The Comprehensive Aramaic Lexicon

09:01 [ai]	ܘܟܕ ܩܡ ܥܙܪܐ ܡܢ ܕܪܬܐ ܕܗܝܟܠܐ܂ ܐܙܠ ܠܒܝܬ ܓܙܐ ܕܝܘܢܬܢ ܒܪܗ ܕܐܠܝܫܒ
09:02 [ai]	ܘܒܬ ܬܡܢ܂ ܟܕ ܠܚܡܐ ܠܐ ܛܥܼܡܼ܂ ܘܠܐ ܡܝ̈ܐ ܐܫܬܝ܂ ܟܕ ܐܒܝܠ ܚܠܦ ܠܐ ܢܡܘܣ̈ܝܘܬܐ ܗܠܝܢ ܪ̈ܘܪܒܬܐ ܕܣܘܓܐܐ܀
09:03 [ai]	ܘܗܘܼܬ ܟܪܘܙܘܬܐ ܒܟܠܗܿ ܝܗܘܕ ܘܒܐܘܪܝܫܠܝܡ ܠܟܠܗܘܢ ܗܿܢܘܢ ܕܡܢ ܫܒܝܼܬܐ ܕܢܥܠܘܢ ܠܐܘܪܝܫܠܡ܂
09:04 [ai]	ܘܟܠܗܘܢ ܗܿܢܘܢ ܕܐܢ ܠܐ ܢܦܓܥܘܢ ܒܗܠܝܢ ܬܪ̈ܝܢ ܐܘ ܬܠܬܐ ܝܘ̈ܡܬܐ ܐܝܟ ܕܝܼܢܐ ܕܩܫܝ̈ܫܐ ܘܪ̈ܝܫܝ ܡܘܬܒܐ ܢܬܟܿܗܢܘܢ ܒܥܝܪ̈ܐ ܕܝܠܗܘܢ܂ ܘܗܼܘ ܢܬܢܿܟܪܐ ܡܢ ܣܘܓܗܿ ܕܫܒܝܼܬܐ܂
09:05 [ai]	ܘܐܬܟܢܫܘ ܟܠܗܘܢ ܗܿܢܘܢ ܕܡܢ ܫܪܒܬܐ ܕܝܗܘܕܐ ܘܕܒܢܝܡܝܢ܂ ܒܬܠܬܐ ܝܘ̈ܡܬܐ ܠܐܘܪܝܫܠܝܡ܂ ܗܢܐ ܗܘ ܝܪܚܐ ܬܫܝܥܝܐܼ܂ ܒܥܣܪܝܢ ܒܝܪܚܐ܂
09:06 [ai]	ܘܝܬܒܼܘ ܐܟܚܕܐ ܟܠܗ ܣܘܓܐܐܼ܂ ܒܪ̈ܘܚܬܐ/ܒܐܘܪ̈ܚܬܐ/ ܕܗܝܟܠܐ܂ ܟܕ ܪܥܠܝܢ܂ ܗܘܘ ܡܛܠ ܕܣܬܘܐ ܩܿܐܡ ܗܘܐ ܀
09:07 [ai]	ܘܟܕ ܩܡ ܥܙܪܐܼ܂ ܐܡܼܪ ܠܗܘܢ܂ ܐܢܬܘܢ ܐܥܼܘܠܬܘܢ ܘܐܥܡܪܬܘܢ ܥܡܟܘܢ ܢܫ̈ܐ ܐܚܪ̈ܢܝܬ ܓܢܣܐ܂ ܠܡܘܣܦܘ ܚܛܗ̈ܐ ܕܐܝܣܪܐܝܠ܂
09:08 [ai]	ܐܦܢ ܗܫܐܼ܂ ܗܒܘ ܬܘܕܝܬܐ ܘܬܫܒܘܚܬܐ ܠܡܪܝܐ ܐܠܗܐ ܕܐܒ̈ܗܐ ܕܝܠܢ܂
