The Comprehensive Aramaic Lexicon

320:01 [ai]	ܥܠ ܦܓܪܝ ܗܘ ܫܠܝܛ ܐܢܬ ܕܬܥܒܕ ܠܗ ܟܘܠ ܕܨܿܒܝܼܬ܂
320:02 [ai]	ܢܦܫܝ ܕܝܢ ܠܐ ܡܘܒܕܐ ܐܢܐ ܥܡܟ ܀ 152܂2 ܘܟܕ ܗܠܝܢ ܫܡܼܥ
320:03 [ai]	ܡܢܝ܃ ܚܒܫܢܝ ܬܚܝܬ ܗܿܘ ܛܪܩܠܝܢܗ ܒܒܝܬܐ ܚܕ ܚܫܘܟܐ܂
320:04 [ai]	ܘܐܝܬܝ ܐܦ ܟܪܝܫ ܩܪܝܒܗ ܐܦ ܠܡܓܕܘܢܝܐ ܘܠܢܪܩܝܐܼ܂
320:05 [ai]	ܘܚܒܼܫ ܐܢ̈ܝܢ ܨܐܝܕܝ܂ ܘܢܘܗܪܐ ܡܢ ܠܘܬܢ ܠܐ ܦܼܪܩ
320:06 [ai]	ܗܘܐ܂ ܘܐܢܬ ܗܘ ܐܦܩܬܢ ܘܗܐ ܩܝܡ̈ܝܢܢ ܩܕܡܝܟ܂
320:07 [ai]	ܐܠܐ ܗܒ ܠܢ ܪܘܫܡܐܼ܂ ܘܢܬܦܣܩ ܣܒܪܗ ܕܡܙܕܝ ܡܢ
320:08 [ai]	ܠܘܬܝ܃ ܕܗܠܝܢ ܡܬܚܿܫܒ ܥܠܝ ܀ 153܂1 ܘܟܕ ܫܡܼܥ ܗܠܝܢ ܝܗܘܕܐ
320:09 [ai]	ܫܠܝܚܗ ܕܡܪܢ ܕܗܠܝܢ ܐܡܼܪܬܼ܂ ܐܡܿܪ܂ ܠܟ ܫܘܒܚܐ
320:10 [ai]	ܣܓܿܝ ܕܡܼ̈ܘܬܐ ܝܫܘܥ܂ ܠܟ ܫܘܒܚܐ ܡܬܚܙܐ ܐܝܟ
320:11 [ai]	ܐܢܫܘܬܢ ܡܣܟܢܬܐ܂܂ ܠܟ ܫܘܒܚܐ ܡܿܚܝܠܢܢ ܘܡܿܠܒܒܢܢ
320:12 [ai]	ܘܡܿܟܘܢܢܢ ܘܡܚܿܕܝܢܢ܂ ܘܩܐܿܡ ܠܘܬܢ ܒܟܠܗܘܢ ܐܘ̈ܠܨܢܝܢܿ܂
320:13 [ai]	ܘܡܚܿܝܠ ܠܡܚܝܠܘܬܢ܂ ܘܡܿܠܒܒ ܠܪܗܝܒܘܬܢ ܀ 153܂2 ܘܟܕ
320:14 [ai]	ܗܠܝܢ ܐܡܼܪ܂ ܐܬܠܒܒܘ ܚ̈ܒܝܫܐ܂ ܘܐܡܼܪܘ ܢܛܘܪ̈ܐ܃ ܦܘܚܘ
320:15 [ai]	ܒܫܪ̈ܓܐ ܕܠܐ ܢܐܟܠܘܢ ܩܪ̈ܨܝܢ ܩܕܡ ܡܙܕܝ ܡܿܠܟܐܿ܂
320:16 [ai]	ܘܢܦܚܼܘ ܗܘܘ ܒܫܪ̈ܓܐ ܟܠܗܘܢ ܘܐܙܠܘ ܕܡܼܟܘ ܀ ܝܗܘܕܐ
320:17 [ai]	ܕܝܢ ܐܡܼܪ ܗܘܐ ܠܡܪܢ܂ ܡܟܝܠ ܕܝܠܟ ܗܝ ܩܠܝܠܘܬܐ܂
320:18 [ai]	ܝܫܘܥ ܡܿܢܗܪܢܢܿ܂ ܕܗܐ ܒ̈ܢܝ ܚܫܘܟܐ ܒܚܫܘܟܐ ܕܝܠܗܘܢܼ
320:19 [ai]	ܐܘܬܒܘܢ܂ ܐܢܬ ܕܝܢ ܡܪܢ ܒܢܘܗܪܐ ܕܟܝܢܟ ܐܢܗܪܝܢܝ܂
320:20 [ai]	ܘܡܢ ܫܠܝܐ ܒܝܬ ܚ̈ܒܝܫܐ ܟܠܗ ܢܗܼܪ ܗܘܐ ܐܝܟ
320:21 [ai]	ܕܒܐܝܡܡܐܿ܂ ܘܟܠܗܘܢ ܐܝܠܝܢ ܕܚܒܝܫܝܢ ܗܘܘ ܬܡܿܢ
320:22 [ai]	ܕܡܝܟܝܢ ܗܘܘ܂ ܘܒܠܚܘܕ ܗܿܢܘܢ ܕܗܝܡܢܘ ܒܡܪܢ
320:23 [ai]	ܥܝܪܝܢ ܗܘܘ ܀ 154܂1 ܘܐܡܼܪ ܝܗܘܕܐ ܠܘܝܙܢ ܙܠ ܩܕܡܝܢ
320:24 [ai]	ܘܛܝܿܒ ܠܢ ܬܫܡܫܬܐ ܠܬܫܡܫܬܢ܂ ܐܡܿܪ ܠܗ ܘܝܙܢ܂
321:01 [ai]	ܡܿܢܼܘ ܦܬܼܚ ܠܢ ܬܪ̈ܥܐ ܕܒܝܬ ܚ̈ܒܝܫܐܿ܂ ܕܗܐ ܟܠܗܘܢ
321:02 [ai]	ܐܚܼܕܘ ܐܢܘܢ ܘܕܡܟܘ ܢܛܘܪ̈ܐ܂ ܐܡܿܪ ܠܗ ܝܗܘܕܐ܂
321:03 [ai]	ܗܝܡܢ ܒܝܫܘܥ ܘܠܐ ܬܬܼܦܠܓ܃ ܘܐܙܠܿ ܐܢܬ ܘܡܫܟܚ
