← Back
The Comprehensive Aramaic Lexicon
← Return to the Text Browser
click on the file description for more information
62087: PsS

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


05:00 [ai]ܙܡܝܪܬܐ ܕܐܪܒܥܝܢ ܘܬܡܢܐ
05:01 [ai]ܡܪܝܐ ܐܠܗܝ ܐܫܿܒܚ ܫܡܟ ܒܕܝܿܨܐ܂ ܒܝܢܬ ܐܝܠܝܢ ܕܝܿܕܥܝܼܢ ܕܝܼ̈ܢܝܟ ܙܕܝ̈ܩܐ
05:02 [ai]ܡܛܠ ܕܐܢܬ ܒܣܝܼܡ ܘܡܪܚܡܢ܂ ܘܒܝܬ ܥܪܘܩܝܗ ܕܡܣܟܢܐ
05:03 [ai]ܟܕ ܐܓܥܐ ܠܘܬܟ ܠܐ ܬܫܼܬܘܩ ܡܢܝܼ
05:04 [ai]ܡܛܠ ܕܠܐ ܢܿܣܒ ܓܝܪ ܒܪܢܫܐ ܫܒܝܼܬܐ ܡܼܢ ܓܒܪܐ ܥܼܿܫܝܼܢܐ
05:05 [ai]ܐܘܿ ܡܼܿܢܘܼ ܢܿܣܒ ܡܼܢ ܟܠ ܡܕܡ ܕܥܒܼܕܬ܂ ܐܠܐ ܐܢ ܐܢܬ ܬܬܼܠ ܠܗ
05:06 [ai]ܡܛܠ ܕܒܪܐܢܫܐ ܘܡܢܿܬܗ ܠܘܬܟ ܗܼܝ ܒܡܼܿܬܩܠܐ܂ ܘܠܐ ܢܼܿܘܣܦ ܠܡܼܬܝܬܪܘ ܠܒܪ ܡܼܢ ܕܝܼܢܟ܂ ܐܠܗܐ
05:07 [ai]ܒܐܘܠܨܢܢ ܩܼܪܝܢܟ ܠܥܘܕܪܢܢ܂ ܘܐܢܬ ܠܐ ܐܗܦܼܟܬ ܒܥܘܬܢ܂ ܡܛܠ ܕܐܢܬ ܗܼܘ ܐܠܗܢ
05:08 [ai]ܠܐ ܬܼܫܬܘܚܪܝ ܐܝܼܕܟ ܡܼܢܢ܂ ܕܠܐ ܢܬܼܚܣܢ ܕܢܚܼܛܐ
05:09 [ai]ܘܠܐ ܬܗܦܟ ܐܦ̈ܝܟ ܡܼܢܢ ܕܠܐ ܢܪܚܩ ܡܢܟ܂ ܐܠܐ ܠܘܬܟ ܢܐܬܐ
05:10 [ai]ܐܢܓܝܪ ܐܿܟܦܢ ܡܪܝܐ ܠܘܬܟ ܐܿܩܪܐ ܐܠܗܐ ܘܐܢܬ ܬܬܼܠ
05:11 [ai]ܠܦܪܚܬܐ ܓܝܪ ܘܠܢܘܼ̈ܢܐ ܐܢܬ ܡܪܒܐ ܐܢܬ܂ ܟܕ ܬܬܼܠ ܡܼܛܪܐ ܒܕܒܪܐ ܠܡܘܥܝܬܐ ܕܥܣܼܒܐ܂ ܠܡܛܝܒܘ ܡܐܟܘܿܠܬܐ ܒܕܒܪܐ ܠܟܠ ܚܼܿܝܘܬܐ
05:12 [ai]ܘܐܢ ܢܟܼܦܢܘܢ ܠܘܬܟ ܢܪܝܼܡܘܢ ܐܦ̈ܝܗܘܢܿ
05:13 [ai]ܠܡ̈ܠܟܐ ܘܠܪ̈ܘܪܒܢܐ ܘܠܥܡܼ̈ܡܐ ܐܢܬ ܗܼܘ ܡܬܪܣܐ ܐܠܗܐ܂ ܘܣܼܿܒܪܗ ܕܡܣܟܢܐ ܘܕܒܝܿܫܐ܂ ܡܢܘ܂ ܐܠܐ ܐܢ ܐܢܬ ܡܪܝܐ
05:14 [ai]ܘܬܼܥܢܝܘܗܝ ܡܛܠ ܕܐܢܬ ܗܼܘ ܒܣܝܼܡܐ ܘܢܝܼܚܐ܂ ܘܬܣܼܒܥܝ ܢܦܫܗ ܟܕ ܬܦܼܬܚ ܠܗ ܐܝܼܕܟ ܒܪ̈ܚܼܡܐ
05:15 [ai]ܛܝܒܘܬܗ ܓܝܪ ܕܒܪܐܢܫܐ܂ ܒܚܼܿܘܣܢܐ ܗܿܝ܂ ܝܘܡܢ ܘܡܚܼܪ܂ ܘܐܢ ܗܼܘ ܕܢܼܬܢܐ ܠܡܬܼܠ ܘܠܐ ܢܪܛܢ܂ ܘܗܢܐ ܬܡܝܗܐ ܗܿܘ
05:16 [ai]ܡܼܿܘܗܒܬܟ ܕܝܢ ܕܝܼܠܟ ܣܿܓܝܐܐ ܒܛܝܒܘܬܐ ܘܒܥܘܬܪܐ܂ ܘܠܝܬ ܣܼܿܒܪܐ ܕܠܘܬܟ ܕܢܚܘܼܣ ܒܡܘܗ̈ܒܬܐ
05:17 [ai]ܥܠ ܟܠܗܿ ܐܪܥܐ ܓܝܪ ܪ̈ܚܡܝܟ ܡܪܝܐ ܒܛܝܒܘܬܐ
05:18 [ai]ܛܘܼܒܘܗܝ ܠܒܪܢܫܐ ܕܢܬܕܟܪܝܘܗܝ ܡܪܝܐ ܒܡܣܟܢܘܬܐ
05:19 [ai]ܕܡܣܬܗ ܓܝܪ ܢܬܝܬܪ ܒܪܢܫܐ ܕܢܼܚܛܐ ܠܗ
05:20 [ai]ܦܿܩܚܐ ܡܣܟܢܘܬܐ ܒܙܕܝܩܘܬܐ
05:21 [ai]ܐܬܒܼܿܣܡܘ ܓܝܪ ܕܚ̈ܠܿܘܗܝ ܕܡܪܝܐ ܒܛܒ̈ܬܗ ܘܛܝܒܘܬܟ ܥܠ ܝܼܣܪܐܝܠ ܒܡܠܟܘܬܟ
05:22 [ai]ܒܪܝܼܟܐ ܗܿܝ ܬܫܒܘܿܚܬܗ ܕܡܪܝܐ܂ ܡܛܠ ܕܗܘܼܝܘ ܡܼܿܠܟܢ

next chapter