܼ ܘܐܡܿܪܐ ܠܗ܂ ܒܥܝܐ ܐܢܐ ܡܢܟ ܡܪܝܼ܂ ܐܝܟܘ
224:18 [ai]	ܗܿܘ ܐܚܪܢܐ ܕܐܝܬ ܗܘܐ ܥܡܟ܂ ܕܠܐ
224:19 [ai]	ܫܒܩܢܝ ܕܐܦܘܫ ܒܗܘܿ ܐܬܪܐ ܕܚܿܙܝܬ܂ ܐܠܐ ܠܟ
224:20 [ai]	ܐܫܠܡܢܝ ܘܐܡܼܪ ܠܟܼ܂ ܕܠܗܕܐ ܕܒܼܪ ܐܿܙܠܐ ܠܘܬܟ܃
225:01 [ai]	ܕܬܫܬܡܠܐ ܒܚܘܒܗܿ ܒܗܝܡܢܘܬܐܼ܂ ܘܗܝܕܝܢ ܠܐܬܪܐ
225:02 [ai]	ܕܝܠܝ ܬܬܼܟܢܫ ܀ 55܂1 ܐܡܿܪ ܠܗܿ ܝܗܘܕܐ܂ ܐܫܬܥܝ ܠܝ ܠܐܝܟܐ
225:03 [ai]	ܐܙܠܼܬܝ ܘܡܢܐ ܚܿܙܝܬܝ ܀ ܀ ܐܡܿܪܐ ܠܗ܂ ܐܢܬ ܕܥܡܝ ܗܘܝܬ
225:04 [ai]	ܘܠܟ ܐܫܠܡܢܝ܃ ܕܬܫܡܥ ܡܢܝ ܒܥܝܼܬ܂ ܘܫܼܪܝܬ ܗܘܬ
225:05 [ai]	ܕܬܐܡܪ ܠܗ܂ ܕܕܒܼܪܢܝ ܓܒܪܐ ܚܕ ܕܣܢܼܐ ܗܘܐ ܒܚܙܘܗ̈
225:06 [ai]	ܘܐܘܟܡ ܗܘܐ ܦܓܪܗ ܘܢܕܝܕ ܗܘܐ ܠܒܘܫܗܼ܂ ܘܐܘܒܠܢܝ
225:07 [ai]	ܠܐܬܪܐ ܚܕ ܕܦܚ̈ܬܐ ܡܼܿܠܐ ܗܘܐ܂ ܘܪܝܚܐ ܬܘܒ ܣܪܝܐ
225:08 [ai]	ܒܓܘܗ ܥܿܛܪ ܗܘܐ܂ ܘܒܚܕ ܚܕ ܡܢ ܦܚ̈ܬܐ ܡܕܝܩ ܗܘܐ
225:09 [ai]	ܠܝ܂ 55܂2 ܘܚܿܙܝܬ ܠܦܚܬܐ ܩܕܡܝܐܼ܂ ܘܐܝܟ ܕܢܘܪܐ ܡܬܓܘܙܠܐ
225:10 [ai]	ܒܓܘܗ܂ ܘܓ̈ܝܓܠܐ ܕܢܘܪܐ ܒܓܘܗ ܡܬܟܪ̈ܟܢ ܗ̈ܘܝ܂ ܘܐܡܼܪ
225:11 [ai]	ܠܝ ܕܠܗܢܐ ܬܫܢܝܩܐ ܥܬܝ̈ܕܢ ܕܢܐܬܝ̈ܢ ܢܦܫ̈ܬܐ ܐܝܠܝܢ
225:12 [ai]	ܕܥܒܪ̈‍{‍ܝ‍}‍ܢ ܥܠ ܢܡܘܣܐ ܕܡ̈ܫܚܠܦܢ ܙܘܘܓܐ ܕܫܘܬܦܘܬܐ
225:13 [ai]	ܕܐܬܟܼܝܢܬ ܡܢ ܐܠܗܐ܂ ܘܐܚܪ̈ܢܝܬܐ ܥܬܝ̈ܕܢ ܕܢܐܬܝ̈ܢ ܠܗ
225:14 [ai]	ܠܬܫܢܝܩܐ ܗܢܐܿ܂ ܕܠܐ ܢܛܪ̈ܝ ܒܬܘܠܘܬܗܝܢ܃ ܘܐܬܪ̈ܡܝ