321:04 [ai]	ܐܢܬ ܠܗܘܢ ܠܬܪ̈ܥܐܼ܂ ܟܕ ܦܬܝܚܝܢ ܘܩܿܝܡܝܢ ܥܠ
321:05 [ai]	ܨܝܪ̈ܬܗܘܢ ܀ 154܂2 ܘܟܕ ܢܦܩܼ ܐܙܠܼ ܩܕܡܝܗܘܢ܂ ܟܠܗܘܢ
321:06 [ai]	ܕܝܢ ܒܬܪܗ ܕܝܗܘܕܐ ܐܬܼܝܢ ܗܘܘ܂ ܘܟܕ ܦܠܓܘ
321:07 [ai]	ܐܘܪܚܐܼ܂ ܦܓܥܼܬ ܒܗܘܢ ܡܢܫܪ ܐܢܬܬܗ ܕܘܝܙܢ ܟܕ
321:08 [ai]	ܐܬܝܐ ܠܒܝܬ ܚ̈ܒܝܫܐ܂ ܘܗܼܝ ܕܝܢ ܐܫܬܘܕܥܬܗܼ ܘܐܡܿܪܐ
321:09 [ai]	ܠܗ܂ ܐܚܝ ܘܝܙܢܼ܂ ܘܐܡܼܪ ܠܗܿ܂ ܐܝܢ ܘܐܢܬܝ ܚܬܝ ܡܢܫܪ܃
321:10 [ai]	ܐܡܿܪܐ ܠܗܿ ܐܝܢ܂ 154܂3 ܐܡܿܪ ܠܗܿ܂ ܠܐܝܟܐ ܐܙܠܬܝ ܒܗܢܐ
321:11 [ai]	ܥܕܢܐ ܒܠܚܘܕܝܟܝ܂ ܘܐܝܟܢܐ ܐܫܟܚܬܝ ܠܡܩܡ ܡܢ
321:12 [ai]	ܥܪܣܐ ܀ ܐܡܿܪܐ ܠܗ܂ ܕܗܢܐ ܛܠܝܐ ܣܼܡ ܥܠܝ ܐܝܼܕܗ
321:13 [ai]	ܘܐܬܼܚܠܡܼܬ܂ ܘܚܿܙܝܬ ܒܚܠܡܝ ܕܐܿܙܠ ܠܘܬ ܗܿܘ ܐܟܣܢܝܐ
321:14 [ai]	ܐܝܟܐ ܕܚܒܝܫܼ ܕܡܠܝܐܝܬ ܐܬܼܚܠܡ ܀ ܐܡܿܪ ܠܗܿ ܘܝܙܢ܂
321:15 [ai]	ܐܝܢܘ ܛܠܝܐ ܕܐܝܬ ܥܡܟܝ܂ ܘܗܼܝ ܐܡܿܪܐ ܠܗ܂ ܠܐ
321:16 [ai]	ܚܿܙܝܬ ܠܗ܂ ܕܗܐ ܒܝܡܝܢܝ ܐܚܝܕ ܘܡܿܣܡܟ ܠܝ ܀ 155܂1 ܘܟܕ
321:17 [ai]	ܗܼܢܘܢ ܡܿܡܠܠܝܢ܂ ܐܬܼܐ ܝܗܘܕܐ ܥܡ ܨܝܦܘܪ ܘܥܡ
321:18 [ai]	ܐܢܬܬܗ ܘܒܪܬܗ܃ ܘܥܡ ܡܓܕܘܢܝܐ ܘܛܪܛܝܐ ܘܢܪܩܝܐܼ܂
321:19 [ai]	ܘܐܬܘ ܘܥܠܘ ܠܒܝܬܗ ܕܘܝܙܢ ܀ ܀ ܘܟܕ ܚܙܬܗ ܡܢܫܪ
321:20 [ai]	ܐܢܬܬܗ ܕܘܝܙܢ܃ ܐܬܓܗܼܢܬ ܘܣܓܼܕܬ ܠܗ ܘܐܡܿܪܐ
321:21 [ai]	ܠܗ܂ ܐܬܝܬ ܡܐܣܝܢܝ ܡܢ ܟܘܪܗܢܐ ܥܿܛܠܐ܂ ܐܢܬ ܗܘ
321:22 [ai]	ܕܚܿܙܝܬ ܒܚܠܡܝ ܕܐܫܼܠܡܬ ܠܝ ܛܠܝܐ ܗܢܐܿ܂ ܕܢܝܿܬܝܢܝ
321:23 [ai]	ܠܘܬܟ ܠܒܝܬ ܚܒ̈ܝܫܐ܂ ܘܠܐ ܫܒܼܩܬܟ ܒܣܝܡܘܬܟ
322:01 [ai]	ܕܐܢܐ ܐܠܐܐ܂ ܐܠܐ ܐܢܬ ܐܬܼܝܬ ܠܘܬܝ ܀ 155܂2 ܘܟܕ ܐܡܼܪܬ
322:02 [ai]	ܗܠܝܢ܃ ܐܬܗܦܼܟܬ ܠܒܣܬܪܗܼܿ܂ ܘܠܝܬܘܗܝ ܗܿܘ ܛܠܝܐ܂
322:03 [ai]	ܘܐܡܿܪܐ ܠܗ ܠܝܗܘܕܐ܂ ܕܠܐ ܡܿܨܝܐ ܐܢܐ ܒܠܚܘܕܝ
322:04 [ai]	ܐܿܗܠܟ܂ ܘܛܠܝܐ ܗܿܘ ܕܐܫܠܡܼܬ ܠܝ ܠܝܬܘܗܝ܂ ܀ ܐܡܿܪ
322:05 [ai]	ܠܗܿ ܝܗܘܕܐ܂ ܡܟܝܠ ܝܫܘܥ ܗܿܘܐ ܠܟܝ ܡܣܡܟܢܐ܂
322:06 [ai]	ܘܪܗܿܛܐ ܗܘܬ ܘܐܬܼܝܐ ܩܕܡܝܗܘܢ ܀ ܀ ܘܟܕ ܥܠܘ
322:07 [ai]	ܠܒܝܬܗ ܕܘܝܙܢ ܒܪܗ ܕܡܙܕܝ ܡܿܠܟܐ܂ ܥܕܢܐ ܠܠܝܐ
322:08 [ai]	ܗܘܐ܂ ܘܣܘܓܐܐ ܡܿܢܗܪ ܗܘܐ ܠܗܘܢ ܡܪܢ܂ ܀
322:09 [ai]	156܂1 ܘܫܼܿܪܝ ܗܘܐ ܝܗܘܕܐ ܕܢܨܿܠܐ ܘܢܐܡܪ ܗܟܢܐ܂ ܚܒܪܐ
