← Back
The Comprehensive Aramaic Lexicon
← Return to the Text Browser
click on the file description for more information
62081: P 4Mac

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


11:01 [ai]ܟܕ ܕܝܢ ܐܦ ܗܢܐ ܣܒܼܠ ܫܢܕܐ ܘܡܼܝܬܼ܂ ܗܿܘ ܕܚܡܫܐ ܫܘܪ ܠܡܨܥܬܐܼ܂ ܘܐܡܼܪ܃
11:02 [ai]ܠܐ ܡܬܡܬܢ ܐܢܐ ܐܘ ܛܪܘܢܐ ܠܡܐܬܐ ܠܐܘܠ̈ܨܢܐ ܡܛܠ ܫܪܪܐ܃
11:03 [ai]ܐܢܐ ܕܝܢ ܡܢ ܨܒܘܬ ܢܦܫܝ ܥܿܒܪܬ ܠܡܨܥܬܐ܂ ܕܟܕ ܐܿܠܨ ܐܢܬ ܐܦ ܠܝ ܥܠ ܐ̈ܦܝ ܚܛܗ̈ܐ ܣܓܝܐ̈ܐ ܬܣܒ ܡܣܡܒܪܫܐ ܠܕܝܼܢܐ ܫܡܝܢܐ܃
11:04 [ai]ܐܘ ܣܿܢܐ ܠܡܝܬܪܘܬܐ ܘܣܿܢܐ ܠܒ̈‍<‍ܢ‍>‍ܝ ܐܢܫܐ܂ ܡܢܐ ܣܥܪܢ ܕܡܛܠܬܗ ܒܗܢܐ ܐܣܟܡܐ ܚܿܪܒ ܐܢܬ ܠܢ܃
11:05 [ai]ܡܛܘܠ ܕܠܒܪܘܝܐ ܣܓܕܝܢ ܚܢܢ܂ ܘܒܢܡܘܣܗ ܫܒܝܚܐ ܡܬܗܦܟܝܢ ܚܢܢ܃
11:06 [ai]ܐܠܐ ܗܕܐ ܠܐܝܩܪܐ ܘܠܐ ܗܘܐ ܠܫܢ̈ܕܐ ܫܘܿܝܐ ܗܘܬ܃
11:09 [ai]ܟܕ ܕܝܢ ܡܡܠܠ ܗܘܐ ܗܠܝܼܢ܂ ܐܣܪܘܗܝ ܦܠܚ̈ܐ ܘܠܘܬ ܩܝܣܐ ܐܝܬܝܘܗܝ܃
11:10 [ai]ܘܥܠܘܗܝ ܥܠ ܩܝܣܐ ܗܢܐ ܟܘܠܗ ܡܢ ܩܕܠܗ ܡܬܟܦܦ ܗܘܐ ܒܕܡܘܬ ܥܩܪܒܐ܂ ܘܡܬܦܪܩܝܢ ܗܘܘ ܗܕܡ̈ܘܗܝ܃
11:11 [ai]ܟܕ ܕܝܢ ܪܘܚܗ ܒܙܢܐ ܗܢܐ ܕ̈ܫܢܕܐ ܡܬܐܠܨܐ ܗܘܬ܂ ܘܦܓܪܗ ܡܬܥܨܐ ܗܘܐ ܠܡܬܦܫܚܘ ܐܡܼܪ܃
11:12 [ai]ܛܝܒ̈ܘܬܐ ܫܦܝܪ̈ܬܐ ܟܕ ܠܐ ܨܒܿܐ ܐܢܬ ܝܗܿܒ ܐܢܬ ܠܢ ܐܘ ܛܪܘܢܐ܃ ܕܒܝܕ ܟܐܒ̈ܐ ܩ̈ܫܝܐ ‍{‍ܥ‍}‍‍<‍ܠ‍>‍ܿܡܕ ܐܢܬ ܠܢ ܠܡܚܘܝܘ ܚܘܡܣܢܢ ܕܡܛܠ ܢܡܘܣܐ܃
11:13 [ai]ܟܕ ܕܝܢ ܡܝܼܬ ܐܦ ܗܢܐܼ܂ ܠܛܠܝܐ ܗܘܿ ܕܫܬܐ ܒܬܪܗ ܡܩܪܒܝܢ ܗܘܘ܂ ܟܕ ܕܝܢ ܡܫܐܠ ܠܗ ܛܪܘܢܐ ܕܐܢ ܗܼܘ ܕܢܨܒܐ ܕܢܐܟܘܠ ܘܢܫܬܒܩܼ܂ ܥܼܢܐ ܗܼܘ ܘܐܡܼܪ ܠܗ܃
