The Comprehensive Aramaic Lexicon

240:01 [ai]	ܗܼܘ ܨܒܝܼܬ ܒܨܒܝܢܟ܃ ܘܥܒܼܕܬ ܟܠܗܘܢ ܥܿܒ̈ܕܝܟ܂
240:02 [ai]	ܘܫܟܼܠܠܬ ܟܠܗܝܢ ܒܪ̈ܝܬܟ܃ ܘܐܝܬܼܝܬ ܐ̈ܢܝܢ ܠܛܟܣܐ ܕܟܝܢܗܝܢ܃
240:03 [ai]	ܘܣܡܼܬ ܥܠ ܟܠܗܝܢ ܕܚܠܬܟ܂ ܕܢܫܬܼܥܒܕܘܢ ܠܦܘܩܕܢܟ܂
240:04 [ai]	ܘܗܼܘ ܨܒܝܢܟ ܕܪܫܼ ܐܘܪܚܐ ܡܢ ܟܣܝܘܬܟ ܠܓܠܝܐܿ܂ ܘܗܘܼܐ
240:05 [ai]	ܡܦܪܢܣܐ ܠܟܠ ܢܦܫ ܕܥܒܼܕܬ܂ ܘܐܬܡܠܠ ܒܦܘܡܐ ܕܢܒ̈ܝܐ
240:06 [ai]	ܟܠܗܘܢ܂ ܒܟܘܠ ܚ̈ܙܘܝܢ ܘܩ̈ܠܝܢ ܘܢ̈ܥܡܢ܂ ܘܠܐ ܐܬܛܦܝܣ
240:07 [ai]	ܐܝܣܪܐܝܠ ܡܛܠ ܝܨܪܗܘܢ ܒܝܼܫܐ܂ 70܂3 ܘܐܢܬ ܡܛܠ ܕܡܪܐ
240:08 [ai]	ܐܢܬ ܕܟܠ܃ ܘܒܛܝܠ ܠܟ ܥܠ ܒܪ̈ܝܬܐ܃ ܕܬܦܪܘܣ ܥܠܝܢ
240:09 [ai]	ܡܪܚܡܢܘܬܟ ܒܗܢܐ ܕܐܬܼܐ ܒܨܒܝܢܟ ܘܠܒܫܼ ܦܓܪܐ
240:10 [ai]	ܒܪܝܬܟ܃ ܗܿܘ ܕܐܢܬ ܨܒܝܼܬ ܘܓܒܠܬܝܗܝ ܐܝܟ ܚܟܡܬܟ
240:11 [ai]	ܡܫܒܚܬܐ܂ ܗܢܐ ܕܒܟܣܝܘܬܟ ܛܟܣܬܝܗܝ ܘܒܓܠܝܘܬܟ
240:12 [ai]	ܐܩܝܡܬܝܗܝ܂ ܣܡܼܬ ܠܗ ܫܡܐ ܒܪܐ܂ ܗܢܐ ܕܐܝܬܘܗܝ
240:13 [ai]	ܨܒܝܢܟ ܚܝܠܐ ܕܡܚܫܒܬܟ܂ ܕܐܝܬܝܟܘܢ ܒܫ̈ܡܗܐ
240:14 [ai]	ܡܦܪ̈ܫܐܿ܂ ܐܒܐ ܘܒܪܐ ܘܪܘܚܐܿ܂ ܡܛܠ ܦܘܪܢܣܐ
240:15 [ai]	ܕܒܪ̈ܝܬܟ܃ ܠܬܪܒܝܬܐ ܕܟܝ̈ܢܐ ܟܠܗܘܢܿ܂ ܘܐܝܬܝܟܘܢ
240:16 [ai]	ܚܕ ܒܫܘܒܚܐ ܘܒܚܝܠܐ ܘܒܨܒܝܢܐ܂ ܘܐܝܬܝܟܘܢ
240:17 [ai]	ܦܠܝܓܝܢ ܟܕܠܐ ܦܣܝܩܝܢ܂ ܘܚܕ ܟܕ ܡܦܪܫܝܢ܂ ܘܟܠ ܒܟ
240:18 [ai]	ܩܐܿܡ ܘܠܟ ܡܫܬܥܒܕ܂ ܡܛܠ ܕܟܠ ܕܝܠܟ ܗܘ܂ 70܂4 ܘܐܢܐ
240:19 [ai]	ܥܠܝܟ ܗܘ ܬܟܝܠ ܐܢܐ ܡܪܝ܂ ܘܒܦܘܩܕܢܟ ܫܿܥܒܕܬ
240:20 [ai]	ܠܗܕܐ ܚܝܘܬܐ ܕܠܐ ܡܠܬܐ܂ ܕܬܦܪܢܣ ܥܠܝܢ ܘܥܠܝܗܝܢ
241:01 [ai]	ܡܛܘܠ ܕܐܠܨܿܐ܂ ܘܕܢܫܬܒܚ ܫܡܟ ܒܢܿ܂ ܘܒܚܝܘܬܐ ܕܠܝܬ
241:02 [ai]	ܠܗܿ ܡܠܬܐ܂ 70܂5 ܘܟܕ ܐܡܼܪ ܗܠܝܢܼ܂ ܐܡܼܪ ܠܗܘܢ ܠܥܪ̈ܕܐ
241:03 [ai]	ܗܿܢܘܢ܂ ܫܿܠܡܐ ܥܡܟܘܢ܂ ܡܛܠ ܕܐܬܛܦܝܣܬܘܢ
241:04 [ai]	ܠܡܠܬܐ ܡܪܬ ܟܠ܂ ܢܐܬܘܢ ܐܪ̈ܒܥܐ ܡܢܟܘܢ
241:05 [ai]	ܘܢܬܟܕܢܘܢ ܚܠܦ ܒܥܝܪܐ ܗܠܝܢ ܕܩܡ ܠܗܝܢ ܘܠܐ
241:06 [ai]	ܡܫܟܚܢ ܕܢܗ̈ܠܟܢ܂ ܘܚܕ ܚܕ ܡܢܗܘܢ ܕܗܿܢܘܢ ܥܪ̈ܕܐ