322:10 [ai]	ܘܐܝܿܠܐ ܕܡ̈ܚܝܠܐ܃ ܣܒܪܐ ܘܬܘܟܠܢܐ ܕܡ̈ܣܟܢܐ܃ ܒܝܬ
322:11 [ai]	ܨܘܒܐ ܘܢܝܿܚܐ ܕܠܐܝ̈ܐ܃ ܩܠܐ ܕܐܬܼܐ ܡܢ ܪܘܡܐ܂
322:12 [ai]	ܐܚܼܝܕ ܠܒ̈ܘܬܐ ܕܡܗ̈ܝܡܢܘܗܝ܂ ܒܝܬ ܨܘܒܐ ܘܠܡܐܿܢܐ
322:13 [ai]	ܕܢܦܘ̈ܩܐ ܒܐܬܪܐ ܕܚܫܘܟܐ܂ ܐܣܝܐ ܕܡܓܢ ܒܝܬ
322:14 [ai]	ܒܢ̈ܝܢܫܐ ܐܙܕܩܦ ܚܠܦ ܣ̈ܓܝܐܐ܃ ܘܚܠܦܘܗܝ ܐܢܫ ܠܐ
322:15 [ai]	ܐܙܕܩܦܼ܂ 156܂2 ܐܢܬ ܗܘ ܢܚܼܬܬ ܠܫܝܘܠ ܒܚܝܠܐ ܬܩܝܦܐܿ܂
322:16 [ai]	ܘܚܙܐܘܘܟ ܡ̈ܝܼܬܐ ܘܚܼܝܘܿ܂ ܘܠܐ ܐܫܟܚ ܫܠܝܛܐ
322:17 [ai]	ܕܡܿܘܬܐ ܠܡܣܝܒܪܘ܃ ܘܣܠܩܼܬ ܒܫܘܒܚܐ ܣܓܝܐܐ܂
322:18 [ai]	ܘܐܣܩܼܬ ܥܡܟ ܟܠܗܘܢ ܓ̈ܘܣܢܝܟ܃ ܘܕܪܫܼܬ
322:19 [ai]	ܠܗܘܢ ܐܘܪܚܐ ܠܪܘܡܐܿ܂ ܘܒ̈ܥܩܒܬܟ ܟܠܗܘܢ ܦܪ̈ܝܩܝܟ
322:20 [ai]	ܪܕܘ܂ ܘܐܥܠܼܬ ܐܢܘܢ ܠܕܝܪܟ܃ ܘܚܿܠܼܛܬ ܐܢܘܢ ܒܥܪ̈ܒܝܟ܂
322:21 [ai]	156܂3 ܒܪܐ ܕܪ̈ܚܡܐ ܡ̈ܫܠܡܢܐܿ܂ ܕܒܚܝܠܐ ܐܫܼܬܕܪܬ ܠܢ ܡܢ
322:22 [ai]	ܐܒܐܿ܂ ܕܥܒܼ̈ܕܘܗܝ ܡܫܒܚܝܢ ܠܗ܂ ܒܪܐ ܕܡܢ ܐܒܗܘܬܐ
322:23 [ai]	ܥܠܝܬܐ ܘܓܡܝܪܬܐ ܐܫܬܠܚ܂ ܡܪܐ ܕܩ̈ܢܝܢܐ ܕܠܐ
322:24 [ai]	ܡܬܛܿܠܫܝܢ܂ ܥܬܝܪܐ ܕܡܠܼܐ ܒܪܝܬܗ ܡܢ ܓܙܐ ܕܥܘܬܪܗ܂
323:01 [ai]	ܡܣܟܢܐ ܕܐܣܬܢܩ ܘܟܦܼܢ ܠܝܘ̈ܡܝܢ ܐܪ̈ܒܥܝܢ܂ ܡܣܒܥܢܐ
323:02 [ai]	ܕܢܦܫ̈ܬܢ ܨ̈ܗܝܬܐ ܡܢ ܛܘܒܗ܂ 156܂4 ܐܢܬ ܡܪܝ ܗܘܼܝ ܥܡ
323:03 [ai]	ܘܝܙܢ ܘܥܡ ܛܪܛܝܐ ܘܥܡ ܡܢܫܪ܂ ܘܟܢܫ ܐܢܘܢ
323:04 [ai]	ܠܕܝܪܟ܂ ܘܚܼܿܠܛ ܐܢܘܢ ܒܡܢܝܢܟ܂ ܘܗܘܼܝ ܠܗܘܢ ܗܿܕܝܐ
323:05 [ai]	ܒܐܘܪܚܐ ܕܛܥܝܘܬܐ܂ ܗܘܼܝ ܠܗܘܢ ܡܐܿܣܝܢܐ ܒܐܬܪܐ
323:06 [ai]	ܕܟܘܪܗܢܐ܂ ܗܘܼܝ ܠܗܘܢ ܡܚܝܠܢܐ ܒܐܬܪܐ ܠܐܝܐ܂
323:07 [ai]	ܩܿܕܫ ܐܢܘܢ ܒܐܬܪܐ ܛܢܦܐ܃ ܘܿܕܟܐ ܐܢܘܢ ܡܢ
323:08 [ai]	ܚܒܿܠܐ ܒܐܬܪܐ ܕܒܥܠܕܒܒܐ܂ ܗܘܼܝ ܐܣܝܐ ܠܦܓܪ̈ܝܗܘܢ
323:09 [ai]	ܘܐܚܿܐ ܢܦܫ̈ܬܗܘܢ܂ ܘܥܼܒܕ ܐܢܘܢ ܢܘ̈ܣܐ ܘܗ̈ܝܟܠܐ
323:10 [ai]	ܩ̈ܕܝܫܐ܂ ܘܬܥܡܼܪ ܒܗܘܢ ܪܘܚܐ ܩܕܝܫܬܐ ܀ 157܂1 ܘܟܕ
323:11 [ai]	ܨܿܠܝ ܗܠܝܢܼ ܐܡܼܪ ܠܗܿ ܠܡܓܕܘܢܝܐ܂ ܒܪܬܝ ܐܫܠܚܝ
323:12 [ai]	ܐܢ̈ܝܢ ܠܐ̈ܚܘܬܟܝ܂ ܘܐܫܠܚܼܬ ܐܢ̈ܝܢ܃ ܘܡܼܚܬ ܠܗܝܢ ܦܪ̈ܙܘܡܐܼ
323:13 [ai]	ܘܩܼܪܒܬ ܐܢ̈ܝܢ ܠܗ܂ ܘܝܙܢ ܕܝܢ ܠܘܩܕܡ ܩܼܪܒ܂ ܘܫܩܼܠ
