← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62081: P 4Mac

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


13:01 [ai]ܐܢ ܗܼܘ ܗܟܝܠ ܕܥܕܡܐ ܠܚ̈ܫܐ ܕܡܘܬܐ ܫܒܥܐ ܛ̈ܠܝܐ ܒܣܿܪܘ܂ ܡܢ ܟܘܠ ܕܘܟ ܝܕܝܥܐܼ ܕܡܫܠܛ ܗܘ ܪܥܝܢܐ ܥܠ ܚܫ̈ܐ܃
13:02 [ai]ܐܟܙܢܐ ܓܝܪ ܕܐܠܘ ܐܫܬܥܒܕܘ ܠܚ̈ܫܐ ܘܐܟܠܘ ܕܡܣܝܒ܂ ܐܡܿܪܝܢ ܗܘܘ ܕܐܙܕܟܝܘ ܠܚ̈ܫܐ ܗܠܝܢ܃
13:03 [ai]ܗܫܐ ܕܝܢ ܕܠܐ ܗܘܐ ܗܟܢܐ܂ ܐܠܐ ܒܪܥܝܢܐ ܕܥܠ ܐܠܗܐ ܡܩܒܠ ܙܟܘ ܠܟܐ̈ܒܐ܃
13:04 [ai]ܠܝܬ ܠܡܒܣܪܘ ܥܠ ܐܘܚܕܢܗ ܕܪܥܝܢܐ܂ ܚܣܢܘ ܓܝܪ ܠܟܐ̈ܒܐ ܘܠܚܫ̈ܐ܃
13:05 [ai]ܐܝܿܟܢܐ ܗܟܝܠ ܠܐ ܢܘܕܐ ܕܗܘܬ ܠܘܬܗܘܢ ܙܟܘܬܐ ܕܥܠ ܚܫ̈ܐ ܒܒܘܝܢܐ܂ ܗܿܢܘܢ ܕܡܢ ܫ̈ܢܕܐ ܕܢܘܪܐ ܠܐ ܐܫܬܐܠܘ܃
13:06 [ai]ܐܝܿܟܢܐ ܓܝܪ ܕܡܓ̈ܕܠܐ ܕܥܒܝܕܝܢ ܐܝܟ ܣܟܪ̈ܐ ܩܕܡ ܠܡܐ̈ܢܐ ܠܠܘܚ̈ܡܐ ܕܓ̈ܠܠܐ ܡܒܛܠܝܢ܃ ܘܝܗܿܒܝܢ ܠܗܠܝܢ ܕܡܢ ܡܪܕܝܬܐ ܐܬܝܢ ܕܠܠܡܐܢܐ ܢܝܚܐ ܢܫܟܚܘܢ܃
13:07 [ai]ܗܟܢܐ ܐܦ ܚܟܡܬܐ ܕܫܒܥܬ ܡܓ̈ܕܠܐ ܕܥܠܝ̈ܡܐ ܗܠܝܢܿ܂ ܠܠܡܐܢܐ ܕܕܚܠܬ ܐܠܗܐ ܐܝܟ ܕܠܓܘ ܡܢ ܚܣ̈ܢܐ ܚܒܫܬ܂ ܘܠܚܫܐ ܕܡܢ ܫ̈ܢܕܐ ܙܟܬ܃
13:08 [ai]ܓܘܕܐ ܓܝܪ ܙܗܝܬܐ ܒܕܚܠܬ ܐܠܗܐ ܐܩܝܡܘ܂ ܘܠܚܕ̈ܕܐ ܠܒܒܘ ܟܕ ܐܡܿܪܝܢ܃
13:09 [ai]ܐܚܝܢܐܝܬ ܢܡܘܬ ܐܚ̈ܐ ܥܠ ܐ̈ܦܝ ܢܡܘܣܐ܂ ܢܬܕܡܐ ܒܬܠܬܐ ܛ̈ܠܝܐ ܕܒܐܬܘܪ܂ ܗܢܿܘܢ ܕܥܠ ܚܫ̈ܐ ܐܡܣܪܘ܃