241:07 [ai]	ܡܬܚܒܨܝܢ ܗܘܘ܂ ܕܐܝܢܐ ܡܢܗܘܢ ܢܬܟܕܢ܂ ܘܐܝܬ
241:08 [ai]	ܗܘܘ ܕܝܢ ܬܡ̈ܢܼ ܕܩܫܝܢ ܗܘܘ ܡܢ ܚܒܪ̈ܝܗܘܢܼ܂ ܘܗܼܢܘܢ
241:09 [ai]	ܐܬܟܕܢܘ܂ ܘܫܪܟܗܘܢ ܐܬܼܝܢ ܗܘܘ ܒܬܪܗ ܘܩܕܡܘܗܝ
241:10 [ai]	ܕܫܠܝܚܐ܂ ܘܟܕ ܩܠܝܠ ܪܕܘܼ ܐܡܼܪ ܠܗܘܢ܂ ܠܟܘܢ ܐܡܿܪ
241:11 [ai]	ܐܢܐ ܥܡܘܪ̈ܐ ܕܕܒܼܪܐ܂ ܦܘܫܘ ܘܙܠܘ ܠܪܥܝܼܟܘܢ܂ ܐܠܘ
241:12 [ai]	ܓܝܪ ܟܠܟܘܢ ܡܬܒܥܝܢ ܗܘܝܬܘܢ ܠܝܼ܂ ܟܠܟܘܢ ܐܬܼܝܢ
241:13 [ai]	ܗܘܝܬܘܢ܂ ܗܫܐ ܕܝܢ ܙܠܘ ܠܟܘܢ ܠܐܬܪܐ ܕܒܗ
241:14 [ai]	ܗܿܘܝܢ ܗܘܼܿܝܬܘܢ܂ ܘܗܼܢܘܢ ܥܪ̈ܕܐ ܐܿܙܠܝܢ
241:15 [ai]	ܗܘܘ ܒܫܠܼܝܐܼ܂ ܥܕܡܐ ܕܐܒܥܕܘ ܡܢ ܚܙܬܗ܂ 71܂1 ܘܝܿܬܒ
241:16 [ai]	ܗܘܐ ܫܠܝܚܐ ܘܪܒ ܚܝܠܐ ܘܩܪܪܐܼ܂ ܘܐܬܼܝܢ ܗܘܘ ܗܿܢܘܢ
241:17 [ai]	ܥܪ̈ܕܐ ܒܢܝܿܚܐ ܘܒܫܠܝܐ ܘܒܩܠܝܠ ܩܠܝܠ܃ ܕܠܐ ܢܬܬܙܝܥ
241:18 [ai]	ܫܠܝܚܗ ܕܐܠܗܐ܂ ܘܟܕ ܡܿܛܼܝܘ ܬܪܥܐ ܕܡܕܝܢܬܐܼ܂
241:19 [ai]	ܦܪܫܘ ܘܐܙܠܘ ܩܡܘ ܩܕܡ ܬܪܥܐ ܕܕܪܬܗ ܕܗܿܘ ܪܒ
241:20 [ai]	ܚܝܠܐ ܀ ܀ ܗܿܝܕܝܢ ܪܒ ܚܝܠܐ ܗܿܘ ܬܡܼܗ ܠܗܼ ܘܐܡܼܪ܂
241:21 [ai]	ܠܐ ܡܫܟܚ ܐܢܐ ܕܐܡܼܿܪ ܘܐܿܫܬܥܐ ܡܕܡ ܕܓܕܫ܃
242:01 [ai]	ܐܠܐ ܬܗܘܐ ܬܕܡܘܪܬܐ ܐܚܪܬܐ ܘܗܿܝ ܕܝܢ ܐܿܫܬܥܐ܂
242:02 [ai]	71܂2 ܐܬܼܝܐ ܗܘܬ ܕܝܢ ܟܠܗܿ ܡܕܝܢܬܐ܃ ܕܚܙܘ ܠܗܿܢܘܢ ܥܪ̈ܕܐ
242:03 [ai]	ܟܕ ܟܕܝܢܝܢ ܗܘܘ ܒܙܘܓܐܼ܂ ܘܐܦ ܕܫܡܼܥܘ ܗܘܘ ܛܒܼܗ
242:04 [ai]	ܕܫܠܝܚܐ ܕܐܙܼܠ ܠܬܡܿܢ ܀ ܀ ܐܡܿܪ ܠܗ ܫܠܝܚܐ ܠܪܒ
242:05 [ai]	ܚܝܠܐ ܗܿܘ ܐܝܟܘ ܒܝܬܟ܂ ܘܠܐܝܟܐ ܡܘܒܠ ܐܢܬ ܠܢ ܀
242:06 [ai]	ܐܡܿܪ ܠܗ ܪܒ ܚܝܠܐ܂ ܐܢܬ ܝܿܕܥ ܐܢܬܼ ܕܥܠ ܬܪܥܗ
242:07 [ai]	ܕܥܒܼܕܟ ܩܐܿܡܼ ܐܢܬ܂ ܘܗܠܝܢ ܕܒܦܘܩܕܢܟ ܐܬܘ ܥܡܟܼ܂
242:08 [ai]	ܝܬܝܪ ܡܢܝ ܝܿܕܥܝܢ܂ 72܂1 ܘܟܕ ܐܡܼܪ ܗܠܝܢ ܪܒ ܚܝܠܐܼ܂ ܫܘܪ
242:09 [ai]	ܢܚܼܬ ܡܢ ܙܘܓܐ܂ ܀ ܘܫܼܿܪܝ ܗܘܐ ܫܠܝܚܐ ܕܢܐܡܪ܂
242:10 [ai]	ܝܫܘܥ ܕܛܠܼܝܡ ܒܐܝܕܥܬܗ ܒܐܬܪܐ ܗܢܐ܃ ܝܫܘܥ
242:11 [ai]	ܕܢܘܟܪܝ ܛܒܼܗ܂ ܒܡܼܕܝܢܬܐ ܗܕܐ܃ ܝܫܘܥ ܐܟܣܢܝܐ ܒܝܬ
