← Back
The Comprehensive Aramaic Lexicon
← Return to the Text Browser
click on the file description for more information
63100: IshPs (Ishodad of Merv on Psalms)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


013:01 ܘܠܗܿܘ ܕܬܪ̈ܝܢ ܘܠܗܿܘ ܕܐܪܒܥܝܢ ܘܚܡܫ ܥܠ ܡܪܢ ܠܗܠܝܢ܃ ܐܝܟ ܡܿܢ
013:02 ܕܫܪܝܪܐܝܬ ܐܡܝܪ̈ܢ ܥܠܘܗܝ ܡܦܫܩܝܢ ܠܗܘܢ܂ ܡܐ ܓܝܪ ܕܐܡܼܪ
013:03 ܡܪܢ ܒܙܩܝܦܐ܃ ܐܝܠ ܐܝܠ ܠܡܢܐ ܫܒܩܬܢܝ܃ ܐܘ ܗܿܝ ܕܐܒܝ
013:04 ܒܐܝ̈ܕܝܟ ܣܿܐܡ ܐܢܐ ܪܘܚܝ܃ ܕܐܝܬܝܗܿ ܗܿܝ ܕܠܟ ܐܛܪܬ ܪܘܚܝ܃
013:05 ܐܘ ܡܦܚܡܝܢ ܫ̈ܠܝܚܐ ܦܬܓܡ̈ܐ ܠܘܩܒܠ ܣܘܥܪ̈ܢܐ܃ ܐܝܟ ܗܿܝ
013:06 ܕܒܙܥܘ ܐܝ̈ܕܝ ܘܪ̈ܓܠܝ܃ ܘܦܠܓܘ ܢܚ̈ܬܝ ܒܝܢܬܗܘܢ܃ ܘܗܿܝ ܕܝܗܒܘ
013:07 ܡܐܟܘܠܬܝ ܡܪܪ̈ܐ܃ ܘܗܿܝ ܕܠܐ ܫܒܩܼܬ ܠܢܦܫܝ ܒܫܝܘܠ܂ ܘܐܢ ܗܿܝ
013:08 ܕܦܘܠܘܣ ܠܘܩܒܠ ܝܗܘ̈ܕܝܐ ܐܿܡܪ ܗܘܐ ܠܡܣܬܠܝܢܘܬܐ
013:09 ܕܙܕܝܩܘܬܐ ܕܡܢ ܢܡܘܣܐ ܘܩܘܝܡܐ ܕܗܝܡܢܘܬܐ
013:10 ܘܡܬܦܢܝܢܘܬܐ ܕܥܡ̈ܐ܃ ܕܠܝܬ ܠܡ ܟܐܢܐ ܐܦ ܠܐ ܚܕ܃ ܘܠܐ
013:11 ܕܡܣܬܟܠ ܘܠܐ ܕܒܿܥܐ ܠܐܠܗܐ܃ ܘܛܘܒܘܗܝ ܠܡܿܢ ܕܐܫܬܒܩ ܠܗ
013:12 ܥܘܠܗ܃ ܘܫܒܚܘ ܠܡܪܝܐ ܟܠܟܘܢ ܥܡܡ̈ܐ ܘܕܫܪܟܐ
013:13 ܕܐܟܘܬܗܝܢ܃ ܗܠܝܢ ܕܡܝܐܝܬ ܠܦܘܬ ܠܚܡܘܬܐ ܕܡܦܩܢܗܘܢ
013:14 ܕܣܘܥܪ̈ܢܐ ܐܬܐܡܪ܃ ܟܕ ܒܕܘܟܝܬܗܝܢ ܐܚܪ̈ܢܝܬܐ ܐܢܝܢ
013:15 ܥܠܠܬܗ̈ܝܢ܂ ܕܐܝܢܐ ܕܝܢ ