The Comprehensive Aramaic Lexicon

16:00 [ai]	ܙܡܝܼܪܬܐ ܕܚܡܫܝܢ ܘܬܫܥܐ
16:01 [ai]	ܟܕ ܐܗܡܝܬܸ܂ ܢܦܫܝ ܩܼܿܠܝܼܠ ܡܼܢ ܡܪܝܐ܂ ܥܕ ܩܠܝܼܠ ܗܿܘܐ ܗܿܘܝܬ ܒܫܪ̈ܥܬܐ ܕܫܼܢܬܐ ܕܚܒܿܠܐ
16:02 [ai]	ܘܟܕ ܐܪܚܩܿܬ ܡܼܢ ܡܪܝܐ܂ ܥܕ ܩܼܿܠܝܼܠ ܡܬܼܐܫܕܿܐ ܗܼܘܬܸ܂ ܢܦܫܝ ܠܡܘܬܐ ܥܠ ܓܢܒ ܬܪ̈ܥܐ ܕܫܝܘܿܠ ܥܡ ܚ̈ܛܝܐ
16:03 [ai]	ܘܟܕ ܐܬܪܟܢܬܸ܂ ܢܦܫܝ ܡܼܢ ܐܠܗܗ ܕܝܼܣܪܐܝܠ܂ ܐܠܘܠܐ ܡܪܝܐ ܥܕܪܢܝ ܒܪ̈ܚܡܼܘܗܝ ܕܠܥܿܠܡ
16:04 [ai]	ܕܩܼܪܢܝ ܐܝܟ ܙܩܘܬܐ ܕܣܘܼܣܝܐ ܠܥܝܼܪܘܬܗ܂ ܦܿܪܘܩܝ ܘܡܥܕܪܢܝ ܒܟܠܙܒܢ ܗܼܘ܂ ܐܚܢܼܝ
16:05 [ai]	ܐܿܘܕܐ ܠܟ ܐܠܗܐ܂ ܡܛܠ ܕܥܕܪܬܢܝ ܒܦܘܪܩܢܟ܂ ܘܠܐ ܚܫܒܼܬܢܝ ܥܡ ܚܛ̈ܝܐ ܠܐܒܕܢܐ
16:06 [ai]	ܠܐ ܬܪܚܩ ܪ̈ܚܼܡܝܟ ܡܢܝ ܐܠܗܐ܂ ܘܠܐ ܢܥܼܢܕ ܕܘܟܪܢܟ ܡܼܢ ܠܒܼܝ ܥܕܡܐ ܠܡܼܘܬܐ
16:07 [ai]	ܦܪܘܩܝܢܝ ܡܪܝܐ ܡܼܢ ܚܛܝܼܬܐ ܒܝܼܫܬܐ܂ ܘܡܼܢ ܟܠ ܐܢܬܬܐ ܒܝܼܫܬܐ ܕܡܟܫܠܐ ܠܫܒܪܐ
16:08 [ai]	ܘܠܐ ܢܼܿܫܪܥܢܝ ܫܘܼܦܪܗܿ ܕܐܢܬܬܐ ܥܘܠܬܐ܂ ܐܦܠܐ ܟܠ ܚܛܗܐ ܕܐܝܼܬ
16:09 [ai]	ܘܐܬܼܩܢ ܥܒܿܕ ܐܝܼ̈ܕܝ ܩܕܡܿܝܟ܂ ܘܗ̈ܠܟܬܝ ܢܛܪ ܒܕܘܟܪܢܟ
16:10 [ai]	ܠܫܼܢܝ ܘܣܼ̈ܦܘܬܝ ܒܡܼ̈ܠܐ ܕܫܪܪܐ ܐܬܼܩܢ܂ ܪܘܓܙܐ ܘܚܼܡܬܐ ܕܠܐ ܡܠܼܬܐ ܐܪܚܼܩ ܡܼܢܝ
16:11 [ai]	ܪܛܢܐ ܘܙܥܘܪܘܬ ܢܦܫܐ ܒܐܘܠܨܢܐ ܐܪܚܼܩ ܡܼܢܝ܂ ܐܢ ܓܝܪ ܐܿܚܛܐ ܟܕ ܪܕܝܿܬ ܠܬܝܒܘܬܐ
16:12 [ai]	ܒܨܼܒܝܢܐ ܕܝܢ ܕܚܕܘܬܐ ܫܪܪ ܢܼܦܫܝ܂ ܘܟܕ ܕܝܢ ܬܚܝܠ ܠܢܦܫܝ܂ ܢܣܼܦܩ ܠܝܼ ܡܕܡ ܕܐܐܬܝܼܗܒ
16:13 [ai]	ܡܛܠ ܕܐܢ ܓܝܪ ܠܐ ܬܚܝܠܢܝ܂ ܡܢܘܼ ܢܣܝܒܪ ܡܼܿܪܕܘܬܐ ܒܡܣܟܢܘܬܐܿ
16:14 [ai]	ܟܕ ܬܬܟܘܢ ܢܦܫܐ ܒܒܼܣܪܗ ܘܒܐܘܠܨܢܐ ܕܡܣܟܢܘܬܗ
16:15 [ai]	ܘܟܕ ܢܣܝܒܪ ܙܕܝܩܐ ܒܗܠܝܢ܂ ܢܗܼܘܘܢ ܥܠܘܗܝ ܪ̈ܚܼܡܐ ܡܼܢ ܡܪܝܐ

next chapter