225:15 [ai]	ܠܥܿܒܕܐ ܕܒܗܬܬܐ ܘܐܬܝ̈ܢ ܠܗܢܐ ܐܘܠܨܢܐܿ܂ ܥܠ ܕܥܒܪ̈ܝ
225:16 [ai]	ܥܠ ܢܡܘܣܐ ܕܐܠܗܐ܂ ܘܡ̈ܫܬܠܡܢ ܠܪ̈ܘܚܐ ܒܝ̈ܫܼܬܐ܂
225:17 [ai]	ܘܗ̈ܘܝܢ ܠܓܘܚܟܐ ܘܠܒܙܚܐ܂ ܘܗܘܿܝܐ ܡܢܗܝܢ ܦܘܪܥܢܘܬܐ܂
225:18 [ai]	ܘܐ̈ܙܠܢ ܠܬܫܢܝܩܐ ܐܚܪܢܐ ܕܒܝܼܫ ܡܢ ܗܢܐ ܘܡܫ̈ܬܢܩܢ
225:19 [ai]	ܬܡܿܢ܂ ܀ 56܂1 ܘܬܘܒ ܚܘܝܢܝ ܦܚܬܐ ܐܚܪܢܐܼ܂ ܘܐܿܕܝܩܬ ܒܗ
226:01 [ai]	ܘܚܿܙܝܬ ܨ̈ܒܘܬܐ ܕܚ̈ܝܠܬܐܿ܂ ܕܥܬܝ̈ܕܢ ܕܢܐܬܝ̈ܢ ܠܗܝܢ
226:02 [ai]	ܢܦܫ̈ܬܐ ܕܥ̈ܒܼܕܢ ܒܝܼ̈ܫܬܐ܂ ܘܚܿܙܝܬ ܬܡܿܢ ܢ̈ܓܕܐ ܣ̈ܓܝܐܐ
226:03 [ai]	ܕܡܥܬܕܝܢ ܠܓܒܪ̈ܐ ܘܠܢܫܐ ܘܠܥܠܝܡ̈ܐ ܘܠܒܬܘ̈ܠܬܐ܂
226:04 [ai]	ܗܿܢܘܢ ܓܒܪ̈ܐ ܕܫܒܩܝܢ ܢ̈ܫܝܗܘܢܿ܂ ܘܥܡ ܢܫ̈ܝ ܚܒܪ̈ܝܗܘܢ
226:05 [ai]	ܡܫܬܘܬܦܝܢ܂ ܘܢ̈ܫܐ ܕܥܒܼܪ̈ܢ ܥܠ ܫܘܬܦܘܬܐ ܕܓܒܪ̈ܝܗܝܢ܃
226:06 [ai]	56܂2 ܘܥ̈ܠܝܡܐ ܕܠܐ ܢܼܛܪܘ ܢܡ̈ܘܣܝܗܘܢܿ ܘܥܡ ܙܢ̈ܝܬܐ
226:07 [ai]	ܐܫܬܪܚܘ ܒܪܓܬܗܘܢ܃ ܘܠܐ ܣܦܼܩ ܠܗܘܢ ܥܿܒܪ
226:08 [ai]	ܢܡܘܣܐ ܕܒܝܬ ܙܢܝ̈ܬܐܿ܂ ܐܠܐ ܐܬܟܡܢܘ ܠܒܬܘ̈ܠܬܐ܂
226:09 [ai]	ܘܐܫܬܪܚܘ ܒܚܛܝܬܐ܂ ܘܒܬܘ̈ܠܬܐ ܕܠܐ ܢܛܪ̈ܝ ܐܣܟܝܡܐ
226:10 [ai]	ܕܒܬܘܠܘܬܗܝܢ܃ ܡܛܠ ܪܓܬܗܝܢ ܫܪܝܚܬܐ ܐܒܗܬܝ̈
226:11 [ai]	ܠܐܒ̈ܗܝܗܝܢܿ܂ ܘܐܬܝ̈ܢ ܠܗܢܐ ܐܘܠܨܢܐܼ܂ ܘܡܬܦܪ̈ܥܝܢ
226:12 [ai]	ܟܘܠ ܐܢܫ ܐܝܟ ܥܿܒ̈ܕܘܗܝ ܀ 57܂1 ܘܐܘܒܠܢܝ