242:12 [ai]	ܒ̈ܢܝܢܫܐ ܗܠܝܢ܃ ܝܫܘܥ ܕܡܩܿܕܡ ܠܫܠܝܚܗ ܠܟܠ ܐܬܪ
242:13 [ai]	ܘܠܟܠ ܡܕܝܢܐ܃ ܘܒܗ ܡܫܬܒܚ ܘܒܗ ܡܬܝܕܥ
242:14 [ai]	ܠܟܠܗܘܢ ܐܝܠܝܢ ܕܠܗ ܫܿܘܝܢ܃ ܝܫܘܥ ܕܠܒܼܫ ܦܓܪܐ
242:15 [ai]	ܘܗܘܼܐ ܒܪܢܫܐ ܘܐܬܚܼܙܝ ܠܟܠܢ܃ ܡܛܠ ܕܠܐ ܢܦܪܘܫ
242:16 [ai]	ܡܢ ܚܘܒܗ܂ 72܂2 ܡܪܢ ܕܝܗܼܒ ܢܦܫܗ ܚܠܦܝܢ ܘܙܒܿܢܗ
242:17 [ai]	ܒܕܡܗ܂ ܘܩܢܢ ܠܗ ܩܢܝܢܐ ܕܒܝܩܝܪ ܐܙܕܒܢ܂ ܡܢܐ
242:18 [ai]	ܓܝܪ ܐܝܬ ܠܢ ܕܢܬܠ ܠܗ ܚܠܦ ܢܦܫܗ܂ ܗܼܘ ܓܝܪ ܝܗܼܒ
242:19 [ai]	ܢܦܫܗ ܚܠܦܝܢ܂ ܠܐ ܗܘܐ ܡܕܡ ܕܠܚܕ ܚܕ ܐܝܬ܂ ܘܐܦ
242:20 [ai]	ܠܐ ܗܼܘ ܒܥܿܐ ܠܢ ܡܕܡ ܐܠܐ ܕܢܒܥܼܐ ܡܢܗ ܘܢܚܼܐ ܀ ܀
242:21 [ai]	73܂1 ܘܟܕ ܐܡܼܪ ܗܘܐ ܗܠܝܢ܃ ܣ̈ܓܝܐܐ ܐܬܼܝܢ ܗܘܘ ܡܢ ܟܠ
243:01 [ai]	ܕܘܟܐܿ܂ ܕܢܚܼܙܘܢ ܠܫܠܝܚܐ ܚܼܕܬܐ ܕܐܠܗܐ ܕܐܬܼܐ
243:02 [ai]	ܠܬܡܢ ܀ ܘܐܡܼܪ ܝܗܘܕܐ܂ ܡܢܐ ܩܝܡܝܢܢ ܘܒܛܝܠܝ‍<‍ܢ‍>‍ܢ܂
243:03 [ai]	ܝܫܘܥܼ ܡܢܐ ܨܒܿܝܼܬ܂ ܥܕܢܐ ܦܩܿܕ ܘܥܒܿܕܐ ܢܗܘܼܐ܂
243:04 [ai]	ܗܿܝ ܕܝܢ ܐܢܬܬܐ ܘܒܪܬܗܿ܃ ܣܓܝܘ ܥܠܝܗܝܢ
243:05 [ai]	ܫ̈ܐܕܐ ܗܿܢܘܢ܃ ܘܠܐ ܣܿܒܪܝܢ ܗܘܘ ܒ̈ܢܝ ܒܝܬܗ ܕܗܿܘ
243:06 [ai]	ܪܒ ܚܝܠܐ ܕܩ̈ܝܡܢ ܐ̈ܢܝܢ܂ ܠܐ ܓܝܪ ܫܼܒܩܘ ܐܢ̈ܝܢ
243:07 [ai]	ܕܡܕܡ ܢܛܥ̈ܡܢ܂ ܐܠܐ ܡܪܡܿܝܘ ܐܪܡܼܝܘ ܐܢ̈ܝܢ ܒܥܪܣܐ
243:08 [ai]	ܟܕ ܠܐ ܝ̈ܕܝܥܢ ܠܐܢܫ܃ ܥܕܡܐ ܠܗܿܘ ܝܘܡܐ ܕܐܬܼܐ
243:09 [ai]	ܫܠܝܚܐ ܠܬܡܿܢ ܀ ܀ 73܂2 ܘܐܡܼܪ ܫܠܝܚܐ ܠܚܕ ܡܢ ܗܿܢܘܢ
243:10 [ai]	ܥܪ̈ܕܐ ܕܟܕܝܢܝܢ ܡܢ ܝܡܝܢܐ܂ ܕܥܘܠ ܠܓܘ ܕܪܬܐ ܘܟܕ
243:11 [ai]	ܩܐܿܡ ܐܢܬܼ܂ ܩܼܪܝ ܐܢܘܢ ܠܗܿܢܘܢ ܫ̈ܐܕܐ ܘܐܡܼܪ
243:12 [ai]	ܠܗܘܢ܂ ܕܐܡܿܪ ܝܗܘܕܐ ܫܠܝܚܐ ܬܠܡܝܕܗ ܕܝܫܘܥ
243:13 [ai]	ܡܫܝܚܐ ܬܘ ܠܟܐ ܠܒܪ܂ ܡܛܘܠ ܕܡܛܠܬܟܘܢ ܗܘ
243:14 [ai]	ܐܿܫܬܠܚܬܼ܂ ܘܥܠ ܒ̈ܢܝ ܫܪܒܬܟܘܢ܃ ܕܐܛܪܘܕܟܘܢ
243:15 [ai]	ܠܐܬܪܐ ܕܝܠܟܘܢ܂ ܥܕܠܐ ܡܿܛܐ ܙܒܢܐ ܕܫܘܠܡܐ܂
243:16 [ai]	ܘܠܦܚܬܟܘܢ ܐܿܙܠܝܢ ܐܢܬܘܢ܂ 74܂1 ܘܥܠ ܗܿܘ ܥܪܕܐ ܟܕ
243:17 [ai]	ܐܝܬ ܥܡܗ ܟܢܫܐ ܕܐܢܫܐ ܘܐܡܼܪ܂ ܠܟܘܢ ܐܡܿܪ
