← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62081: P 4Mac

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


06:01 [ai]ܟܕ ܕܝܢ ܗܟܢܐ ܠܘܩܒܠ ܦܝܣܗ ܕܛܪܘܢܐ ܐܝܟ ܪܗܛܪܐ ܡܠܠ܂ ܩܼܪܒܘ ܠܘܬܗ ܐܚ̈ܝܕܝ ܪ̈ܘܡܚܐ܂ ܘܡܪܝܪܐܝܬ ܠܘܬ ܫܢ̈ܕܐ ܓܪܘܗܝ ܠܐܠܝܥܙܪ܃
06:02 [ai]ܘܠܘܩܕܡ ܐܫܠܚܘܗܝ ܠܣܒܐ ܕܡܟܢܟ ܗܘܐ ܒܐܣܟܡܐ ܕܕܚܠܬ ܐܠܗܐ܃
06:03 [ai]ܒܬܪ ܟܢ ܕܝܢ ܐܗܦܟܘ ܐܝܕ̈ܘܗܝ ܠܒܣܬܪܗ܂ ܘܒܫܘܛܐ ܡܢܓܕܝܢ ܗܘܘ ܠܗ܃
06:04 [ai]ܟܕ ܚܕ ܡܢ ܦܠܚ̈ܘܗܝ ܕܛܪܘܢܐ ܕܐܛܦܝܣ ܠܦܘܩܼ̈ܕܢܘܗܝ ܕܡܿܠܟܐ܂ ܒܩܠܐ ܪܡܿܐ ܩܿܥܐ ܗܘܐ ܠܗ܃
06:05 [ai]ܠܒܝܒܐ ܕܝܢ ܘܓܢܒܪܐ ܫܪܝܪܐܝܬ ܐܠܝܥܙܪ ܐܝܟ ܗܿܘ ܕܒܚܠܡܐ ܡܬܢܓܕ ܗܘܐ܂ ܐܦ ܠܐ ܒܚܕ ܡܢ ܐܣܟܝܡ ܡܢ ܪܥܝܢܗ ܡܫܬܚܠܦ ܗܘܐ܃
06:06 [ai]ܐܠܐ ܟܕ ܥܝܢ̈ܘܗܝ ܠܪܘܡܐ ܡܿܬܚ ܗܘܐ܂ ܒܝܕ ܢܓ̈ܕܐ ܒܣܪܗ ܕܣܒܐ ܐܬܒܣܒܣ ܗܘܐ܂ ܘܕܡܗ ܥܠܘܗܝ ܪܕܿܐ ܗܘܐ܂ ܟܕ ܒܐܠܥ̈ܘܗܝ ܡܙܩܬܝܢ ܗܘܘ ܠܗ܃
06:07 [ai]ܢܦܼܠ ܗܘܐ ܕܝܢ ܥܠ ܐܪܥܐ܂ ܡܛܠ ܕܠܐ ܡܿܣܝܒܪ ܗܘܐ ܓܘܫܡܗ ܟܐܒܐ܂ ܚܘܫܒܗ ܕܝܢ ܬܪܝܨ ܗܘܐ܂ ܘܠܐ ܡܨܛܠܐ ܗܘܐ ܠܟܐ ܘܠܟܐ܃
06:08 [ai]ܚܕ ܕܝܢ ܡܢ ܗܿܢܘܢ ܡܪܝܪ̈ܐ ܕܡܫܬܢܕܝܢ ܗܘܘ ܒܗ܂ ܟܕ ܟܪܣܗ ܡܒܥܛ ܗܘܐ ܠܗ܂ ܟܕ ܡܿܚܐ ܠܗ ܕܢܩܘܡ ܡܐ ܕܢܦܼܠ܃
06:09 [ai]ܡܣܝܒܪ ܗܘܐ ܕܝܢ ܟܐ̈ܒܐ ܘܡܒܣܪ ܥܠ ܩܛܝܪ̈ܐ܂ ܘܡܣܝܒܪ ܗܘܐ ܫܢ̈ܕܐ ܘܫܐܿܛ ܠܛܪܘܢܐ܃
06:10 [ai]ܘܐܝܟ ܐܬܠܝܛܐ ܚܠܝܨܐ ܟܕ ܒܿܠܥ ܗܘܐ ܙܟܐ ܗܘܐ ܣܒܐ ܠܗܿܢܘܢ ܕܡܫܬܢܕܝܢ ܗܘܘ ܒܗ܃
06:11 [ai]ܟܕ ܕܝܢ ܕ̈ܥܝܬܢ ܗ̈ܘܝ ܐ̈ܦܘܗܝ ܘܡܠܗܬ ܗܘܐ ܬܟܝܒܐܝܬܼ܂ ܬܗܝܪܝܢ ܗܘܘ ܒܓܢܒܪܘܬܐ ܕܢܦܫܗ܃