226:13 [ai]	ܗܘܐ ܬܘܒ ܘܚܘܝܢܝ ܡܥܪܬܐ ܚܕܐ ܚܫܘܟܬܐܼ܂ ܘܪܝܚܐ
226:14 [ai]	ܣܪܝܐ ܢܿܦܩ ܗܘܐ ܡܢܗܿ܂ ܘܐܡܼܪ ܠܝ ܐܕܝܩ ܘܚܙܝܼ܂ ܕܗܿܢܘ
226:15 [ai]	ܒܝܬ ܚܒܘܫܝܐ ܕܢܦܫ̈ܬܐ ܗܠܝܢ ܕܐܡܼܪܬ ܠܟܝ ܥܠܝܗܝܢ܂
226:16 [ai]	ܕܡܐ ܕܫܠܼܡܬ ܡܪܕܘܬܐ ܕܚܕܐ ܚܕܐ ܡܢܗܝܢ܃ ܐܙܿܠܐ
226:17 [ai]	ܚܠܦܝܗܿ ܐܚܪܬܐ܂ ܘܐܝܬ ܡܢܗܝܢ ܕܓܡܪ̈ܢ ܬܘܒ ܘܐܝܬ
226:18 [ai]	ܡܢܗܝܢ ܕܠܬܫ̈ܢܝܩܐ ܐܚܪ̈ܢܐ ܡܫܬܠ̈ܡܢ܂ ܐܡܿܪܝܢ ܠܗ ܠܗܿܘ
226:19 [ai]	ܓܒܪܐ ܕܕܒܝܼܪ ܠܝܿ܂ 57܂2 ܢܛܘܪ̈ܝܗܘܢ ܕܬܫ̈ܢܝܩܐ ܗܿܢܘܢ܂
226:20 [ai]	ܗܒܝܗܿ ܠܢ ܠܗܕܐ ܕܢܚܒܫܝܗܿ ܒܕܘܟܬܗܿ܂ ܥܠ ܕܐܿܙܠܐ
226:21 [ai]	ܠܬܫܢܝܩܗܿ ܀ ܐܡܿܪ ܠܗܘܢ ܗܿܘ ܓܒܪܐ ܕܕܒܝܼܪ ܠܝ܂ ܠܐ
227:01 [ai]	ܝܗܒ ܐܢܐ ܠܗܿ ܠܟܘܢ܂ ܡܛܠ ܕܕܚܿܠ ܐܢܐ ܡܢ ܡܿܢ
227:02 [ai]	ܕܐܫܠܡܗܿ ܠܝ܂ ܘܐܦܠܐ ܐܬܼܦܩܕܬ ܕܐܪܦܝܗܿ ܗܪܟܐ܂
227:03 [ai]	ܐܠܐ ܥܡܝ ܡܿܣܩ ܐܢܐ ܠܗܿ܃ ܥܕ ܡܩܒܠ ܐܢܐ ܥܠܝܗܿ
227:04 [ai]	ܦܘܩܕܢܐ܂ 57܂3 ܘܕܒܪܢܝ ܘܐܦܩܢܝ ܠܐܬܪܐ ܕܐܝܬ ܒܗ
227:05 [ai]	ܒܢ̈ܝܢܫܐ܂ ܘܕܒܪܢܝ ܗܿܘ ܕܕܡܿܐ ܠܟ ܘܐܫܠܡܢܝ ܠܟ܂
227:06 [ai]	ܘܐܡܼܪ ܠܟ ܕܒܪܝܗܿ ܠܗܕܐ܂ ܡܛܠ ܕܚܕܐ ܡܢ ܗ̈ܢܝܢ ܗܝ
227:07 [ai]	ܢܩ̈ܘܬܐ ܕܛܥ̈ܝ܂ ܘܕܒܪܬܢܝ ܡܢܗ܂ ܘܗܐ ܩܕܡܝܟ
227:08 [ai]	ܩܿܝܡܐ ܐܢܐ܂ ܘܒܥܝܐ ܐܢܐ ܡܢܟ ܕܐܗܝܡܢ ܐܦ
227:09 [ai]	ܐܢܐ ܒܐܝܼ̈ܕܝܟ܂ ܘܐܬܚܢܢ ܡܛܠ ܨܠܘܬܟ܂ ܘܠܐ ܐܿܙܠ
