← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62081: P 4Mac

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


16:01 [ai]ܐܢܗܼܘ ܗܟܝܠ ܕܐܢܬܬܐ ܣܒܬܐ ܘܐܡܐ ܕܫܒܥܐ ܛܠܝ̈ܝܢ ܣܝܒܪܬ܂ ܟܕ ܚܿܙܝܐ ܫܢܕ̈ܐ ܕܒ̈ܢܝܗܿ ܕܥܕܡܐ ܠܡܘܬܐܼ܂ ܓܠܝܐ ܗܝ ܕܡܫܠܛ ܗܘ ܥܠ ܚ̈ܫܐ ܪܥܝܢܐ ܕܡܼܠܐ ܕܚܠܬ ܐܠܗܐ܀
16:02 [ai]ܚܘܝܬ ܗܟܝܠ ܕܠܐ ܗܘܐ ܒܠܚܘܕ ܓܒܪ̈ܐ ܙܟܘ ܠܚ̈ܫܐܼ܂ ܐܠܐ ܐܦ ܐܢܬܬܐ ܐܒܣܪܬ ܥܠ ܫ̈ܢܕܐ ܪ̈ܘܪܒܐ܃
16:03 [ai]ܘܠܐ ܗܟܢܐ ܐܪ̈ܝܘܬܗ ܕܕܢܝܐܝܠ ܒܥܪܝܪܝܢ ܗܘܘ܂ ܘܠܐ ܐܬܘܢܗ ܕܡܝܫܐܝܠ ܥܙܝܙ ܗܘܐܿ܂ ܟܕ ܡܫܬܠܗܒ ܗܘܐ ܒܢܘܪܐ ܬܟܝܒܬܐ ܐܝܟ ܕܡܘܩܕ ܗܘܐ ܠܗܿܝ ܟܝܢܐ ܕܪܚܡܬܐ ܕܒ̈ܢܝܐ܂ ܟܕ ܚܿܙܝܐ ܗܘܬ ܕܗܟܢܐ ܡܫܚܠܦܐܝܬ ܫܒܥܐ ܒܢ̈ܝܗܿ ܡܬܩܛܠܝܢ ܗܘܘ܃
16:04 [ai]ܐܠܐ ܒܪܥܝܢܐ ܕܕܚܠܬ ܐܠܗܐ ܕܥܟܬ ܐܡܐ ܗܠܝܢ ܘܕܐܝܟ ܗܠܝܢ ܚ̈ܫܐ܃
16:05 [ai]ܐܬܪܥܘ ܓܝܪ ܐܦ ܗܕܐ܂ ܕܐܠܘ ܐܢܬܬܐ ܗܘܬ ܕܫܦܠܐ܂ ܗܘܬ ܒܢܦܫܗܼ܂ ܝܿܬܝܪܐܝܬ ܕܐܦ ܐܡܐ ܐܝܬܝܗܿ ܗܘܬ܂ ܡܬܐܒܠܐ ܗܘܬ ܥܠܝܗܘܢ܂ ܘܕܡܿܝܐ ܕܗܠܝܢ ܐܡܪܐ ܗܘܬ܃
16:06 [ai]ܐܘ ܚܠܫܬܐ ܐܢܐ܂ ܘܕܣܓܝ ܕܘܝܐ ܫܒܥܐ ܒ̈ܢܝܢ ܝܿܠܕܬ܂ ܘܕܚܕ ܡܢܗܘܢ ܐܡܐ ܠܐ ܗܘܝܿܬ܃
16:07 [ai]ܐܘ ܒ̈ܛܢܐ ܫܒܥܐ ܕܗܘܘ ܣܪ̈ܝܩܐ܂ ܘܡܘܠܕܐ ܕܝܪ̈ܚܐ ܥܣܪܐ ܥܣܪܐ ܕܕܠܐ ܝܘܬܪܢ ܘܕܠܐ ܦܐܪ̈ܝܢ ܗܘܘ܂ ܘܬܪܒܝܬܐ ܕܟܝܬܐ ܕܚܼܠܒܐ܃
