The Comprehensive Aramaic Lexicon

10:01 [ai]	ܟܕ ܕܝܢ ܐܦ ܗܢܐ ܡܘܬܐ ܕܫܼܘܐ ܕܒܟܠܙܒܢ ܢܬܬܢܐ ܣܝܿܒܼܪ܂ ܠܗܿܘ ܕܬܠܬܐ ܐܝܬܝܘ܂ ܟܕ ܒܥܿܝܢ ܡܢܗ ܣܓܝܐ̈ܐܼ ܕܢܐܟܘܠ ܘܢܚܐ܃
10:02 [ai]	ܗܼܘ ܕܝܢ ܒܩܠܐ ܪܡܿܐ ܐܡܼܪ܂ ܠܐ ܝܕܥܝܬܘܢ ܕܗܿܘ ܐܒܐ ܕܠܗܠܝܢ ܕܡܝܬܘ ܙܪܼܥ܃ ܗܼܘ ܐܦ ܠܝ ܙܪܼܥܼ܂ ܘܗܼܝ ܟܕ ܗܼܝ ܐܡܐ ܐܦ ܠܝ ܝܠܕܬ܂ ܘܒܗ ܟܕ ܒܗ ܒܝܘܠܦܢܐ ܐܬܿܪܒܝܬ܃
10:03 [ai]	ܠܐ ܟܦܪ ܐܢܐ ܒܫܪܪܗܘܢ ܫܒܝܚܐ ܕܐܚ̈ܝ܃
10:05 [ai]	ܡܪܝܪܐܝܬ ܕܝܢ ܠܦܪܗܣܝܐ ܕܝܠܗ ܩܒܿܠܘ܂ ܘܒܡܐ̈ܢܐ ܡܦܪ̈ܩܝ ܫܪ̈ܝܬܐܼ ܐܝܕ̈ܘܗܝ ܘܪ̈ܓܠܘܗܝ ܦܫܿܚܘ ܘܦܪܩܘ܃
10:06 [ai]	ܘܥܨܿܝܢ ܗܘܘ ܘܡܦܣܩܝܢ ܨܒ̈ܥܬܗ܂ ܘܕܪ̈ܥܘܗܝ ܘܩܦܣ̈ܐ ܕܒܘܪ̈ܟܘܗܝ ܘܝܨ̈ܝܠܘܗܝ ܡܬܒܪܝܢ ܗܘܘ܃
10:07 [ai]	ܘܟܕ ܠܐ ܡܨܝܢ ܗܘܘ ܕܒܚܕ ܡܢ ܐܣܟܝܡ ܢܙܟܘܢܝܗܝ܂ ܫܪܘ ܡܐ̈ܢܐ ܕܒܗܘܢ ܪܒܝܨ ܘܒܪܫܥܬܗ ܡܝܬܝܢ ܗܘܘ ܠܗ ܥܠ ܓܝܓܠܐ܃
10:08 [ai]	ܘܥܠܝܗܿ ܚܘܡ̈ܪܘܗܝ ܡܬܦܪ̈ܩܢ ܗ̈ܘܝ܂ ܘܗܕܡ̈ܘܗܝ ܡܫܬܪܝܢ ܗܘܘ܂ ܘܚܿܙܐ ܗܘܐ ܠܒܣܪܗ ܕܡܬܦܩܥ܂ ܘܢܘ̈ܛܦܬܐ ܕܕܡܐ ܕܡܢ ܓܘܗ ܪܕ̈ܝܢ ܗ̈ܘܝ܃
10:09 [ai]	ܟܕ ܕܝܢ ܩܪܝܒ ܗܘܐ ܠܡܡܬܼ܂ ܐܡܼܪ܃
10:10 [ai]	ܚܢܢ ܐܘ ܛܪܘܢܐ ܛܡܐܐ ܡܛܘܠ ܝܘܠܦܢܐ ܘܫܪܪܐ ܕܐܠܗܐ ܗܠܝܢ ܣܒܿܠܝܢ ܚܢܢ܃
10:11 [ai]	ܐܢܬ ܕܝܢ ܡܛܠ ܪܘܫܥܟ ܘܛܡܐܘܬܐ ܕ̈ܩܛܠܝܟܼ܂ ܫܢ̈ܕܐ ܕܠܐ ܡܫܬܪܝܢ ܥܬܝܕ ܐܢܬ ܠܡܣܝܒܪܘ܃