227:10 [ai]	ܐܦ ܐܢܐ ܠܗܿܢܘܢ ܬܫ̈ܢܝܩܐ ܕܚܿܙܝܬ ܀ ܀ 58܂1 ܐܡܿܪ ܠܗܘܢ
227:11 [ai]	ܝܗܘܕܐ ܬܐܘܡܐ܂ ܫܡܼܥܬܘܢ ܒ̈ܢܝ ܡܢܐ ܐ‍{‍ܡܿ‍}‍‍<‍ܡܼ‍>‍ܪܬ
227:12 [ai]	ܗܕܐ ܐܢܬܬܐܼ܂ ܘܠܐ ܗܘܐ ܒܠܚܘܕ ܗܠܝܢ ܬܫ̈ܢܝܩܐ
227:13 [ai]	ܐܝܬ܂ ܐܠܐ ܐܦ ܐܚܪ̈ܢܐ ܕܡܢ ܗܠܝܢ ܣܓܿܝ ܒܝܼ̈ܫܝܢ܂
227:14 [ai]	ܐܦ ܐܢܬܘܢ ܗܟܝܠ ܐܠܐ ܡܬܦܢܝܢ ܐܢܬܘܢܼ ܠܘܬ
227:15 [ai]	ܗܢܐ ܫܪܪܐ ܕܡܿܟܪܙ ܐܢܐܼ܂ ܘܡܙܕܓܪܝܢ ܐܢܬܘܢ ܡܢ
227:16 [ai]	ܥܿܒ̈ܕܝܟܘܢ ܒ̈ܝܼܫܐ܃ ܘܡܢ ܣܘܥܪ̈ܢܝܟܘܢ ܕܠܐ ܡܗܢܝܢ
227:17 [ai]	ܠܟܘܢ܃ ܘܡܢ ܡ̈ܚܫܒܬܟܘܢ ܕܠܐ ܒܝܕܥܬܐܼ܂ ܠܗܠܝܢ ܗܘ
227:18 [ai]	ܬܫ̈ܢܝܩܐ ܢܓܕܐ ܚܪܬܟܘܢ܂ ܐܠܐ ܐܢܬܘܢ ܗܟܝܠ ܗܝܡܢܘ
227:19 [ai]	ܒܝܫܘܥ ܡܫܝܚܐܼ܂ ܘܗܼܘ ܥܿܛܐ ܣܘܥܪ̈ܢܝܟܘܢ ܩ̈ܕܡܝܐܿ܂
227:20 [ai]	ܘܡܿܕܟܐ ܠܟܘܢ ܡܢ ܟܠܗܘܢ ܚܘ̈ܫܒܝܟܘܢ ܐܪ̈ܥܢܝܐ
228:01 [ai]	ܕܒܐܪܥܐ ܦܝܫܝܢ܂ ܘܡܚܿܣܐ ܠܟܘܢ ܡܢ ܚ̈ܛܗܝܟܘܢ܂
228:02 [ai]	ܗܿܢܘܢ ܕܐܠܐ ܬܼܝܒܝܢ ܐܢܬܘܢ ܡܢܗܘܢ ܠܘܬ ܐܠܗܐܼ܂
228:03 [ai]	ܗܼܢܘܢ ܠܘܿܝܢ ܠܟܘܢ ܘܥܡܟܘܢ ܐܿܙܠܝܢ ܘܩܕܡܝܟܘܢ
228:04 [ai]	ܡܫܬܟܚܝܢ ܀ 58܂2 ܫܘܠܚܘܗܝ ܗܟܝܠ ܚܕ ܚܕ ܡܢܟܘܢ ܠܒܪܢܫܗ
228:05 [ai]	ܥܬܝܩܐ܂ ܘܠܒܫܘ ܠܒܪܢܫܐ ܚܼܕܬܐ܂ ܗܿܢܘ ܕܝܢ ܕܘܒܪ̈ܝܟܘܢ
228:06 [ai]	ܩ̈ܕܡܝܐ܂ ܘܥܿܒ̈ܕܝܟܘܢ ܦܓܪ̈ܢܝܐ܂ ܕܐܝܠܝܢ
228:07 [ai]	ܡܟܝܠ ܕܓܢܒܝܢ ܗܘܘ܂ ܬܘܒ ܠܐ ܢܓܢܒܘܢ܂ ܐܠܐ