09:09 [ai]	ܘܥܒܸܕܘ ܨܒܝܢܐ ܕܝܠܗ܂ ܘܐܬܦܪܫܘ ܡܢ ܥܡ̈ܡܐ ܕܐܪܥܐ܂ ܘܡܢ ܢܫ̈ܐ ܗܠܝܢ ܐܚܪ̈ܢܝܬ ܓܢܣܐ ܀
09:10 [ai]	ܘܐܙܥܩܘ ܗܘܘ ܣܘܓܐܐ ܘܐܡܼܪܘ ܒܩܠܐ ܪܡܐ܂ ܗܟܢܐ ܐܝܟ ܕܐܡܼܪܬ ܢܥܼܒܕ܂
09:11 [ai]	ܐܠܐ ܗܼܘ ܣܘܓܐܐ ܣܿܓܝ܂ ܘܫܿܥܬܐ ܣܬܘܝܬܐ ܗܝ܂ ܘܠܐ ܡܨܼܝܢܢ ܠܡܩܡ ܬܚܝܬ ܐܬܝܪ܂ ܘܥܿܒܕܐ ܠܐ ܐܝܬܘܗܝ ܠܢ ܝܘܡܐ ܚܕ ܘܠܐ ܬܪ̈ܝܢ܂ ܣܘܓܐܐ ܓܝܪ ܚܛܝܢܢ ܒܗܠܝܢ܂
09:12 [ai]	ܢܩܘܡܘܢ ܗܟܝܠ ܪ̈ܝܫܢܐ ܩܕܡܝ̈ܐ ܕܣܘܓܐܐ܂ ܘܟܠܗܘܢ ܗܿܢܘܢ ܕܡܢ ܒܝܬ ܡܥܡܪܐ ܕܝܠܢ܂ ܗܢܘܢ ܕܐܝܬ ܠܢ ܢܫ̈ܐ ܐܚܪ̈ܢܝܬ ܓܢܣܐ ܢܐܬܘܢ܂ ܟܕ ܢܣܿܒܝܢ ܙܒܼܿܢܐ
09:13 [ai]	ܘܡܢ ܟܠ ܕܘܟܬܐ܂ ܩܫܝ̈ܫܐ ܘܕܝ̈ܢܐ܂ ܥܕܡܐ ܕܢܫܼܪܐ ܠܪܘܓܙܐ ܕܡܪܝܐ ܕܣܘܥܪܢܐ ܗܢܐ ܀
09:14 [ai]	ܝܘܢܬܢ ܕܝܢ ܗܿܘ ܕܚܙܐܝܠ ܘܚܙܝܐ ܗܿܘ ܕܬܘܩܢܐ܂ ܩܿܒܼܠܘ ܕܐܝܟ ܗܠܝܢ܂ ܘܡܘܫܐ ܘܝܢܐܒ܂ ܘܠܘܝ ܘܫܒܛܝܐ ܐܡܨܥܘ ܒܝܢܬܗܘܢ
09:15 [ai]	ܘܥܒܼܕܘ ܐܝܟ ܟܠܗܝܢ ܗܠܝܢ܂ ܗܢܘܢ ܕܡܢ ܫܒܝܼܬܐ ܀
09:16 [ai]	ܘܓܒܼܐ ܠܗ ܥܙܪܐ ܗܿܘ ܟܗܢܐ܂ ܓܒܪ̈ܐ ܪ̈ܝܫܢܐ ܕܫܪ̈ܒܬܐ ܕܝܠܗܘܢ܂ ܟܠܗܘܢ ܒܫܡܐ܂ ܘܝܬܒܼܘ ܐܿܟܚܕܐ ܒܢܘܡܢܝܐ ܕܝܪܚܐ ܕܥܣܪܐ܂ ܠܡܩܡܘ ܣܘܥܪܢܐ܂
