← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62087: PsS

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


08:00 [ai]ܙܡܝܼܪܬܐ ܕܚܡܫܝܢ ܘܚܕܐ
08:01 [ai]ܐܘܠܨܢܐ ܘܩܿܠܐ ܕܩܪܒܐ ܫܡܼ̈ܥܝ ܐܕ̈ܢܝ܂ ܩܠܐ ܕܩܪܒܐ ܘܪܓܫܐ ܕܩܼܛܠܐ ܘܕܐܒܕܢܐ
08:02 [ai]ܩܠܐ ܕܥܡܼܐ ܣܿܓܝܐܐ ܐܝܟ ܪܘܚܐ ܥܼܿܫܝܼܢܬܐ ܘܣܿܓܝܐܬܐ܂ ܐܝܟ ܥܼܿܠܥܠܐ ܕܢܘܼܪܐ ܕܐܬܝܿܐ ܥܠ ܡܼܿܕܒܪܐ
08:03 [ai]ܘܐܡܿܪܬ ܠܠܼܒܝ܂ ܕܐܝܟܐ ܟܝ ܕܐܿܢ ܠܗ
08:04 [ai]ܩܿܠܐ ܫܡܥܿܬ ܒܐܘܿܪܫܠܡ ܡܕܝܼܢܬܐ ܩܕܝܫܬܐ
08:05 [ai]ܘܐܫܬܪ̈ܝ ܚܘܼܡܪ̈ܝ ܚܼܿܨܝ ܡܼܢ ܫܡܼܥܐ܂ ܘܒܘܪ̈ܟܝ ܪ̈ܥܼܠܝ
08:06 [ai]ܘܐܬܬܙܝܼܥܘ ܓܪ̈ܡܝ ܐܝܟ ܟܼܬܢܐ
08:07 [ai]ܘܐܡܿܪܬ ܢܬܪܨܘܢ ܐܘܪ̈ܚܬܗܘܢ ܒܙܕܝܩܘܬܐ܂ ܘܐܿܬܕܟܪܬ ܕܝܼ̈ܢܘܗܝ ܕܡܪܝܐ܂ ܕܡܼܢ ܟܕ ܐܬܒܪܝܼܘ ܫܡܿܝܐ ܘܐܪܥܐ܂ ܘܙܕܩܿܬ ܠܐܠܗܐ ܒܟܠܗܘܢܿ ܕܝܼ̈ܢܘܗܝ ܕܡܼܢ ܥܿܠܡ
08:08 [ai]ܓܠܼܐ ܕܝܢ ܐܠܗܐ ܥܒܿܕ̈ܝܗܘܢ ܩܕܡ ܫܡܼܫܐ܂ ܘܐܬܝܼ‍{‍ܪ‍}‍‍<‍ܕ‍>‍ܥ ܠܟܠܗܿ ܐܪܥܐ ܕܝ̈ܢܘܗܝ ܕܡܪܝܐ ܙܕܝ̈ܩܐ
08:09 [ai]ܒܛܫ̈ܝܬܐ ܓܝܪ ܕܐܪܥܐ ܡܥܘܠܝܢ ܗܼܘܘ
08:10 [ai]ܒܪܐ ܥܡ ܐܡܗ܂ ܘܐܒܐ ܥܡ ܒܪܬܗ ܡܼܬܚܠܛܼܝܢ ܗܼܘܘ
08:11 [ai]ܘܟܠܗܘܢܿ ܓܿܝܪܝܢ ܗܼܘܘ ܢܫ̈ܝ ܚܒܪ̈ܝܗܘܢܿ܂ ܘܐܩܝܼܡܘ ܒܝܢܬܗܘܢܿ ܩܝ̈ܡܐ ܥܠ ܗܠܝܢ