228:08 [ai]	ܢܐܿܠܐܿܘܢ ܘܢܦܠܼܚܘܢܼ ܘܢܚܼܘܢ܂ ܘܐܝܠܝܢ ܬܘܒ ܡܢܟܘܢ
228:09 [ai]	ܕܓܝܪܝܢ ܗܘܘܼ܂ ܠܐ ܢܓܘܪܘܢ܂ ܘܢܬܪܡܘܢ ܠܢܝܿܚܐ
228:10 [ai]	ܕܫܥܬܐܼ܂ ܕܠܐ ܢܐܙܠܘܢ ܠܬܫܢܝܩܐ ܕܠܥܠܡ ܀ ܀ ܓܘܪܐ
228:11 [ai]	ܓܝܪ ܣܼܢܐ ܗܘ ܩܕܡ ܐܠܗܐܼ܂ ܝܬܝܪ ܡܢ ܟܠܗܘܢ ܥܿܒ̈ܕܐ
228:12 [ai]	ܒ̈ܝܼܫܐ܂ 58܂3 ܘܐܢܝܼܚܘ ܡܢܟܘܢ ܟܕܒܘܬܐܿ܂ ܘܥܠܘܒܘܬܐ
228:13 [ai]	ܘܪܘܝܘܬܐ ܘܡܐܿܟܠܩܪܨܐ܂ ܘܚܘܒܠܐ ܒܝܼܫܐ ܥܠ ܐܢܫܼ
228:14 [ai]	ܠܐ ܬܐܪܡܘܢ܂ ܗܠܝܢ ܓܝܪ ܟܠܗܝܢ ܠܐܠܗܐ ܗܢܐ
228:15 [ai]	ܕܡܿܟܪܙ ܐܢܐܼ܂ ܣ̈ܢܝܢ ܘܛܡܐ̈ܢ ܐ̈ܢܝܢ ܠܗ܂ ܐܠܐ
228:16 [ai]	ܐܬܕܒܼܿܪܘ ܐܢܬܘܢ ܒܟܠܗܿ ܡܟܝܟܘܬܐ ܘܒܥܢܘܝܘܬܐ
228:17 [ai]	ܘܩܕܝܫܘܬܐܼ܂ ܘܒܣܒܪܐ ܕܥܠ ܐܠܗܐ܂ ܘܗܿܘܝܢ ܐܢܬܘܢ
228:18 [ai]	ܠܗ ܒ̈ܢܝ ܒܝܬܐܼ܂ ܘܡܩܿܒܠܝܢ ܐܢܬܘܢ ܡܢܗ ܡ̈ܘܗܒܬܐܿ܂
228:19 [ai]	ܕܠܚܕܚ̈ܕܢܐ ܡ̈ܬܝܗܒܢ ܀ 59܂1 ܗܿܢܘܢ ܕܝܢ ܟܢ̈ܫܐ ܗܝܡܢܘ
228:20 [ai]	ܗܘܘ܂ ܘܐܫܠܡܘ ܗܘܘ ܢܦܫܗܘܢ ܠܐܠܗܐ ܚܼܿܝܐܼ ܘܠܝܫܘܥ
228:21 [ai]	ܡܫܝܚܐ܂ ܘܡܬܒܣܡܝܢ ܗܘܘ ܒܥܿܒ̈ܕܘܗܝ ܒܪ̈ܝܟܐ
229:01 [ai]	ܕܡܪܝܡܐ܂ ܘܒܬܫܡܫܬܗ ܩܕܝܫܬܐ܂ ܘܡܿܝܬܝܢ ܗܘܘ ܚܕ
229:02 [ai]	ܚܕ ܡܢܗܘܢ ܟܣܦܐ ܣܓܝܐܐ ܠܢܝܿܚܐ ܕܐܪ̈ܡܠܬܐܿ܂
229:03 [ai]	ܕܟܢܝܫܢ ܗ̈ܘܝ ܠܗ ܠܫܠܝܚܐ ܒܡܕܝܢܐ ܡܕܝܢܐ܂ ܘܠܟܠܗܝܢ
229:04 [ai]	ܡܫܕܪ ܗܘܐ ܒܝܕ ܡ̈ܫܡܫܢܘܗܝ܃ ܡܕܡ ܕܚܫܚ ܗܘܐ