09:17 [ai]	ܘܐ̈ܬܼܝ ܠܐ̈ܦܝ ܫܘ̈ܠܡܐ܂ ܗܠܝܢ ܕܝܠܗܘܢ܂ ܓܒܪ̈ܐ ܗܿܢܘܢ ܕܐܚܝܕܝܢ ܗܘܘ ܢܫ̈ܐ ܐܚܪ̈ܢܝܬ ܓܢܣܐ܂ ܥܕܡܐ ܠܢܘܡܢܝܐ ܕܝܪܚܐ ܩܕܡܝܐ܂
09:18 [ai]	ܘܐܫܬܟܚܘ ܡܢ ܟܗ̈ܢܐ ܗܿܢܘܢ ܕܐܬܟܢܫܘ ܕܢܫ̈ܐ ܐܚܪ̈ܢܝܬ ܓܢܣܐ ܐܝܬ ܠܗܘܢ܂
09:19 [ai]	ܡܢ ܒ̈ܢܝܐ ܕܝܫܘܥ ܗܘ ܕܝܘܙܕܩ ܘܡܢ ܐܚ̈ܐ ܕܝܠܗ ܡܬܝܐ ܘܐܠܝܥܙܪ ܘܝܘܪܝܒܐ܂ ܘܝܘܢܕܒ܂
09:20 [ai]	ܘܐܪܡܝܘ ܐ‍[‍ܝܕ‍]‍ܐ ܠܡܿܦܩܘ ܠܢܫ̈ ܕܝܠܗܘܢ ܀ ܘܠܚܘܣܝܐ ܕܟܪ̈ܐ܂ ܚܠܦ ܠܐ ܝܕܥܬܐ ܕܝܠܗܘܢ ܀
09:21 [ai]	ܘܡܢ ܒ̈ܢܝܐ ܕܐܡܪܝܐ ܚܢܢܝܐ ܘܙܟܪܝܐ ܘܡܐܢܝ ܘܫܡܥܝܐ ܘܡܢ ܒ̈ܢܝܐ ܕܐܘܡܢ ܡܥܣܝܐ ܘܡܥܢܐ ܘܫܡܥܝܐ ܘܢܪܝܐܝܠ ܘܥܙܪܝܐ ܀
09:22 [ai]	ܡܢ ܒ̈ܢܝܐ ܕܦܝܢܚܣ ܐܠܚܢܢ ܘܡܥܣܝܐ ܐܫܡܥܝܠ ܘܢܬܢܐܝܠ ܘܩܝܢܝܪܘܣ ܘܫܥܐܬܐ
09:23 [ai]	ܘܡܢ ܠܘ̈ܝܐ ܙܒܕܐ ܘܫܡܥܝ ܘܩܘܠܝܐ ܗܢܐ ܐܝܬܘܗܝ ܩܠܝܐܛܝܘܣ ܘܦܬܘܫ ܘܝܗܘܕܐ ܘܝܘܢܢ܂
09:24 [ai]	ܘܡܢ ܡܙܡܪ̈ܢܐ ܟܗ̈ܢܝܐ ܐܠܝܣܒ ܒܟܘܪܐ܂
09:25 [ai]	ܘܡܢ ܒ̈ܢܬܐ ܕܫܘܠܡ ܘܛܘܒܠܢ܂
09:26 [ai]	ܡܢ ܐܝܣܪܐܝܠ ܀ ܡܢ ܒ̈ܢܝܐ ܕܦܪܘܨ ܐܝܪܡܝܐ܂ ܝܕܥܝܐ ܘܡܠܟܝ܂ ܘܡܝܚܐܝܠ ܐܠܝܥܙܪ ܘܚܫܒܠܝܐ܂ ܘܒܢܝܐ ܀
09:27 [ai]	ܡܢ ܒ̈ܢܝܐ ܕܐܘܠܥ ܘܕܡܬܢܝܐ ܘܕܙܟܪܝܐ ܥܙܘܪܐܝܠ ܘܫܐܘܥܕܝܐ ܘܝܪܝܡܘܬ ܘܝܕܥܝܐ ܀