243:18 [ai]	ܐܢܐ ܒ̈ܥܠܕܒܒܐ ܕܐܢܫܘܬܐ܂ ܠܟܘܢ ܐܡܿܪ ܐܢܐ
243:19 [ai]	ܡܥܡ̈ܨܝ ܥ̈ܝܢܝܗ‍<‍ܘ‍>‍ܢ ܡܢ ܢܘܗܪܐ ܕܠܐ ܢܚܼܙܘܢ܂ ܠܐ
243:20 [ai]	ܓܝܪ ܡܫܟܚ ܟܝܢܐ ܕܒܝܼܫܬܐ ܠܡܗܘܐ ܒܛܒܬܐ܂ ܠܟܘܢ
244:01 [ai]	ܐܡܿܪ ܐܢܐ ܝܠܼܕܐ ܕܓܗܢܐ ܘܕܐܒܕܢܐ܂ ܒ̈ܢܘܗܝ ܕܗܿܘ
244:02 [ai]	ܕܠܐ ܡܫܿܬܠܐ ܠܗ ܥܕܡܐ ܠܝܘܡܢܐܿ܂ ܕܗܼܘ ܡܚܿܕܬ
244:03 [ai]	ܥܒܼ̈ܕܐ ܒ̈ܝܼܫܐ ܕܠܟܝܢܗ ܝܐ̈ܝܢ܂ ܠܟܘܢ ܐܡܿܪ ܐܢܐ
244:04 [ai]	ܡܪ̈ܚܐܿ܂ ܐܒ̈ܕܝ ܒܐܝܼ̈ܕܝ ܢܦܫܗܘܢ܂ 74܂2 ܘܡܢܐ ܐܿܡܼܪ
244:05 [ai]	ܥܠ ܣܘܦܟܘܢ܂ ܠܐ ܝܿܕܥ ܐܢܐ܂ ܘܡܢܐ ܐܿܫܬܥܐܼ
244:06 [ai]	ܠܐ ܡܫܟܚ ܐܢܐ܂ ܣܓܝܐ̈ܢ ܐܢ̈ܝܢ ܓܝܪ ܡܢ ܡܫܡܥܬܐܼ
244:07 [ai]	ܘܠܝܬ ܠܗܝܢ ܣܟܐ܂ ܟܡܐ ܓܝܪ ܕܢܗܘܼܘܢ ܫ̈ܠܕܝܟܘܢ܃
244:08 [ai]	ܙܥܘܪ̈ܝܢ ܐܢܘܢ ܡܢ ܦܘܪ̈ܥܢܝܟܘܢ܂ ܠܟ ܓܝܪ
244:09 [ai]	ܐܡܿܪ ܐܢܐ ܫܐܕܐܼ܂ ܘܠܒܪܟ ܕܠܟ ܢܩܝܦ܂ ܗܫܐ
244:10 [ai]	ܓܝܪ ܥܠܝܟܘܢ ܗܘ ܐܿܫܬܕܪܬ ܠܟܐ܂ ܡܢܐ ܡܿܣܓܐ
244:11 [ai]	ܐܢܐ ܕܐܿܡܼܪ ܥܠ ܟܝܢܟܘܢ܂ ܐܢܬܘܢ ܓܝܪ ܝܿܕܥܝܢ
244:12 [ai]	ܐܢܬܘܢ ܝܬܝܪ ܡܢܝ܂ ܘܡܡܪܚܝܢ ܐܢܬܘܢ܂ ܐܠܐ
244:13 [ai]	ܗܫܐ ܐܡܿܪ ܝܗܘܕܐ ܬܐܘܡܐ ܫܠܝܚܗ ܕܝܫܘܥ
244:14 [ai]	ܡܫܝܚܐ܃ ܗܢܐ ܕܒܪ̈ܚܡܼܐ ܘܒܚܢܼܢܐ ܐܫܼܬܕܪ ܠܟܐܼ܂
244:15 [ai]	ܬܐ ܦܘܩ ܠܘܬ ܐܘܟܠܘܣ ܗܢܐ ܕܗܐ ܩܐܿܡ ܗܪܟܐ܂
244:16 [ai]	ܘܐܡܼܪܘ ܠܝ ܡܢ ܐܝܢܐ ܐܢܬܘܢ ܓܢܣܐ܂ 75܂1 ܘܒܗܿ ܒܫܥܬܐ
244:17 [ai]	ܢܦܩܼܬܿ ܐܢܬܬܐ ܗܿܝ ܘܒܪܬܗܿ܂ ܟܕ ܕܡ̈ܝܢ ܗ̈ܘܝ ܠܡ̈ܝܼܬܬܐ
244:18 [ai]	ܘܡܦܪ̈ܣܝܢ ܘܡܨܥܪ̈ܢ܂ ܘܟܕ ܚܼܙܐ ܐܢ̈ܝܢ
244:19 [ai]	ܫܠܝܚܐ ܟܪܝܬܼ ܠܗ ܥܠܝܗܝܢܼ ܘܐܡܼܪ ܠܐ ܗܘܐ ܚܘܣܢܐ
244:20 [ai]	ܗܘܿܐ ܥܠܝܟܝܢ܂ ܡܛܠ ܗܢܐ ܐܦܠܐ ܠܡܚܣܢ ܝܿܕܥܝܢ
244:21 [ai]	ܐܢܬܘܢ܂ ܐܠܐ ܒܫܡܗ ܕܝܫܘܥ ܡܫܝܚܐ ܫܼܿܢܘ
244:22 [ai]	ܡܢܗܝܢܼ ܘܥܠ ܓܒ̈ܝܗܝܢ ܩܘܡܘ܂ ܘܟܕ ܐܡܼܪ ܗܘܐ
245:01 [ai]	ܗܕܐ ܡܠܬܐ ܫܠܝܚܐ܂ ܢ̈ܦܠܼܝ ܗ̈ܢܝܢ ܢܫ̈ܐܼ ܘܡܝܼܬܝ̈ ܠܗܝܢ܂
245:02 [ai]	ܠܝܬ ܗܘܐ ܓܝܪ ܒܗܝܢ ܢܫܡܼܬܐ ܘܐܦܠܐ ܩܠܐ ܝܗ̈ܒܢ
