Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants
| 13:00 [ai] | ܙܡܝܼܪܬܐ ܕܚܡܫܝܢ ܘܫܬ |
| 13:01 [ai] | ܝܼܿܡܝܼܢܗ ܕܡܪܝܐ ܟܣܝܬܢ܂ ܝܼܿܡܝܼܢܗ ܕܡܪܝܐ ܚܣܼܬܸ܂ ܥܠܝܢ |
| 13:02 [ai] | ܘܕܪܥܗ ܕܡܪܝܐ ܦܼܪܩܢ ܡܼܢ ܪܘܡܚܐ ܕܡܗܠܟܐ܂ ܘܡܼܢ ܟܦܢܐ ܘܡܼܿܘܬܢܐ ܕܚܛ̈ܝܐ |
| 13:03 [ai] | ܐܪܗܼܛ ܥܠܝܗܘܢܿ ܚܝ̈ܘܬܐ ܒܝܼ̈ܫܬܐ܂ ܘܒܫܢ̈ܝܗܝܢ ܡܢ̈ܬܦܢ ܗܼ̈ܘܝ ܒܣܼܪܗܘܢܿ܂ ܘܒܪ̈ܚܘܬܐ ܡܩܨܨܢ ܗܼ̈ܘܝ ܓܪ̈ܡܝܗܘܢܿ܂ ܠܢ ܕܝܢ ܡܼܢ ܗܠܝܢ ܟܠܗܝܢ ܦܪܩܢ ܡܪܝܐ |
| 13:04 [ai] | ܐܬܬܙܝܥ ܕܝܢ ܪܫܝܼܥܐ ܡܛܠ ܫܘܪ̈ܥܬܗ܂ ܕܕܠܡܐ ܢܬܬܼܒܪ ܥܡ ܥܘܿܠܐ |
| 13:05 [ai] | ܡܛܠ ܕܒܝܼܫܐ ܗܿܝ ܡܦܘܠܬܗ ܕܥܘܿܠܐ܂ ܠܙܕܝܩܐ ܕܝܢ ܚܕܐ ܡܼܢ ܗܠܝܢ ܠܐ ܬܬܩܪܒ |
| 13:06 [ai] | ܡܛܠ ܕܠܐ ܦܿܚܡܐ ܡܪܕܘܬܐ ܕܙܕܝ̈ܩܐ ܕܕܠܐ ܒܝܼܕܥܬܐ܂ ܠܣܚܦܐ ܕܥ̈ܘܿܠܐ |
| 13:07 [ai] | ܕܒܝܕܥܬܐ܂ ܡܼܬܪܕܐ ܓܝܪ ܙܕܝܩܐ܂ ܐܝܟ ܕܠܐ ܢܼܚܕܐ ܠܗ ܥܘܿܠܐ |
| 13:08 [ai] | ܡܛܠ ܕܢܐܪܬܝܘܗܝ ܓܝܪ ܙܼܿܕܝܩܐ ܐܝܟ ܕܠܒܪܗ ܪܚܝܼܡܐ܂ ܘܡܪܕܘܬܗ ܐܝܟ ܕܒܘܼܟܪܐ |
| 13:09 [ai] | ܡܛܠ ܕܢܚܘܼܣ ܙܕܝܩܐ ܥܠ ܚܣ̈ܘܗܝ ܘܫܘܪ̈ܥܬܗܘܢܿ ܢܥܼܛܐ ܒܡܼܿܪܕܘܬܐ܂ ܚܝ̈ܝܗܘܢ ܓܝܪ ܕܙܕܝ̈ܩܐ ܠܥܿܠܡ ܐܢܘܢܿ |
| 13:10 [ai] | ܚ̈ܛܝܐ ܕܝܢ ܢܬܬܪܝܼܡܘܢ ܠܐܒܕܢܐ܂ ܘܠܐ ܢܫܼܬܟܚ ܬܘܼܒ ܕܘܟܪܢܗܘܢܿ |
| 13:11 [ai] | ܥܠ ܚܣ̈ܝܐ ܕܝܢ ܢܗܼܘܘܢ ܪ̈ܚܡܼܘܗܝ ܕܡܪܝܐ܂ ܥܠ ܟܠܗܘܢܿ ܕܿܚ̈ܠܘܗܝ ܢܪܚܦ |