The Comprehensive Aramaic Lexicon

01:01 [ai]	ܩܰܫܺܝܫܳܐ܂ ܠܓܼܰܐܺܝܳܘܣ ܚܰܒܺܝܒܼ ܠܗܰܘ ܕܶܐܢܳܐ ܡܰܚܶܒܼ ܐ̱ܢܳܐ ܒܰܫܪܳܪܳܐ܀
01:02 [ai]	ܚܰܒܺܝܒܼܰܢ܃ ܒܟܽܠܡܶܕܶܡ ܡܨܰܠܶܐ ܐ̱ܢܳܐ ܥܠܰܝܟܿ܃ ܕܬܶܨܠܰܚ ܘܬܼܶܗܘܶܐ ܚܠܺܝܡ܃ ܐܰܝܟܼܡܳܐ ܕܡܰܨܠܚܳܐ ܢܰܦܼܫܳܟܼ܂
01:03 [ai]	ܚܕܼܺܝܬܼ ܓܹܝܪ ܣܰܓܿܺܝ܃ ܕܳܐܬܼܶܝܢ ܐܰܚܶܐ̈ ܘܣܳܗܕܺܝܢ ܥܰܠ ܫܪܳܪܳܟܼ܃ ܐܰܝܟܼ ܡܳܐ ܕܰܐܢ̱ܬܿ ܒܰܫܪܳܪܳܐ ܡܗܰܠܶܟܼ ܐܰܢ̱ܬܿ܂
01:04 [ai]	ܕܪܰܒܿܳܐ ܡܶܢ ܗܳܕܼܶܐ ܚܰܕܼܽܘܬܼܳܐ܂ ܠܰܝܬܿ ܠܺܝ܃ ܕܶܐܫܡܰܥ ܕܿܰܒܼܢܰܝܳܐ ܕܺܝܠܝ ܒܰܫܪܳܪܳܐ ܡܗܰܠܟܼܺܝܢ܂
01:05 [ai]	ܚܰܒܺܝܒܼܰܢ܃ ܒܗܰܝܡܳܢܽܘܬܼܳܐ ܥܳܒܼܶܕܼ ܐܰܢ̱ܬܿ ܗܰܘ ܡܳܐ ܕܣܳܥܰܪ ܐܰܢ̱ܬܿ ܠܘܳܬܼ ܐܰܚܶܐ̈܃ ܘܝܰܬܿܺܝܪܳܐܺܝܬܼ ܕܺܐܝܬܼܰܝܗܽܘܢ ܐܰܟܼܣܢܳܝܶܐ̈܃
01:06 [ai]	ܐܰܝܠܶܝܢ ܕܰܐܣܗܶܕܼܘ ܥܰܠ ܚܽܘܒܼܳܟܼ ܩܕܼܳܡ ܟܽܠܳܗ ܥܺܕ̱ܿܬܳܐ܂ ܠܗܳܢܽܘܢ ܫܰܦܿܺܝܪ ܥܳܒܼܶܕܼ ܐܰܢ̱ܬܿ܃ ܕܰܡܙܰܘܶܕܼ ܐܰܢ̱ܬܿ ܠܗܽܘܢ܃ ܐܰܝܟܼ ܡܳܐ ܕܰܦܼܶܐܐ ܠܰܐܠܳܗܳܐ܂
01:07 [ai]	ܚܠܳܦܼ ܓܹܝܪ ܫܡܶܗ܂ ܢܦܼܰܩܘ܃ ܟܰܕܼ ܡܶܕܶܡ ܠܳܐ ܢܣܰܒܼܘ ܡܶܢ ܥܰܡ̱ܡܶܐ̈܂
01:08 [ai]	ܚܢܰܢ ܗܳܟܼܺܝܠ ܚܰܝܳܒܼܺܝܢܰܢ ܠܰܡܩܰܒܿܳܠܽܘ ܠܕܼܰܐܝܟܼ ܗܳܠܶܝܢ܃ ܕܰܡܥܰܕܿܪ̈ܳܢܶܐ ܢܶܗܘܶܐ ܠܰܫܪܳܪܳܐ܂