08:12 [ai]ܒܝܬ ܩܘܕܫܗ ܕܐܠܗܐ ܡܚܼܿܛܦܝܢ ܗܼܘܘ܂ ܐܝܟ ܗܿܘ ܕܠܝܬ ܕܝܿܪܬ ܘܦܪܩ
08:13 [ai]ܘܕܝܿܫܝܢ ܗܼܘܘ ܗܼܿܝܟܠܗ ܒܟܠܗܿ ܛܡܐܘܬܗܘܢܿ܂ ܘܒܕܡܐ ܕܟܼܦܣܢܝܬܐ ܛܡܐܘ ܕܒܼ̈ܚܐ ܐܝܟ ܒܼܣܪܐ ܛܡܐܐ
08:14 [ai]ܘܠܐ ܫܒܼܩܘ ܚܛ̈ܗܐ ܕܠܐ ܥܒܼܕܘ ܘܝܬܝܪ ܡܼܢ ܥܡܼ̈ܡܐ
08:15 [ai]ܡܛܠܗܢܐ ܡܙܓܼ ܠܗܘܢܿ ܐܠܗܐ ܪܘܚܐ ܕܛܥܿܝܘܬܐ܂ ܘܐܫܩܝܼ ܐܢܘܢܿ ܟܣܐ ܚܼܿܝܐ ܠܪܘܝܘܬܐ
08:16 [ai]ܐܝܬܼܝ ܠܗܿܘ ܕܡܼܢ ܥܒܼܪ̈ܝܗܿ ܕܐܪܥܐ ܕܐܠܿܨ ܩܫܝܐܝܼܬ
08:17 [ai]ܘܕܐܢܿ܂ ܩܪܒܐ ܥܠ ܐܘܪܫܠܡ ܘܥܠ ܐܪܥܗܿ
08:18 [ai]ܘܐܪܥܼܘܗܝ ܕܝ̈ܢܝܗܿ ܕܐܪܥܐ ܒܚܼܿܕܘܬܐ ܘܐܡܼܪܘ ܠܗ܂ ܬܬܩܼܢܝ ܐܘܪܚܟ܂ ܬܐ ܥܘܿܠ ܒܫܠܡܐ
08:19 [ai]ܘܐܫܘܝܼܘ ܐܘܼܪ̈ܚܬܐ ܕܥܪܡܢ ܠܡܼܿܥܠܢܘܼܬܗ܂ ܦܬܼܚܘ ܬܪ̈ܥܐ ܥܠ ܐܘܪܫܠܡ ܘܟܠܼܠܘ ܫܘܪ̈ܝܗܿ
08:20 [ai]ܘܥܼܠ ܐܝܟ ܐܒܐ ܠܒܼܿܝܬܐ ܕܒܢ̈ܘܗܝ ܒܫܠܡܐ܂ ܘܐܩܝܼܡ ܪ̈ܓܠܘܗܝ ܒܫܪܪܐ ܣܿܓܝܐܐ
08:21 [ai]ܘܐܚܼܕܘ ܡܓܕ̈ܠܝܗܿ ܘܫܘܪ̈ܝܗܿ ܕܐܘܿܪܫܠܡ
08:22 [ai]ܡܛܠ ܕܐܠܗܐ ܐ‍{‍ܝܼ‍}‍‍<‍ܝ‍>‍ܬ‍<‍ܝ‍>‍ܘܗܝ ܒܛܘܩܢܐ ܥܠ ܡܼܿܛܥܝܢܘܬܗܘܢܿ
08:23 [ai]ܘܐܘܒܼܕܘ ܪ̈ܝܫܢܝܗܘܢܿ ܡܛܠ ܕܚܟܝܼܡ ܒܡܼܸܿܠܟܐ܂ ܘܐܫܼܕܘ ܕܡܐ ܕܥܿܡܘܪ̈ܝܗܿ ܕܐܘܪܫܠܡ ܐܝܟ ܡ̈ܝܐ ܕܣܼܿܪܝܘܬܐ
08:24 [ai]ܘܐܘܒܠ ܒܢ̈ܝܗܘܢܿ ܘܒܢ̈ܬܗܘܢܿ ܗܿܢܘܢܿ ܕܗܼܘܘ ܒܛܡܐܘܬܐ
08:25 [ai]ܘܥܒܼܕܘ ܛܡܐܘܬܗܘܢܿ ܐܝܟ ܕܐܦ ܐܒ̈ܗܝܗܘܢܿ
