The Comprehensive Aramaic Lexicon

270:01 [ai]	ܪܓܼܙ ܒܥܠܗܿ܃ ܘܗܠܝܢ ܐܬܚܿܫܒ ܠܗܘܢ܂ ܐܡܿܪܐ ܠܗܼ܂ ܡܛܠ
270:02 [ai]	ܕܠܐ ܝܿܗܒܬ ܢܦܫܝ ܠܚܒܿܠܐ ܕܥܡܗ܂ ܒܪܡܫܐ ܓܝܪ ܒܥܼܐ
270:03 [ai]	ܕܢܫܥܒܕܢܝ܃ ܘܢܪܡܝܢܝ ܬܚܝܬ ܗܿܘ ܐܝܢܐ ܕܦܠܚ ܠܗ܂ ܘܦܠܛܢܝ
270:04 [ai]	ܗܿܘ ܐܝܢܐ ܕܠܗ ܐܓܿܥܠܬ ܢܦܫܝ ܡܢ ܐܝ̈ܕܘܗܝ܂ ܘܥܪܛܠ ܡܢ
270:05 [ai]	ܨܐܕܘܗܝ ܥܿܪܩܬܼ܂ ܘܠܘܬ ܡܪܒܝܢܝܬܝ ܕܡܿܟܬ܂ ܘܠܐ ܝܿܕܥܐ
270:06 [ai]	ܐܢܐ ܡܢܐ ܗܘܝܗܝ ܕܗܠܝܢ ܢܟܿܡܼܢ ܠܟܘܢ ܀ ܀ 103܂2 ܐܡܿܪ ܠܗܿ
270:07 [ai]	ܫܠܝܚܐ܂ ܗܠܝܢ ܠܢ ܒܪܬܝ ܠܐ ܡܗܪ̈ܢ܂ ܐܠܐ ܗܝܡܢ
270:08 [ai]	ܒܝܫܘܥܼ܂ ܘܗܘ ܙܓܿܪ ܠܗܿ ܠܫܪܝܚܘܬܗ ܕܟܪܝܫ ܡܢܟܝ܂
270:09 [ai]	ܘܗܘܼ ܡܼܦܪܩ ܠܟܝ ܡܢ ܚܒܿܠܐ ܘܨܚܢܘܬܐ܂ ܘܗܼܘ ܗܘܿܐ ܠܟܝ
270:10 [ai]	ܗܿܕܝܐ ܒܐܘܪܚܐ ܕܚܝܠܬܐܿ܂ ܘܡܕܒܪܢܐ ܠܡܿܠܟܘܬܗ ܕܝܠܗ
270:11 [ai]	ܘܕܐܒܘܗܝ܂ ܘܗܼܘ ܡܿܥܠ ܠܟܝ ܠܚ̈ܝܐ ܕܠܥܠܡ܂ ܘܝܿܗܒ ܠܟܝ
270:12 [ai]	ܡܿܠܟܘܬܐ ܕܠܐ ܥܿܒܪܐ ܘܠܐ ܡܬܚܠܦܐ ܀ 104܂1 ܨܝܦܘܪ ܕܝܢ ܟܕ
270:13 [ai]	ܩܡ ܩܕܡ ܡܙܕܝ ܡܿܠܟܐܼ܂ ܡܫܐܿܠ ܗܘܐ ܠܗ ܡܙܕܝܼ ܘܐܡܿܪ
270:14 [ai]	ܠܗ܂ ܡܐ ܛܒܼܗܼ ܘܡܢ ܐܝܡܟܐ ܗܘܐ܂ ܘܡܢܐ ܡܿܠܦ
270:15 [ai]	ܚܿܪܫܐ ܗܿܘ ܕܡܟܡܢ ܠܟ܂ 104܂2 ܐܡܿܪ ܠܗ ܨܝܦܘܪ ܕܠܡܐ ܠܐ
270:16 [ai]	ܝܿܕܥ ܐܢܬ ܡܪܝܼ ܕܚܫܐ ܪܒܐ ܐܝܬ ܠܝ ܥܡ ܟܠܗܘܢ
270:17 [ai]	ܪ̈ܚܡܿܝ ܥܠ ܐܢܬܬܝ܃ ܗܿܝ ܐܝܿܕܐ ܕܝܿܕܥ ܐܢܬ ܕܣܓ̈ܝܐܐ
270:18 [ai]	ܐܚܝܕܝܢ ܒܐܝܩܪܗܿ܂ ܘܡܛܠ ܒܪܬܝ ܗܿܝ ܕܟܘܠ ܡܕܡ ܕܩܿܢܼܐ
270:19 [ai]	ܐܢܐ ܠܐ ܚܫܝܒ ܠܝ ܥܡܗܝܢ܂ ܘܐܝܢܐ ܙܒܢܐ ܘܐܝܢܐ
270:20 [ai]	ܢܣܝܘܢܐ ܐܬܐ ܥܠܝܗܝܢ܂ ܘܓܘܚܟܐ ܘܠܘܛܬܐ
270:21 [ai]	ܕܥܒ̈ܝܕܢ ܗ̈ܘܝܼ ܒܟܠܗ ܐܬܪܐ܂ 104܂3 ܫܡܿܥܬ ܕܝܢ ܒܛܒܼܗ ܕܗܢܐ
270:22 [ai]	ܓܒܪܐ ܘܐܿܙܠܬ ܠܘܬܗ ܘܒܥܿܝܬ ܡܢܗ ܘܕܒܿܪܬܗ܂ ܘܐܬܼܝܢ
271:01 [ai]	ܠܟܐ܂ ܚܿܙܝܬ ܕܝܢ ܬܕܡܪ̈ܬܐ ܦܪ̈ܝܫܬܐ ܟܕ ܐܿܬܐ ܐܢܐ
271:02 [ai]	ܥܡܗ ܒܐܘܪܚܐ܂ ܘܐܦ ܗܪܟܐ ܣ̈ܓܝܐܐ ܚܼܙܘ ܘܫܡܥܘ
271:03 [ai]	ܠܥܪܕܐ ܗܿܘ ܡܢܐ ܐܡܼܪ܂ ܘܐܦ ܠܫܐܕܐ ܗܿܘ ܡܢܐ ܒܿܕܩ
