The Comprehensive Aramaic Lexicon

03:01 [ai]	ܘܡܠܟܐ ܕܪܝܘܫ ܥܒܕ ܩܘܒܠܐ ܪܒܐ ܠܟܠܗܘܢ ܕܬܚܘܬܘܗܝ ܘܠܟܠܗܘܢ ܝܠܝ̈ܕܝ ܒܝܬܐ ܕܝܠܗ ܘܠܟܠܗܘܢ ܪ̈ܘܪܒܢܐ ܕܡܕܝ ܘܕܦܪܣ
03:02 [ai]	ܘܠܟܠܗܘܢ ܣܛܪ̈ܦܐ ܘܐܣܛܪ̈ܛܝܓܐ ܘܛܘܦܪ̈ܟܘ ܗܢܘܢ ܕܬܚܘܬܘܗܝ ܡܢ ܗܢܕܝܐ ܥܕܡܐ ܠܟܘܫ ܒܡܐܐ ܘܥܣܪ̈ܝܢ ܘܫܒܥ ܣܛܪ̈ܦܘܬܐ
03:03 [ai]	ܘܐܟܠܘ ܘܐܫܬܝܘ ܘܟܕ ܣܒܥܘ ܗܦܟܘ ܗܘ ܕܝܢ ܕܪܝܘܫ ܡܠܟܐ ܗܦܟ ܠܩܝܛܘܢܐ ܘܕܡܟ ܘܕܐܬܬܥܝܪ ܗܘܐ
03:04 [ai]	ܗܝܕܝܢ ܬܠܬܐ ܝܿܢܣܩ̈ܐ ܗܢܘܢ ܢܛܪ̈ܝ ܦܓܪܐ ܗܠܝܢ ܕܢܛܪܝܢ ܠܦܓܪܐ ܕܡܠܟܐ ܐܡܪܘ ܐܚܪܢܐ ܠܘܬ ܐܚܪܢܐ
03:05 [ai]	ܢܐܡܪ ܟܠܚܕ ܡܢܢ ܚܕܐ ܡܠܬܐ ܗܝ ܕܝܬܝܪ ܚܝܠܬܢܝܐ ܘܗܘ ܕܝܢ ܕܬܬܚܙܐ ܡܠܬܐ ܕܝܠܗ ܕܝܬܝܪ ܚܟܝܡܐ ܡܢ ܕܚܒܪܗ ܢܬܠ ܠܗ ܕܪܝܘܫ ܡܠܟܐ ܡܘܗ̈ܒܬܐ ܪ̈ܘܪܒܬܐ ܘܕܙܟܘ̈ܬܐ ܪ̈ܘܪܒܬܐ
03:06 [ai]	ܘܐܪ̈ܓܘܢܐ ܠܡܬܥܛܦܘ ܘܒܕܗܒܐ ܢܫܬܐ ܘܥܠ ܕܗܒܐ ܢܕܡܟ ܘܡܪܟܒܬܐ ܕܪ‍{‍ܘܟ‍}‍‍<‍ܟܘ‍>‍ܒܗ ܕܕܗܒܐ ܘܩܝܕܪܝܢ ܒܘܨܝܬܐ ܘܙܝܪܐ ܥܠ ܩܕܠܐ
03:07 [ai]	ܘܬܪܝܢܐ ܢܬܒ ܕܕܪܝܘܫ ܡܛܠ ܚܟܡܬܐ ܕܝܠܗ ܘܒܪ ܓܢܣܐ ܕܕܪܝܘܫ ܢܬܩܪܐ
03:08 [ai]	ܘܗܝܕܝܢ ܟܕ ܟܬܒܘ ܟܠܚܕ ܠܡܠܬܐ ܕܝܠܗ ܚܬܡܘ ܘܣܡܘ ܠܬܚܬ ܡܢ ܐܣ̈ܕܐ ܕܕܪܝܘܫ ܡܠܟܐ ܘܐܡܪܘ
03:09 [ai]	ܕܡܐ ܕܐܬܬܥܝܪ ܡܠܟܐ ܢܬܠܘܢ ܠܗ ܠܟܬܒܐ ܘܗܘ ܡܢ ܕܐܢ ܢܕܘܢ ܡܠܟܐ ܘܬܠܬܐ ܪ̈ܘܪܒܢܐ ܕܦܪܣ ܕܡܠܬܐ ܕܝܠܗ ܝܬܝܪ ܚܟܝܡܐ ܠܗ ܬܬܝܗܒ ܙܟܘܬܐ ܐܝܟܢܐ ܕܟܬܝܒ
03:10 [ai]	ܚܕ ‍{‍ܚܕ‍}‍ ܗܟܝܠ ܟܬܒ‍{‍ܘ‍}‍ ܝܬܝܪ ܚܝܠܬܢ ܚܡܪܐ