11:14 [ai]ܐܢܐ ܒܫܢ̈ܝܐ ܡܢ ܐܚ̈ܝ ܛܠܼܐ ܐܢܐ܂ ܒܪܥܝܢܐ ܕܝܢ ܚܠܝܡܐܼ܂ ܒܪ ܫܢܝܗ̈ܘܢ ܐܢܐ܃
11:15 [ai]ܘܒܗܝܢ ܟܕ ܒܗܝܢ ܗܟܝܠ ܒܨܒܘ̈ܬܐ ܐܬܝܠܕܢ ܘܒܗܝܢ ܐܬܪܒܝܢ܂ ܡܛܘܠܬܗܝܢ ܕܝܠܗܝܢܼ܂ ܐܦ ܕܢܡܘܬ ܙܕܿܩ ܠܢ ܫܘܝܐܝܬ܃
11:16 [ai]ܐܢ ܗܟܝܠ ܡܬܚܙܝܐ ܩܕܡܝܟ ܕܬܫܬܢܕ ܒܝ܂ ܐܢܗܼܘ ܕܠܐ ܐܟܘܠ ܕܡܣܿܝܒ ܐܫܬܢܕ܃
11:17 [ai]ܟܕ ܕܝܢ ܐܡܼܪ ܗܠܝܼܢ܂ ܗܝܿܕܝܢ ܐܝܬܝܘܗܝ ܥܠ ܓܝܓܠܐ܃
11:18 [ai]ܘܟܕ ܥܠܝܗܿ ܡܬܝܚ ܗܘܐ܂ ܗܕܡ̈ܘܗܝ ܘܚܘܡܪ̈ܘܗܝ ܡܫܬܪ̈ܝܢ ܗ̈ܘܝ܂ ܡܫܬܓܪܐ ܕܝܢ ܬܚܘܬܘܗܝ ܢܘܪܐ܃
11:19 [ai]ܘܫܦܘ̈ܕܐ ܚܪܝ̈ܦܐ ܡܚܡܝܢ ܗܘܘ܂ ܘܒܚܨܗ ܡܙܩܬܝܢ ܗܘܘ ܠܗ܂ ܘܐܠܥ̈ܘܗܝ ܫܿܦܕܝܢ ܗܘܘ܂ ܘܡܐ̈ܢܝ ܓܘܗ ܡܘܩܕܝܢ ܗܘܘ܃
11:20 [ai]ܗܼܘ ܕܝܢ ܟܕ ܐܝܬܘܗܝ ܗܘܐ ܒܐܘܠܨܢܐ ‍{‍‍{‍ܗܢܐܼܿ‍}‍‍}‍܂ ܐܘ ܠܐܓܘܢܐ ^ܗܢܐ^ ܫܒܝܚܐ ܐܡܿܪ ܗܘܐ܂ ܕܠܗ ܡܛܠ ܫܪܪܐ ܒܕܘܪܫܐ ܕܟܐ̈ܒܐ ܗܠܝܢ ܟܘܠܗܘܢ ܐܚ̈ܐ ܐܬܩܪܝܢ ܘܠܐ ܐܙܕܟܝܢ܃
11:21 [ai]ܠܐ ܡܙܕܟܝܢܐ ܗܘ ܓܝܪ ܐܘ ܛܪܘܢܐ ܐܝܿܢܐ ܕܐܝܬܘܗܝ ܒܡܪܕܘܬܐ ܕܝܘܠܦܢܐ ܕܫܪܪܐ܃
11:22 [ai]ܘܡܙܝܢ ܒܪܚܡܬ ܫܦܝܪ̈ܬܐ܂ ܡܐܿܬ ܐܢܐ ܐܦ ܐܢܐ ܥܡ ܐܚ̈ܝ܃
11:23 [ai]ܟܕ ܡܝܬܐ ܐܢܐ ܐܦ ܐܢܐ ܐܦ ܐܢܐ ܥܠܝܟ ܚܘܒܠܐ ܪܒܐ܂ ܐܘ ܫܐܕܐ ܚܿܒܠܐ ܘܡܫܟܚܢܐ ܕܫܢ̈ܕܐ ܚܕ̈ܬܐ܂ ܘܒܥܠܕܒܒܐ ܕܣܿܓ̈ܘܕܐ ܫܪܝܪܐ܃
11:24 [ai]ܫܬܐ ܥܠܝܡ̈ܝܢ ܠܛܪܘܢܘܬܟ ܣܿܬܪܢ܃
11:25 [ai]ܕܠܐ ܓܝܪ ܐܫܟܼܚܬ ܕܬܦܝܣ ܠܪܥܝܢܢ܂ ܠܐ ܗܘܐ ܕܡܘܟܟܟ ܗܝ ܗܕܐܼ܃
11:26 [ai]ܢܘܪܟ ܠܢ ܩܪܝܪܐ ܗܝ܂ ܘܕܠܐ ܟܐܒ ܐܝܬܝܗܘܢ ܦܪ̈ܙܠܝܟ܂ ܘܕܠܐ ܚܝܠ ܩܛܝܪ̈ܝܟ܃
11:27 [ai]ܠܐ ܗܘܐ ܓܝܪ ܐܚܝ̈ܕܝ ܪܘܡܚܐ ܕܛܪܘܢܘܬܐ܂ ܐܠܐ ܐܚܝ̈ܕܝ ܪ̈ܘܡܚܐ ܕܢܡܘܣܐ ܐܠܗܝܐ ܚܕܝܪܝܢ ܠܢ܂ ܘܥܠ ܗܕܐ ܪܥܝܢܐ ܠܐ ܡܙܕܟܝܢܐ ܐܝܬ ܠܢ܀

next chapter