245:03 [ai]	ܗ̈ܘܝ܂ 75܂2 ܘܗܿܘ ܫܐܕܐ ܩܥܼܐ ܒܩܠܐ ܪܡܐ ܘܐܡܼܪ܂ ܬܘܒ
245:04 [ai]	ܐܬܝܼܬ ܠܟ ܡܟܣܢܗ ܕܟܝܢܢ܃ ܬܘܒ ܐܬܝܬܼ ܠܟ ܠܟܐ
245:05 [ai]	ܡܘܒܕܢܗ ܕܓܢܣܢ܃ ܬܘܒ ܐܬܝܬܼ ܠܟ ܠܟܐ ܡܟܦܪܢܐ
245:06 [ai]	ܕܥܩ̈ܒܬܢ܂ ܘܐܝܟܢܐ ܕܚܿܙܐ ܐܢܐ ܠܐ ܨܒܿܝܼܬ ܕܬܫܒܩܢ
245:07 [ai]	ܒܐܪܥܐ܂ ܠܐ ܓܝܪ ܡܫܟܚ ܐܢܬ ܒܗܢܐ ܙܒܢܐ ܗܕܐ
245:08 [ai]	ܠܡܥܒܕ ܠܢ܂ ܘܐܣܬܿܟܠ ܝܗܘܕܐܼ܂ ܕܗܿܘ ܗܘ ܫܐܕܐ
245:09 [ai]	ܕܪܕܦ ܡܢ ܗܿܝ ܐܢܬܬܐ ܀ ܀ 76܂1 ܘܐܡܼܪ ܠܗ ܒܥܿܐ ܐܢܐ
245:10 [ai]	ܡܢܟ ܕܝܢܼ܂ ܐܦܣ ܠܝ ܠܐܝܟܐ ܕܨܿܒܝܬ ܐܙܼܠ ܐܿܥܡܪ܂
245:11 [ai]	ܘܐܿܩܒܠ ܡܢܟ ܦܘܩܕܢܐܼ܂ ܘܠܐ ܐܿܕܚܠ ܡܢ ܗܿܘ ܕܫܠܝܛ
245:12 [ai]	ܥܠܝ܂ ܐܝܟܢܐ ܓܝܪ ܕܐܢܬ ܐܬܝܬ ܕܬܣܼܥܘܪ ܗܟܢܐ ܐܦ
245:13 [ai]	ܐܢܐ ܐܬܼܝܬ ܕܐܚܿܒܠ܂ ܘܐܝܟܢܐ ܕܐܢܬ ܐܠܐ ܡܫܿܠܡ
245:14 [ai]	ܨܒܝܢܗ ܕܗܿܘ ܕܫܕܪܟ ܪܫܝܢܐ ܡܿܩܒܠ ܐܢܬܼ܂ ܗܟܢܐ
245:15 [ai]	ܐܦ ܐܢܐܿ܂ ܐܠܐ ܥܿܒܕ ܐܢܐ ܨܒܝܢܗ ܕܗܿܘ ܕܫܕܪܢܝ܃
245:16 [ai]	ܩܕܡ ܙܒܢܐ ܠܟܝܢܢ ܐܿܙܠ ܐܢܐ܂ ܐܝܟܢܐ ܕܐܢܬ ܡܥܕܪ
245:17 [ai]	ܠܟ ܡܪܟ ܒܐܝܠܝܢ ܕܥܿܒܕ ܐܢܬܼ܂ ܐܦ ܠܝ ܡܿܣܡܟ ܠܝ
245:18 [ai]	ܐܒܝ ܒܐܝܠܝܢ ܕܣܥܿܪ ܐܢܐ܂ 76܂2 ܘܐܝܟܢܐ ܕܠܟ ܡܿܛܝܒ ܠܟ
245:19 [ai]	ܡܐ̈ܢܐ ܐܝܠܝܢ ܕܫܿܘܝܢ ܕܢܥܡܼܪ ܒܗܘܢ܃ ܗܟܢܐ ܐܦ
245:20 [ai]	ܠܝ ܡܿܪܓܫ ܡܐ̈ܢܐ ܐܝܠܝܢ ܕܡܫܬܡܥܝܢ ܠܗܿ܂ ܐܿܣܥܘܪ
245:21 [ai]	ܒܗܘܢ ܨܒܝܢܗܼ܂ ܘܐܝܟ‍<‍ܢ‍>‍ܐ ܕܠܟ ܙܐܿܢ ܠܟ ܘܡܦܪܢܣ܂
246:01 [ai]	ܘܠܐܝܠܝܢ ܕܡܫܬܡܥܝܢ ܠܟܼ܂ ܗܟܢܐ ܐܦ ܠܝ ܡܛܓܢ
246:02 [ai]	ܘܡܫܬܼܢܕ ܒܝ܂ ܘܒܐܝܠܝܢ ܕܥܡܿܪ ܐܢܐ ܒܗܘܢ܂
246:03 [ai]	ܘܐܝܟܢܐ ܕܠܟ ܝܿܗܒ ܐܓܪܐ ܕܦܘܠܚܢܟ܃ ܗܿܢܘ ܕܝܢ ܚ̈ܝܐ
246:04 [ai]	ܕܠܥܠܡܼ܂ ܘܐܦ ܠܝ ܝܿܗܒ ܦܘܪܥܢܐ ܕܥܿܒ̈ܕܝ ܐܒܕܢܐ ܕܠܥܠܡ܂
246:05 [ai]	76܂3 ܘܐܝܟܢܐ ܕܐܢܬ ܡܬܬܢܝܚ ܐܢܬ ܒܨܠܘܬܟ ܘܒܥܿܒ̈ܕܝܟ
246:06 [ai]	ܛ̈ܒܐ܂ ܘܐܘܟܪܣܛܝܐ ܘܒܬܫ̈ܒܚܬܐ ܘܒܡܙܡܪ̈ܐ
246:07 [ai]	ܘܒܡܕܪ̈ܫܐ ܕܝܠܗܼ܂ ܗܟܢܐ ܐܦ ܐܢܐ ܡܬܬܢܝܚ