10:12 [ai]	ܟܕ ܕܝܢ ܐܦ ܗܢܐ ܡܝܼܬ ܐܝܟ ܕܦܐܐ ܗܘܐ ܠܡܡܬܿ܂ ܠܐܝܿܢܐ ܕܐܝܬܘܗܝ ܐܚܐ ܕܗܠܝܢ ܩܕܡ̈ܝܐ܂ ܠܗܿܘ ܕܐܪܒܥܐ ܢܓܕܘܗܝ ܟܕ ܐܡܿܪܝܢ ܠܗ܃
10:13 [ai]	ܠܐ ܬܫܢܐ ܐܦ ܐܢܬ ܗܿܝ ܫܢܝܘܬܐ ܕܫܢܘ ܒܗܿ ܐܚ̈ܝܟ܃
10:14 [ai]	ܗܼܘ ܕܝܢ ܐܡܼܪ ܠܗܘܢ܂ ܠܐ ܗܘܐ ܗܟܢܐ ܐܝܬ ܠܟܘܢ ܢܘܪܐ܂ ܕܛܒ ܡܢ ܗܿܝ ܩܕܡܝܬܐ ܕܐ̈ܚܝ ܚܡܝܡܐ ܕܬܣܪܕܘܢܢܝܼ܃
10:15 [ai]	ܠܐ ܡܘܬܗܘܢ ܕܐ̈ܚܝ ܕܡܼܠܐ ܛܘ̈ܒܐ܂ ܘܠܐ ܐܒܕܢܗ ܕܛܪܘܢܐ ܕܠܥܠܡ܂ ܘܠܐ ܚܝܝ̈ܗܘܢ ܕܫܪ̈ܝܪܐ ܕܠܐ ܫܿܠܡܝܢ܂ ܕܠܐ ܟܦܪ ܐܢܐ ܒܐܚܘܬܐ ܦܐܝܬܐ ܕܐܚ̈ܝ܃
10:16 [ai]	ܒܥܝ ܗܟܝܠ ܒܨܢܥ̈ܬܟ ܐܘ ܛܪܘܢܐ ܫ̈ܢܕܐ ܚ̈ܕܬܐ ܕܐܦ ܒܗܘܢ ܬܐܠܦܼ܂ ܕܐܚܘܗܘܢ ܐܢܐ ܕܗܿܢܘܢ ܕܣܿܝܒܪܘ ܫܢ̈ܕܝܟ܃
10:17 [ai]	ܟܕ ܕܝܢ ܫܡܼܥ ܗܠܝܢ ܗܿܘ ܠܐܿܥ ܕܡܐ܂ ܘܨܼܗܐ ܠܩܛܠܐ ܘܛܡܼܐ ܛܡܐ̈ܐ ܐܢܬܝܟܣ܂ ܦܩܼܕ ܕܠܫܢܗ ܢܦܣܩܘܢ܃
10:18 [ai]	ܗܼܘ ܕܝܢ ܐܡܼܪ܂ ܕܐܦܢ ܬܦܣܘܩ ܡܐܢܗ ܕܩܠܝ ܐܦ ܕܫܠܝܐ ܫܡܿܥ ܗܘ ܐܠܗܐ܃
10:19 [ai]	ܗܐ ܡܪܫܠ ܠܟ ܠܫܢܐ ܦܣܘܩܝܗܝ܂ ܠܐ ܓܝܪ ܡܢ ܗܕܐ ܐܦ ܠܫܢ ܡܚܫ̈ܒܬܢ ܦܣܿܩ ܐܢܬ܃
10:20 [ai]	ܟܕ ܗܢܝ ܠܢ ܡܛܠ ܐܠܗܐ ܪ̈ܝܫܝ ܗ̈ܕܡܝ ܦܓܪܢ ܠܚܒܿܠܐ ܝܗܒܿܝܢ ܚܢܿܢ܃
10:21 [ai]	ܡܢܟ ܕܝܢ ܒܥܓܠ ܐܠܗܐ ܢܼܬܼܢܩܡ܂ ܠܠܫܢܐ ܓܝܪ ܕܙܡܝܪ̈ܬܐ ܐܠܗ̈ܝܬܐ ܙܡܿܪ ܗܘܐ ܦܣܿܩ ܐܢܿܬ܃

next chapter