16:08 [ai]ܣܪܝܩܐܝܬ ܥܠܝܟܘܢ ܐܘ ܛ̈ܠܝܐ ܚܒ̈ܠܐ ܣܓ̈ܝܐܐ ܣܿܒܠܬ܂ ܘܨܦܬܐ ܩܫܝܬܐ ܕܬܪܒܝܬܟܘܢ
16:09 [ai]ܕܡܢܟܘܢ ܠܐ ܐܙܕܘܓܘ܂ ܕܐܙܕܘܓܘ ܕܝܢ ܕܠܐ ܝܘܬܪܢ܂ ܠܐ ܚܿܙܝܐ ܐܢܐ ܒܢܝܟܘܢ܂ ܘܠܐ ܟܕ ܡܬܩܪܝܐ ܐܢܐ ܐܡܐ ܕܒ̈ܢܝܐ ܝܗܿܒܝܢ ܠܝ ܛܘܼܒܐ܃
16:10 [ai]ܐܘ ܣܓܝܐܬ ܒܢ̈ܝܐ ܘܫܦܝܪܬ ܒ̈ܢܝܐ܂ ܐܠܐ ܐܢܬܬܐ ܐܪܡܠܬܐ܂ ܕܝܠܝ ܒܠܚܘܕܝ ܣܓܝܘ ܐܒ̈ܠܝ܃
16:11 [ai]ܘܐܦ ܠܐ ܐܢ ܐܡܘܬ ܐܝܬ ܠܝ ܕܚܕ ܡܢ ܒܢ̈ܝ ܢܩܒܪܘܢܢܝ܂ ܐܠܐ ܒܗܠܝܢ ܐܘ̈ܠܝܬܐܼ ܘܠܐ ܠܚܕ ܡܢܗܘܢ ܐܠܬ܃ ܐܡܐ ܛܘܒܬܢܝܬܐ ܘܕܚܠܬ ܡܢ ܐܠܗܐ܃
16:12 [ai]ܘܠܐ ܕܕܠܐ ܢܡܘܬܘܢ ܡܥܘܟܐ ܗܘܬ ܠܗܘܢ܂ ܘܠܐ ܟܕ ܡܝܬܝܢ ܐܬܬܥܝܩܬ܃
16:13 [ai]ܐܠܐ ܐܝܟ ܗܿܘ ܪܥܝܢܐ ܕܐܕܡܘܣ ܐܝܬ ܗܘܐ ܠܗܿ܂ ܘܠܠܐ ܡܝܘܬܘܬܐ ܡܢܕܪܝܫ ܠܡܢܝܢܐ ܕܒ̈ܢܝܗܿ ܡܚܒܠܐ ܗܘܬ ܠܡܐܠܕ܂ ܝܬܝܪܐܝܬ ܥܠ ܡܘܬܐ ܕܥܠ ܐ̈ܦܝ ܫܪܪܐ ܡܚܦܛܐ ܗܘܬ ܠܗܘܢܿ܂ ܟܕ ܒܥܝܐ ܡܢܗܘܢ ܘܡܬܟܫܦܐ܃
16:14 [ai]ܐܘ ܐܡܐ ܕܡܛܠ ܫܪܪܐ ܒܣܝܒܘܬܐ ܐܦܠܚܬ܂ ܘܐܢܬܬܐ ܣܒܬܐ ܕܒܝܕ ܚܘܡܣܢܟܝ ܠܛܪܘܢܐ ܙܟܼܝܬܝ ܘܒܿܥ̈ܒܕܐ ܘܒܡ̈ܠܐ ܐܫܬܟܚܬܝ ܕܡܢ ܓܒܪ̈ܐ ܚܝܠܬܢܝܐ ܐܢܬܝ܃
16:15 [ai]ܐܦ ܓܝܪ ܟܕ ܐܬܬܚܕܬܝ ܥܡ ܒܢܝܟܝܼ܂ ܩܝܡܐ ܗܼܘܝܬܝ ܘܡܬܒܩܝܐ ܗܼܘܝܬܝ ܒܐܠܝܥܙܪ ܟܕ ܡܫܬܢܕܝܢ ܒܗ܂ ܘܐܡܿܪܐ ܗܼܘܝܬܝ ܠܒܢܝܟܝ ܒܠܫܢܐ ܥܒܪܝܐ܃