323:14 [ai]	ܝܗܘܕܐ ܡܫܚܐ܂ ܘܫܒܚ ܥܠܘܗܝܼ ܘܐܡܼܪ܂ 157܂2 ܦܐܪܐ
323:15 [ai]	ܫܦܝܪܐ ܕܫܘܝܼܬ ܬܗܼܘܐ ܪܬܚܿ ܒܡܠܬܐ ܕܩܘܼܕܫܐܿ܂
323:16 [ai]	ܕܢܠܒܫܘܢܟ ܒ̈ܢܝܢܫܐ ܘܢܙܟܘܢ ܒܟ ܠܒ̈ܥܠܕܒܒܝܗܘܢܿ܂
323:17 [ai]	ܡܐ ܕܐܬܕܟܝܘ ܡܢ ܥܿܒ̈ܕܝܗܘܢ ܩ̈ܕܡܝܐ܂ ܐܝܢ ܡܪܝ
323:18 [ai]	ܬܐ ܫܪܝ ܥܠ ܡܫܚܐ ܗܢܐܼ ܐܝܟ ܕܫܼܪܝܬ ܥܠ ܩܝܣܐܿ܂
323:19 [ai]	ܘܡܠܬܟ ܠܐ ܣܝܒܪܘ ܙܩ̈ܘܦܝܟ܂ ܬܐܬܐ ܡܿܘܗܒܬܟ
323:20 [ai]	ܗܿܝ ܕܢܦܚܼܬ ܒܗܘܢ ܒܒܥ̈ܠܕܒܒܝܟ܃ ܘܐܙܠܘ ܠܒܣܬܪܗܘܢ
323:21 [ai]	ܘܢܦܼܠܘ ܥܠ ܐ̈ܦܝܗܘܢܼ܂ ܘܬܫܼܪܐ ܥܠ ܗܢܐ ܡܫܚܐ
323:22 [ai]	ܕܫܡܟ ܡܕܟܪܝܢܢ ܥܠܘܗܝ܂ 157܂3 ܘܐܪܡܝ ܒܪܝܫܗ ܕܘܝܙܢܼ܂
323:23 [ai]	ܘܗܿܝܕܝܢ ܒܪܝܫܗܘܢ ܕܗܠܝܢ ܘܐܡܼܪ܂ ܒܫܡܟ ܝܫܘܥ
323:24 [ai]	ܡܫܝܚܐ܂ ܢܗܘܼܐ ܠܗܝܢ ܠܗܠܝܢ ܢܦܫ̈ܬܐ ܠܫܘܒܩܢ ܚ̈ܘܒܐ
324:01 [ai]	ܘܚ̈ܛܗܐܼ܂ ܘܠܒܘܛܠܗ ܕܒܥܠܕܒܒܐܼ ܘܠܐܣܝܘܬܐ
324:02 [ai]	ܕܢܦܫ̈ܬܗܝܢ ܘܕܦܓܪ̈ܝܗܝܢ ܀ ܘܦܩܼܕ ܗܘܐ ܠܗܿ ܠܡܓܕܘܢܝܐ
324:03 [ai]	ܕܬܡܫܘܚ ܐܢ̈ܝܢ܂ ܘܗܼܘ ܠܘܝܙܢ ܡܫܼܚ
324:04 [ai]	ܗܘܐ ܀ ܀ ܘܟܕ ܡܫܼܚ ܐܢܘܢ ܐܚܬ ܐܢܘܢ ܠܡ̈ܝܐ
324:05 [ai]	ܒܫܡ ܐܒܐ ܘܒܪܐ ܘܪܘܚܐ ܕܩܼܘܕܫܐ܂ 158܂1 ܘܟܕ ܥܡܼܕܘ
324:06 [ai]	ܘܣܠܩܼܘ܃ ܐܝܬܝ ܠܚܡܐ ܘܟܣܐ ܟܕ ܡܙܝܓ܃ ܘܒܪܟ
324:07 [ai]	ܥܠܘܗܝ ܘܐܡܼܪ܂ ܦܓܪܟ ܩܕܝܫܐ ܕܐܙܕܩܼܦ ܥܠ ܐ̈ܦܝܢ
324:08 [ai]	ܐܟܠܝܢܢ܂ ܘܕܡܟ ܡܚܝܢܐ ܕܐܬܐܫܼܕ ܥܠ ܐ̈ܦܝܢ ܫܿܬܝܢܢ܂
324:09 [ai]	ܢܗܘܼܐ ܠܢ ܦܓܪܟ ܠܚ̈ܝܐ܂ ܘܕܡܟ ܠܫܘܒܩܢ ܚ̈ܛܗܐ܂
324:10 [ai]	158܂2 ܘܚܠܦ ܡܪܪܬܐ ܕܐܫܼܬܝܬ ܚܠܦܝܢ܃ ܬܫܼܬܩܠ ܡܢܢ ܡܪܪܬܗ
324:11 [ai]	ܕܒܥܠܕܒܒܢ܂ ܘܚܠܦ ܕܐܫܼܬܝܬ ܚܠܐ ܡܛܠܬܢܼ ܬܬܚܝܠ
324:12 [ai]	ܡܚܝܠܘܬܢ܂ ܘܪܘܩܐ ܕܩܒܼܠܬ ܡܛܠܬܢܼ ܢܩܿܒܠ ܚܝ̈ܝܟ
324:13 [ai]	ܡ̈ܫܠܡܢܐ܂ 158܂3 ܘܕܩܿܒܼܠܬ ܟܠܝܠܐ ܕܥ̈ܘܙܢܝܐ ܚܠܦܝܢ܃ ܢܩܿܒܠ
324:14 [ai]	ܡܢܟ ܟܠܝܠܐ ܕܠܐ ܚܡܿܐ܂ ܘܕܐܬܟܼܪܟܬ ܒܚܝܨܐ
324:15 [ai]	ܡܛܠܬܢܼ܂ ܢܬܚܿܙܩ ܚܢܢ ܒܚܝܠܟ ܪܒܐ ܕܠܐ ܡܙܕܟܐ܂
324:16 [ai]	ܘܕܐܬܩܒܼܪܬ ܒܝܬ ܩܒܘܪܐ ܚܼܕܬܐ ܚܠܦ ܡܝܬܘܬܢ܃
324:17 [ai]	ܢܩܿܒܠ ܐܦ ܚܢܢ ܥܢܝܢܟ ܕܒܫܡܝܐ܂ ܘܐܝܟ ܕܩܡܼܬ
324:18 [ai]	ܢܿܬܢܚܡ ܚܢܢ܂ ܘܢܩܘܡ ܩܕܡܝܟ ܒܕܝܢܼܐ ܕܩܘܼܫܬܐ܂