09:28 [ai]	ܘܡܢ ܒ̈ܢܝܐ ܕܬܬܘܡ܂ ܐܠܝܕܥ ܐܠܝܫܡܥ ܥܘܬܢܝܐ ܛܪܝܡܘܣ ܘܫܒܛܝܐ ܘܙܪܕܝܐ܂܀
09:29 [ai]	ܘܡܢ ܒ̈ܢܝܐ ܕܒܝܒܠ ܝܘܚܢܢ ܘܚܢܢܝܐ ܘܙܟܪܝܐ ܘܚܡܬܝܐ܂
09:30 [ai]	ܘܡܢ ܒܢܝܡܝܢ܂ ܘܠܡ܂ ܡܠܘܟܘܣ܂ ܝܕܥܝܐ܂ ܝܫܘܒ܂ ܘܐܓܝܠܘܫ܂ ܘܝܪܝܡܘܬ܂
09:31 [ai]	ܘܡܢ ܒ̈ܢܝܐ ܕܥܕܝ ܢܚܬܘܫ ܒܣܐܘܣ ܐܝܣܡܘ ܘܣܝܣܐܝܠ ܘܒܥܢܐ ܘܡܢܫܐ܂܀
09:32 [ai]	ܘܡܢ ܒ̈ܢܝܐ ܕܚܢܢ ܐܠܝܘܥܐ ܘܐܘܫܝܐ ܘܡܠܟܝ ܘܫܒܐܐ ܘܣܝܡܘܢܝܟܘܢܘܣ ܚܡܝܐ ܀
09:33 [ai]	ܘܡܢ ܒ̈ܢܝܐ ܕܢܚܫܘܡ ܡܛܬܢܝܐ ܘܡܛܬܢܐ ܘܒܢܝܐ ܘܐܠܝܦܠܛ ܘܡܢܫܐ ܘܫܘܡܥܝ܂܀
09:34 [ai]	ܘܡܢ ܒ̈ܢܝܐ ܕܒܥܢܝ ܐܝܪܝܡܝܐ ܘܡܘܥܕܫ ܐܝܫܡܥܐܝܠ ܒܪܗ ܕܐܠܡܕܐ ܘܦܝܫܝܐ ܘܚܙܘ ܘܐܒܝܨܗܝܘܢ ܘܐܠܝܬܫܘܥ ܘܐܡܛܝܠܝܡܘܣ ܐܠܝܫܡܝܫ ܫܠܡܝܐ ܢܬܢܝܐ܂ ܘܡܢ ܒܢܝܐ ܕܙܪܚ ܫܝܫܝ ܐܨܒܪܝܐ ܚܙܝܠ ܫܡܘܛ ܙܡܪܝ܂ ܝܘܣܦܿ܀
09:35 [ai]	ܡܢ ܒ̈ܢܝܐ ܕܢܘܥܡܐ ܡܪܛܝܐ܂ ܙܒܕܝܐ ܚܕܝܐ ܝܘܐܬܪ ܒܢܝܐ ܀
09:36 [ai]	ܟܠܗܘܢ ܗܠܝܢ ܐܥܼܡܪܘ ܥܡܗܘܢ ܢ̈ܫܐ ܐܚܪ̈ܢܝܬ ܓܢܣܐ܂ ܘܫܿܡܼܗܘ ܐܢܝ̈ܢ ܥܡ ܒܢܝܗ̈ܝܢ܂܀
09:37 [ai]	ܘܥܼܡܪܘ ܟܗ̈ܢܐ ܘܠܘ̈ܝܐ ܗܿܢܘܢ ܕܡܢ ܐܝܣܪܐܝܠ ܒܐܘܪܝܫܠܝܡ܂ ܒܢܘܡܢܝܐ ܕܝܪܚܐ ܫܒܝܥܝܐ܂ ܘܒ̈ܢܝܐ ܕܐܝܣܪܐܝܠ ܒܒܝܬ ܡܥܡܪܐ ܕܝܠܗܘܢ܂܀
