← Back
The Comprehensive Aramaic Lexicon
← Return to the Text Browser
click on the file description for more information
63100: IshPs (Ishodad of Merv on Psalms)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


007:01 ܥܡܗܘܢ܂ ܡܠܘܢ ܕܝܢ ܢܬܢ ܘܓܕ ܢܒ̈ܝܐ ܝܒܠܘ ܠܘܬܗ
007:02 ܫܠܝܚܘܬܐ ܐܠܗܝܬܐ ܒܙܒܢ ܙܒܢ܃ ܥܠ ܣܘܥܪ̈ܢܐ ܕܒܝܘܡ̈ܬܗ܃
007:03 ܘܐܦ ܫ̈ܐܠܬܗ ܠܐܠܗܐ ܒܝܕ ܐܒܝܬܪ ܡܩܪܒ ܗܘܐ܂ ܚܢܢ ܕܝܢ
007:04 ܐܡܪܝܢܢ ܨܝܕ ܗܿܢܘܢ ܕܗܠܝܢ ܒܓܠܝܢ܃ ܕܛܘܒܢܐ ܕܘܝܕ ܝܡܐ ܗܘܐ
007:05 ܕܢܒܝܘܬܐ܂ ܘܐܦܢ ܒܝܕ ܢܒ̈ܝܐ ܐܬܡܠܠ ܥܡܗ ܥܠ ܣܘܥܪ̈ܢܐ
007:06 ܙܥܘܪ̈ܐ ܕܒܙܒܢܗ܃ ܐܠܐ ܪܘܪ̈ܒܬܐ ܘܥܬܝ̈ܕܬܐ ܕܕܘܝܕ ܥܠܝܗܝܢ
007:07 ܡܡܠܠ ܗܘܐ܃ ܕܒܝܬ ܢܬܢ ܡܢܗܝܢ ܪܚܝܩܝܢ ܗܘܘ܂ ܐܦ ܓܝܪ ܣܓܝ
007:08 ܙܢܝ̈ܐ ܗܼܘ ܪܘܚܐ ܕܩܘܕܫܐ ܒܡܘܗܒ̈ܬܗ܂ ܐܝܟ ܕܥܠ ܛܘܪܐ ܓܝܪ
007:09 ܪܡܐ ܕܝܕܥܬܐ ܐܠܗܝܬܐ ܩܼܡ܃ ܘܐܕܝܩ ܚܼܙܐ ܐܝܟ ܡܘܫܐ
007:10 ܠܐܪܥ ܡܘܠܟܢܐ ܠܟܠܗܝܢ ܩܕܡ̈ܝܬܐ ܘܐܚܪ̈ܝܬܐ܂ ܘܟܕ ܥܢܼܐ ܥܡ
007:11 ܩܝܬܪܗ܃ ܥܠ ܢܗܪ̈ܘܬܐ ܕܒܒܠ ܪܡܿܙ ܒܗ܂ ܘܨܝܪ ܩܕܡ ܥܝ̈ܢܝ
007:12 ܡܕܥܗ ܡܫܝܚܐ ܘܛܒ̈ܬܗ܃ ܘܩܝܡܬܐ ܘܕܝܼܢܐ ܕܥܡܡ̈ܐ܂ ܠܐ
007:13 ܓܝܪ ܐܡܝܪ ܕܗܘܼܐ ܥܠܘܗܝ ܦܬܓܡܗ ܕܡܪܝܐ ܐܘ ܚܙܘܐ ܘܕܫܪܟܐ܃
007:14 ܥܠ ܕܐܦܠܐ ܐܫܬܕܪ ܠܘܬ ܐܚܪ̈ܢܐ܃ ܕܢܐܡܪ ܠܗܘܢ ܕܗܟܢܐ
007:15 ܐܿܡܪ ܡܪܝܐ܂ ܡܛܠ ܕܢܒܝܘܬܗ ܠܘ ܥܠ ܒܢܝ ܙܒܢܗ ܐܝܬܝܗܿ ܗܘܬ܃
007:16 ܐܠܐ ܥܠ ܕܪ̈ܐ ܪ̈ܚܝܩܐ܂ ܐܫܥܝܐ ܕܝܢ ܘܚܒܪ̈ܘܗܝ܃ ܡܛܠ ܕܠܘܬ
007:17 ܥܒ̈ܕܝ ܒܝܫ̈ܬܐ ܐܫܬܕܪܘ ܕܢܟܣܘܢ ܐܢܘܢ܃ ܫܦܝܪ ܪܫܡܝܢ
007:18 ܙܒ̈ܢܐ ܘܣܝܡܝܢ ܓܠܝ̈ܢܐ܂ ܘܠܘ ܒܐܡܝܢܘ ܡܦܣ ܗܘܐ ܠܗܘܢ
007:19 ܕܢܬܢܒܘܢ܃ ܐܠܐ ܐܡܬܝ ܕܡܩܒܠܝܢ ܓܠܝܢܐ ܕܦܩܕ ܗܘܐ ܠܗܘܢ܂
007:20 ܠܘܬ ܕܘܝܕ ܕܝܢ ܠܝܬ ܡܕܡ ܕܐܝܟ ܗܟܢ܃ ܐܠܐ ܫܠܝܐ ܘܫܝܢܐ
007:21 ܘܦܨܝܚܘܬܐ ܒܗܝܠܬܐ܂ ܘܡܢ ܡܫܝܚܘܬܗ ܫܼܪܐ ܒܗ ܪܘܚܐ
007:22 ܘܓܠܼܐ ܠܗ ܐܪ̈ܙܐ ܕܡܕܒܪܢܘܬܗ܃ ܐܝܟ ܕܐܡܼܪ ܗܼܘ ܕܠܫܢܝ ܩܢܝܗ
007:23 ܕܣܦܪܐ ܡܗܝܪܐ܂ ܘܟܠ ܐܡܬܝ ܕܨܿܒܐ ܗܘܐ ܥܠ ܟܠ ܣܘܥܪ̈ܢܐ
007:24 ܡܡܠܠ ܗܘܐ܃ ܟܕ ܡܨܒܬܐ ܡܠܬܗ ܡܢ ܪܘܚܐ ܕܫܼܪܐ ܒܗ܂ ܘܐܦܢ
007:25 ܒܡܙܡܘܪ̈ܐ ܠܐ ܐܡܼܪ ܕܚܿܙܝܬ ܠܡܪܝܐ ܘܕܫܪܟܐ܃ ܐܠܐ ܒܟܬܒܐ
007:26 ܕܫܡܘܐܝܠ ܐܿܡܪ܂ ܐܡܼܪ ܠܡ ܓܒܪܐ ܕܐܩܝܡ ܢܝܪܐ ܕܡܫܝܚܗ܂
007:27 ܘܐܠܗܗ ܕܝܥܩܘܒ ܡܒܣܡ/ܡ‍{‍ܣ‍}‍ܒܣܡ#2#/ ܙܡܝܪ̈ܬܗ ܕܝܣܪܝܠ܂ ܪܘܚܗ ܕܡܪܝܐ
007:28 ܡܠܠܬ ܒܝ܃ ܘܡܠܬܗ ܥܠ ܠܫܢܝ܂ ܐܡܼܪ ܐܠܗܐ ܕܝܣܪܝܠ܃ ܘܠܝ ܐܡܼܪ
007:29 ܬܩܝܦܐ ܕܝܣܪܝܠ܂ ܒܡܙܡܘܪ̈ܐ ܕܝܢܼ ܒܙܒܢ܃ ܐܠܗ ܐܠܗ̈ܝܢ ܡܪܝܐ

next page