16:16 [ai]ܐܘ ܒ̈ܢܝܐܼ܂ ܓܢܒܪ ܗܘ ܐܓܘܢܐ ܕܠܗ ܡܛܠ ܣܗܕܘܬܐ ܕܥܡܢ ܐܬܩܪܝܢ ܕܒܪܥܝܢܐ ܚܦܝܛܐ ܢܬܟܬܫ܂ ܘܚܠܦ ܢܡܘܣܐ ܕܐܒܗ̈ܝܢ܃
16:17 [ai]ܐܦ ܓܝܪ ܕܚܣܕܐ ܗܝ ܕܣܒܐ ܗܢܐ ܢܣܝܒܪ ܚܫ̈ܐ ܕܡܛܠ ܕܚܠܬ ܐܠܗܐ܂ ܘܐܢܬܘܢ ܕܥܠܝܡܝܢ ܐܢܬܘܢ ܬܟܘܙܘܢ ܡܢ ܫܪܪܐ܃
16:18 [ai]ܐܬܕܟܪܘ ܕܡܛܠ ܐܠܗܐ ܐܬܝܬܘܢ ܠܒܪܝܬܐ܂ ܘܗܘܝܬܘܢ ܒܚ̈ܝܐ ܗܠܝܢ܃
16:19 [ai]ܘܥܠ ܗܕܐ ܚܝܿܒܝܢ ܐܢܬܘܢ ܕܟܠ ܥܡ̈ܠܝܢ ܬܣܝܒܪܘܢ ܡܛܠ ܐܠܗܐ܃
16:20 [ai]ܕܡܛܠܬܗ ܐܦ ܐܒܪܗܡ ܐܒܘܢ ܐܣܬܪܗܒ܂ ܕܠܐܒܐ ܕܥܡܢ ܐܝܣܚܩ ܒܪܗ ܢܟܘܣ܂ ܗܼܘ ܓܝܪ ܐܝܣܚܩ ܟܕ ܚܼܙܐ ܗܘܐ ܠܐܝܕܐ ܕܐܒܘܗܝ܃ ܕܐܚܝܕܐ ܣܿܟܝܢܐ ܘܢܚܿܬܐ ܥܠܘܗܝܼ܂ ܠܐ ܙܥ܃
16:21 [ai]ܘܕܢܝܐܝܠ ܙܕܝܩܐ ܠܐܪ̈ܝܘܬܐ ܢܦܼܠ܂ ܘܚܢܢܝܐ ܘܥܙܪܝܐ ܘܡܝܫܐܝܠ ܒܓܘ ܐܬܘܢܐ ܐܝܟ ܕܒܩܠܥܐ ܐܫܬܕܝܘ܂ ܘܣܝܒܪܘ ܡܛܠ ܐܠܗܐ܃
16:22 [ai]ܐܢܬܘܢ ܗܟܝܠ ܕܗܝ ܟܕ ܗܼܝ ܗܝܡܢܘܬܐ ܕܗܠܝܢ ܠܘܬ ܐܠܗܐ ܐܝܬ ܠܟܘܢ ܠܐ ܬܬܪܥܡܘܢ܃
16:23 [ai]ܣܟܠܐ ܗܝ ܓܝܪ ܕܟܕ ܝܕܿܥܝܢ ܐܢܬܘܢ ܕܚܠܬ ܐܠܗܐ ܡܢܐ ܗܝܼ܂ ܠܐ ܬܥܙܘܢ ܩܕܡ ܫܢܕ̈ܐ܃
16:24 [ai]ܒܝܕ ܗܠܝܢ ܡ̈ܠܐ ܐܡܗܘܢ ܕܫܒܥܐ܂ ܡܢ ܟܠ ܚܕ ܚܕ ܡܢ ܒ̈ܢܝܗܿ ܡܬܟܫܦܐ ܗܘܬ ܕܢܡܘܬܘܢ܂ ܐܘ ܕܢܥܒܪܘܢ ܥܠ ܦܘܩܕܢܗ ܕܐܠܗܐ܃
16:25 [ai]ܘܿܠܐ ܠܟܘܢ ܕܝܢ ܠܡܕܥ܂ ܕܕܡܝܬܘ ܡܛܠ ܐܠܗܐܼ܂ ܚܐܝܢ ܐܢܘܢ ܠܐܠܗܐ܂ ܐܝܟ ܡܐ ܕܐܦ ܐܒܪܗܡ ܘܐܝܣܚܩ ܘܝܥܩܘܒ ܘܟܠܗܘܢ ܐܒܗ̈ܬܐ܃

next chapter