09:38 [ai]	ܘܐܬܟܢܫܘ ܟܠܗ ܣܘܓܐܐ ܐܟܚܕܐ܂ ܥܠ ܐܪܘܚܬܐ ܗܿܝ ܕܠܘܬ ܡܕܢܚܐ ܕܣܦܐ ܟܗܢܝܐ܂
09:39 [ai]	ܘܐܡܼܪܘ ܠܥܙܪܐ ܪܝܫ ܟ̈ܗܢܐ ܘܩܿܪܘܝܐ܂ ܐܝܬܐ ܢܡܘܣܐ ܕܡܘܫܐܿ܂ ܗܿܘ ܕܐܬܝܗܒ ܡܢ ܡܪܝܐ ܐܠܗܐ ܕܐܝܣܪܐܝܠ܂܀
09:40 [ai]	ܘܐܝܬܝ ܥܙܪܐ ܪܝܫ ܟ̈ܗܢܐ ܠܢܡܘܣܐܼ܂ ܠܟܠܗ ܣܘܓܐܐ ܕܝܠܗܘܢ܂ ܡܢ ܒܪܢܫܐ ܥܕܡܐ ܠܐܢܬܬܐ܂ ܘܠܟܠܗܘܢ ܟܗ̈ܢܐܿ܂ ܠܡܫܡܥ ܠܢܡܘܣܐܼ܂ ܒܢܘܡܝܢܝܐ ܕܝܪܚܐ ܫܒܝܥܝܐ܂
09:41 [ai]	ܘܩܼܪܐ ܗܘܐ ܒܐܪܘܚܬܐ܂ ܘܩܕܡ ܬܪܥܐ ܟܗܢܝܐ܂ ܡܢ ܨܿܦܪܐ ܥܕܡܐ ܠܛܗܪܐ܂ ܩܕܡ ܓܒܪ̈ܐ ܘܢܫ̈ܐ܂ ܘܝܗܼܒܘ ܟܠܗ ܣܘܓܐܐ ܠܗܘܢܗܘܢ ܒܢܡܘܣܐ ܀
09:42 [ai]	ܘܩܼܡ ܥܙܪܐ ܗܿܘ ܟܗܢܐ ܘܩܪܘܝܐ ܕܢܡܘܣܐ ܥܠ ܒܐܝܡܐ ܕܩܝܣܐ ܗܿܝ ܕܐܬܼܥܬܕܬܿ܂
09:43 [ai]	ܘܩܡܘ ܥܡܗ܂ ܡܬܝܐ܂ ܫܡܘܥ܂ ܚܢܢܝܐ܂ ܥܙܪܝܐ܂ ܐܘܪܝܐ܂ ܚܙܩܝܐ܂ ܒܥܠܫܡܘܫ ܡܢ ܝܡܝܢܐ܂
09:44 [ai]	ܘܡܢ ܣܡܠܐ܂ ܦܥܠܕܢܐ܂ ܡܝܫܐܝܠ܂ ܡܠܟܝܐ܂ ܕܘܬܐ܂ ܬܣܘܒ܂ ܢܐܒܪܐܠܝ܂ ܙܟܪܝܐ܂
09:45 [ai]	ܘܟܕ ܢܣܼܒ ܥܙܪܐ ܠܟܬܒܐ ܕܢܡܘܣܐ ܩܕܡܘܗܝ ܕܣܘܓܐܐ ܝܬܝܼܒ ܗܘܐ ܓܝܪ ܒܪܝܫܐ ܡܫܒܚܐܝܬ܂ ܩܕܡ ܟܠܗܘܢ܂
09:46 [ai]	ܘܟܕ ܫܪܐ ܗܘܐ ܠܗ ܠܢܡܘܣܐܼ܂ ܟܠܗܘܢ ܬܪ̈ܝܨܐ ܩܡܘ ܀ ܘܒܲܪܟ ܥܙܪܐ ܠܡܪܝܐ ܡܪܝܡܐ ܐܚܝܕ ܟܠ܂
