← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62087: PsS

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


04:00 [ai]ܙܡܝܼܪܬܐ ܕܐܪܒܥܝܢ ܘܫܒܥ
04:01 [ai]ܠܡܢܐ ܐܢܬ ܪܫܝܼܥܐ ܝܿܬܒ ܐܢܬ ܒܟܢܘܫܬܐ ܕܙܕܝ̈ܩܐ܂ ܘܠܒܼܟ ܡܼܿܪܚܩ ܡܼܢ ܐܠܗܐ܂ ܘܒܥܼܿܘܠܟ ܡܪܓܙ ܐܢܬ ܠܐܠܗܗ ܕܝܼܣܪܐܝܠ
04:02 [ai]ܝܬܝܪܐܝܼܬ ܒܡܼܠ̈ܝܟ܂ ܘܝܿܬܝܪܐܝܼܬ ܒܐܬܘ̈ܬܟ ܝܼܿܬܝܪ ܡܼܢ ܟܠ ܐܢܫ܂ ܗܿܘ ܕܩܼܿܫܐ ܒܡܼ̈ܠܘܗܝ ܠܡܚܝܒܘ ܠܚ̈ܛܝܐ ܒܕܝܼܢܐ
04:03 [ai]ܘܐܝܼܕܗ ܠܘܼܩܕܡ ܥܠܘܗܝ ܐܝܟ ܕܒܛܢܢܐ܂ ܘܗܼܘ ܡܚܝܒ ܒܣܘܓܐܐ ܕܫܪܝܼܚܘܬܐ ܕܚ̈ܛܝܐ
04:04 [ai]ܥܝܢ̈ܘܗܝ ܥܠ ܟܠ ܐܢܬܬܐ ܕܠܐ ܢܟܦܘܬܐ܂ ܘܠܫܼܢܗ ܕܓܠ ܒܗܘܦ̈ܟܐ ܕܡܘ̈ܡܬܐ
04:05 [ai]ܒܠܠܝܐ ܘܒܚܼܫܘܼܟܐ ܐܝܟ ܕܠܐ ܡܼܬܚܙܐ܂ ܒܥܝ̈ܢܘܗܝ ܡܡܼܿܠܠ ܥܡ ܟܠ ܐܢܬܬܐ ܒܨܼܢܥܬܐ ܕܒܝܼܫܬܐ
04:06 [ai]ܘܩܼܿܠܝܼܠ ܠܡܼܥܠ ܒܟܠ ܒܝܬܐ ܒܚܼܿܕܘܬܐ܂ ܐܝܟ ܗܿܘ ܕܠܝܬ ܒܗ ܒܝܼܫܬܐ
04:07 [ai]ܐܪܝܼܡ ܐܠܗܐ ܠܐܝܠܝܢ ܕܒܡܣܐܒ ܒܐܦ̈ܐ ܕܝܿܢܝܢ܂ ܚܼܿܝܐ ܕܝܢ ܥܡ ܬܪܝܼܨܐ ܒܚܘܼܒܠܐ ܕܦܓܪܗ ܘܒܡܣܟܢܘܬܐ ܕܚܝ̈ܘܗܝ
04:08 [ai]ܢܓܠܐ ܐܠܗܐ ܥܒܿܕ̈ܝܗܘܢ ܕܐܝܠܝܢ ܕܫܿܦܪܝܢ ܠܒܢܝܢܫܐ܂ ܒܓܘܼܚܟܐ ܘܒܒܘܼܙܚܐ ܥܒܿܕ̈ܘܗܝ
04:09 [ai]ܘܢܙܕܩܘܢ ܚܼܣ̈ܝܐ ܕܝܼܢܗ ܕܐܠܗܗܘܢ܂ ܟܕ ܢܬܬܪܝܼܡܘܢ ܪ̈ܫܝܥܐ ܡܼܢ ܩܕܡ ܙܕܝ̈ܩܐ
04:10 [ai]ܢܿܣܒ ܒܐ̈ܦܐ ܕܡܡܠܠ ܢܿܡܘܿܣܐ ܒܢܟܼܠܐ
04:11 [ai]ܘܥܝܢ̈ܘܗܝ ܥܠ ܒܿܝܬܐ ܒܫܼܿܠܝܘܬܐ ܐܝܟ ܚܼܘܝܐ܂ ܠܡܼܫܪܐ ܚܟܼܡܬܐ ܕܚܕ ܚܕ ܒܡܼ̈ܠܐ ܕܥܼܿܘܠܘܬܐ
04:12 [ai]ܦܬܓܡ̈ܘܗܝ ܒܚܘܼܫܒܐ ܒܝܼܫܐ ܐܝܼܬܝܗܘܢ܂ ܠܦܘܼܠܚܢܐ ܕܪܓܬܐ ܕܥܘܠܐ
04:13 [ai]ܘܠܐ ܦܪܩ ܥܕܡܐ ܕܒܕܪ ܒܝܬ ܡܼܿܘܬܐ܂ ܘܐܚܼܪܒ ܒܝܬܐ ܡܛܠ ܪܓܬܐ ܕܥܘܠܐ