271:04 [ai]	ܥܠܘܗܝ܂ ܘܐܣܝ ܐ̈ܢܝܢ ܠܐܢܬܬܝ ܘܠܒܪܬܝܼ ܘܗܐ ܚ̈ܠܝܡܢ܂
271:05 [ai]	104܂4 ܘܡܕܡ ܐܓܪܐܼ ܠܐ ܒܥܿܐ ܐܠܐ ܐܢ ܗܝܡܢܘܬܐ܂ ܘܐܦ
271:06 [ai]	ܩܕܝܫܘܬܐ܂ ܕܢܗܼܘܘܢ ܠܗ ܫ̈ܘܬܦܐ ܒܡܕܡ ܕܥܿܒܕ܂
271:07 [ai]	ܘܐܡܿܪ ܕܕܚܠܘ ܠܚܕ ܐܠܗܐ ܡܪܝܐ ܕܟܘܠ܃ ܘܠܝܫܘܥ
271:08 [ai]	ܡܫܝܚܐ ܒܪܗܼ܂ ܘܬܚܘܢ ܠܥܠܡ ܥܠܡܝܢ܂ ܘܐܦܠܐ ܡܿܠܥܣ
271:09 [ai]	ܠܥܿܣ ܡܕܡ܃ ܐܠܐ ܐܢ ܠܚܡܐ ܘܡܠܚܐܿ ܡܢ ܪܡܫܐ
271:10 [ai]	ܠܪܡܫܐܼ ܘܫܿܬܐ ܡ̈ܝܐ܂ ܘܡܨܿܠܐ ܣܓܿܝ܂ ܘܟܠ ܡܐ ܕܒܥܿܐ
271:11 [ai]	ܡܢ ܐܠܗܐ ܝܿܗܒ ܠܗ܂ ܘܡܦܩܿܕ ܬܘܒ܂ ܕܗܼܘ ܗܢܐ ܐܠܗܗ
271:12 [ai]	ܩܕܝܫܐ ܗܘ܂ ܘܛܿܒܐ ܘܒܣܝܡܐ܂ ܘܢܝܼܚܐ ܘܡܚܝܢܐ܂ ܡܛܠ
271:13 [ai]	ܗܢܐ ܠܡ ܒܕܟܝܘܬܐ ܘܒܩܕܝܫܘܬܐ ܘܒܚܘܒܐܼ܂ ܩܿܪ̈ܒܝܢ
271:14 [ai]	ܠܘܬܗ ܐܝܠܝܢ ܕܡܗܝܡܢ‍<‍ܝ‍>‍ܢ ܒܗ ܀ 105܂1 ܘܟܕ ܗܠܝܢ ܫܡܼܥܼ ܡܙܕܝ
271:15 [ai]	ܡܿܠܟܐ ܡܢ ܨܝܦܘܪܼ܂ ܫܕܪ ܦܠܚܼ̈ܐ ܣܓ̈ܝܐܐ ܡܢ ܩܕܡܘܗܝ
271:16 [ai]	ܠܒܝܬܗ ܕܨܝܦܘܪ ܪܒ ܚܝܠܐܿ܂ ܕܢܝܿܬܘܢܝܗܝ ܠܝܗܘܕܐ
271:17 [ai]	ܬܐܘܡܐ܂ ܘܠܡܿܢ ܕܡܫܟܚܝܢ ܠܘܬܗ܂ ܘܟܕ ܥܠܘ ܠܓܘܼ܂
271:18 [ai]	ܐܫܟܚܘܗܝ ܟܕ ܝܿܬܒ ܘܡܿܠܦ ܠܥܡܐ ܣܓܝܐܐ܂ ܘܐܦ
271:19 [ai]	ܡܓܕܘܢܝܐܼ ܠܘܬ ܪ̈ܓܠܘܗܝ ܝܿܬܒܐ ܗܘܬ܂ ܘܕܚܼܠܘ ܟܕ ܚܙܘ
271:20 [ai]	ܥܡܐ ܣܓܝܐܐ ܕܚܕܝܪ ܠܗ܂ ܘܐܙܠܘ ܠܡܐܡܪ ܠܡܙܕܝ
271:21 [ai]	ܡܿܠܟܐ܂ ܕܠܐ ܐܡܿܪܚܢܢ ܕܢܐܡܪ ܠܗ ܡܕܡܼ܂ ܡܛܠ
271:22 [ai]	ܕܥܡܐ ܣܓܝܐܐ ܐܝܬ ܗܘܐ ܨܐܝܕܘܗܝ܂ ܘܐܦ ܡܓܕܘܢܝܐ
272:01 [ai]	ܠܘܬ ܪ̈ܓܠܘܗܝ ܝܬܒܐ ܘܫܡܿܥܐ ܡ̈ܠܘܗܝ ܀ 105܂2 ܘܟܕ ܗܠܝܢ
272:02 [ai]	ܫܡܼܥܘ ܡܙܕܝ ܘܟܪܝܫ܃ ܫܘܪ ܟܪܝܫ ܡܢ ܩܕܡܘܗܝ ܕܡܙܕܝ
272:03 [ai]	ܡܿܠܟܐ܂ ܘܕܒܼܪ ܥܡܗ ܣܘܓܐܐ ܕܦܠܚܼ̈ܐܼ ܘܐܡܼܪ ܕܐܢܐ
272:04 [ai]	ܐܿܙܠ ܐܢܐ ܘܡܿܝܬܐ ܐܢܐ ܠܗܼ܂ ܘܐܦ ܠܡܓܕܘܢܝܐ ܗܿܝ
272:05 [ai]	ܕܫܩܠܗ ܗܘܢܗܿ܂ ܘܐܬܼܐ ܠܒܝܬܗ ܕܨܝܦܘܪ ܪܒ ܚܝܠܐܼ ܟܕ
272:06 [ai]	ܡܿܣܪܗܒܼ ܘܐܬܼܐ ܘܐܫܟܚܗ ܠܝܗܘܕܐ ܟܕ ܝܿܬܒ ܘܡܿܠܦ܂
272:07 [ai]	ܘܟܕ ܥܠ ܘܚܼܙܝܗܝ ܠܝܗܘܕܐ܂ ܘܠܡܓܕܘܢܝܐ ܠܐ ܐܫܟܚܗܿ