13:10 [ai]ܠܐ ܢܫܦܠ ܡܢ ܕܠܡܚܘܝܘ ܫܪܪܢ܃
13:11 [ai]ܘܗܢܐ ܐܬܠܒܒܘ ܐܚ̈ܝ ܐܡܿܪ ܗܘܐ܂ ܗܢܐ ܕܝܢ ܚܠܝܨܐܝܬ ܢܣܝܒܪ܃
13:12 [ai]ܐܚܪܢܐ ܕܝܢ ܟܕ ܡܬܥܗܕ ܐܡܿܪ ܗܘܐ܂ ܐܬܕܟܪܘ ܡܢ ܐܝܿܟܐ ܐܝܬܝܟܘܢ܂ ܘܡܢ ܐܝܼܕܐ ܕܐܝܿܢܐ ܐܒܐ ܣܝܒܪ ܐܝܣܚܩ ܕܢܬܢܟܣ܃
13:13 [ai]ܟܠ ܚܕ ܚܕ ܡܢܗܘܢ ܕܝܢ ܐܟܚܕܐ ܟܕ ܪܘܿܙܝܢ ܘܠܒܝܒܝܢ ܐܡܿܪܝܢ ܗܘܘ܂ ܕܠܐܠܗܐ ܢܦܫܢ ܢܓܥܠܼ ܡܢ ܟܠܗ ܠܒܢ܂ ܠܗܿܘ ܕܝܗܼܒ ܢܦܫ̈ܬܐ܂ ܘܢܬܠ ܡܛܘܠ ܢܛܘܪ̈ܬܗ ܕܢܡܘܣܐ ܓܘܫܡܢ܃
13:14 [ai]ܠܐ ܢܕܚܠ ܡܢ ܡܿܢ ܕܡܣܬܒܪ ܕܩܿܛܠ܃
13:15 [ai]ܩܝܢܕܘܢܣ ܓܝܪ ܪܒܐ ܕܢܦܫܐ ܗܘ܂ ܕܒܫܘܢܩܐ ܕܠܥܠܡ ܣܝܼܡ ܥܠ ܗܿܢܘܢ ܕܥܿܒܪܝܢ ܥܠ ܦܘܩ̈ܕܢܘܗܝ ܕܐܠܗܐ܂ ܢܙܕܝܢ ܗܟܝܠ ܒܡܫܠܛܘܬܐ ܕܥܠ ܚ̈ܫܐ ܕܐܝܬ ܠܪܥܝܢܐ ܕܕܚܿܠ ܡܢ ܐܠܗܐ܃
13:16 [ai]ܟܕ ܓܝܪ ܗܟܢܐ ܢܡܘܬܼ܂ ܐܒܪܗܡ ܘܐܝܣܚܩ ܘܝܥܩܘܒ ܢܩܒܠܘܢܢ ܘܟܠܗܘܢ ܐܒܗ̈ܝܢ ܢܩܠܣܘܢܢ܃
13:17 [ai]ܘܠܟܠ ܚܕ ܚܕ ܡܢܗܘܢ ܕܡܬܢܬܦ ܗܘܐ ܡܢ ܐܚܘ̈ܗܝ܂ ܐܡܿܪܝܢ ܗܘܘ ܠܗ ܗܿܢܘܢ ܕܡܫܬܚܪܝܢ܂ ܠܐ ܬܒܗܬ ܐܚܘܢ܂ ܠܐ ܬܕܓܠ ܒܐܚ̈ܝܟ ܗܠܝܢ ܕܐܙܼܠܘ܃
13:18 [ai]ܠܐ ܕܝܢ ܟܣܼܝܐ ܡܢܟܘܢ ܪܚܡܬܐ ܕܟܝܢܐ ܕܐܢܫܘܬܐ܂ ܗܿܝ ܕܒܛܝܠܘܬܐ ܐܠܗܝܬܐ ܕܒܟܠ ܚܟܝܡܐ ܒܝܕ ܐܒ̈ܗܐ ܠܗܿܢܘܢ ܕܡܬܝܠܕܝܢ ܦܠܓܬ܂ ܘܒܝܕ ܟܪܿܣ ܐܡܐ ܒܗܘܢ ܢܨܒܬ܃