246:08 [ai]	ܐܢܐ ܒܩܛܠܐ ܘܒܓܘܪܐ ܘܒܕܒ̈ܚܐܿ܂ ܘܒ̈ܢܘܩܝܐ ܕܚܡܪܐ
246:09 [ai]	ܕܥܠ ܥ̈ܠܘܬܐ܂ ܘܐܝܟܢܐ ܕܐܢܬ ܡܿܦܼܢܝܬ ܠܒ̈ܢܝܢܫܐ ܠܚ̈ܝܐ
246:10 [ai]	ܕܠܥܠܡܼ܂ ܗܟܢܐ ܐܦ ܐܢܐ ܡܿܦܢܐ ܐܢܐ
246:11 [ai]	ܠܒ̈ܢܝܢܫܐ ܠܝ܃ ܠܐܒܕܢܐ ܘܠܬܫܢܝܩܐ ܕܠܥܠܡ܂ ܘܐܢܬ
246:12 [ai]	ܡܿܩܒܠ ܐܢܬ ܐܓܪܐ ܕܝܠܟܼ ܘܐܢܐ ܕܝܠܝ ܀ ܀ 77 ܘܟܕ ܗܠܝܢ
246:13 [ai]	ܐܡܼܪ ܗܘܐ ܫܐܕܐ ܗܿܘ܂ ܐܡܼܪ ܫܠܝܚܐ ܠܟ ܘܠܒܪܟ
246:14 [ai]	ܐܡܿܪ ܝܫܘܥ ܒܐܝܼ̈ܕܝ܃ ܕܬܘܒ ܠܝܬܒܐ ܕܒ̈ܢܝܢܫܐ
246:15 [ai]	ܠܐ ܬܥܘܠܘܢ܂ ܐܠܐ ܙܠܘ ܥܡܼܪܘ ܠܒܪ ܡܢ ܝܬܒܐ
246:16 [ai]	ܟܠܗ ܕܒ̈ܢܝܢܫܐ܂܂ ܘܐܡܿܪܝܢ ܠܗ ܗܿܢܘܢ ܫ̈ܐܕܐ ܚܢܢ ܗܐ
246:17 [ai]	ܐܿܙܠܝܢ ܐܝܟ ܕܦܩܕܬ ܠܢ܂ ܡܢܐ ܕܝܢ ܥܿܒܕ ܐܢܬ ܠܗܿܢܘܢ
246:18 [ai]	ܐܝܠܝܢ ܕܡܢܟ ܟܣܝܢ ܐܢܘܢܿ܂ ܘܡܐ̈ܢܝܗ‍<‍ܘ‍>‍ܢ ܒܗܘܢ
246:19 [ai]	ܚܿܕܝܢ ܝܬܝܪ ܡܢܟ܃ ܗܿܢܘܢ ܐܝܠܝܢ ܕܣ̈ܓܝܐܐ ܣܓܿܕܝܢ
246:20 [ai]	ܠܗܘܢ܂ ܘܥܿܒܕܝܢ ܨܒܝܢܗܘܢ ܟܕ ܡܕܒܚܝܢ ܠܗܘܢܿ܂
247:01 [ai]	ܘܟܕ ܡܢܩܝܢ ܠܗܘܢ ܚܡܪܐ܂ ܘܟܕ ܡܩܪܒܝܢ ܠܗܘܢ
247:02 [ai]	ܩܘܪ̈ܒܢܐ ܀ ܀ ܐܡܿܪ ܫܠܝܚܐ܂ ܘܐܦ ܗܿܢܘܢ ܒܚܪܬܐ
247:03 [ai]	ܣܝܿܦܝܢ ܥܡ ܕܚ̈ܠܝܗܘܢ܂ ܘܐܬܒܥܝܘ ܗܿܢܘܢ ܫ̈ܐܕܐ
247:04 [ai]	ܘܠܐ ܐܫܬܟܚܘ܂ ܗ̈ܢܝܢ ܕܝܢ ܢܫ̈ܐ ܫܼ̈ܕܝܢ ܗܼ̈ܘܝ ܐܝܟ
247:05 [ai]	ܡ̈ܝܬܬܐ ܕܠܐ ܡܠܬܐ܂ 78܂1 ܘܐܦ ܥܪ̈ܕܐ ܗܿܢܘܢ ܩܿܝܡܝܢ
247:06 [ai]	ܗܘܘ ܚܕ ܠܘܬ ܚܒܪܗܼ܂ ܘܠܐ ܡܿܫܢܝܢ ܗܘܘ ܚܕ ܡܢ
247:07 [ai]	ܠܘܬ ܚܕ܂ ܐܠܐ ܚܕ ܗܿܘ ܕܐܬܼܝܗܼܒܬ ܠܗ ܡܠܬܐ
247:08 [ai]	ܒܚܝܠܐ ܕܡܪܢ܂ ܩܐܿܡ ܗܘܐ ܠܗܠ ܡܢ ܗܿܢܘܢ
247:09 [ai]	ܚܒܪ̈ܘܗܝ܃ ܘܟܕ ܟܠܗܘܢ ܐܢܫܐ ܫܬܝܩܝܢ ܗܘܘ ܘܚܿܝܪܝܢ
247:10 [ai]	ܒܗ ܕܢܚܼܙܘܢܼ ܡܢܐ ܥܿܒܕ ܫܠܝܚܐ܂ ܚܼܪ ܗܿܘ ܥܪܕܐ
247:11 [ai]	ܒܟܠܗܘܢ ܘܐܡܼܪ ܠܝܗܘܕܐ܂ 78܂2 ܡܢܐ ܩܐܿܡ ܐܢܬ ܘܒܛܝܠ
247:12 [ai]	ܐܢܬ ܫܠܝܚܗ ܕܡܪܝܡܐ܂ ܕܗܐ ܦܪܩܠܝܛܐ ܩܐܿܡ ‍{‍ܘ‍}‍ܠܟ
247:13 [ai]	ܘܚܐܪ ܕܬܫܐܠܝܘܗܝ ܘܢܬܠ ܠܟ܂ ܡܢܐ ܡܬܬܗܐ
