← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62081: P 4Mac

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


17:01 [ai]ܐܡܿܪܝܢ ܗܘܘ ܕܝܢ ܐܦ ܐܢ̈ܫܝܢ ܡܢ ܦܠܼܚ̈ܐ܂ ܕܟܕ ܥܬܝܕܐ ܗܘܬ ܕܬܬܐܚܕ ܐܦ ܗܼܝ ܠܡܘܬܐ܂ ܕܕܠܐ ܐܢܫ ܢܩܪܘܒ ܠܓܘܫܡܗܿ܂ ܗܼܝ ܡܢ ܨܒܝܢܗܿ ܢܦܫܗܿ ܥܠ ܢܘܪܐ ܫܕܬ܃
17:02 [ai]ܐܘ ܐܡܐ ܕܥܡ ܒܢܝܟܝ ܫܒܥܐ ܩܛܝܪܗ ܕܛܪܘܢܐ ܣܚܦܬܝ ܘܨܢ̈ܥܬܗ ܒܛܠܬܝ܂ ܘܚܠܝܨܘܬܐ ܕܗܝܡܢܘܬܟܝ ܚܘܝܬܝ܃
17:03 [ai]ܐܟܙܢܐ ܓܝܪ ܕܬܛܠܝܠܐ ܐܝܬܝܟܝ ܗܼܘܝܬܝ܂ ܘܥܠ ܒܢܝܟܝ ܐܝܟ ܕܥܠ ܥܡ̈ܘܕܐ ܡܫܪܪܐܝܬ ܣܡܝܟܐ ܗܼܘܝܬܝ܂ ܘܕܠܐ ܢܘ‍{‍ܪ‍}‍‍<‍ܕ‍>‍ܐ ܣܝܒܪܬܝ ܙܘܥܐ ܕܒܝܕ ܫ̈ܢܕܐ܃
17:04 [ai]ܐܬܬܟܠ ܗܟܝܠ ܡܟܝܠ ܐܘ ܐܡܐ ܙܗܝܬܐ܂ ܕܣܒܪܐ ܕܚܘܡܣܢܟܝ ܐܫܬܪܪ ܠܟܝ ܠܘܬ ܐܠܗܐ܃
17:05 [ai]ܠܐ ܗܟܢܐ ܣܗܪܐ ܒܫܡܝܐ ܗܕܝܪܿ܂ ܐܝܟ ܡܐ ܕܐܢܬ ܝܩܝܪܬܝ ܩܕܡ ܐܠܗܐ ܕܠܫܒܥܐ ܒ̈ܢܝܐ ܢܨܝ̈ܚܐܼ܂ ܐܚܼܕܬ ܒܐܝܕܝܗܘܢ܂ ܘܢܗܪܬ ܐܢܘܢ ܕܢܐܬܘܢ ܠܘܬ ܫܪܪܐ܂ ܘܐܝܬܝܟܝ ܒܫܡܝܐ ܥܡܗܘܢ܃
17:06 [ai]ܐܝܬܘܗܝ ܗܘܐ ܓܝܪ ܝܠܕܐ ܕܒܢܝܟܝ ܡܢ ܐܒܘܢ ܐܒܪܗܡ܃
17:07 [ai]ܘܐܠܘ ܦܫܝܩ ܗܘܐ ܠܢ ܕܥܠ ܡܕܡ ܬܫܥܝܬܐ ܕܪܚܡܬ ܫܪܪܟܝ ܠܡܨܪ܃ ܐܣܬܪܕܘ ܚܙ̈ܝܐ ܕܚܿܙܝܢ ܗܘܘ܂ ܕܐܡܐ ܕܫܒܥܐ ܒ̈ܢܝܢ ܡܛܠ ܫܪܪܐ ܫܢ̈ܕܐ ܡܫܚ̈ܠܦܐ ܣܿܒܿܠܐ܃
17:08 [ai]ܐܦ ܓܝܪ ܙܕܿܩ ܗܘܐ ܕܒܩܘܠܣܐ ܕܡܘܬܟܝܿ܂ ܠܡܟܬܒ ܗܠܝܢ ܥܠ ܩܒܪܟܝ܂ ܕܗ̈ܘܝ ܡܡ̈ܠܠܢ ܘܡ̈ܥܗܕܢ ܠܥܡܐܿ܃
17:09 [ai]ܕܬܢܢ ܟܗܢܐ ܣܿܒܐ ܘܐܢܬܬܐ ܣܒܬܐ ܘܫܒܥܐ ܒܢܝܗܿ ܫܦܝܪ ܡܥܦܝܢ܂ ܡܛܠ ܛܪܘܢܐ ܕܨܿܒܐ ܗܘܐ ܠܡܣܬܪ ܛܘܟ̈ܣܐ ܕܢܡܘܣܐ ܘܕܘܒܪ̈ܐ ܕܥܒܪ̈ܝܐ܃
17:10 [ai]ܗܿܢܘܢ ܬܒܥܘ ܨܥܪܗ ܕܢܡܘܣܐ ܘܕܥܡܐ ܕܚܿܪܘ ܒܐܠܗܐ܂ ܘܥܕܡܐ ܠܡܘܬܐ ܫܢ̈ܕܐ ܣܝܿܒܪܘ܃