272:08 [ai]	ܬܡܿܢ܂ ܐܙܠܼܬ ܗܘܬ ܠܗܿ ܓܝܪܼ ܠܒܝܬܗܼܿ܂ ܡܛܠ ܕܝܕܥܐ ܗܘܬ
272:09 [ai]	ܕܐܡܿܪܝܢ ܗܘܘ ܠܗ ܠܒܥܠܗܿ ܥܠܝܗܿ ܕܬܡܿܢ ܗܝ܂ 106܂1 ܘܐܡܼܪ ܠܗ
272:10 [ai]	ܟܪܝܫ ܠܝܗܘܕܐ܂ ܩܘܡ ܠܟ ܒܝܼܫܐ ܘܡܚܒܠܢܐ
272:11 [ai]	ܘܒܥܠܕܒܒܐ܂ ܐܠܐ ܠܝ ܡܢܐ ܥܒܕܐ ܚܪܘܫܘܬܟ܂
272:12 [ai]	ܚܪ̈ܫܝܟ ܓܝܪ ܒܪܝܫܟ ܡܿܣܩ ܐܢܐܿ ܠܗܘܢ܂ ܘܟܕ ܐܡܼܪ
272:13 [ai]	ܠܗ ܗܟܢܐܼ܂ ܚܼܪ ܒܗ ܝܗܘܕܐ ܘܐܡܼܪ ܠܗܼ܂ ܠܘܚ̈ܡܝܟ
272:14 [ai]	ܥܠܝܟ ܢܗܼܦܟܘܢ܂ ܠܝ ܓܝܪ ܡܕܡ ܠܐ ܡܨܝܬ ܕܬܟܝܢܝ܂
272:15 [ai]	ܡܛܠ ܕܡܿܝܬܪ ܗܘ ܡܢܟ ܘܡܢ ܡܿܠܟܟ ܘܡܢ ܟܠܗܘܢ
272:16 [ai]	ܚ̈ܝܠ‍<‍ܝ‍>‍ܟ܃ ܡܪܝ ܝܫܘܥ ܡܫܝܚܐ ܕܒܗ ܐܚܝܕ ܐܢܐ ܓܘܣܐ܂
272:17 [ai]	ܘܫܩܼܠ ܟܪܝܫ ܡܥܦܪܐ ܕܚܕ ܡܢ ܒ̈ܢܝ ܒܝܬܗܼ܂ ܘܐܪܡܝ
272:18 [ai]	ܒܩܕܠܗ ܕܝܗܘܕܐ ܘܐܡܼܪ܂ ܓܘܪܘ ܐܙܠܿ܂ ܐܿܚܙܐ ܐܢ
272:19 [ai]	ܡܦܨܐ ܠܗ ܝܫܘܥ ܡܢ ܐܝܼ̈ܕܝ܂ ܘܓܿܝܪܝܢ ܗܘܘ ܠܗ ܘܐܙܠܿܝܢ
273:01 [ai]	ܥܕܡܐ ܠܘܬ ܡܙܕܝ ܡܿܠܟܐ ܀ ܀ 106܂2 ܘܟܕ ܩܡ ܝܗܘܕܐ ܩܕܡ
273:02 [ai]	ܡܙܕܝ ܡܿܠܟܐܼ ܐܡܼܪ ܠܗ܂ ܐܡܼܪ ܠܝ ܡܐ ܛܒܼܟ܂ ܘܒܚܝܠܐ
273:03 [ai]	ܕܡܢܼܘ ܗܠܝܢ ܥܿܒ̈ܕܐ ܥܿܒܕ ܐܢܬ܂ ܘܝܗܘܕܐ ܫܬܼܝܩ ܗܘܐ܂
273:04 [ai]	ܘܠܐ ܝܗܼܒ ܠܗ ܦܬܓܡܐ܂ ܘܦܩܼܕ ܡܙܕܝ ܠܦܠܚܼ̈ܐܼ܂
273:05 [ai]	ܘܡܚܐܘܗܝ ܡܐܐ ܘܥܣܪ̈ܝܢ ܟܘ̈‍{‍ܟ‍}‍‍<‍ܒ‍>‍ܝܢ܂ ܘܦܩܼܕ ܕܟܕ ܦܟܝܪ
273:06 [ai]	ܢܘܒܿܠܘܢܝܗܝ ܠܒܝܬ ܐܣܝܪ̈ܐ܂ ܘܦܟܪܘܗܝ ܘܐܘܒܠܘܗܝ ܀ ܘܟܕ
273:07 [ai]	ܐܙܠܼ ܘܥܠ ܠܒܝܬ ܐܣܝܪ̈ܐܼ܂ ܡܬܚܫܒ ܗܘܐ ܡܙܕܝ ܘܟܪܝܫܼ
273:08 [ai]	ܕܐܝܟܢܐ ܢܩܛܠܘܢܗ܂ ܡܛܠ ܕܥܡܐ ܟܠܗܼ ܐܝܟ ܕܠܐܠܗܐ
273:09 [ai]	ܣܓܿܕܝܢ ܗܘܘ ܠܗ܂ ܘܫܩܠܘ ܗܘܘ ܛܥܢܐ ܕܢܐܡܪܘܢ
273:10 [ai]	ܕܠܡܿܠܟܐ ܨܿܚܝ܃ ܘܡܓܘܫܐ ܗܘ܂ 107܂1 ܝܗܘܕܐ ܕܝܢ ܟܕ ܐܙܠܿ
273:11 [ai]	ܠܒܝܬ ܐܣܝܪ̈ܐܼ܂ ܚܿܕܐ ܗܘܐ ܘܿܪܘܼܙ ܟܕ ܐܡܿܪ܂ ܕܡܿܘܕܐ
273:12 [ai]	ܐܢܐ ܠܟ ܡܪܝ ܝܫܘܥ ܡܫܝܚܐ܂ ܕܠܐ ܗܘܐ ܕܐܿܗܝܡܢ
273:13 [ai]	ܒܟ ܒܠܚܘܕ ܐܫܘܝܬܢ܃ ܐܠܐ ܐܦ ܕܐܿܣܒܘܠ ܡܛܠܬܟ