324:19 [ai]	158܂4 ܘܩܨܼܐ ܐܘܟܪܣܛܝܐܼ܂ ܘܝܗܼܒ ܠܘܝܙܢ ܘܠܛܪܛܝܐܿ܂
324:20 [ai]	ܘܠܡܢܫܪ ܘܠܨܝܦܘܪ ܘܠܡܓܕܘܢܝܐܿ܂ ܘܠܐܢܬܬܗ ܘܠܒܪܬܗ
324:21 [ai]	ܕܨܝܦܘܪ܂ ܘܐܡܼܪ ܬܗܘܼܐ ܠܟܘܢ ܐܘܟܪܣܛܝܐ ܗܕܐ
325:01 [ai]	ܠܚ̈ܝܐ ܘܠܢܝܿܚܐ ܘܠܚܕܘܬܐ ܘܠܚܘܠܡܢܐ܂ ܘܠܐܣܝܘܬܐ
325:02 [ai]	ܕܢܦܫ̈ܬܟܘܢܼ ܘܕܦܓܪ̈ܝܟܘܢ܂ ܘܗܼܢܘܢ ܐܡܼܪܘ ܐܡܝܢ܂܂
325:03 [ai]	ܘܐܫܬܡܥ ܩܠܐ ܕܐܡܿܪ ܠܗܘܢ܂ ܐܝܢ ܘܐܡܝܢ ܀ ܀ ܘܟܕ
325:04 [ai]	ܫܡܼܥܘ ܗܢܐ ܩܠܐܼ ܢܦܼܠܘ ܥܠ ܐ̈ܦܝܗܘܢ܂ ܘܬܘܒ ܩܠܐ
325:05 [ai]	ܐܫܼܬܡܥ ܕܐܡܿܪ܂ ܠܐ ܬܕܚܠܘܢ܂ ܐܠܐ ܒܠܚܘܕ
325:06 [ai]	ܡܗܝܡܢܘ ܗܝܡܢܘ܂ 159܂1 ܘܐܙܼܠ ܗܘܐ ܝܗܘܕܐ ܕܢܬܚܒܫ
325:07 [ai]	ܘܐܦ ܛܪܛܝܐ ܘܡܓܕܘܢܝܐ ܘܢܪܩܝܐܼ܂ ܘܐܙ̈ܠܝ ܗ̈ܘܝ ܐܦ
325:08 [ai]	ܗ̈ܢܼܝܢ ܕܢܬܚ̈ܒܫܢ܂ ܘܐܡܼܪ ܠܗܝܢ ܝܗܘܕܐ܂ ܒ̈ܢܬܝ ܘܐܚ̈ܘܬܝ
325:09 [ai]	ܕܒܡܪܢ܃ ܘ̈ܟܢܘܬܝ ܘܐܡ̈ܗܬܗ ܕܝܫܘܥ ܡܫܝܚܐ܂
325:10 [ai]	ܫܘܡܥܘܢܝ ܒܗܢܐ ܝܘܡܐ ܐܚܪܝܐ ܕܡܠܬܝ ܡܿܫܠܡ
325:11 [ai]	ܐܢܐ ܠܟܝܢ܂ ܘܬܘܒ ܠܐ ܡܡܠܠ ܐܢܐ ܥܡܟܝܢ ܒܗܢܐ
325:12 [ai]	ܥܠܡܐ܂ ܡܬܬܪܝܡ ܐܢܐ ܕܝܢ ܠܘܬ‍{‍ܝ‍}‍ ܡܪܝ ܝܫܘܥ
325:13 [ai]	ܡܫܝܚܐ܂ ܠܘܬ ܗܿܘ ܕܙܿܒܢܢ‍<‍ܝ‍>‍܂ ܠܘܬ ܗܿܘ ܕܡܟܟ
325:14 [ai]	ܢܦܫܗ ܪܡܬܐ ܥܕܡܐ ܠܙܥܘܪܘܬܝ܃ ܘܐܡܛܝܢܝ ܥܕܡܐ
325:15 [ai]	ܠܪܒܘܬܗ ܕܠܐ ܥܿܒܪܐ܂ ܘܐܫܘܝܢܝ ܕܐܿܗܘܐ ܠܗ
325:16 [ai]	ܦܠܚܼܐ ܕܩܼܘܫܬܐ ܘܕܫܪܪܐ܂ 159܂2 ܘܗܐ ܚܿܕܐ ܐܢܐ ܕܫܼܠܡ
325:17 [ai]	ܙܒܢܐ ܘܡܼܛܐ ܝܘܡܐ ܕܐܿܙܠ ܘܐܿܩܒܠ ܐܓܪܝ ܡܢ ܡܪܝ܂
325:18 [ai]	ܟܐܝܢ ܗܘ ܓܝܪ ܡܪܐ ܐܓܪܝ܂ ܘܝܿܕܥ ܐܝܟܢܐ ܘܿܠܐ
325:19 [ai]	ܕܢܦܪܥܢܝ܂ ܠܐ ܗܘܼܐ ܓܝܪ ܒܝܼܫܐ ܘܠܐ ܚܿܣܡܐ܂ ܐܠܐ
325:20 [ai]	ܫ̈ܦܝܥܢ ܐܢ̈ܝܢ ܡ̈ܘܗܒܬܗ܂ ܘܠܐ ܡܚܿܫܒ ܘܝܿܗܒ܂ ܡܛܠ
325:21 [ai]	ܕܬܟܝܠ ܗܘ ܕܩܢܝܢܗ ܠܐ ܚܿܣܪ܂ 160܂1 ܫܡ̈ܥܝܢ ‍{‍ܟ֯‍}‍‍<‍ܒ̈‍>‍ܢܬܝ܂ ܠܐ
325:22 [ai]	ܗܿܘܝܬ ܐܢܐ ܝܫܘܥ܂ ܐܠܐ ܥܒܼܕܗ ܐܢܐ ܕܝܫܘܥ܂ ܠܐ
326:01 [ai]	ܗܿܘܝܬ ܡܫܝܚܐ܂ ܐ‍{‍ܢ‍}‍‍<‍ܠ‍>‍ܐ ܡܫܡܫܢܐ ܐܢܐ ܩܕܡܘܗܝ܂
326:02 [ai]	ܠܐ ܗܿܘܝܬ ܐܢܐ ܒܪܗ ܕܐܠܗܐ܂ ܐܠܐ ܡܨܿܠܐ
326:03 [ai]	ܐܢܐ ܘܒܥܿܐ ܐܢܐ܂ ܕܐܿܫܘܐ ܠܐܠܗܐ܂ ܐܢ̈ܬܝܢ
326:04 [ai]	ܕܝܢ ܒ̈ܢܬܝܼ ܩ̈ܘܝܝܢ ܒܗܝܡܢܘܬܗ ܕܝܫܘܥ ܡܫܝܚܐ܂
