← Back
The Comprehensive Aramaic Lexicon
← Return to the Text Browser
click on the file description for more information
62087: PsS

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


15:00 [ai]ܙܡܝܪܬܐ ܕܚܡܫܝܢ ܘܬܡܢܐ
15:01 [ai]ܒܐܘܠܨܢܝ ܩܪܝܿܬ ܫܡܗ ܕܡܪܝܐ܂ ܘܠܥܘܕܪܢܝ ܩܪܝܿܬ ܠܐܠܗܗ ܕܝܥܩܘܿܒ܂ ܘܐܬܦܪܩܬ
15:02 [ai]ܡܛܠ ܕܣܒܪܐ ܘܒܝܬ ܓܼܿܘܣܐ ܕܡܣܟ̈ܢܐ ܐܢܬ ܗܼܘ ܐܠܗܐ
15:03 [ai]ܡܼܿܢܘܼ ܓܝܪ ܕܥܼܿܫܝܢ ܢܘܕܐ ܠܟ ܒܫܪܪܐ
15:04 [ai]ܘܡܢܘ ܚܼܿܝܠܗ ܕܒܪܐܢܫܐ܂ ܐܠܐ ܕܢܘܕܐ ܠܫܡܟ
15:05 [ai]ܙܡܝܼܪܬܐ ܚܿܕܬܐ ܒܩܿܠܐ ܒܒܘܼܣܡܐ ܕܠܒܼܐ܂ ܦܐܪܐ ܕܣܼ̈ܦܘܬܐ ܒܡܐܢܐ ܕܡܬܼܩܢ ܒܠܼܫܢܐ܂ ܪ̈ܝܫܝܬܐ ܕܣܼ̈ܦܘܬܐ ܡܼܢ ܠܒܼܐ ܚܼܿܣܝܐ ܘܙܕܝܩܐ
15:06 [ai]ܟܠ ܕܥܿܒܕ ܗܠܝܢ ܠܐ ܢܬܬܙܝܼܥ ܠܥܿܠܡ ܡܼܢ ܒܝܼܫܐ܂ ܫܼܿܠܗܒܝܬܐ ܕܢܘܪܐ ܘܪܘܓܙܐ ܕܥܿܘ̈ܠܐ ܠܐ ܢܬܼܩܪܒ ܠܗܘܢ
15:07 [ai]ܐܡܬܝ ܕܢܦܘܩ ܥܠ ܚ̈ܛܝܐ ܡܼܢ ܩܕܡ ܡܪܝܡܐ܂ ܠܡܥܼܩܪ ܟܠܗܘܢܿ ܫܪ̈ܫܝܗܘܢܿ ܕܥܿܘ̈ܠܐ
15:08 [ai]ܡܛܠ ܕܐܬܿܗ ܓܝܪ ܕܡܪܝܐ ܥܠ ܙܕܝ̈ܩܐ ܠܦܘܪܩܿܢܐ܂ ܡܿܘܬܐ ܓܝܪ ܘܪܘܡܚܐ ܘܟܦܢܐ ܡܼܢ ܙܕܝ̈ܩܐ ܢܼܿܪܚܩܘܢ
15:09 [ai]ܢܥܼܪܩܘܢ ܓܝܪ ܡܼܢܗܘܢ܂ ܐܝܟ ܕܥܿܪܩ ܡܼܿܘܬܐ ܡܼܢ ܚ̈ܝܐ܂ ܢܪܕܦܘܢ ܕܝܢ ܒܬܪ ܥܿܘ̈ܠܐ ܘܢܕܪܟܘܢ ܐܢܘܢܿ܂ ܘܐܝܠܝܢ ܕܥܿܒܕܝܢ ܥܼܿܘܠܐ ܠܐ ܢܥܼܪܩܘܢ ܡܼܢ ܕܝܼܢ̈ܝܗ ܕܡܪܝܐ ܐܝܟ ܝܿܕ̈ܥܝ ܓܝܪ ܩܪܒܐ ܢܼܩܕܡܘܢ ܐܢܘܢܿ
15:10 [ai]ܡܛܠ ܕܐܬܐ ܕܐܒܕܢܐ ܥܠ ܐܦ̈ܝܗܘܢܿ
15:11 [ai]ܘܝܘܪܬܢܗܘܢܿ ܕܚ̈ܛܝܐ ܐܒܕܢܐ ܘܚܫܘܟܐ ܘܥܘܠܗܘܢܿ ܢܪܕܘܦ ܐܢܘܢܿ ܥܕܡܐ ܠܫܝܘܿܠ ܬܚܬܝܬܐ
15:12 [ai]ܘܝܘܪܬܢܗܘܢܿ ܠܐ ܢܫܼܬܟܚ ܠܒܢ̈ܝܗܘܢܿ
15:13 [ai]ܚܛܗ̈ܝܗܘܢܿ ܓܝܪ ܢܚܼܪܘܒ ܒ̈ܬܐ ܕܚ̈ܛܝܐ܂ ܘܢܐܒܕܘܢ ܚܛ̈ܝܐ ܒܝܘܡܐ ܕܕܝܼܢܗ ܕܡܪܝܐ ܠܥܿܠܡ
15:14 [ai]ܐܡܼܬܝ ܕܣܿܥܪ ܐܠܗܐ ܐܪܥܐ ܒܕܝܼܢܗ
15:15 [ai]ܘܥܠ ܐܝܠܝܢ ܕܕܚܿܠܝܢ ܡܼܢ ܡܪܝܐ ܢܗܼܘܘܢܿ ܪ̈ܚܼܡܐ܂ ܒܗܿ ܘܢܐܚܘܢ ܒܡܪܚܡܢܘܼܬܗ ܕܐܠܗܢ܂ ܘܚ̈ܛܝܐ ܢܐܒܕܘܢ ܠܙܒܢܐ ܕܠܥܿܠܡ

next chapter