273:14 [ai]	ܣܓ̈ܝܐܬܐ܂ ܘܐܡܼܪ ܕܡܿܘܕܐ ܐܢܐ ܠܟ ܡܪܝ ܕܠܗܠܝܢ
273:15 [ai]	ܐܫܘܝܬܢ܂ ܡܿܘܕܐ ܐܢܐ ܠܟ ܡܪܝ ܕܗܘܼܬ ܒܛܝܠܘܬܟ
273:16 [ai]	ܥܠܝ ܘܐܫܘܝܬܢܝ ܕܐܿܣܝܒܪ ܚܠܦܝܟ ܒܝ̈ܫܬܐ ܣܓ̈ܝܐܬܐ܂
273:17 [ai]	ܡܿܘܕܐ ܐܢܐ ܠܟ ܡܪܝ܂ ܕܡܛܠܬܟ ܚܿܪܫܐ ܘܣܪܝܩܐ
273:18 [ai]	ܘܡܣܟܢܐܼ ܘܚܕܘܪܐ ܗܿܘܝܬܼ܂ 107܂2 ܐܿܩܒܠ ܗܟܝܠ ܡܢ
273:19 [ai]	ܛܘܒܗܘܢ ܕܡ̈ܣܟܢܐ ܘܡܢ ܢܝܿܚܗܘܢ ܕܠܐܝ̈ܐ܂ ܘܡܢ
273:20 [ai]	ܛܘܒܗܘܢ ܕܗܿܢܘܢ ܕܢܗܘܼܘܢ ܣܿܢܝܢ ܠܗܘܢ ܒܢ̈ܝܢܫܐܿ܂
273:21 [ai]	ܘܪܕܦܝܢ ܠܗܘܢ ܘܡܚܿܣܕܝܢ ܠܗܘܢ ܘܐܡܿܪܝܢ ܥܠܝܗܘܢ
274:01 [ai]	ܡ̈ܠܐ ܣ̈ܢܝܬܐ܂ ܗܐ ܡܛܠܬܟ ܣܢܼܐ ܐܢܐ ܘܦܪܝܫ ܐܢܐ
274:02 [ai]	ܡܢ ܣܓ̈ܝܐܐܿ܂ ܡܛܠܬܟ ܐܡܿܪܝܢ ܥܠܝ ܡܕܡ ܕܠܐ ܝܿܕܥ
274:03 [ai]	ܐܢܐ ܀ 108 ܘܟܕ ܡܨܿܠܐ ܗܘܐ ܟܠܗܘܢ ܗܿܢܘܢ ܕܒܝܬ ܐܣܝܪ̈ܐ
274:04 [ai]	ܚܿܙܝܢ ܗܘܘ ܠܗ ܕܡܨܿܠܐ ܗܘܐ܂ ܘܒܥܝܢ ܗܘܘ ܡܢܗ
274:05 [ai]	ܕܢܨܿܠܐ ܘܐܦ ܥܠܝܗܘܢ܂ ܘܟܕ ܨܿܠܝ ܘܝܬܼܒ܃ ܫܼܿܪܝ ܗܘܐ
274:06 [ai]	ܝܗܘܕܐ ܕܢܐܡܪ ܡܕܪܫܐ ܗܢܐ܂
274:07 [ai]	ܡܕܪܫܐ ܕܝܗܘܕܐ ܬܐܘܡܐ ܫܠܝܚܐ
274:08 [ai]	ܕܒܐܬܪܐ ܕܗ̈ܢܕܘܝܐ
274:09 [ai]	1 ܟܕ ܐܢܐ ܫܒܪ ܝܠܘܕ ܘܥܡܿܪ ܒܡܿܠܟܘܬܝ ܒܝܬ ܐܒܝ܂
274:10 [ai]	2 ‍{‍10‍}‍ ܘܒܥܘܬܪܐ ܘܒܓܐܘ̈ܬܐ܂ ܕܡܪ̈ܒܝܢܝ ܡܢܚ ܗܘܝܬ܂ 3 ܡܢ
274:11 [ai]	ܡܕܢܚܐ ܡܬܢ܂ ܙܘܿܕܘ ܐܒ̈ܗܝ ܫܕܪܘܢܝ܂ 4 ܘܡܢ ܥܘܬܪܐ
274:12 [ai]	ܕܒܝܬ ܓܙܢ܂ ܐܟܒܪ ܨܿܡܕܘ ܠܝ ܡܘܒܠܐ܂ 5 ܣܓܝܐܐ ܗܝ
274:13 [ai]	ܘܩܠܝܠܐ܂ ܕܐܢܐ ܠܚܘܕܝ ܐܫܩܠܝܗܿ܂ 6 ܕܗܒܐ ܗܝ ܕܒܝܬ
274:14 [ai]	ܥ̈ܠܝܐ܂ ܘܣܐܡܐ ܕܓܙܟ ܪܒܬܐ܂ 7 ܘܩܪ̈ܟܕܢܝ ܗܢܕܘ܂
274:15 [ai]	ܘܦܬܘ̈ܬܟܐ ܕܡܢ ܒܝܬ ܩܫܢ܂ 8 ܘܚܙܩܘܢ ܒܐܕܡܘܣ܂
274:16 [ai]	ܕܠܦܪܙܠܐ ܗܼܝ ܫܚܩܐ܂ 9 ܘܐܫܠܚܘܢܝ ܠܙܗܝ‍{‍ܘ‍}‍ܬܐ܂
274:17 [ai]	ܕܒܚܘܒܗܘܢ ܥܒܕܘܗܿ ܠܝ܂ 10 ܘܠܛܘܓܝ ܕܙܚܘܪܝܬܐ ܕܥܠ
274:18 [ai]	ܩܘܡܬܝ ܡܡܫܚ ܙܩܝܼܪ܂ 11 ܘܥܒܼܕܘ ܥܡܝ ܚܘܪܩܢܐܼ܂
274:19 [ai]	ܘܟܬܒܘܗܝ ܒܠܒܝܼ ܕܠܐ ܢܬܛܥܐ܂ 12 ‍{‍ܘ‍}‍‍<‍ܕ‍>‍ܐܢ ܬܚܘܬ ܠܓܘ
274:20 [ai]	ܡܨܪܝܢ܃ ܘܬ‍{‍ܚ‍}‍‍<‍ܝ‍>‍ܬܝܗܿ ܠܡܪܓܢܝܬܐ܂ ܚܕܐ܂ 13 ܗܿܝ ܕܐܝܬܝܗܿ
