← Back
The Comprehensive Aramaic Lexicon
← Return to the Text Browser
click on the file description for more information
63100: IshPs (Ishodad of Merv on Psalms)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


012:01 ܕܐܝܬܝܗܝܢ܂ ܗܐ ܓܝܪ ܠܣܘܣܝܐ ܒܕܘܟ ܥܠ ܒܝܫ̈ܐ ܠܚܘܕ ܢܣܒܝܢ܃
012:02 ܡܢ ܗܿܝ ܕܡܪ̈ܟܒܬܗ ܕܦܪܥܘܢ ܘܕܫܪܟܐ܂ ܟܕ ܓܝܪ ܡܛܘ
012:03 ܠܡܪܟܒܬܗ ܕܙܟܪܝܐ܃ ܥܼܨܐ ܐܢܘܢ ܩܛܝܪܗܿ ܕܬܫܥܝܬܐ
012:04 ܘܦܫܩܘܗܝ ܥܠ ܛܒ̈ܐ܂ ܐܦ ܠܚܡܪܐ ܗܘ ܗܟܘܬ܂ ܐܢܫ ܕܝܢ
012:05 ܡܢܗܘܢ ܒܙܒܢ ܣܠܼܩ ܕܢܬܪܓܡ ܒܩܘܣܛܢܛܝܢܦܘܠܝܣ܃ ܘܟܕ
012:06 ܒܥܼܐ ܕܒܫܘܡܗܐ ܪܚܝܡܐ ܕܚܡܪܐ ܢܘܪܒܗ ܠܥܡܐ ܕܩܕܡܘܗܝ܀
012:07 ܐܡܼܪ ܕܐܢܬܘܢ ܟܠܟܘܢ ܚܡܪ̈ܐ ܐܢܬܘܢ܂ ܟܕ ܕܝܢ ܚܪܘ
012:08 ܫܡܘ̈ܥܘܗܝ ܒܚ̈ܕܕܐ܃ ܘܚܙܘ ܕܠܘ ܚܡܪ̈ܐ ܐܢܘܢ܃ ܘܒܗܬ ܗܿܘ
012:09 ܡܬܪܓܡܢܐ ܣܟܠܐ܃ ܐܣܝܗ ܠܪܥܝܢܗܘܢ ܒܗܿܝ ܕܐܘܣܦ܃
012:10 ܕܐܦ ܐܢܐ ܚܡܪܐ ܐܢܐ ܐܟܘܬܟܘܢ܂ ܘܩܒܠܘ ܦܝܣܐ܃ ܐܢ
012:11 ܐܦ ܡܠܦܢܗܘܢ ܚܡܪܐ ܐܝܬܘܗܝ܂ ܗܕܐ ܟܠܗܿ ܫܥܝܘܬܐ ܡܠܐ
012:12 ܦܘܫܩܐ ܕܦܠܐܬܢܝ̈ܬܐ܂
012:13 ܘܕܠܐ ܢܐܪܟ ܫܪܒܐ܃ ܚܕܐ ܬܚܘܝܬܐ ܡܝܬܐ ܐܢܐ܃
012:14 ܕܡܫܟܚܐ ܕܬܚܘܐ ܢܝܫܐ ܕܟܠܗܝܢ܂ ܡܐ ܠܡ ܕܐܿܡܪ ܫܠܝܚܐ܃
012:15 ܕܟܐܦܐ ܗܿܝ ܗܼܘ ܗܘܼܐ ܡܫܝܚܐ܃ ܓܠܝܐܝܬ ܚܘܝ ܕܐܦܢ ܠܗܿܢܘܢ
012:16 ܟܐܦܐ ܡܣܬܒܪܐ ܗܘܬ܃ ܐܠܐ ܐܝܟ ܕܒܫܪܪܐ ܗܼܘ ܡܫܝܚܐ
012:17 ܐܝܬܘܗܝ ܗܘܐ܃ ܕܟܣܝܐܝܬ ܡܥܒܕ ܗܘܐ ܠܦܘܪܩܢܐ ܕܐܝܠܝܢ
012:18 ܕܠܗܘܢ ܐܬܕܡܝ܂ ܘܒܗܢܐ ܙܢܐ ܐܦ ܥܠ ܡܠܟܝܙܕܩ ܐܡܪܝܢ
012:19 ܕܗܘܼܝܘ ܒܪܗ ܕܐܠܗܐ܃ ܒܕܠܘ ܚܕܐ ܙܒܢ ܐܡܪܝܢ ܕܐܝܬܘܗܝ ܦܪܘܩܢ
012:20 ܒܥܠܡܐ܃ ܐܠܐ ܙܒ̈ܢܝܢ ܣ̈ܓܝܐܢ܃ ܘܠܟܠ ܚܕ ܡܢ ܕܪ̈ܐ ܐܝܟ
012:21 ܡܫܘܚܬܗ ܐܬܓܠܝ܃ ܘܥܡ ܟܠ ܟܠ ܗܘܼܐ܂ ܘܐܦ ܠܓܘܫܡ̈ܐ ܡܝ̈ܬܐ
012:22 ܕܟܐܦ̈ܐ ܐܠܨܬ ܕܢܐܬܐ܃ ܕܠܐܝܠܝܢ ܕܟܕܝܢܝܢ ܒܗܘܢ ܢܚܪܪ܂ ܘܠܐ
012:23 ܐܬܒܝܢܘ ܗܕܝܘ̈ܛܐ܃ ܕܡ̈ܠܐ ܕܡܝܬܝܢ ܫ̈ܠܝܚܐ ܡܢ ܥܬܝܩܬܐ܃ ܠܘ
012:24 ܒܚܕ ܙܢܐ ܡܝܬܝܢ ܠܗܝܢ܃ ܐܠܐ ܡܢܗܝܢ ܐܝܟ ܕܠܡܢܗܪܘ
012:25 ܫܘܡܠܝܐ ܕܢܝܫܗܝܢ ܘܠܡܦܫܩܘܬܗ܃ ܘܡܢܗܝܢ ܐܝܟ ܕܒܬܚܘܝܬܐ
012:26 ܠܡܪܬܝܢܘܬܐ ܘܬܘܪܨܐ ܕܫܡܘ̈ܥܐ܃ ܘܡܢܗܝܢ ܐܝܟ ܐܝܠܝܢ
012:27 ܕܠܚܡ̈ܢ ܠܩܘܝܡܐ ܕܝܘܠܦܢܐ ܕܗܝܡܢܘܬܐ܃ ܐܦܢ ܒܙܒܢܗܝܢ ܥܠ
012:28 ܥ̈ܠܠܬܐ ܐܚܪ̈ܢܝܬܐ ܐܡܝܪ̈ܢ܂ ܡܐ ܓܝܪ ܕܦܫܩ ܡܪܢ
012:29 ‍{‍ܠܡܙܡܘܪܐ‍}‍‍<‍ܠܡܙܡܘܪ̈ܐ‍>‍ ܕܬܡܢܝܐ ܘܕܡܐܐ ܘܥܣܪ ܥܠ ܢܦܫܗ܃ ܘܐܦ
012:30 ܦܛܪܘܣ ܒܦܪܟܣܝܣ ܘܦܘܠܘܣ ܒܐܓܪ̈ܬܗ ܢܣܒܿܝܢ ܠܗܘܢ ܠܗܠܝܢ܃

next page