← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62081: P 4Mac

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


02:01 [ai]ܘܠܘ ܕܕܘܡܪܐ ܗܝ ܐܢ ܗܘ ܕܐܪ̈ܓܝܓܬܗܿ ܕܢܦܫܐ ܕܪ̈ܓܢ ܠܫܘܦܪܐ ܡ̈ܬܟܠܝܢ܃
02:02 [ai]ܗܟܢܐ ܓܝܪ ܝܘܣܦ ܡܬܩܠܣ܂ ܕܒܝܕ ܡܗܘܢܘܬܐ ܙܟܼܐ ܠܗܢܝܘܬܐ ܕܚܫܐ܃
02:03 [ai]ܟܕ ܓܝܪ ܐܝܬܘܗܝ ܛܠܝܐ ܘܒܗܿܘ ܥܘܙܐ ܕܒܗ ܠܫܘܬܦܘܬܐ ܐܢܫ ܡܼܛܐܼ܂ ܦܩܪܘܬܐ ܕܚ̈ܫܘܗܝ ܒܗ ܢܝܿܚܼ܃
02:04 [ai]ܠܐ ܗܘܐ ܕܝܢ ܠܦܩܪܘܬܐ ܒܠܚܘܕ ܕܝܠܗ ܕܣܘܥܪܢܐ ܡܬܚܙܐ ܪܥܝܢܐ ܕܡܨܼܐ ܠܡܙܟܐܼ܂ ܐܠܐ ܐܦ ܠܟܠ ܪ̈ܓܝܓܢ܃
02:05 [ai]ܐܡܼܪ ܓܝܪ ܢܡܘܣܐ܂ ܠܐ ܬܪܓ ܐܢܬܬ ܚܒܪܟ܂ ܘܠܐ ܟܠ ܡܕܡ ܕܐܝܬ ܠܚܒܪܟ܃
02:06 [ai]ܘܗܐ ܐܦ ܐܠܘ ܠܐ ܐܡܿܪ ܢܡܘܣܐ ܕܠܐ ܬܪܓܼ܂ ܡܼܨܐ ܗܼܘܝܬ ܐܦ ܗܟܢܐ ܕܐܦܝܣܟܘܢ܂ ܕܡܼܨܐ ܗܘ ܪܥܝܢܐ ܠܡܙܟܐ ܠܪ̈ܓܝܓܬܐ ܐܟܙܢܐ ܕܐܦ ܠܣܘܥܪ̈ܢܐ ܡܥܘܟ̈ܢܐ ܕܙܕܝܩܘܬܐ܃
02:07 [ai]ܘܐܠܐ ܐܝܟܢܐ ܟܕ ܐܝܬܘܗܝ ܐܢܫ ܠܥܒܐ ܐܘ ܪܘܝܐܿ܂ ܝܿܠܦ ܬܩܢܘܬܐ ܟܕ ܡܪܦܐ ܗܠܝܢ ܩܕ̈ܡܝܬܐ܂ ܐܠܘ ܠܐ ܓܠܝܼܐ ܕܡܫܠܛ ܗܘ ܥܠ ܚܫ̈ܐ ܪܥܝܢܐ ܕܫܿܠܡ ܠܕܚܠܬ ܐܠܗܐ܃