274:21 [ai]	ܒܓܘ ܝܡܐ܃ ܚܕܪ̈ܘܗܝ ܕܚܘܝܐ ܣܝܩܐ܃ 14 ܬܠܒܫܝܗܿ
275:01 [ai]	ܠܙܗܝܬܟ܃ ܘܠܛܘܓܟ ܕܥܠܝܗܿ ܡܢܚ܂ 15 ܘܥܡ ܐܚܘܟ
275:02 [ai]	ܬܪܝܢܢ܂ ܝܪܘܬ‍{‍ܝ‍}‍ ܒܡܿܠܟܘܬܢ ܬܗܘܼܐ܂ 109܂16 ܫܿܓ‍{‍ܕ‍}‍‍<‍ܪ‍>‍ܬ ܡܕܢܚܐ
275:03 [ai]	ܢܚܿܬܬ܂ ܟܕ ܥܡܝ ܬܪ̈ܝܢ ܦܪ̈ܘܩܝܢ܂ 17 ܕܐܘܪܚܐ ܕܚܝܼܠܐ
275:04 [ai]	ܘܥܼܛܠܐ܂ ܘܐܢܐ ܫܒܪ ܐܢܐ ܠܡܪܕܝܗܿ܂ 18 ܥܿܒܪܬ ܬܚ̈ܘܡܝ
275:05 [ai]	ܡܝܫܢ ܨܘܒܐ ܕܬܓܪ̈ܝ ܡܕܢܚܐ܂ 19 ܘܡܿܛܝܬ ܠܐܪܥ ܒܒܠ܂
275:06 [ai]	ܘܥܿܠܬ ܒܫܘܪ̈ܝܗܿ ܕܣܪܒܘܓ܂ 20 ܢܚܿܬܬ ܠܝ ܠܓܘ ܡܨܪܝܢ܂
275:07 [ai]	ܘܡ̈ܠܘܝܢܝ ܡܢܝ ܦܪܫܘ܂ 21 ܬܼܪܨܬ ܠܘܬ ܚܘܝܐ ܚܕܪ̈ܘܗܝ
275:08 [ai]	ܕܐܫܦܙܗ ܫܿܪܝܬ܂ 22 ܥܕ ܢܢܘܡ ܘܥܕ ܢܫܟܒ܂ ܘܡܢܗ
275:09 [ai]	ܠܡܪܓܢܝܬܝ ܐܫܩܠܝܗܿ܂ 23 ܘܕܚܕ ܗܘܝܬ ܡܫܘܚܕ ܗܘܝܬ܂
275:10 [ai]	ܠܒ̈ܢܝ ܐܫܦܙܝ ܢܘܟܪܝ ܗܘܝܬ܂ 24 ܠܒܪ ܓܢܣܝ ܒܪܚܐܪ̈ܐ̈
275:11 [ai]	ܡܢ ܡ̈ܕܢܚܝܐ ܬܡܿܢ ܚܿܙܝܬ܂ 25 ܠܛܠܝܐ ܦܐܝܐ ܚܣܝܕܐ܂ ܒܪ
275:12 [ai]	ܡ̈ܫܚܐ܂ 26 ܘܠܝ ܐܬܼܐ ܘܢܩܼܦ܂ 27 ܘܥܿܒܕܬܗ ܒܪ ܥܢܝܢܝ܂ ܚܒܪܐ
275:13 [ai]	ܕܬܐܓܘܪܬܝ ܠܗ ܫܿܘܬܦܬ܂ 28 ܙܗܪܬܗ ܡܢ ܡܨܪ̈ܝܐ܂ ܘܡܢ
275:14 [ai]	ܢܩܦܗܘܢ ܕܡ̈ܣܝܒܐ܂ 29 ܘܐܝܟ ܠܒܘܫܗܘܢ ܠܒܿܫܬ܂ ܕܠܐ
275:15 [ai]	ܢܫܟܪܘܢܢܝ ܕܡܢ ܠܒܪ ܐܬܼܝܬ܂ 30 ܕܐܣܒܝܗܿ ܠܡܪܓܢܝܬܐ܂
275:16 [ai]	ܘܢܥܝܪܘܢܝܗܝ ܠܚܘܝܐ ܥܠܝ܂ 31 ܘܒܐܝܿܕܐ ܡܢ ܥ̈ܠܼܠܬܐ܂ ܪܓܫܘ
275:17 [ai]	ܒܝ ܕܠܐ ܗܿܘܝܬ ܒܪ ܡܬܗܘܢ܂ 32 ܘܚܠܛܘ ܥܡܝ ܒ̈ܢܟܠܝܗܘܢ܂
275:18 [ai]	ܐܦ ܐܛܥܡܘܢܝ ܡܐܟܘܠܬܗܘܢ܂ 33 ܛܿܥܝܬ ܕܒܪ ܡ̈ܠܟܐ
275:19 [ai]	ܐܢܐ܂ ܘܦܠܚܬ ܠܡܿܠܟܐ ܕܝܠܗܘܢ܂ 34 ܘܛܿܥܝܬܗܿ
275:20 [ai]	ܠܡܪܓܢܝܬܐ ܕܥܠܝܗܿ ܐܒ̈ܗܝ ܫܕܪܘܢܝ܂ 35 ܘܒܝܘܩܪܐ
275:21 [ai]	ܕܛܘܪ̈ܦܝܗܘܢ ܫܿܟܒܬ ܒܫܼܢܬܐ ܥܡܝܩܬܐ܂ 110܂36 ܘܒܗܠܝܢ
276:01 [ai]	ܟܠܗܝܢ ܕܓܕܫܢܝ܂ ܐܒ̈ܗܝ ܪܓܫܼܘ ܘܚܫܼܘ ܥܠܝ܂ 37 ܘܐܬܟܪܙ
276:02 [ai]	ܒܡܿܠܟܘܬܢ܂ ܕܟܠܢܫ ܠܬܪܥܢ ܢܫܬܓܪ܂ 38 ܡ̈ܠܟܐ ܘܪ̈ܫܝ