13:19 [ai]ܕܒܗܿ ܙܒ̈ܢܐ ܫܘ̈ܝܐ ܐܚ̈ܐ ܓܡܼܪܘ܂ ܘܒܗܿ ܟܕ ܒܿܗ ܐܬܓܒܠܘ܂ ܘܡܢܗ ܟܕ ܡܢܗ ܕܕܡܐ ܪܒܘ܂ ܘܡܢܗܿ ܬܘܒ ܕܢܦܫܐ ܫܘܚܘ ܘܐܬܘ ܠܡܫܡܠܝܘܬܐ܃
13:20 [ai]ܘܒܙܒ̈ܢܐ ܫܘ̈ܝܐ ܐܬܝܠܕܘ܂ ܘܡܢܗܝܢ ܟܕ ܡܢܗܼܝܢ ܕܡܥ̈ܝܢܐ ܕܚܼܿܠܒܐ ܐܫܬܝܘ܂ ܘܒܗܝܢ ܒܟܢ̈ܦܬܐ ܐܬܛܥܢܘ܂ ܘܡܢ ܗܠܝܢ ܚܘܒܐ ܕܚܕ̈ܕܐ ܒܢ̈ܦܫܬܗܘܢ ܗܘܐ܃
13:21 [ai]ܘܥܙܝܙܐܝܬ ܫܼܘܚܿ܂ ܡܛܠ ܚܕ ܥܢܝܢܐ ܕܬܪܒܝܬܐ ܘܥܝܕܐ ܕܒܟܠ ܝܘܡ ܕܥܡ ܚܕ̈ܕܐ܂ ܘܒܡܪܕܘܬܐ ܕܣܼܦܪܐ ܘܒܕܘܪܫܐ ܕܝܠܢ ܕܒܢܡܘܣܐ ܐܠܗܝܐ܃
13:22 [ai]ܟܕ ܗܟܝܠ ܗܟܢܐ ܐܝܬܝܗܿ ܚܒܝܒܘܬ ܪܚܡܬܐ ܕܐܚ̈ܐ܂ ܗܠܝܢ ܫܒܥܐ ܐܚ̈ܝܢ ܝܬܝܪܐܝܬ ܒܚܘܒܐ ܕܚܕ̈ܕܕܐ ܐܣܝܪܝܢ ܗܘܘ܃
13:23 [ai]ܡܛܠ ܓܝܪ ܕܒܗ ܒܢܡܘܣܐ ܐܬܪܕܝܘ܃ ܘܒܗܿ ܟܕ ܒܗܿ ܒܡܝܬܪܘܬܐ ܐܬܝܠܦܘ܃ ܘܒܚ̈ܝܐ ܕܙܕܝܩܘܬܐ ܥܡ ܚܕ̈ܕܐ ܐܬܪܒܝܘܼ܂ ܝܬܝܪܐܝܬ ܠܚܕܕܐ ܡܚܒܒܝܢ ܗܘܘ܃
13:24 [ai]ܛܢܢܐ ܓܝܪ ܕܫܦܝܪ̈ܬܐ ܕܒܟܠܗܘܢ ܐܝܬ ܗܘܐܼ܂ ܝܬܝܪܐܝܬ ܠܚܘܒܗܘܢ ܘܠܐܘܝܘܬܗܘܢ ܐܬܩܦ܃
13:25 [ai]ܥܡ ܕܚܠܬ ܐܠܗܐ ܓܝܪܼ܂ ܐܦ ܗܼܘ ܗܢܐ ܛܢܢܐ ܠܐܚܘܬܗܘܢ ܥܠܝܗܘܢ ܪܘܪܒܐܝܬ ܡܪܚܡ ܗܘܐ܃
13:26 [ai]ܐܠܐ ܘܟܕ ܛܒ ܐܦ ܟܝܢܐ ܘܥܝܕܐ ܘ̈ܙܢܝܐ ܕܕܘܒ̈ܪܐ ܡܝܬܪ̈ܐ ܚܘܒܐ ܕܐܚܘܬܗܘܢ ܡܫܘܚ ܗܘܐ ܩܒܿܠܘ ܥܠܝܗܘܢ ܡܛܠ ܫܪܪܐ ܗܠܝܢ ܕܡܫܬܚܪܝܢ ܕܢܚܙܘܢ ܠܐܚܝ̈ܗܘܢ ܕܒܫ̈ܢܕܐ ܡܬܐܠܨܝܢ܃

next chapter