01:09 [ai]	ܒܿܳܥܶܐ ܗ̱ܘܺܝܬܼ ܐܶܟܼܬܽܘܒܼ ܠܥܺܕ̱ܿܬܳܐ܂ ܐܶܠܳܐ ܗܰܘ ܕܪܳܚܶܡ ܕܢܶܗܘܶܐ ܩܰܕܼܡܳܝܳܐ ܕܺܝܠܗܽܘܢ܂ ܕܿܺܝܳܘܛܪܶܦܼܺܝܣ܃ ܠܳܐ ܡܩܰܒܿܶܠ ܠܰܢ܂
01:10 [ai]	ܡܶܛܽܠ ܗܳܢܳܐ ܐܶܢ ܗܽܘ ܕܺܐܬܼܶܐ܃ ܐܶܥ̱ܗܰܕܼ ܥܒܼܳܕܼܰܘܗ̱ܝ̈ ܗܳܢܽܘܢ ܕܰܥܒܼܰܕܼ܃ ܕܰܒܼܡܶܠܶܐ̈ ܒܺܝܫܳܬܼܳܐ̈ ܣܳܬܼܰܪ ܠܰܢ܂ ܘܟܼܰܕܼ ܠܳܐ ܣܦܼܰܩ ܠܶܗ ܗܳܠܶܝܢ܃ ܠܳܐ ܗܽܘ ܡܩܰܒܿܶܠ ܠܰܐܚܶܐ̈܃ ܘܠܰܐܝܠܶܝܢ ܕܰܡܩܰܒܿܠܺܝܢ܂ ܟܳܠܶܐ ܘܡܰܦܿܶܩ ܡܶܢ ܥܺܕ̱ܿܬܳܐ܂
01:11 [ai]	ܚܰܒܺܝܒܼܰܢ܃ ܠܳܐ ܬܿܶܬܿܕܰܡܶܐ ܒܒܼܺܝܫܬܳܐ܂ ܐܶܠܳܐ ܒܛܳܒܼܬܼܳܐ܂ ܗܰܘ ܕܥܳܒܼܶܕܼ ܛܳܒܼܬܼܳܐ܃ ܡܶܢ ܐܰܠܳܗܳܐ ܐܺܝܬܼܰܘܗ̱ܝ܂ ܗܰܘ ܕܥܳܒܼܶܕܼ ܒܺܝܫܬܳܐ܃ ܠܳܐ ܚܙܳܝܗ̱ܝ ܠܰܐܠܳܗܳܐ܂
01:12 [ai]	ܥܰܠ ܕܿܺܡܺܝܛܪܺܝܳܘܣ܂ ܐܺܝܬܼ ܗ̱ܽܘ ܣܳܗܕܿܽܘܬܼܳܐ ܡܶܢ ܟܽܠܢܳܫ܂ ܘܡܶܢܳܗ ܕܥܺܕ̱ܿܬܳܐ܂ ܘܡܶܢܶܗ ܕܰܫܪܳܪܳܐ܂ ܐܳܦܼ ܚܢܰܢ ܕܹܝܢ ܣܳܗܕܺܝܢܰܢ܃ ܘܝܳܕܼܰܥ ܐܰܢ̱ܬܿ ܕܣܳܗܕܿܽܘܬܼܳܐ ܕܺܝܠܰܢ ܫܰܪܺܝܪܳܐ ܗ̱ܝ܀
01:13 [ai]	ܣܰܓܿܺܝܳܐܬܼܳܐ̈ ܐܺܝܬܼ ܗ̱ܘܳܐ ܠܺܝ ܠܡܶܟܼܬܿܰܒܼ ܠܳܟܼ܃ ܐܶܠܳܐ ܠܳܐ ܒܿܳܥܶܐ ܐ̱ܢܳܐ ܕܰܒܼܝܰܕܼ ܕܝܽܘܬܼܳܐ ܘܩܰܢܝܳܐ ܐܶܟܼܬܽܘܒܼ ܠܳܟܼ܂
01:14 [ai]	ܡܣܰܒܰܪ ܐ̱ܢܳܐ ܕܶܝܢ܃ ܕܒܰܥܓܼܰܠ ܐܶܚܙܶܝܟܼ܃ ܘܦܼܽܘܡܳܐ ܠܘܳܬܼ ܦܽܘܡܳܐ ܢܡܰܠܶܠ܂
01:15 [ai]	ܫܠܳܡܳܐ ܢܶܗܘܶܐ ܥܰܡܳܟܼ܂ ܫܳܐܠܺܝܢ ܫܠܳܡܳܟܼ ܪ̈ܳܚܡܶܐ܂ ܫܰܐܠ ܫܠܳܡܳܐ ܕܿܪ̈ܳܚܡܶܐ ܕܟܽܠܢܳܫ ܒܰܫܡܶܗ܀