247:14 [ai]	ܐܢܬ ܬܠܡܝܕܐ ܛܿܒܐܿ܂ ܕܗܐ ܪܒܟ ܨܿܒܐ ܪ̈ܘܪܒܬܐ
247:15 [ai]	ܒܐܝܼ̈ܕܝܟ ܠܡܚܿܘܝܘ܂ ܡܢܐ ܩܐܿܡ ܐܢܬ ܟܪܘܙܗ ܕܟܣܝܐܿ܂
247:16 [ai]	ܕܗܐ ܪܒܟ ܨܿܒܐ ܕܟܣܝܘܬܗ ܒܐܝܼ̈ܕܝܟ ܢܒܼܿܕܩ܂ ܠܐܝܠܝܢ
247:17 [ai]	ܕܫܿܘܝܢ ܠܗ ܕܢܫܼܡܥܘܢ ܐ̈ܢܝܢ܂ ܡܢܐ ܫܿܠܐ ܐܢܬ ܥܿܒܕ
247:18 [ai]	ܪ̈ܘܪܒܬܐ ܒܫܡܗ ܕܡܪܗ܃ ܕܗܐ ܡܪܟ ܩܐܿܡ ܘܡܿܠܒܒ
247:19 [ai]	78܂3 ܠܟ ܠܐ ܬܕܚܠ܂ ܠܐ ܓܝܪ ܡܪܦܐ ܠܟ܂ ܘܠܐ ܫܒܩܐ
247:20 [ai]	ܐܠܗܘܬܗ ܠܐܢܫܘܬܟ ܕܬܟܼܪܐ ܠܗܿ܂ ܫܪܐ ܗܟܝܠ
247:21 [ai]	ܠܡܩܪܝܗ ܘܗܼܘ ܥܿܢܐ ܠܟ܂܂ ܐܝܟ ܕܡܥܕ ܒܟܠܙܒܢ܂ ܡܢܐ
248:01 [ai]	ܐܚܝܕ ܠܟ ܬܡܗܐ ܥܠ ܣܘܥܪ̈ܢܘܗܝ ܣ̈ܓܝܐܐ܂܂ ܗܠܝܢ
248:02 [ai]	ܓܝܪ ܙܥܘܪ̈ܝܬܐ ܐܢ̈ܝܢ ܕܚܼܿܘܝ ܒܐܝܼ̈ܕܝܟ܂ ܘܐܢ ܗܼܘ
248:03 [ai]	ܕܬܫܬܥܐ ܥܠ ܣܘܓܐܐ ܕܡ̈ܘܗܒܬܗܼ܂ ܠܐ ܡܫܟܚ
248:04 [ai]	ܐܢܬ ܕܬܘܦܐ ܐܢ̈ܝܢ܂ ܡܢܐ ܡܬܕܡܪ ܐܢܬ ܥܠ ܐܣ̈ܘܬܗ
248:05 [ai]	ܗܠܝܢ ܦܓܪ̈ܢܝܬܐ ܕܡܫܬܪ̈ܝܢ ܠܗܝܢ܂ ܟܕ ܗܼܝ ܐܣܝܘܬܗ
248:06 [ai]	ܠܐ ܡܫܬܪܝܐ ܕܩ̈ܢܝܢܘܗܝ ܥܿܗܕ ܐܢܬ܂ ܡܢܐ ܡܬܒܩܐ
248:07 [ai]	ܐܢܬ ܒܚ̈ܝܐ ܗܠܝܢ ܕܙܒܢܐܿ܂ ܘܥܠ ܚ̈ܝܐ ܕܠܥܠܡ ܗܐ
248:08 [ai]	ܟܠܝܘܡ ܡܬܚܫܒ ܐܢܬ܂ 79܂1 ܠܟܘܢ ܕܝܢ ܐܡܿܪ ܐܢܐ
248:09 [ai]	ܟܢ̈ܫܐ ܐܝܠܝܢ ܕܗܐ ܩܿܝܡܝܢ ܘܡܿܣܟܝܢ ܕܢܚܼܙܘܢ ܠܗܠܝܢ
248:10 [ai]	ܕܗܐ ܪ̈ܡܝܢ ܕܢܩ̈ܘܡܢ܂ ܗܝܡܢܘ ܠܡܠܦܢܐ ܕܩܘܫܬܐ܂
248:11 [ai]	ܘܗܝܡܢܘ ܠܡܚܘܝܢܐ ܕܫܪ̈ܝܪܬܐ܂ ܗܝܡܢܘ ܠܡܓܠܝܢܐ
248:12 [ai]	ܕܟ̈ܣܝܬܐ܂ ܗܝܡܢܘ ܠܡܒܕܩܢܐ ܕܚ̈ܝܐ܂܂ ܗܝܡܢܘ ܠܫܠܝܚܗ
248:13 [ai]	ܕܒܪܐ ܒܚܝܪܐ ܝܫܘܥ ܡܫܝܚܐܿ܂ ܗܿܘ ܕܐܬܝܠܕ ܕܐܝܼ̈ܠܝܕܐ
248:14 [ai]	ܒܝܼܠܕܗ ܢܚܼܘܢܿ܂ ܘܐܬܪܒܝ ܕܬܪܒܝܬܐ ܡܫܠܡܢܝܬܐ ܒܗ
248:15 [ai]	ܬܬܚܼܙܐ܂ ܘܥܠ ܠܒܝܬ ܣ̈ܦܪܐܼ܂ ܕܒܗ ܚܟܡܬܐ ܓܡܝܪܬܐ
248:16 [ai]	ܬܬܝܕܥ܂ ܐܠܦܼܗ ܠܣܿܦܪܗܼ ܡܛܠ ܕܡܠܦܢܐ ܗܘܐ ܕܩܘܫܬܐܼ
248:17 [ai]	ܘܪܒܗܘܢ ܗܘ ܕܚܟܝ̈ܡܐ܂ ܐܙܼܠ ܠܗܝܟܠܐ ܘܩܿܪܒ
248:18 [ai]	ܩܘܪܒܢܐ܂ ܕܢܚܼܙܘܢ ܕܟܠܗܘܢ ܩܘܪ̈ܒܢܐ ܒܗ ܗܘ
248:19 [ai]	ܡܬܩܕܫܝܢ܂ ܗܿܢܘ ܫܠܝܚܗ ܕܗܿܘ܂ ܗܿܢܘ ܫܠܝܚܐ ܕܫܪܪܐ܂