09:47 [ai]	ܘܐܙܥܩܘ ܟܠܗ ܥܡܐ ܐܡܝܢ ܐܡܝܢܿ ܘܟܕ ܐܪܝܡܘ ܠܥܠ ܐܝܕܝ̈ܐ ܢܦܼܠܘ ܥܠ ܐܪܥܐ܂ ܣܓܕܘ ܠܡܪܝܐ܂
09:48 [ai]	ܝܫܘܥ ܘܒܢܝܐ܂ ܘܫܪܒܝܐ܂ ܘܢܪܥܢܝܐ܂ ܥܣܒܝܐ܂ ܫܒܛܝܐ܂ ܚܘܕܝܐ܂ ܡܥܢܐ܂ ܘܩܠܝܛܐ܂ ܥܙܪܝܐ܂ ܓܘܙܒܕ܂ ܚܢܢܝܐ܂ ܦܐܬܘܫ܂ ܠܘ̈ܝܐ ܡܠܦܝܢ ܗܘܘ ܢܡܘܣܐ ܕܡܪܝܐ܂ ܘܠܘܬܗ ܕܣܘܓܐܐ ܩܪܝܢ ܗܘܘ ܠܢܡܘܣܗ ܕܡܪܝܐ ܟܕ ܡܬܢܦܚܝܢ ܗܘܘ ܐܟܚܕܐ ܘܠܩܪܝܢܐ
09:49 [ai]	ܘܐܡܼܪ ܐܦܪܐܛܝܣ ܠܥܙܪܐ ܗܿܘ ܪܝܫ ܟ̈ܗܢܐ ܘܩܿܪܘܝܐ܂ ܘܠܠܘ̈ܝܐ ܗܿܢܘܢ ܕܡ܂ܠܦܝܢ ܗܘܘ ܠܣܘܓܐܐ܂ ܥܠ ܟܠ܂
09:50 [ai]	ܝܘܡܐ ܗܢܐ ܩܕܝܫܐ ܐܝܬܘܗܝ ܠܡܪܝܐ܂ ܘܟܠܗܘܢ ܒܿܟܝܢ ܗܘܘ ܟܕ ܫܡܼܥܘ ܠܢܡܘܣܐ܂
09:51 [ai]	ܗܠܟܘ܂ ܐܟܘܠܘ ܫܘ̈ܡܢܐܼ܂ ܘܐܫܬܘ ܚ̈ܠܝܐ܂ ܘܫܿܕܪܘ ܫܘܕܪ̈ܐܼ܂ ܠܗܿܢܘܢ ܕܠܐ ܐܝܬ ܠܗܘܢ܂
09:52 [ai]	ܩܕܝܫܐ ܗܘ ܓܝܪ ܝܘܡܐ ܠܡܪܝܐ܂ ܘܠܐ ܬܬܥܝܩܘܢ܂ ܡܪܝܐ ܓܝܪ ܡܫܒܚ ܠܟܘܢ ܀
09:53 [ai]	ܘܠܘ̈ܝܐ ܦܩܕܝܢ ܗܘܘ ܠܟܠܗ ܟܢܫܐ ܟܕ ܐܡܿܪܝܼܢ܂ ܝܘܡܐ ܗܢܐ ܩܕܝܫܐ ܗܘܼ܂ ܠܐ ܬܬܥܝܩܘܢ܂
09:54 [ai]	ܘܐܿܙܠܝܢ ܗܘܘ ܟܠܗܘܢ ܠܡܐܟܠ ܘܠܡܫܬܐܼ ܘܠܡܬܒܣܡܘ܂ ܘܠܡܬܠ ܫܘܕܪ̈ܐ ܠܗܿܢܘܢ ܕܠܐ ܐܝܬ ܠܗܘܢ܂ ܘܠܡܚܕܐ ܪܘܪܒܐܝܬ܂
09:55 [ai]	ܡܛܠ ܓܝܪ ܕܐܬܢܦܚܘ ܗܘܘ ܒܡ̈ܠܐ ܗܠܝܢ ܕܝܠܦܘ ܗܘܘ ܘܐܬܟܢܼܫܘ܂