276:03 [ai]	ܦܪܬܘ܂ ܘܟܠ ܪ̈ܘܪܒܢܝ ܡܕܢܚܐ܂ 39 ܘܩܛܪܘ ܥܠܝ ܐܦܪܣܢܐ܂
276:04 [ai]	ܕܐܢܐ ܒܡܨܪܝܢ ܠܐ ܐܫܬܒܩ܂ 40 ܘܟܬܒܘ ܠܝ ܐܝܓܪܬܐ܂
276:05 [ai]	ܘܟܠ ܪ̈ܘܪܒܢܐ ܫܡܗ ܒܗܿ ܐܪܡܿܝ܂ 41 ܡܢ ܐܒܘܟ ܡܼܠܟ
276:06 [ai]	ܡ̈ܠܟܐ܂ ܘܐܡܟ ܐܚܝܼܕܬ ܡܕܢܚܐ܂ 42 ܘܡܢ ܐܚܘܟ ܬܪܝܢܢ܂
276:07 [ai]	ܠܟ ܒܪܢ ܕܒܡܨܪܝܢ ܫܠܡ܂ 43 ܢܕ ܘܩܘܡ ܡܢ ܫܢܬܟ܂ ܘܡ̈ܠܐ
276:08 [ai]	ܕܐܓܪܬܢ ܫܡܼܥ܂ 44 ܐܬܥܿܗܕ ܕܒܪ ܡ̈ܠܟܐ ܐܢܬ܂ ܚܙܝ
276:09 [ai]	ܥܒܼܕܘܬܐ ܠܡܿܢ ܦܠܚܼܬ܂ 45 ܥܗܕܝܗܿ ܠܡܪܓܢܝܬܐ܂ ܕܥܠܝܗܿ
276:10 [ai]	ܠܡܨܪܝܢ ܐܫܬܓܪܬ܂ 46 ܐܬܕܟܪܝܗܿ ܠܙܗܝܬܟ܂ ܘܠܛܘܓܟ
276:11 [ai]	ܓܐܿܝܐ ܥܿܗܕ܂ 47 ܕܬܠܿܒܫ ܘܬܼܨܛܒܬ܂ ܕܒܣܦܼܪ ܚ̈ܠܝܨܐ ܫܡܟ
276:12 [ai]	ܐܬܩܪܝ܂ 48 ܘܥܡ ܐܚܘܟ ܦܨ‍{‍ܥ‍}‍‍<‍ܓ‍>‍ܪܝܒܢ ܥܡܗ ܒܡܿܠܟܘܬܢ
276:13 [ai]	ܬܗܘܼܐ܂ 111܂49 ܘܐܝܓܪܬܝ ܐܝܓܪܬܐ ܗܝ܂ ܕܡܿܠܟܐ ܒܝܡܝܢܗ
276:14 [ai]	ܚܬܡܗܿ܂ 50 ܡܢ ܒ̈ܝܼܫܐ ܒ̈ܢܝ ܒܒܠ܂ ܘܕܝ̈ܘܐ ܡܪ̈ܝܪܐ
276:15 [ai]	ܕܣܪܒܘܓ܂ 51 ܦܪܚܼܬ ܒܕܡܼܘܬ ܢܫܪܐ ܡܿܠܟܐ ܕܟܠܗܿ
276:16 [ai]	ܦܪܚܬܐ܂ 52 ܦܪܚܼܬ ܘܫܟܼܢܬ ܨܐܝܕܝ܂ ܘܟܠܗܿ ܗܘܼܬ ܠܗܿ
276:17 [ai]	ܡܠܬܐ 53 ܠܩܠܗܿ ܘܠܩܠ ܪܓܫܬܗܿ܂ ܢܿܕܬ ܘܩܿܡܬ ܡܢ
276:18 [ai]	ܫܿܢܬܝ 54 ܫܿܩܠܬܗܿ ܘܢܫܩܬܗܿ܂ ܘܫܿܪܝܬ ܐܢܐ ܠܝܬܗܿ ܩܿܪܝܬ܂
276:19 [ai]	55 ܘܥܠ ܗܿܘ ܕܒܠܒܝ ܪܫܝܡ܂ ܡ̈ܠܝܗܿ ܕܐܝܓܪܬܝ ܐܬܟܬܼܒ܂
277:01 [ai]	56 ܥܿܗܕܬ ܕܒܪ ܡ̈ܠܟܐ ܐܢܐ܂ ܘܚܐܪܘܬܝ ܟܝܢܗܿ ܦܩܕܐ܂
277:02 [ai]	57 ܥܗܕܬ ܠܡܪܓܢܝܬܐ܂ ܕܥܠܝܗܿ ܠܡܨܪܝܢ ܐܿܫܬܕܪܬ܂
277:03 [ai]	58 ܘܫܿܪܝܬ ܡܡܓܫ ܐܢܐ ܠܗ ܠܚܘܝܐ ܕܚܝܠܐ ܘܣܝܩܐ܂
277:04 [ai]	59 ܐܢܝܡܬܗ ܘܐܫܟܒܬܗ܂ ܕܫܡ ܐܒܝ ܥܠܘܗܝ ܐܢܐ
277:05 [ai]	ܐܬܼܕܟܪܬ܂ 60 ܘܫܡܗ ܕܬܪܝܢܢ܂ ܘܕܐܡܝ ܡܿܠܟܐ ܡܕܢܚ܂
277:06 [ai]	61 ܘܚܛܦܬܗܿ ܠܡܪܓܢܝܬܐ܂ ܘܥܿܛܦܬ ܕܐܦܢܐ ܠܒܝܬ ܐܒܝ܂
277:07 [ai]	62 ܘܠܒܘܫܗܘܢ ܨܐܐ ܘܛܡܐܐ܂ ܫܿܠܚܬ ܘܫܿܒܩܬܗ
277:08 [ai]	ܒܐܬܪܗܘܢ܂ 63 ܘܬܪܨܬܗܿ ܠܡܪܕܝܬܝ ܕܬܐܬܐ܂
277:09 [ai]	ܠܢܘܗܪܐ ܕܡܬܢ ܡܕܢܚܐ܂ 64 ܘܠܐܝܓܪܬܝ ܡܥܝܪܢܝܬܝ
