← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62087: PsS

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


09:00 [ai]ܙܡܝܼܪܬܐ ܕܚܡܫܝܢ ܘܬܪ̈ܬܝܢ
09:01 [ai]ܟܕ ܢܦܼܩ ܝܼܣܪܐܝܠ ܒܫܒܼܝܐ ܠܐܪܥܐ ܢܘܼܟܪܝܬܐ܂ ܟܕ ܐܪܚܼܩܘ ܡܼܢ ܡܪܝܐ ܦܿܪܘܩܗܘܢܿ
09:02 [ai]ܐܫܬܕܝܘ ܡܼܢ ܝܿܪܬܘܬܐ ܗܿܝ ܕܝܗܼܒ ܠܗܘܢܿ ܐܠܗܐ܂ ܒܟܠܗܘܢܿ ܥܡܼ̈ܡܐ ܗܼܘܐ ܒܘܕܪܗ ܕܝܼܣܪܐܝܠ܂ ܐܝܟ ܡܠܼܬܗ ܕܐܠܗܐ
09:03 [ai]ܡܛܠ ܕܬܙܕܕܩ ܐܠܗܐ ܒܙܕܝܩܘܬܟ܂ ܒܥܼܿܘܠܢ ܕܝܼܠܢ
09:04 [ai]ܡܛܠ ܕܐܢܬ ܗܼܘ ܕܝܿܢܐ ܙܼܿܕܝܩܐ܂ ܥܠ ܟܠܗܘܢܿ ܥܡܼ̈ܡܐ ܕܐܪܥܐ
09:05 [ai]ܡܛܠ ܕܠܐ ܡܼܬܛܫܐ ܓܝܪ ܡܼܢ ܬܪܥܝܼܬܟ ܟܠ ܡܿܢ ܕܥܿܒܕ ܥܼܿܘܠܐ
09:06 [ai]ܘܙܕܝܩܘܬܐ ܕܝܢ ܕܬܪ̈ܝܨܝܟ ܡܪܝܐ ܩܕܡܿܝܟ܂ ܘܠܐܝܟܐ ܢܬܛܫܐ ܒܪܐܢܫܐ ܡܼܢ ܬܪܥܝܼܬܟ ܐܠܗܐ
09:07 [ai]ܥܿܒܕܝܢܢ ܓܝܪ ܒܚܐܪܘܬܐ ܘܒܓܼܿܒܝܘܬܐ ܕܢܦܫܢ ܠܡܥܼܒܕ ܛܒܿܬܐ ܘܒܝܼܫܬܐ ܒܥܒܕܐ ܕܐܝ̈ܕܝܢ
09:08 [ai]ܘܒܙܕܝܩܘܬܟ ܣܿܥܪ ܐܢܬ ܒܢܝܢܫܐ
09:09 [ai]ܗܿܘ ܓܝܪ ܕܥܿܒܕ ܙܕܝܩܘܬܐ܂ ܣܝܼܡܬܐ ܕܚ̈ܝܐ ܣܿܐܡ ܠܗ ܠܘܬ ܡܪܝܐ܂ ܘܗܿܘ ܕܥܿܒܕ ܥܼܿܘܠܐ ܗܼܘ ܚܿܐܒ ܕܝܼܢܐ ܕܢܼܿܦܫܗ ܒܐܒܕܢܐ
09:10 [ai]ܕܝܢ̈ܘܗܝ ܓܝܪ ܒܙܕܝܩܘܬܐ ܥܠ ܟܠ ܒܪܐܢܫ ܘܒܼܿܝܬܗ
09:11 [ai]ܠܡܼܿܢܘ ܓܝܪ ܢܛܐܒ ܐܠܗܐ܂ ܐܠܐ ܐܢ ܠܗܿܢܘܢܿ ܕܩܿܪܝܢ ܠܡܪܝܐ
09:12 [ai]ܡܕܟܐ ܓܝܪ ܚܛܗ̈ܝܗܿ ܕܢܦܫܐ ܒܡܼܿܘܕܝܢܘܬܐ
09:13 [ai]ܡܛܠ ܕܒܼܗܬܬܐ ܗܝ ܠܢ ܘܠܐܦ̈ܝܢ ܥܠ ܟܠܗܝܢ ܗܠܝܢ
09:14 [ai]ܠܡܢܘ ܓܝܪ ܢܫܒܘܩ ܚܛܗ̈ܐ܂ ܐܠܐ ܐܢ ܠܗܠܝܢ ܕܚܼܛܘ
09:15 [ai]ܠܙܕܝ̈ܩܐ ܓܝܪ ܡܒܪܟ܂ ܘܠܐ ܡܟܣ ܐܢܬ ܠܗܘܢܿ ܥܠ ܡܕܡ ܕܚܼܛܘ܂ ܛܝܒܘܬܟ ܓܝܪ ܥܠ ܐܝܠܝܢ ܕܚܼܛܘ ܡܐ ܕܬܒܼܘ ܐܝܬܝܗܿ
09:16 [ai]ܘܗܫܐ ܐܢܬ ܗܘ ܐܠܗܢ܂ ܘܚܢܢ ܥܡܟ ܗܿܘ ܕܐܚܼܒܬ܂ ܚܙܼܝ ܘܪܚܿܡ ܐܠܗܗ ܕܝܼܣܪܐܝܠ܂ ܡܛܠ ܕܕܝܼܠܟ ܚܢܢ܂ ܠܐ ܬܪܚܩ ܪ̈ܚܡܼܝܟ ܡܼܢܢ܂ ܕܠܐ ܢܪܡܘܢ ܥܠܝܢ ܥܡܼ̈ܡܐ
09:17 [ai]ܡܛܠ ܕܐܢܬ ܓܒܼܝܬ ܠܙܪܥܗ܂ ܕܐܒܪܗܡ܂ ܝܬܝܪܼ ܡܼܢ ܟܠܗܘܢܿ ܥܡܼܡ̈ܐ
09:18 [ai]ܘܣܼܡܬ ܥܠܝܢ ܫܡܟ ܡܪܝܐ܂ ܘܠܐ ܬܫܼܠܐ ܥܕܡܐ ܠܥܿܠܡ
09:19 [ai]ܒܩܝܿܡܐ ܐܩܝܼܡܬ ܠܐܒ̈ܗܬܢ ܥܠܝܢ܂ ܘܚܢܢ ܡܣܼܿܒܪܝܢܢ ܒܟ܂ ܒܬܝܿܒܘܬܗ ܕܢܦܫܢ
09:20 [ai]ܕܡܪܝܐ ܐܢܘܢܿ ܪ̈ܚܼܡܐ ܥܠ ܒܼܿܝܬܐ ܕܝܼܣܪܐܝܠ ܗܫܐ ܘܠܥܿܠܡ

next chapter