02:08 [ai]ܒܪܫܥܬܗ ܓܝܪ ܐܢ ܗܼܘ ܕܒܢܡܘܣܐ ܢܬܕܒܪܼ܂ ܐܦܢ ܐܝܬܘܗܝ ܪܚܡܿ ܟܣܦܐܼ܂ ܥܨܿܐ ܢܦܫܗ ܘܡܘܙܦ ܠܣܢܝ̈ܩܐ܂ ܘܕܠܐ ܪܒܝܬܐ ܝܗܿܒ ܟܣܦܗ ܘܡܚܫܒ ܒܫ̈ܒܐ܂ ܘܫܒܿܩ ܡܢ ܡܐ ܕܡܬܚܝܒ ܠܗ܃
02:09 [ai]ܐܦܢ ܢܗܘܐ ܕܚܣܘܟܬܢܐ ܗܘܐ܂ ܡܙܕܟܐ ܡܢ ܢܡܘܣܐ ܡܛܠ ܪܥܝܢܐ ܡܝܬܪܐ܂ ܟܕ ܠܐ ܡܠܩܛ ܡܒܕܪ̈ܬܐ ܒܚܨܕܐ܂ ܘܠܐ ܡܒܥܪ ܟܪܡܗ܂ ܘܒܥܿܒܕܐ ܕܝܢ ܕܠܝܠܐ ܗܕܐ ܠܡܕܥ܂ ܕܡܫܠܛ ܗܘ ܥܠ ܚ̈ܫܐ ܪܥܝܢܐ܃
02:10 [ai]ܢܡܘܣܐ ܓܝܪ ܐܦ ܥܠ ܪܚܡܬܐ ܕܒ̈ܢܝܐ ܠܘܬ ܐܒܗ̈ܐ ܡܫܠܛ܂ ܟܕ ܠܐ ܡܬܟܚܕܝܢ ܡܢܗܘܢ ܘܡܫܠܡܝܢ ܙܕܩܗ܃
02:11 [ai]ܘܥܠ ܪܚܡܬ ܫܘܬܦܘܬܐ ܬܘܒ ܡܫܠܛ܂ ܕܐܢܗܼܘ ܕܒܠܐ ܢܡܘܣܐ ܬܗܘܐ ܢܟܣܗܿ܃
02:12 [ai]ܘܥܠ ܪܚܡܬܐ ܕܐܒܗ̈ܐ ܕܠܘܬ ܒܢ̈ܝܐ ܬܘܒ ܡܫܠܛ܂ ܘܒܐ̈ܝܕܝ ܐܒܗ̈ܝܗܘܢ ܣܿܐܡ ܒܪܫܗܘܢ ܡܛܠ ܒܝܫܼܘܬܗܘܢ܂ ܡܫܠܛ ܕܝܢ ܐܦ ܥܠ ܚܘܒܐ ܕܪ̈ܚܿܡܐ܂ ܟܕ ܡܟܣ ܠܗܘܢ ܡܼܛܠ ܪܘܫܥܗܘܢ ܒܐܝ̈ܕܝ ܪ̈ܚܿܡܝܗܘܢ܃
02:13 [ai]ܘܠܐ ܬܣܒܪܘܢ ܕܡܕܡ ܗܘ ܚܕܬ ܗܢܐ ܡܕܡ ܕܐܡܿܪܬ܂ ܐܝܿܟܐ ܕܐܦ ܠܒܥܠܕܒܒܘܬܐ ܡܨܼܐ ܪܥܝܢܐ ܠܡܙܟܐ܂ ܡܛܘܠ ܢܡܘܣܐ܃
02:14 [ai]ܟܕ ܠܐ ܦܣܿܩ ܐܝ̈ܠܢܐ ܫܦܝܪܐ ܕܣܢܐ̈ܘܗܝ ܐܠܐ ܡܿܢܛܪ ܠܗܘܢ ܕܢܗܼܘܘܢ ܠܒܥܠܕ̈ܒܒܘܗܝ ܘܡܼܩܝܡ ܠܐܝܠܝܢ ܕܪܡܼܝܢ܃
02:15 [ai]ܐܦ ܒܚ̈ܫܐ ܕܝܢ ܥܙ̈ܝܙܐ ܡܬܚܙܐ ܪܥܝܢܐ ܕܙܟܿܐ܂ ܗܢܘ ܕܝܢ ܠܪܚܡܬ ܪܫܢܘܬܐ ܘܠܪܚܡܬ ܬܫܒܘܚܬܐ܂ ܘܠܫܒܗܪܢܘܬܐ ܘܠܚܬܝܪܘܬܐ ܘܠܚܣܡܐ܃