248:20 [ai]	ܗܿܢܘ ܕܥܿܒܕ ܨܒܝܢܐ ܕܡܿܢ ܕܫܕܪܗ܂ 79܂2 ܢܗܘܼܐ ܕܝܢ ܙܒܢܐܼ܂
248:21 [ai]	ܕܢܐܬܘܢ ܫ̈ܠܝܚܐ ܕܓ̈ܠܐܼ ܘܢܒ̈ܝܐ ܕܟܕܒܘܬܐ܂ ܗܿܢܘܢ
248:22 [ai]	ܕܚܪܬܗܘܢ ܐܝܟ ܥܿܒ̈ܕܝܗܘܢ܂ ܗܿܢܘܢ ܕܐܡܿܪܝܢ ܠܟܘܢ
249:01 [ai]	ܐܙܕܗܪܘ ܡܢ ܚ̈ܛܗܐ܂ ܟܕ ܗܼܢܘܢ ܒܟܠܙܒܢ ܚ̈ܛܗܐ
249:02 [ai]	ܡܡܠܠܝܢ܂ ܗܿܢܘܢ ܕܠܒܝܼܫܝܢ ܠܒܘܫܐ ܕܐܡܼ̈ܪܐ܂ ܘܡܢ
249:03 [ai]	ܠܓܘ ܐܝܬܝܗܘܢ ܕܐܒ̈ܐ ܚ̈ܛܘܦܐ܂ ܗܿܢܘܢ ܕܚܕܐ
249:04 [ai]	ܐܢܬܬܐ ܠܐ ܫܿܩܠܝܢ ܢܡܘܣܐܝܬ܂ ܒܡ̈ܠܝܗܘܢ ܕܝܢ
249:05 [ai]	ܘܒܥܿܒ̈ܕܝܗܘܢ ܢܫ̈ܐ ܣ̈ܓܝܐܬܐ ܡܚܿܒܠܝܢ܂ ܗܿܢܘܢ
249:06 [ai]	ܕܒ̈ܢܝܐܼ ܠܐ ܡܿܘܠܕܝܢ܂ ܒ̈ܢܝܐ ܕܝܢ ܣܓ̈ܝܐܐ ܡܚܿܒܠܝܢ܂
249:07 [ai]	ܘܥܝܪܬܗܘܢ ܝܿܗܒܝܢ܂ ܗܿܢܘܢ ܕܥܝܝܩܐ ܠܗܘܢ ܒܢܝܿܚܐ
249:08 [ai]	ܕܐܚܪ̈ܢܐ܂ ܘܒܥܩܬܗܘܢ ܡܬܬܢܝܚܝܢ܂ 79܂3 ܗܿܢܘܢ ܕܠܐ
249:09 [ai]	ܣܿܦܩ ܠܗܘܢ ܡܕܡ ܕܩܼܢܝܢ܂ ܐܠܐ ܪܓܿܐ ܠܗܘܢ
249:10 [ai]	ܕܟܠܗܝܢ ܨ̈ܒܘܬܐ ܠܗܘܢ ܗܼ̈ܘܝ ܡ̈ܫܡܫܢ ܘܡܫܬܒܗܪܝܢ
249:11 [ai]	ܒܗܝܢ ܘܡܣܬܒܪܝܢ ܐܝܟ ܬܠܡ̈ܝܕܐ ܕܡܫܝܚܐ܂ ܗܿܢܘܢ
249:12 [ai]	ܕܦܘܡܗܘܢ ܚܕܐܼ ܘܒܠܒܗܘܢ ܐܚܪܬܐ܂ ܗܿܢܘܢ
249:13 [ai]	ܕܡܿܠܦܝܢ ܕܗܘܼܝܬܘܢ ܡܙܕܗܪܝܢ ܡܢ ܣ̈ܢܝܬܐܼ܂ ܘܗܼܢܘܢ
249:14 [ai]	ܐܦܠܐ ܚܕܐ ܫܦܝܪܬܐ ܣܥܿܪܝܢ܂ ܗܿܢܘܢ ܕܣܼܢܐ ܩܕܡܝܗܘܢ
249:15 [ai]	ܓܘܪܐ ܘܓܢܒܘܬܐܿ܂ ܘܥܠܘܒܘܬܐ ܘܝܥܢܘܬܐ܂ ܘܒܗܘܢ
249:16 [ai]	ܕܝܠܗܘܢ ܟܣܝܐܝܬ ܟܠܗܝܢ ܡ̈ܫܬܡܫܢ܂ ܘܡܿܠܦܝܢ ܕܗܠܝܢ
249:17 [ai]	ܐܢܫ ܠܐ ܢܣܥܘܪ ܀ 80܂1 ܘܟܕ ܐܡܼܪ ܗܠܝܢܼ܂ ܥܪ̈ܕܐ ܟܠܗܘܢ
249:18 [ai]	ܒܗ ܚܿܝܪܝܢ ܗܘܘ܂ ܘܟܕ ܫܬܩ ܠܗ ܐܡܼܪ ܝܗܘܕܐ܂ ܡܢܐ
249:19 [ai]	ܐܬܼܚܿܫܒ ܥܠ ܥܒܼܕܟ ܝܫܘܥ܂ ܘܐܝܟܢܐ ܐܿܡܪܟ ܠܐ
249:20 [ai]	ܝܿܕܥ ܐܢܐ ܀ ܐܘ ܒܣܝܡܐ ܘܫܬܝܩܐ ܘܢܝܚܐ
249:21 [ai]	ܘܡܡܠܠܢܐ ܚܿܙܐ ܕܒܠܒܐ ܘܓܐܿܫ ܕܒܬܪܥܝܬܐ ܀
249:22 [ai]	ܫܘܒܚܐ ܠܟ ܚܿܢܢܐ ܀ ܫܘܒܚܐ ܠܟ ܡܐܡܪܐ ܚܝܐ ܀
249:23 [ai]	ܫܘܒܚܐ ܠܟ ܟܣܝܐ ܕܣܓܿܝ ܕܡܼ̈ܘܬܐ ܀ ܫܘܒܚܐ ܠܪ̈ܚܡܼܝܟ