277:10 [ai]	ܩܕܡܝ ܒܐܘܪܚܐ ܐܿܫܟܚܬ܂ 65 ܘܐܝܟ ܕܒܩܠܗܿ ܐܥܝܪܬܢ
277:11 [ai]	ܬܘܒ ܒܢܘܗܪܗܿ ܠܝ ܡܕܒܪܐ܂ 66 ܕܫܪܝܐ ܒܣܠܝܩܘܢ܂
277:12 [ai]	ܩܕܡܝ ܒܚܘܪܗܿ ܡܦܪܓܐ܂ 67 ܘܒܩܠܗܿ ܘܒܗܕܝܘܬܗܿ܂ ܬܘܒܢ
277:13 [ai]	ܪܗܝܒܘܬܝ ܡܠܒܒܐ܂ 68 ܘܒܚܘܒܗܿ ܢܿܓܕ‍<‍ܐ‍>‍ ܠܝ܂ 69 ܢܿܦܩܬ ܥܒܪܬܗܿ
277:14 [ai]	ܠܣܪܒܘܓ܂ ܫܒܩܬ ܠܒܒܠ ܠܣܡܠܝ܂ 70 ܘܡܿܛܝܬ ܠܡܝܫܢ
277:15 [ai]	ܪܒܬܐ܂ ܠܠܡܐܢܗܘܢ ܕܬܓܪ̈ܐ܂ 71 ܕܒܥܒܼܪܗ ܕܝܡܼܿܐ
277:16 [ai]	ܝܬܒܐ܂ 72 ܘܠ‍{‍ܗܙ‍}‍‍<‍ܙܗ‍>‍ܝܬܝ ܕܫܿܠܚܬ ܗܘܝܬ܂ ܘܠܛܘܓܝ ܕܒܗܿ
277:17 [ai]	ܡܥܛܦܐ܂ 73 ܡܢ ܪܡܬܐ ‍[‍ܕ‍]‍ܘܪܩܢ ܠܬܡܿܢ ܐܒ̈ܗܝ ܫܕܪܘܗܿ܂
277:18 [ai]	74 ܒܐܝܕܐ ܕܓܙܒܪ̈ܝܗܘܢ܂ ܕܒܫܪܪܗܘܢ ܥܠܝܗܿ ܡܗܝܡܢܝܢ܂
277:19 [ai]	112܂75 ܘܕܠܐ ܥܿܗܕ ܗܘܝܬ ܬܓܡܗܿ ܕܒܫܒܪܘܬܝ ܫܒܩܬܗܿ
278:01 [ai]	ܒܝܬ ܐܒܝ 76 ܡܢ ܫܠܝܐ ܟܕ ܐܩܒܠܬܗܿ܂ ܠܡܚܙܝܬܝ ܠܒܘܫܐ
278:02 [ai]	ܕܡܬ ܠܝ 77 ܟܠܗܿ ܒܟܘܠ ܚܿܙܝܬ܂ ܘܐܦ ܐܢܐ ܠܟܘܠ ܒܗܿ
278:03 [ai]	ܐܩܒܠܬ܂ 78 ܕܬܪܝܢ ܚܢܢ ܒܦܘܪܫܢܐ ܘܚܕ ܬܘܒ ܚܢܢ ܒܚܕܐ
278:04 [ai]	ܕܡܘ܂ 79 ܘܐܦ ܠܗܘܢ ܠܓܙܒܪ̈ܐ܂ ܕܠܝ ܐܝܬܝܘܗܿ ܗܟܢ
278:05 [ai]	ܚܿܙܝܬ܂ 80 ܕܬܪܝܢ ܐܢܘܢ ܚܕܐ ܣܡܘ ܐܢܘܢ ܕܚܕ ܢܝܫ
278:06 [ai]	ܡܿܠܟܐ ܪܫܝܡ ܒܗܘܢ܂ 81 ܕܐܝ̈ܕܘܗܝ ܕܦܢܝ ܠܝ܂ ܠܓܘܥܠܢܝ
278:07 [ai]	ܘܥܘܬܪܝ ܒܐܝܕܗܘܢ܂ 82 ܠܙܗܝ^ܘ^ܬܝ ܡܨܿܒܬܬܐ܂ ܕܒܓ̈ܘܢܐ
278:08 [ai]	ܓܐܝ̈ܐ ܡܨܒܬܐ܂ 83 ܒܕܗܒܐ ܘܒܒܪ̈ܘܠܐ܂ ܘܩܪ̈ܟܕܢܐ
278:09 [ai]	ܘܦܬܘ̈ܬܟܐ܂ 84 ܘܣܪ̈ܕܘܟܐ ܦܪܝܫܼܬ ܓܘܢܐ܂ ܐܦ ܗܝܼ
278:10 [ai]	ܒܪܘܡܗܿ ܡܬܩܢܐ܂ 85 ܘܒܟܐ̈ܦܐ ܕܐܕܡܘܣ܂ ܟܘܠ ܫܪ̈ܝܬܗܿ
278:11 [ai]	ܡ̈ܩܒܥܢ܂ 86 ܘܨܠܡܗ ܕܡܠܼܟ ܡ̈ܠܟܐ܂ ܟܠܗ ܒܟܠܗܿ ܡܣܩܼ
278:12 [ai]	ܘܨܝܪ܂ 87 ܘܐ‍{‍ܦ‍}‍‍<‍ܝܟ‍>‍ ܟܐܦܐ ܕܣܦܝܠܐ܂ ܬܘܒܢ ܟܪ̈ܘܡܝܗܿ ܡ̈ܦܬܟܐ܂
278:13 [ai]	113܂88 ܘܚܿܙܝܬ ܬܘܒ ܕܒܟܠܗܿ܂ ܙܘܥ̈ܝ ܝܕܥܬܐ ܪ̈ܦܬܝܢ܂ 89 ܘܐܝܟ
278:14 [ai]	ܕܠܡܡܠܠܘ܂ ܬܘܒ ܚܿܙܝܬܗܿ ܕܡܬܥܬܕܐ܂ 90 ܩܠ ܢܥ̈ܡܬܗܿ