326:05 [ai]	ܘܣ̈ܟܝܝܢ ܠܣܒܪܐ ܕܒܪܗ ܕܐܠܗܐ܂ ܘܠܐ ܬܡܐܢ
326:06 [ai]	ܠܟܝܢ ܒ̈ܢܬܝ ܒܐܘܠܨܢܐ܂ ܘܠܐ ܬܬܦ̈ܠܓܢ ܡܛܠ
326:07 [ai]	ܕܚ̈ܙܝܢ ܐܢܬܝܢ ܠܝ ܟܕ ܡܿܨܛܥܪ ܐܢܐܿ܂ ܘܟܕ ܬܘܒ
326:08 [ai]	ܡܬܚܒܫ ܐܢܐܿ܂ ܘܟܕ ܡܐܿܬ ܐܢܐܿ܂ ܡܛܠ ܕܨܒܝܢܗ
326:09 [ai]	ܕܡܪܝ ܡܫܿܠܡ ܐܢܐ܂ ܐܢ ܓܝܪ ܐܿܨܠܐ ܕܠܐ ܐܡܿܘܬܼ܂
326:10 [ai]	ܝܿܕܥܝܢ ܐܢܬܘܢܼ ܕܡܿܨܼܐ ܐܢܐ܂ ܐܠܐ ܗܢܐ ܕܡܬܚܼܙܐ
326:11 [ai]	ܠܐ ܗܘܐ ܡܿܘܬܐ܂ ܐܠܐ ܫܪܝܐܼ ܗܘ ܕܡܢ ܥܠܡܐ܂
326:12 [ai]	160܂2 ܡܛܠ ܗܢܐ ܟܕ ܚܿܕܐ ܐܢܐ ܡܩܿܒܠ ܐܢܐ ܠܗ܂ ܘܡܛܠ
326:13 [ai]	ܗܢܐ ܡܬܦܪܩ ܐܢܐ ܕܐܿܙܠ ܘܐܿܩܒܠ ܠܗܿܘ ܐܝܢܐ ܕܫܦܝܪܐ
326:14 [ai]	ܗܘ܂ ܠܗܿܘ ܕܪܚܿܡ ܐܢܐ ܠܗܼ܂ ܠܗܿܘ ܚܣܝܕܐ܂ ܣܓܿܝ ܓܝܪ
326:15 [ai]	ܥܿܡܠܬ ܒܦܘܠܚܢܗ܂ ܘܫܿܠܡܬ ܡܛܠ ܛܝܒܘܬܗ ܕܣܡܟܬܢܝ
326:16 [ai]	ܘܠܐ ܐܪܦܝܬܢܝ܂ ܠܐ ܗܟܝܠ ܢܥܘܠ ܥܠܝܟܝܢ ܗܿܘ ܒܥܠܕܒܒܐ
326:17 [ai]	ܒܢܟܠܐܼ܂ ܘܠܐ ܢܿܦܠܓ ܐܢ̈ܝܢ ܬܪ̈ܥܝܬܟܝܢ܂ ܠܐ ܢܗܘܼܐ ܠܗ
326:18 [ai]	ܐܬܪܐ ܠܗܿܘ ܢܟܝܠܐ ܘܕܠܘܚܐ܂ ܡܛܠ ܕܚܝܠܬܢ ܗܘ
326:19 [ai]	ܡܢܗ ܗܿܘ ܕܩ̈ܒܠܬܝܢ ܘܗܝܡ̈ܢܬܝܢ ܒܗ܂ ܣܟܝ̈ܝܢ ܠܡܐܬܝܬܗ
326:20 [ai]	ܕܐܿܬܐ ܘܡܿܩܒܠ ܠܟܝܢ܂ ܗܿܢܘ ܕܝܢ ܕܐܙ̈ܠܢ ܐܢܬܝܢ ܘܚܿܙ̈ܝܢ
326:21 [ai]	ܠܗ ܀ ܀ 161܂1 ܘܟܕ ܫܿܠܡ ܠܡܐܡܪ ܠܗܝܢ ܝܗܘܕܐܼ܂ ܥܠ ܠܓܘ
326:22 [ai]	ܒܝܬܐ ܚܫܘܟܐ܂ ܀ ܀ ܘܐܡܼܪ ܝܗܘܕܐ܂ ܡܚܝܢܢ ܘܣܿܒܠ
326:23 [ai]	ܣܓ̈ܝܐܬܐ ܡܛܠܬܢ܂ ܢܗܘܼܘܢ ܬܪ̈ܥܐ ܗܠܝܢ ܐܝܟ
327:01 [ai]	ܕܐܝܬܝܗܘܢ ܗܘܘ܂ ܘܢܬܚܬܡܘܢ ܒ̈ܚܬܡܝܗܘܢ܂
327:02 [ai]	ܘܫܼܒܩ ܗܘܐ ܐܢ̈ܝܢ܃ ܘܐܙܠܼ ܗܘܐ ܐܦ ܗܼܘ ܠܡܬܚܒܫܘ܂
327:03 [ai]	ܗ̈ܢܝܢ ܕܝܢ ܥܝܝܩܐ ܗܘܬ ܠܗܝܢ ܘܒ̈ܟܝܢ ܗ̈ܘܝ܂ ܡܛܠ ܕܝܕܥ̈ܢ
327:04 [ai]	ܗ̈ܘܝ ܕܩܿܛܠ ܠܗ ܡܙܕܝ ܡܿܠܟܐ܂ ܀ 162܂1 ܘܟܕ ܥܠ ܕܢܬܚܒܫܼ܂
327:05 [ai]	ܐܫܟܚ ܠܢܛܘܪ̈ܐ ܟܕ ܢܨܿܝܢ ܘܐܡܿܪܝܢ܂ ܕܡܢܐ
327:06 [ai]	ܐܣܟܠܢܢ ܒܗ ܒܗܢܐ ܚܿܪܫܐ܂ ܕܦܬܚ ܬܪ̈ܥܐ
327:07 [ai]	ܒܐܘܡܢܘܬܐ ܕܚܼܪ̈ܫܘܗܝ܂ ܘܨܼܒܐ ܕܢܥܼܿܪܩ ܠܟܠܗܘܢ
327:08 [ai]	ܗܠܝܢ ܕܚܒܝܫܝܢ܂ ܐܠܐ ܢܐܙܠ ܘܢܿܘܕܥ ܠܡܙܕܝ ܡܿܠܟܐܼ܂
327:09 [ai]	ܘܢܐܡܪ ܠܗ ܐܦ ܥܠ ܐܢܬܬܗ ܘܥܠ ܒܪܗ ܕܐܬܼܝܢ