02:16 [ai]ܠܟܠܗܘܢ ܓܝܪ ܗܠܝܢ ܚ̈ܫܐ ܣ̈ܢܝܐ ܥܨܿܐ ܘܡܫܥܒܕ ܐܝܿܢܐ ܕܚܝܐ ܢܟܦܐܝܬ܂ ܐܟܙܢܐ ܕܐܦ ܠܚܡܬܐ ܙܿܟܐ܂ ܐܦ ܥܠ ܗܕܐ ܓܝܪ ܡܫܿܠܛ ܗܘ܃
02:17 [ai]ܗܐ ܓܝܪ ܟܕ ܐܬܚܡܬ ܡܘܫܐ ܥܠ ܕܬܘܢ ܘܐܒܝܪܡܼ܂ ܠܐ ܣܥܼܪ ܠܘܬܗܘܢ ܡܕܡ ܕܚܡܬܐ܂ ܐܠܐ ܒܪܡܝܣܘܬܐ ܕܪܥܝܢܗܼ܂ ܚܡܬܗ ܟܒܼܫ ܐܝܟ ܕܒܕܝܼܢܐ܃
02:18 [ai]ܡܨܼܐ ܗܘ ܓܝܪ ܪܥܝܢܐ ܐܝܟ ܡܐ ܕܐܡܿܪܬ ܕܢܣܒ ܙܟܘܬܐ ܥܠ ܚ̈ܫܐ܂ ܕܠܗܠܝܢ ܢܫܗܿܐ ܘܠܗܠܝܢ ܢܦܟܗ܃
02:19 [ai]ܘܐܠܐ ܥܠ ܡܢܐ ܐܒܘܢ ܚܟܝܡ ܒܟܠ ܝܥܩܘܒܿ܂ ܠܫܡܥܘܢ ܘܠܠܘܝ ܥܿܕܠ܂ ܡܛܠ ܕܕܠܐ ܪܥܝܢܐ ܠܒ̈ܢܝ ܫܟܝܡ ܟܠܗ ܥܡܐ ܡܢ ܣܟܗ ܩܿܛܠܘ܂ ܟܕ ܐܡܿܪ܂ ܠܝܛ ܗܘ ܪܘܓܙܗܘܢ ܘܚܡܬܗܘܢ ܡܛܠ ܕܩܫܝܐ ܗܝ܃
02:20 [ai]ܐܠܘ ܓܝܪ ܠܐ ܡܨܼܐ ܗܘܐ ܪܥܝܢܐ ܠܡܚܣܢ ܠܚܡܬܐܼ܂ ܠܐ ܐܡܿܪ ܗܘܐ ܗܟܢܐ܃
02:21 [ai]ܟܕ ܓܝܪ ܒܼܪܐ ܐܠܗܐ ܠܒܪܢܫܐܼ܂ ܚܫ̈ܐ ܘܙܘ̈ܥܐ ܢܼܨܒ ܒܗ܃
02:22 [ai]ܟܕ ܕܝܢ ܒܝܕ ܪ̈ܓܫܐ ܠܪܥܝܢܐ ܚܣܝܐ ܥܠ ܟܘܠܗܘܢ ܐܡܠܟ܂ ܘܐܝܟ ܕܥܠ ܬܪܘܢܘܣ ܐܼܘܬܒ܃
02:23 [ai]ܝܗܼܒ ܠܗ ܠܗܢܐ ܢܡܘܣܐ܂ ܕܟܕ ܒܗ ܡܬܕܒܪܼ܂ ܢܡܠܟ ܡܠܟܘܬܐ ܟܢܝܟܬܐ ܘܙܕܝܼܩܬܐ ܘܓܢܒܪܬܐ܃
02:24 [ai]ܐܝܟܢܐ ܗܟܝܠ ܐܝܬ ܠܟܘܢ ܠܡܐܡܪ܂ ܐܢ ܐܝܢ ܥܠ ܟܠܗܘܢ ܚܫ̈ܐ ܡܡܠܟ ܪܥܝܢܐ܃

next chapter