229:05 [ai]	ܠܗܝܢ ܠܬܘܪܣܝܐ ܘܠܠܒܘܫܐ܂ 59܂2 ܘܗܼܘ ܣܟܼ ܠܐ ܫܿܠܐ ܗܘܐ
229:06 [ai]	ܡܢ ܕܠܡܟܪܙܘ ܘܠܡܐܡܪ ܠܗܘܢ܂ ܘܠܡܚܘܝܘ ܐܢܘܢ
229:07 [ai]	ܕܗܘܼܝܘ ܝܫܘܥ ܡܫܝܚܐ܂ ܕܐܡܼܪܘ ܥܠܘܗܝ ܟܬܒ̈ܐ܃ ܘܚܘܝܘ
229:08 [ai]	ܛܘ̈ܦܣܘܗܝ ܘܪ̈ܐܙܘܗܝ ܘܝ̈ܘܩܢܘܗܝ܃ ܢܡܘܣܐ ܘܢ̈ܒܝܐ܂
229:09 [ai]	ܕܐܬܝܗܒ ܩܝܼܡܐ ܠܥܡܐܿ܂ ܕܢܬܟܠܘܢ ܡܛܠܬܗ ܡܢ
229:10 [ai]	ܣܓܕܬܐ ܕܦܬܟܪ̈ܐ܂ ܘܢܘܗܪܐ ܠܥܡ̈ܡܐܿ܂ ܕܒܐܝܼܕܗ
229:11 [ai]	ܕܢܚܼܬ ܥܠܝܗܘܢ ܛܝܒܘܬܗ ܕܐܠܗܐ܂ ܘܡܬܢܝܚܝܢ
229:12 [ai]	ܒܡܿܠܟܘܬܗ ܟܘܠ ܐܝܠܝܢ ܕܢܛܪܝܢ ܦܘ̈ܩܕܢܘܗܝ ܘܡܬܝܩܪܝܢ
229:13 [ai]	ܒܫܘܒܚܐ܂ ܘܐܬܼܐ ܘܐܙܕܩܦ ܘܩܡ ܠܬܠܬܐ ܝܘ̈ܡܝܢ܂
229:14 [ai]	ܘܬܼܢܐ ܗܘܐ ܠܗܘܢ ܘܡܿܦܫܩ ܡܢ ܡܘܫܐܼ܂ ܘܥܕܡܐ
229:15 [ai]	ܠܚܪܬܗܘܢ ܕܢܒ̈ܝܐ܂ ܡܛܠ ܕܟܠܗܘܢ ܥܠܘܗܝ ܐܟܪܙܘ܂
229:16 [ai]	ܘܐܬܼܐ ܗܘܼ ܫܿܠܡ ܒܥܿܒܕܐ ܀ 59܂3 ܘܐܫܬܼܡܥ ܗܘܐ ܛܒܼܗ
229:17 [ai]	ܒܝܬ ܒ̈ܢܝܢܫܐ܂ ܒܡ̈ܕܝܢܬܐ ܘܩܘܪ̈ܝܐ܂ ܘܟܠܢܫ ܕܐܝܬ
229:18 [ai]	ܗܘܐ ܠܗ ܟܪܝܗܐ ܐܘ ܕܐܝܬ ܗܘܐ ܠܗ ܪܘܚܐ
229:19 [ai]	ܐܘ ܕܒܪܐܓܪܐ܃ ܐܘ ܕܝܒܝܫܝܢ ܗܘܘ ܦ̈ܠܓܝܗܘܢܼ܂ ܐܝܬ
229:20 [ai]	ܡܢܗܘܢ ܕܒܥܪ̈ܣܬܐ ܡܿܝܬܝܢ ܗܘܘ ܘܣܝܡܝܢ ܗܘܘ ܠܗܘܢ
229:21 [ai]	ܒܐܘܪܚܐ܂ ܠܐܝܟܐ ܕܝܿܠܦܝܢ ܗܘܘ ܕܐܿܙܠ ܗܘܐ܂ ܘܗܘܼ
229:22 [ai]	ܠܟܠܗܘܢ ܒܚܝܠܐ ܕܝܫܘܥ ܡܪܗ ܡܐܿܣܐ ܗܘܐ܂