327:10 [ai]	ܠܘܬܗ ܀ ܀ ܘܟܕ ܗܠܝܢ ܐܡܼܪ ܗܘܐ ܪܒܐ ܕܚ̈ܒܝܫܐܼ܂
327:11 [ai]	ܝܗܘܕܐ ܫܬܼܝܩ ܗܘܐ ܘܫܡܿܥ܂ ܀ 162܂2 ܘܩܿܕܡܘ ܒܨܿܦܪܐܼ܂
327:12 [ai]	ܘܐܙܠܘ ܠܘܬ ܡܙܕܝ ܡܿܠܟܐܼ ܘܐܡܿܪܝܢ ܠܗ܂ ܡܪܢ ܡܿܠܟܐܼ܂
327:13 [ai]	ܐܘ ܐܦܩܝܗܝ ܠܗܿܘ ܚܿܪܫܐܼ܂ ܐܘ ܚܒܘܫܝܗܝܼ ܒܕܘܟܬܐ
327:14 [ai]	ܐܚܪܬܐ܂ ܠܐ ܓܝܪ ܡܫܟܚܝܢܢ ܠܡܛܪܗ܂ ܡܛܠ ܕܬܪ̈ܬܝܢ
327:15 [ai]	ܙܒ̈ܢܝܢܼ ܓܕܟ ܢܿܛܪ ܚ̈ܒܝܫܝܢ܂ ܘܐܠܐܼ ܟܠܗܘܢ ܥܪܝܩܝܢ
327:16 [ai]	ܗܘܘ܂ ܐܚܿܕܝܢܢ ܠܗܘܢ ܓܝܪ ܠܬܪ̈ܥܐܼ܂ ܘܡܫܟܚܝܢܢ ܠܗܘܢ
327:17 [ai]	ܟܕ ܦܬܝܚܝܢ܂ ܘܐܦ ܐܢܬܬܟ ܘܒܪܟ ܥܡ ܫܪܟܐ ܕܐܢܫܐ
327:18 [ai]	ܠܐ ܦܪܩܝܢ ܡܢ ܨܐܝܕܘܗܝ܂ ܀ 162܂3 ܘܟܕ ܫܡܼܥ ܗܠܝܢ ܡܙܕܝ
327:19 [ai]	ܡܿܠܟܐܼ܂ ܐܙܠܼ ܕܢܚܼܙܐ ܚ̈ܬܡܐܼ ܕܐܪܡܝ ܗܘܐ ܥܠ ܬܪ̈ܥܐ܂
327:20 [ai]	ܘܐܫܟܚ ܠܚܬܡ̈ܐ ܐܝܟ ܕܐܝܬܝܗܘܢ ܗܘܘ܂܂ ܘܐܡܼܪ
327:21 [ai]	ܠܗܘܢ ܠܢܛܘܪ̈ܐ܂ ܠܡܢܐ ܡܿܕܓܠܝܢ ܐܢܬܘܢܿ܂ ܕܗܐ
327:22 [ai]	ܚ̈ܬܡܐ ܕܒ̈ܬܐ ܐܝܬܝܗܘܢ ܐܝܟ ܕܚܬܝܡܝܢ܂ ܘܐܝܟܢܐ
327:23 [ai]	ܐܡܿܪܝܢ ܐܢܬܘܢ ܛܪܛܝܐ ܘܡܓܕܘܢܝܐ ܐܬܝ̈ܢ ܠܘܬܗ ܠܒܝܬ
328:01 [ai]	ܚ̈ܒܝܫܐ܂ ܐܡܿܪܝܢ ܢܛܘܪ̈ܐ ܚܢܢ ܫܪܪܐ ܐܡܼܪܢ ܠܟ܂
328:02 [ai]	163܂1 ܘܐܙܠܼ ܝܬܼܒ ܒܕܝܢܼܐ ‍{‍‍{‍ܥܡ‍}‍‍}‍‍<‍ܡܙܕܝ‍>‍ ܡܿܠܟܐ܂ ܘܫܕܪ ܐܝܬܝܗ
328:03 [ai]	ܠܝܗܘܕܐ ܘܐܫܠܚܗܼ܂ ܘܡܚܼܐ ܠܗ ܒ̈ܚܨܘܗܝ ܦܪܙܘܡܐܼ܂
328:04 [ai]	ܘܐܩܝܡܘܗܝ ܩܕܡܘܗܝ ܕܡܙܕܝ܂ ܘܐܡܼܪ ܠܗ ܡܙܕܝ܂
328:05 [ai]	ܥܒܼܕܐ ܐܢܬ ܐܘ ܒܪܚܐܪ̈ܐ ܀ ܐܡܿܪ ܠܗ ܝܗܘܕܐ܂
328:06 [ai]	ܥܒܼܕܐ ܐܢܐ܂ ܘܠܝܬ ܠܟ ܫܘܠܛܢܐ ܥܠܝ ܒܡܕܡ ܀
328:07 [ai]	ܐܡܿܪ ܠܗ ܡܙܕܝ܂ ܘܠܗܢܐ ܐܬܪܐ ܐܝܟܢܐ ܥܼܪܩܬ
328:08 [ai]	ܐܬܼܝܬ܂ ܐܡܪ ܠܗ ܝܗܘܕܐ܂ ܐܬܼܝܬ ܠܗܪܟܐ ܡܛܠ
328:09 [ai]	ܕܠܣ̈ܓܝܐܐ ܐܚܐ ܒܡܠܬܐ܂ ܘܐܢܐ ܡܢ ܐܝܼ̈ܕܝܟ ܡܢ
328:10 [ai]	ܥܠܡܐ ܢܦܩܿ ܐܢܐ܂ 163܂2 ܐܡܿܪ ܠܗ ܡܙܕܝ ܡܿܢܼܘ ܡܪܟ܂
328:11 [ai]	ܘܡܿܢܘ ܫܡܗ܂ ܘܡܢ ܐܿܝܕܐ ܐܢܬ ܐܪܥܐ ܀ ܐܡܿܪ ܠܗ
328:12 [ai]	ܝܗܘܕܐ ܡܪܝ ܡܪܟ ܗܘ ܘܕܟܠܗ ܥܠܡܐ܂ ܘܡܪܗܿ ܕܫܡܝܐ
328:13 [ai]	ܘܕܐܪܥܐ ܀ ܀ ܐܡܿܪ ܠܗ ܡܙܕܝ܂ ܐܝܟܢܐ ܫܡܗ܂ ܐܡܿܪ
328:14 [ai]	ܠܗ ܝܗܘܕܐ܂ ܠܐ ܡܫܟܚ ܐܢܬ ܗܫܐ ܕܬܫܡܼܥ ܫܡܗ