06:12 [ai]ܐܦ ܗܼܢܘܢ ܗܠܝܢ ܕܡܫܬܢܕܝܢ ܗܘܘ ܒܗ܂ ܘܥܠ ܗܕܐ ܐܝܬ ܐܡܬܝ ܕܡܛܠ ܕܚܝܣܝܢ ܗܘܘ ܥܠ ܣܝܒܘܬܗ܃
06:13 [ai]ܘܐܝܬ ܐܡܬܝ ܕܡܛܠ ܕܚܿܫܝܢ ܗܘܘ ܥܠܘܗܝ܂ ܘܐܝܬ ܐܡܬܝ ܕܡܛܠ ܕܬܗܝܪܝܢ ܗܘܘ ܒܚܘܡܣܢܗ܂ ܩܿܪܒܝܢ ܗܘܘ ܐܢ̈ܫܝܢ ܡܢ ܩܪ̈ܝܒܘܗܝ ܕܡܿܠܟܐ ܘܐܿܡܪܝܢ ܠܗ܃
06:14 [ai]ܒܒܼ̈ܝܫܬܐ ܗܠܝܢ ܕܠܐ ܒܘܝܢ ܢܦܫܟ ܡܘܒܕ ܐܢܬ ܐܠܝܥܙܪܿ܃
06:15 [ai]ܚܢܢ ܡܢ ܛܥܘܼ̈ܡܐ ܕܡܒܫܠܝܢ ܣܝܿܡܝܢܢ ܩܕܡܝܟ܂ ܘܐܢܬ ܥܼܒܕ ܢܦܫܟ܂ ܐܝܟ ܗܿܘ ܕܡܢ ܒܣܪܐ ܕܚܙܝܪܐ ܐܿܟܠ ܐܢܬ ܘܚܝܝ܃
06:16 [ai]ܐܠܝܥܙܪ ܕܝܢ ܐܝܟ ܗܿܘ ܕܒܫܢܕܐ ܐܚܪܢܐ ܕܡܢ ܗܿܘ ܩܕܡܝܐ ܡܪܝܪ ܢܦܼܠ܂ ܒܝܕ ܡܼܠܟܐ ܗܢܐ ܕܡܠܟܘܗܝܼ܂ ܒܩܠܐ ܪܿܡܐ ܩܿܥܐ ܗܘܐ܃
06:17 [ai]ܠܐ ܗܟܢܐ ܡܬܘܡ ܒܪܥܝܢܐ ܙܐܦܢܐ ܢܦܠܝܢ ܒܢܘ̈ܗܝ ܕܐܒܪܗܡܿ܂ ܕܒܝܕ ܪܕܘܦܝܗܿ ܕܢܦܫܐ ܟܕܒܐܝܬ ܢܬܚܫܚ ܒܡܕܡ ܕܠܐ ܦܐܐ܂ ܟܕ ܢܣܿܒܝܢ ܚܢܢ ܦܪܨܘܦܐ ܐܚܪܢܐ܃
06:18 [ai]ܐܦ ܓܿܝܪ ܕܠܐ ܛܥܡܐ ܐܝܬܝܗܿ ܗܕܐ܂ ܐܢܗܼܘ ܕܚ̈ܝܐ ܕܫܪܪܐ ܚܝܝܢ ܥܕܡܐ ܠܡܘܬܐ܂ ܗܫܐ ܕܝܢ ܢܫܬܚܠܦ܃
06:19 [ai]ܘܢܗܘܐ ܚܢܢ ܩܢܘܡܢ ܠܗܠܝܢ ܕܛܼܠܝܢ ܬܚܘܝܬܐ ܒܝܫܬܐ ܕܚܢܦܘܬܐ܂ ܟܕ ܝܗܿܒܝܢܢ ܠܗܘܢ ܛܘܦܣܐ ܕܡܟܘܠܬܐ ܛܡܐܬܐܿ܃
06:20 [ai]ܘܢܚܐ ܒܬܪ ܟܢ ܚ̈ܝܐ ܡܨܥ̈ܪܐ܂ ܘܗܼܢܘܢ ܗܠܝܢ ܟܕ ܥܒܝܕܝܢ ܚܢܢ ܓܘܚܟܐ ܠܥܠܡܐ ܥܠ ܫܦܠܘܬܢ܃
06:21 [ai]ܢܬܒܣܐ ܕܝܢ ܡܢ ܛܪܘܢܐ ܐܝܟ ܚ̈ܠܫܐ܂ ܚܠܦ ܢܡܘܣܢ ܕܝܢ ܐܠܗܝܐܼ܂ ܠܐ ܥܕܡܐ ܠܡܘܬܐ ܢܬܟܬܫ
06:22 [ai]ܥܠ ܐ̈ܦܝ ܗܠܝܢ܂ ܠܟܘܿܢ ܐܡܿܪܢܐ ܒܢܘ̈ܗܝ ܕܐܒܪܗܡ܂ ܓܢܒܪܐܝܬ ܥܠ ܐ̈ܦܝ ܫܪܪܐ ܡܘܬܘ܃