17:11 [ai]ܫܪܝܪܐܝܬ ܓܝܪ ܐܓܘܢܐ ܕܒܐܝ̈ܕܝܗܘܢ ܗܼܘܐܼ܂ ܐܓܘܢܐ ܗܘܐ ܕܡܛܠ ܐܠܗܐ܃
17:12 [ai]ܡܝܬܪܘܬܐ ܓܝܪ ܣܿܡܬܗ ܗܘܐ ܠܐܓܘܢܐ ܗܿܝܕܝܟ܂ ܟܕ ܒܝܕ ܡܣܝܒܪܢܘܬܐ ܒܚܿܪܐ ܗܘܬ ܠܗܿ ܠܙܟܘܬܐ܂ ܘܝܗܿܒܐ ܗܘܬ ܠܐ ܡܬܚܒܠܢܘܬܐ ܒܚ̈ܝܐ ܕܠܐ ܡܝܬܝܢ܃
17:13 [ai]ܐܠܝܥܙܪ ܕܝܢ ܠܘܩܕܡ ܠܐܓܘܢܐ ܢܚܼܬ ܗܘܐ܂ ܘܫܒܥܐ ܛ̈ܠܝܝܢ ܘܐܡܗܘܢ܂ ܒܬܪ ܟܢ ܡܬܟܬܫܝܢ ܗܘܘ܃
17:14 [ai]ܘܛܪܘܢܐ ܒܥܠܕܪܐ ܐܝܬܘܗܝ ܗܘܐ܂ ܘܥܠܡܐ ܕܝܢ ܐܝܬܘܗܝ ܗܘܐ ܚܙܝܐ܃
17:15 [ai]ܕܚܠܬ ܐܠܗܐ ܕܝܢ ܙܟܿܝܐ ܗܘܬ܂ ܟܕ ܡܟܠܠܐ ܠܐܬ̈ܠܝܛܝܗܿ܃
17:16 [ai]ܡܼܢܘ ܗܿܘ ܕܠܐ ܬܗܼܪ ܒܐ̈ܬܠܝܛܐ ܕܡܝܬܪܘܬܐ ܐܠܗܝܬܐ܂ ܐܘ ܡܢܘ ܕܠܐ ܐܬܕܡܪ܃
17:17 [ai]ܗܼܘ ܛܪܘܢܐ ܩܢܘܡܗ ܘܟܘܠܗܘܢ ܒܢ̈ܝ ܡܠܟܗ ܬܗܪܘ ܗܘܘ ܒܡܚܡܣܢܢܘܬܗܘܢ܃
17:18 [ai]ܕܡܛܠܬܗ ܥܠ ܓܒ ܟܘܪܣܝܐ ܐܠܗܝܐ ܩܝܿܡܝܢ܂ ܘܒܐܬܪܐ ܕܡܠܼܐ ܢܝ̈ܚܐ ܘܛܘ̈ܒܐ ܡܕܝܪܝܢ܃
17:19 [ai]ܐܦ ܓܝܪ ܡܘܫܐ ܐܡܼܪ܂ ܕܟܠܗܘܢ ܩܕܝ̈ܫܐ ܬܚܝܬ ܐܝ̈ܕܝܗܘܢ ܐܝܬܝܗܘܢ܃
17:20 [ai]ܘܗܿܢܘܢ ܗܟܝܠ ܐܬܩܕܫܘ ܘܡܛܠ ܐܠܗܐ ܐܬܝܿܩܪܘ܂ ܘܠܐ ܗܘܐ ܒܠܚܘܕ ܒܗܢܐ ܐܝܩܪܐ܂ ܐܠܐ ܐܦ ܕܡܛܠܬܗܘܢ ܥܡܢ ܠܒܥ̈ܠܕܒܒܘܗܝ ܙܟܼܐ܃
17:21 [ai]ܘܛܪܘܢܐ ܡܣܡ ܒܪܫܐ ܩܿܒܠ܂ ܘܐܬܪܢ ܐܬܕܟܝ܃
17:22 [ai]ܐܝܟ ܗܿܘ ܓܝܪ ܕܕܡܗܘܢ ܕܛܘܒ̈ܢܐ ܗܠܝܢ ܚܠܦ ܚܛܗ̈ܘܗܝ ܕܥܡܐ ܐܬܐܫܕ܂ ܘܡܘܬܗܘܢ ܐܝܬܘܗܝ ܗܘܐ ܬܪܥܘܬܐ܂ ܒܛܝܠܘܬܐ ܕܐܠܗܐ ܠܐܝܣܪܐܝܠ ܕܡܡܚܝ ܗܘܐ ܦܪܩܬ܃
17:23 [ai]ܛܪܘܢܐ ܓܝܪ ܐܢܛܝܟܘܣ ܕܚܕ ܒܓܢܒܪܘܬܐ ܕܡܝܬܪܘܬܗܘܢ ܘܒܡܚܡܣܢܢܘܬܗܘܢ ܕܒܐ̈ܘܠܨܢܐ ܐܟܪܙ ܠܦܠܚ̈ܘܗܝ ܕܒܡܣܝܒܪܘܬܐ ܕܗܠܝܢ ܢܗܘܘܢ ܡܬܕܡܝܢ܂ ܘܓܪܓ ܐܢܘܢ ܕܡܢ ܕܡܘܬܐ ܗܕܐ܃
17:24 [ai]ܕܢܗܘܘܢ ܢܚܫܝܪ̈ܬܢܐ ܘܠܒܝ̈ܒܐ ܒܪܓܠܘܬܐ ܘܒܦܪܫܘܬܐ ܕܗܘܘ ܚܿܣܢܝܢ ܠܡ̈ܕܝܢܬܐ ܒܚܒ̈ܫܐ܂ ܘܒܕܓܘܢ ܙܟܼܐ ܘܚܼܪܒ ܠܟܠܗܘܢ ܒܥܠܕܒ̈ܒܘܗܝ܃

next chapter