03:11 [ai]	ܐܚܪܢܐ ܟܬܒ ܝܬܝܪ ܚܝܠܬܢ ܡܠܟܐ
03:12 [ai]	ܗܘ ܬܠܝܬܝܐ ܟܬܒ ܝܬܝܪ ܚܝܠܬܢܝܢ ܢܫ̈ܐ ܝܬܝܪ ܡܢ ܟܠܡܕܡ ܙܟܐ ܫܪܪܐ
03:13 [ai]	ܘܡܐ ܕܐܬܬܥܝܪ ܡܠܟܐ ܟܕ ܢܣܒܘܗܝ ܠܟܬܒܐ ܝܗܒܘܗܝ ܠܗ ܘܩܪܐ
03:14 [ai]	ܘܫܕܪ ܩܪܐ ܠܟܠܗܘܢ ܪ̈ܘܪܒܢܐ ܕܦܪܣ ܘܕܡܕܝ ܘܠܣܛܪ̈ܦܐ ܘܠܐܣܛܪ̈ܛܝܓܐ ܘܠܛܘܦܪ̈ܟܘ ܘܠܐܘܦ̈ܛܘ ܘܝܬܒܘ ܒܝܬ ܓܠܝܢܐ ܘܐܬܩܪܝ ܗܘ ܟܬܒܐ ܩܕܡܝܗܘܢ
03:15 [ai]	ܘܐܡܪܘ ܩܪܘ ܐܢܘܢ ܠܝܿܢܣܩ̈ܐ ܘܗܢܘܢ ܢܫܘܕܥܘܢ ܠܡ̈ܠܐ ܕܝܠܗܘܢ ܘܐܬܩܪܝܘ ܘܥܠܘ
03:16 [ai]	ܘܐܡܿܪܘ ܠܗܘܢ܂ ܐܘܕܥܘ ܠܢ ܡܛܠ ܗܠܝܢ ܕܟ̈ܬܝܒܢ܀ ܘܫܿܪܼܝ ܩܕܡܝܐ ܕܐܡܼܪ ܗܘܐ ܡܛܠ ܚܝܠܗ ܕܚܡܪܐ ܘܐܡܼܪ ܗܟܢܐ܂
03:17 [ai]	ܓܒܪ̈ܐ ܐܝܟܢܐ ܠܗ ܝܬܝܪ ܚܝܠܬܢ ܚܡܪܐ ܝܬܝܪ ܡܢ ܟܠܗܘܢ ܒ̈ܢܝܢܫܐ ܗܢܘܢ ܕܫܬܝܢ ܠܗ ܡܛܥܐ ܠܬܪܥܝܬܐ
03:18 [ai]	ܘܕܡܠܟܐ ܘܕܝܬܡܐ ܥܒܕ ܬܪܥܝܬܐ ܚܕܐ ܘܕܒܪ ܒܝܬܐ ܘܕܒܪ ܚܐܪ̈ܐ ܘܕܡܣܟܢܐ ܘܕܥܬܝܪܐ
03:19 [ai]	ܘܟܠ ܬܪܥܝܬܐ ܡܫܚܠܦ ܠܒܘܣܡܐ ܘܠܚܕܘܬܐ ܘܠܐ ܥܗܝܕ ܟܠ ܥܩܬܐ ܘܟܠ ܚܘܒܬܐ
03:20 [ai]	ܘܟܠܗܘܢ ܠܒܘ̈ܬܐ ܥܒܕ ܥܬܝܪ̈ܐ ܘܠܐ ܥܗܝܕ ܠܡܠܟܐ ܘܠܐ ܠܣܛܪܦܐ ܘܟܠܗܝܢ ܒܝܕ ܟܟܪ̈ܐ ܥܒܕ ܠܡܡܠܠܘ
03:21 [ai]	ܘܠܐ ܥܗܝܕ ܐܡܬܝ ܕܫܬܝܢ ܠܡܪܚܡ ܠܪ̈ܚܡܐ ܘܠܐܚ̈ܐ ܘܒܬܪ ܠܗ ܣܓܝ ܫܡܛܝܢ ܣܝ̈ܦܐ
03:22 [ai]	ܘܐܡܬܝ ܕܡܢ ܚܡܪܐ ܢܩܘܡܘܢ ܠܐ ܥܗܝܕܝܢ ܗܠܝܢ ܕܣܥܪܘ
03:23 [ai]	ܐܘ ܓܒܪ̈ܐ ܠܘ ܝܬܝܪ ܚܝܠܬܢ ܚܡܪܐ ܕܗܟܢܐ ܐܿܠܨ ܠܡܥܒܕ ܘܫܬܩ ܟܕ ܗܟܢܐ ܐܡܪ

next chapter