06:23 [ai]ܐܢܬܘܢ ܕܝܢ ܐܘ ܦܠܚ̈ܘܗܝ ܕܛܪܘܢܐ܂ ܡܢܐ ܡܬܡܬܢܝܢ ܐܢܬܘܢ ܡܢ ܕܠܡܝܬܝܘ ܥܠܝܢ ܐܘܠܨܢܐ܃
06:24 [ai]ܟܕ ܕܝܢ ܚܙܐܘܗܝ ܕܗܟܢܐ ܠܒܝܒ ܘܠܐ ܡܫܬܚܠܦ܂ ܐܦ ܠܐ ܒܚܘܣܢܐ ܕܥܠܘܗܝ ܚܿܣܘ ܥܠ ܢܘܪܐ ܡܩܪܒܝܢ ܗܘܘ ܠܗ܃
06:25 [ai]ܘܬܡܢ ܒܝܕ ܡܐ̈ܢܐ ܚܫܝܠܝ ܒܚܪܥܘܬܐ ܡܘܩܕܝܢ ܗܘܘ ܠܗ܂ ܘܣܪܝܘܬܐ ܒܢܚܝܪ̈ܘܗܝ ܢܣܿܟܝܢ ܗܘܘ܃
06:26 [ai]ܟܕ ܕܝܢ ܥܕܡܐ ܠܓܪ̈ܡܘܗܝ ܝܩܿܕ ܗܘܐ܂ ܘܩܪܝܒܐ ܗܘܬ ܢܦܫܗ ܕܬܣܩܼ܂ ܬܠܐ ܥܝܢܘ̈ܗܝ ܠܫܡܝܐ ܘܐܡܼܪ܃
06:27 [ai]ܐܢܬ ܝܕܿܥ ܐܢܬ ܐܠܗܐ ܕܦܩܚ ܗܘ ܠܝ ܐܝܟ ܕܐܬܦܪܩ ܒܫܢܕܐ ܓܝܪ ܡܘܩܕ̈ܢܐ ܡܐܿܬ ܐܢܐ ܚܠܦ ܢܡܘܣܐ܃
06:28 [ai]ܐܬܪܥܐ ܠܥܡܟ܂ ܘܢܣܦܩ ܠܟ ܕܝܢܼܐ ܕܝܠܢ ܚܠܦܝܗܘܢ܃
06:29 [ai]ܘܥܒܕܝܗܝ ܠܕܡܝ ܕܘܟܝܐ ܕܥܠ ܐ̈ܦܝܗܘܢ܂ ܘܚܠܦ ܢܦܫ̈ܬܗܘܢ ܣܒ ܢܦܫܝܿ܃
06:30 [ai]ܟܕ ܕܝܢ ܐܡܼܪ ܗܠܝܢ ܓܒܪܐ ܗܢܐ ܚܣܝܐܼ܂ ܢܨܝܚܐܝܬ ܒܓܘ ܫܢ̈ܕܐ ܡܝܼܬ܂ ܘܥܕܡܐ ܠܫܢ̈ܕܘܗܝ ܕܡܘܬܐ ܥܙܼܝ ܒܪܥܝܢܗ ܡܛܠ ܢܡܘܣܐ܀
06:31 [ai]ܓܠܝܐ ܗܝ ܗܟܝܠ ܕܡܫܠܛ ܗܘ ܥܠ ܚ̈ܫܐ ܪܥܝܢܐ ܕܐܝܬܘܗܝ ܒܕܚܠܬ ܐܠܗܐ܃
06:32 [ai]ܐܠܘ ܓܝܪ ܚܿܫܐ ܡܡܠܟܝܢ ܗܘܘ ܥܠ ܪܥܝܢܐ܂ ܠܗܘܢ ܝܗܿܒ ܗܿܘܝܬ ܣܗܕܘܬܐ ܕܙܟܘܬܐ܃
06:33 [ai]ܗܫܐ ܕܝܢ ܪܥܝܢܐ ܠܚܫ̈ܐ ܠܗ ܒܘܠܝܬܐ ܡܙܕܿܩܝܢܢ ܫܘܠܛܢܐ܃
06:34 [ai]ܘܙܕܿܩ ܠܢ ܕܢܘܕܐ܂ ܕܐܘܚܕܢܐ ܕܪܥܝܢܐ ܐܝܬܘܗܝ܂ ܐܝܿܟܐ ܕܐܦ ܥܠ ܚ̈ܫܐ ܕܥܪܨܝܢ ܡܢ ܠܒܪ ܡܡܠܟ܃
06:35 [ai]ܕܓܘܚܟܐ ܗܝ ܗܟܝܠ ܕܐܢܫ ܢܐܡܪ ܕܠܐ ܡܫܠܛ ܪܥܝܢܐ܂ ܐܝܿܟܐ ܕܠܐ ܗܘܐ ܒܠܚܘܕ ܠܚ̈ܫܐ ܚܘܝܢ ܕܙܟܿܐ܂ ܐܠܐ ܐܦ ܠܘܚ̈ܡܐ ܐܚܪ̈ܢܐ܂ ܘܠܐ ܝܗܼܒ ܠܗܘܢ ܐܬܪܐ ܕܢܚܣܢܘܢܝܗܝ܃

next chapter