Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants
| 10:00 [ai] | ܙܡܝܼܪܬܐ ܕܚܡܫܝܢ ܘܬܠܬ |
| 10:01 [ai] | ܛܘܼܒܘܗܝ ܠܓܒܪܐ ܕܐܬܕܟܪܗ ܐܠܗܐ ܒܡܟܣܢܘܬܐ܂ ܘܟܠܝܼܗܝ ܡܼܢ ܐܘܼܪܚܐ ܕܒܝܼܫܬܐ܂ ܒܢܓܼ̈ܕܐ܂ ܠܡܼܬܕܟܝܘ ܡܼܢ ܚܛܝܼܬܗ ܕܠܐ ܬܣܓܐ |
| 10:02 [ai] | ܗܿܘ ܓܝܪ ܕܡܼܿܬܩܢ ܚܼܿܨܗ ܠܢܓ̈ܕܐ܂ ܐܦ ܢܬܼܕܟܐ ܛܒ ܗܼܘ ܓܝܪ ܠܐܝܠܝܢ ܕܡܩܒܠܝܢ ܡܼܿܪܕܘܬܐ |
| 10:03 [ai] | ܬܪܝܼܨܐ ܗܿܝ ܓܝܪ ܐܘܪܚܗ ܕܙܕܝܩܐ܂ ܘܠܐ ܡܦܼܿܬܠܐ ܠܗ ܡܪܕܘܬܐ |
| 10:04 [ai] | ܚܙܬܗ ܓܝܪ ܕܡܪܝܐ ܥܠ ܗܿܢܘܢܿ ܕܡܼܿܚܒܝܢ ܠܗ ܒܫܪܪܐ܂ ܘܢܬܕܟܪ ܡܪܝܐ ܠܥܒܼ̈ܕܘܗܝ ܒܪ̈ܚܡܼܐ |
| 10:05 [ai] | ܣܗܕܘܬܐ ܓܝܪ ܒܢܿܡܘܣܐ ܕܩܝܿܡܐ ܕܠܥܿܠܡ܂ ܣܿܗܕܘܬܗ ܕܡܪܝܐ ܒܐܘܪ̈ܚܬܐ ܕܒܢ̈ܝ ܐܢܫܐ ܒܣܘܼܥܪ̈ܢ |
| 10:06 [ai] | ܙܕܝܩ ܗܼܘ ܘܬܪܝܼܨ ܐܠܗܢ ܒܟܠܗܘܢܿ ܕܝܼܢ̈ܘܗܝ܂ ܘܝܣܪܐܝܠ ܢܫܼܿܒܚ ܠܫܡܗ ܕܡܪܝܐ ܒܚܼܿܕܘܬܐ |
| 10:07 [ai] | ܘܚ̈ܣܝܐ ܢܿܘܕܘܢ ܒܥܕܬܐ ܕܥܡܼܐ܂ ܘܥܠ ܡܣܟ̈ܢܐ ܢܪܚܡ ܡܪܝܐ ܒܒܘܼܣܡܗ ܕܝܼܣܪܐܝܠ |
| 10:08 [ai] | ܡܛܠ ܕܒܣܝܡ ܗܼܘ ܘܡܪܚܡܢ ܐܠܗܐ ܠܥܠܡ܂ ܘܟܢܘ̈ܫܬܐ ܕܝܼܣܪܐܝܠ ܢܫ̈ܒܚܢ ܠܫܡܗ ܕܡܪܝܐ |
| 10:09 [ai] | ܕܡܪܝܐ ܗܿܘ ܓܝܪ ܦܘܪܩܢܐ ܥܠ ܒܼܿܝܬܐ ܕܝܼܣܪܐܝܠ܂ ܠܡܠܟܘܼܬܐ ܕܠܥܿܠܡ |