278:15 [ai]	ܫܡܿܥܬ܂ ܕܥܡ ܡ̈‍{‍ܝ‍}‍ܚܬܝܗܿ ܡܪܬܡܐ܂ 91 ܕܗܘܼ ‍{‍ܐ‍}‍‍<‍ܗ‍>‍ܢܐ ܙܪܝܙ
278:16 [ai]	ܥܒܼ̈ܕܐ܂ ܕܠܗ ܪܒܝܘܢܝ ܩܕܡܘܗܝ ܕܐܒܝ܂ 92 ܘܐܦ ܐܢܐ
278:17 [ai]	ܡܪܓܫ ܗܘܝܬ ܒܝ܂ ܕܩܘܡܬܝ ܐܝܟ ܥ̈ܡܠܘܗܝ ܪܒܝܐ܂
278:18 [ai]	93 ܘܒܙܘ̈ܥܝܗܿ ܡ̈ܠܟܝܐ܂ ܟܘܠܗܿ ܠܘܬܝ ܡܫܬܦܥܐ܂
278:19 [ai]	94 ܘܥܠ ܐܝܼܕܐ ܕܝܗ̈ܘܒܝܗܿ ܡܣܬܪܗܒܐ ܐܝܟ ܕܐܫܩܠܝܗܿ܂
278:20 [ai]	95 ܘܐܦ ܠܝ ܚܘܒܝ ܙܩܿܬ ܗܘܐ܂ ܕܐܿܪܗܛ ܠܐܘܪܥܗܿ
279:01 [ai]	ܘܐܩܒܠܝܗܿ܂ 96 ܘܐܬܼܦܫܛܬ ܘܩܿܒܠܬܗܿ܂ ܒܫܘܦܪܐ ܕܓܘ̈ܢܝܗܿ
279:02 [ai]	ܐܨܿܛܒܬܬ܂ 97 ܘܠܛܘܓܝ ܢܨܝܚ ܓ̈ܘܢܐ܂ ܟܠܗܿ ܠܟܠܗܿ
279:03 [ai]	ܐܬܼܥܛܦܬ܂ 98 ܠܒܿܫܬ ܒܗܿ ܘܐܬܼܥܠܝܬ܂ ܠܬܪܥ ܫܿܠܡܐ
279:04 [ai]	ܘܣܓܕܬܐ܂ 99 ܟܿܦܬ ܪܝܫܝ ܘܣܓܿܕܬ ܠܗ܂ ܠܙܝܘܗ ܕܐܒܝ ‍[‍ܕ‍]‍ܠܝ
279:05 [ai]	ܫܕܪܗܿ܂ 100 ܕܥܿܒܕܬ ܠܦܘ̈ܩܕܢܘܗܝ ܘܐܦ ܗܘܼ ܕܐܫܬܘܕܝ
279:06 [ai]	ܥܼܒܕ܂ 101 ܘܒܬܪܥܐ ܕܘܣܦܪ̈ܘܗܝ܂ ܥܡ ܪ̈ܘܪܒܢܘܗܝ ܐܬܚܿܠܛܬ܂
279:07 [ai]	102 ܕܚܕܝ ܒܝ ܘܩܒܠ ܝܬܝ܂ ܘܥܡܗ ܒܡܿܠܟܘܬܗ ܗܿܘܝܬ܂ 103 ܘܒܩܠܐ
279:08 [ai]	ܕܕܪ̈ܘܣܐ܂ ܟܘܠ ܦܠܚܼ̈ܘܗܝ ܠܗ ܡܫܒܚܝܢ܂܂ 104 ܘܐܫܼܬܘܕܝ
279:09 [ai]	ܕܠܬܪܥܐ ܬܘܒ܂ ܕܡܼܠܟ ܡ̈ܠܟܐ ܥܡܗ ܐܫܬܓܪ܂
279:10 [ai]	105 ܘܒܩܘܪܒܢܝ ܘܒܡܪܓܢܝܬܝ܂ ܥܡܗ ܠܡܿܠܟܢ ܐܬܼܚܙܐ
279:11 [ai]	ܫܠܡ ܡܕܪܫܐ ܕܝܗܘܕܐ ܬܐܘܡܐ ܫܠܝܚܐ܂
279:12 [ai]	ܕܐܡܼܪܗ ܒܝܬ ܐܣ̈ܝܪܐ ܀
279:13 [ai]	113B ܬܘܒ ܬܫܒܘܚܬܐ ܕܬܐܘܡܐ ܫܠܝܚܐ܂
279:14 [ai]	1 ܡܫܒܚܬ ܐܒܐ ܡܪܐ ܕܟܘܠ܂ ܐܝܬܝܐ ܕܠܐ ܡܬܡܠܠ܂
279:15 [ai]	ܕܟܣܐ ܒܙܝܘܐ ܕܫܘܒܚܗ ܡܢ ܟܠ ܥܠܡܝܢ ܀ ܡܗܿܠܠܬ
279:16 [ai]	ܒܪܐ ܒܘܟܪܐ ܕܚ̈ܝܐ܂ ܕܡܢ ܐܒܐ ܪܡܐ ܘܡܠܬܐ
279:17 [ai]	ܕܚ̈ܝܐ ܀ 2 ܡܫܒܚܬ ܐܒܐ ܝܚܝܕܐ܂ ܨܿܐܪ ܢܦܫܗ ܒܚܟܡܬܐ
279:18 [ai]	ܒܟܠ ܒܪ̈ܝܢ ܘܒܟܠ ܥܠܡܝܢ ܀ ܡܗܠܠܬ ܒܪܐ ܕܢܘܗܪܐ܂
279:19 [ai]	ܚܟܡܬܐ ܘܚܝܠܐ ܘܡܕܥܐ ܕܒܟܠ ܥܠܡܝܢ ܐܝܬܝܟ ܀
279:20 [ai]	3 ܡܫܒܚܬ ܐܒܐ ܪܡܐ܂ ܕܕܢܚܼ ܡܢ ܣܬܪܗ ܠܓܠܝܐ ܒܐܝܼܕܐ
279:21 [ai]	ܕܟܠܗܘܢ ܢܒ̈ܝܘܗܝ ܀ ܡܗܠܠܬ ܒܪܐ ܕܪ̈ܚܡܼܐ܂ ܕܒܗ