04:14 [ai]ܘܐܬܚܫܒ ܒܡܼ̈ܠܐ ܕܠܝܬ ܡܼܿܢܘܼ ܕܚܿܙܐ ܘܕܐܿܢ
04:15 [ai]ܘܐܬܡܠܝܼ ܒܗܢܐ ܥܘܠܐ܂ ܘܥܝܢ̈ܘܗܝ ܥܠ ܒܝܬܐ ܐܚܪܢܐ ܠܡܚܪܒܘܬܗ ܒܡܼ̈ܠܐ ܕܦܪܚܘܬܐ ܘܠܐ ܡܼܬܡܠܝܐ ܢܦܫܗ ܐܝܟ ܫܝܘܿܠ܂ ܒܗܠܝܢ ܟܠܗܝܢ
04:16 [ai]ܬܗܼܘܐ ܡܢܬܗ ܕܡܪܝܐ ܒܨܥܪܐ ܩܕܡܝܟ܂ ܡܼܿܦܩܢܗ ܒܬܢܼܚ̈ܬܐ ܘܡܼܿܥܠܢܗ ܒܠ̈ܘܛܬܐ
04:17 [ai]ܒܟܐܒ̈ܐ ܘܒܡܣܟܢܘܬܐ ܘܒܚܘܼܣܪܢܐ ܚܝ̈ܘܗܝ ܡܪܝܐ ܢܗܼܘܘܢ܂ ܫܢܼܬܗ ܒܥ̈ܩܬܐ ܘܥܝܼܪܘܬܗ ܒܬܘ̈ܟܐ
04:18 [ai]ܘܬܬܪܝܡ ܫܢܼܬܐ ܡܢ ܨܕܥ̈ܘܗܝ ܒܠܠܝܐ܂ ܢܦܼܠ ܡܼܢ ܟܠ ܥܒܿܕܐ ܕܐܝܼ̈ܕܘܗܝ ܒܨܥܪܐ
04:19 [ai]ܘܟܕ ܣܦܝܼ̈ܩܢ ܐܝܼ̈ܕܘܗܝ ܢܥܘܠ ܠܒܝܬܗ܂ ܘܢܗܼܘܐ ܚܣܝܼܪ ܒܝܬܗ ܡܼܢ ܟܠ ܡܕܡ ܕܡܣܒܥ ܢܦܫܐ
04:20 [ai]ܘܡܼܢ ܝܼ̈ܠܕܗ ܠܐ ܚܕ ܢܩܪܒܝܘܗܝ
04:21 [ai]ܢܬܒܕܪ ܡܼܢ ܚܝ̈ܘܬܐ ܒܼܣܪܐ ܕܢܣ̈ܒܝ ܒܐܦ̈ܐ܂ ܘܓܪ̈ܡܐ ܕܥܿܘ̈ܠܐ ܩܕܡ ܫܡܼܫܐ ܒܨܥܪܐ
04:22 [ai]ܢܚܼܨܘܼܢ ܥܘܪ̈ܒܐ ܥܝ̈ܢܐ ܕܐܝܠܝܢ ܕܫܿܦܪܝܢ ܠܒܢ̈ܝܢܫܐ
04:23 [ai]ܡܛܠ ܕܐܚܼܪܒܘ ܒ̈ܬܐ ܣ̈ܓܝܐܐ ܕܐܢܫܐ ܒܨܥܪܐ܂ ܘܒܕܪܘܗܝ ܒܪܓܬܐ
04:24 [ai]ܘܠܐ ܐܬܕܟܪܘ ܠܐܠܗܐ܂ ܘܠܐ ܕܚܼܠܘ ܡܼܢ ܐܠܗܐ ܒܗܠܝܢ ܟܠܗܝܢ
04:25 [ai]ܘܐܪܓܼܙܘ ܠܐܠܗܐ܂ ܘܐܬܚܡܬ ܕܢܘܒܕ ܐܢܘܢܿ ܡܼܢ ܐܪܥܐ܂ ܡܛܠ ܕܠܢܦܫܬܐ ܬܡܝ̈ܡܬܐ܂ ܒܡܼܿܚܫܒܬܐ ܗܦܝܼܟܬܐ ܢܣܼܒܘ ܒܐܦ̈ܝܗܝܢ
04:26 [ai]ܛܘܼܒܝܗܘܢܿ ܠܐܝܠܝܢ ܕܕܚܿܠܝܢ ܡܼܢ ܡܪܝܐ ܒܬܡܝܼܡܘܬܗܘܢܿ
04:27 [ai]ܘܡܪܝܐ ܢܦܼܪܘܩ ܐܢܘܢܿ ܡܼܢ ܓܒܪ̈ܐ ܢܟܘ̈ܠܬܢܐ ܘܥܿܘ̈ܠܐ܂ ܘܢܦܼܪܩܢ ܡܼܢ ܟܠ ܡܟܫܘܠܐ ܕܥܿܘ̈ܠܐ
04:28 [ai]ܐܘܒܼܕ ܐܠܗܐ ܟܠ ܕܥܿܒܕܝܢ ܛܠܘܼܡ̈ܝܐ ܒܚܬܝܼܪܘܬܐ܂ ܡܛܠ ܕܕܝܿܢܐ ܥܼܿܫܝܼܢܐ ܡܪܝܐ ܗܿܘ ܐܠܗܢ܂ ܒܙܼܿܕܝܩܘܬܐ
04:29 [ai]ܢܗܼܘܘܢ ܡܪܝܐ ܪ̈ܚܡܼܝܟ ܥܠ ܟܠܗܘܢܿ ܐܝܠܝܢ ܕܡܼܿܚܒܝܢ ܠܟ

next chapter