328:15 [ai]	ܫܪܝܪܐ ܒܗܢܐ ܙܒܢܐ܂ ܐܠܐ ܫܡܐ ܕܐܬܝܗܒ ܠܗ
328:16 [ai]	ܝܫܘܥ ܡܫܝܚܐ ܀ 163܂3 ܐܡܿܪ ܠܗ ܡܙܕܝ܂ ܐܿܢܐܼ ܠܐ
328:17 [ai]	ܐܿܣܬܪܗܒܬ ܕܐܿܘܒܕܟܼ܂ ܐܠܐ ܐܿܓܪ‍{‍ܝ‍}‍ܬ ܪܘܚܝ ܥܡܟܼ܂
328:18 [ai]	ܘܐܢܬ ܥܠ ܥܿܒ̈ܕܝܟ ܐܘܣܦܬ܂ ܘܚܪ̈ܫܝܟ ܒܟܠܗ ܐܬܪܐ
328:19 [ai]	ܐܫܬܡܥܘ܂ ܘܐܠܐ ܥܿܒܕ ܐܢܐ ܠܟ܃ ܕܗܼܢܘܢ
328:20 [ai]	ܠܘܿܝܢ ܠܟ܂ ܘܥܡܟܼ ܐܙܠܿܝܢ܂ ܘܐܬܪܐ ܕܝܢ ܕܝܠܢܼ ܡܢܗܘܢ
328:21 [ai]	ܢܓܿܗܐ ܀ ܐܡܿܪ ܠܗ ܝܗܘܕܐ܂ ܗܠܝܢ ܚܪ̈ܫܐ ܕܐܡܿܪ
329:01 [ai]	ܐܢܬ ܕܥܡܝ ܐܙܠܿܝܢ܃ ܟܕ ܡܢ ܗܪܟܐ ܠܐ ܡܿܓܪܕܝܢ܂ 164 ܘܟܕ
329:02 [ai]	ܐܡܼܪ ܗܘܐ ܗܠܝܢ܂ ܡܬܚܿܫܒ ܗܘܐ ܡܙܕܝ܃ ܐܝܟܢܐ
329:03 [ai]	ܢܦܩܿܘܕ ܗܘܐ ܥܠܘܗܝ ܕܢܡܿܘܬ܂ ܡܛܠ ܕܕܚܿܠ ܗܘܐ ܡܢ
329:04 [ai]	ܟܢܫܐ ܣܓܝܐܐ ܕܐܝܬ ܗܘܐ ܬܡܿܢ܂ ܣ̈ܓܝܐܐ ܓܝܪ
329:05 [ai]	ܗܝܡܢܘ ܒܡܪܢ܂ ܘܐܦ ܡܢ ܪ̈ܘܪܒܢܐ ܕܡܿܠܟܐ܂ ܘܩܡ
329:06 [ai]	ܡܙܕܝ ܘܕܒܼܪܗ ܠܝܗܘܕܐܼ܂ ܘܢܦܼܩ ܠܒܪ ܡܢ ܡܚܘܙܐ܂
329:07 [ai]	ܘܐܬܼܝܢ ܗܘܘ ܥܡܗ ܦܠܚܼ̈ܐ ܩܠܝܠ ܒܙܝܢܐ܂ ܘܐܢܫܐ
329:08 [ai]	ܣܿܒܪܝܢ ܗܘܘ܂ ܕܡܕܡ ܒܥܿܐ ܗܘܐ ܕܢܐܠܦ ܡܢܗ
329:09 [ai]	ܡܙܕܝ܂ ܘܩܿܝܡܝܢ ܗܘܘ ܘܚܿܝܪܝܢ ܒܗ܂ ܘܟܕ ܐܙܠܘ ܐܝܟ
329:10 [ai]	ܦܠܓܘܬ ܡܝܠܐ ܚܕ܂ ܐܫܼܠܡ ܠܗ ܡܢ ܦܠܚܼ̈ܐ ܗܿܢܘܢ
329:11 [ai]	ܕܥܡܗ܂ ܘܚܕ ܡܢ ܪܘܪ̈ܒܐ܂ ܘܐܡܼܪ ܠܗܘܢܼ܂ ܕܙܠܘ
329:12 [ai]	ܠܥܠ ܒܛܘܪܐ ܗܢܐ ܕܘܓܫܘܗܝ܂ ܘܗܼܦܟ ܗܘܐ ܕܢܐܬܐ
329:13 [ai]	ܠܡܚܘܙܐ܂ 165 ܘܐܢܫܐ ܒܬܪܗ ܕܝܗܘܕܐ ܪܗܿܛܝܢ ܗܘܘ
329:14 [ai]	ܕܢܦܨܘܢܝܗܝ܂ ܐܙܿܠܝܢ ܗܘܘ ܕܝܢ ܦܠܚܼ̈ܐ ܡܢ ܝܡܝܢܗ ܘܡܢ
329:15 [ai]	ܣܡܠܗܼ܂ ܘܐܚܝܕܝܢ ܗܘܘ ܠܘܟ̈ܝܬܐ܂ ܘܗܿܘ ܚܕ ܡܢ
329:16 [ai]	ܪܘܪ̈ܒܢܐ ܒܐܝܼܕܗ ܐܚܝܕ ܗܘܐ ܠܗ ܘܡܣܡܟ ܠܗ ܀ ܀
329:17 [ai]	ܘܐܡܼܪ ܝܗܘܕܐ܃ ܐܘ ܠܪ̈ܐܙܐ ܟ̈ܣܝܐ ܕܥܕܡܐ ܠܡܦܩܢܐ
329:18 [ai]	ܒܝ ܡܫܬܡܠܝܢ܂ ܐܘ ܠܥܘܬܪܐ ܕܛܝܒܘܬܗܿ܂ ܕܗܿܘ ܕܠܐ
329:19 [ai]	ܡܪܦܐ ܠܢ ܕܢܪܓܫ ܒܚ̈ܫܐ ܕܦܓܪܐ܂ ܐܝܟܢܐ ܚܕܝܪܝܢ
329:20 [ai]	ܠܝ ܒܙܝܢܐ܂ ܘܥܕܡܐ ܠܡܿܘܬܐ ܡܬܟܬܫܝܢ ܥܡܝ܂ ܘܠܚܕ
329:21 [ai]	ܡܫܠܡ ܐܢܐ܂ ܕܗܐ ܚܕ ܪܒܐ ܢܓܝܕ ܠܝ ܘܐܚܝܕ ܠܝ
329:22 [ai]	ܒܐܝܼܕܝ܂ ܡܛܠ ܕܢܫܠܡܢܝ ܠܚܕ ܕܡܿܣܟܐ ܐܢܐ ܠܗ