08:26 [ai]ܘܛܡܐܬܸ܂ ܐܘܿܪܫܠܡ ܐܦ ܠܐܝܠܝܢ ܕܡܩܕܫܝܢ ܗܼܘܘ ܠܫܡܗ ܕܐܠܗܐ
08:27 [ai]ܘܐܙܕܕܩ ܐܠܗܐ ܒܕܝܼ̈ܢܘܗܝ ܒܥܡܼ̈ܡܐ ܕܐܪܥܐ
08:28 [ai]ܘܚܣ̈ܘܗܝ ܕܐܠܗܐ ܐܝܟ ܐܡܼܪ̈ܐ ܬܡ̈ܝܡܐ ܒܝܢܬܗܘܢܿ
08:29 [ai]ܡܫܼܒܚ ܗܼܘ ܐܠܗܐ ܕܕܐܿܢ ܟܠܗܿ ܐܪܥܐ ܒܙܕܝܩܘܬܗ
08:30 [ai]ܗܐ ܐܢܬ ܐܠܗܐ ܚܼܿܘܝܬܢ ܙܕܝܩܘܬܟ
08:31 [ai]ܘܚܼ̈ܙܝ ܥܝ̈ܢܝܢ ܕܝܼܢ̈ܝܟ܂ ܐܠܗܐ܂ ܘܙܕܩܢ ܫܡܟ ܡܝܩܪܐ ܠܥܿܠܡܝܢ
08:32 [ai]ܡܛܠ ܕܐܢܬ ܗܼܘ ܐܠܗܐ ܕܙܕܝܩܘܬܐ܂ ܕܕܐܿܢ ܐܢܬ ܠܝܼܣܪܐܝܠ ܒܡܼܿܪܕܘܬܐ
08:33 [ai]ܐܗܦܼܟ ܥܠܝܢ ܪ̈ܚܼܡܝܟ ܘܚܘܼܢܝܢ
08:34 [ai]ܘܟܼܿܢܫ ܒܘܼܕܪܗ ܕܝܣܪܐܝܠ܂ ܒܪ̈ܚܼܡܐ ܘܒܛܝܒܘܬܐ
08:35 [ai]ܡܛܠ ܕܗܼܿܝܡܢܘܬܟ ܥܡܢ܂ ܘܚܢܢ ܩܼܿܫܝܢ ܩܕ̈ܠܝܢ܂ ܘܐܢܬ ܪܕܘܝܢ ܐܢܬ
08:36 [ai]ܠܐ ܬܡܗܐ ܡܼܢܢ ܐܠܗܢ܂ ܕܕܠܡܐ ܢܒܠܥܘܢܢ ܥܡܼ̈ܡܐ ܐܝܟ ܗܿܘ ܕܠܝܬ ܕܦܪܩ
08:37 [ai]ܘܐܢܬ ܐܠܗܢ ܐܢܬ ܡܼܢ ܒܪܼܝܫܝܬ܂ ܘܥܠܝܟ ܗܼܘ ܣܼܿܒܪܢ܂ ܡܪܝܐ
08:38 [ai]ܘܚܢܢ ܠܐ ܢܪܚܩ ܡܢܟ܂ ܡܛܠ ܕܛܒ̈ܝܢ ܐܢܘܢܿ ܕܝܼܢ̈ܝܟ
08:39 [ai]ܥܠܝܢ ܘܥܠ ܒܢ̈ܝܢ܂ ܨܼܒܝܢܟ ܠܥܿܠܡ ܡܪܝܐ ܐܠܗܐ ܦܪܘܩܢ܂ ܘܬܘܼܒ ܠܐ ܢܬܬܙܝܼܥ ܠܥܿܠܡ
08:40 [ai]ܡܫܼܿܒܚ ܗܼܘ ܡܪܝܐ ܒܕܝܼܢ̈ܘܗܝ ܒܦܘܼܡܐ ܕܚܣ̈ܘܗܝ܂ ܘܒܪܝܼܟ ܗܼܘ ܐܝܼܣܪܐܝܠ ܡܼܢ ܡܪܝܐ ܠܥܿܠܡ

next chapter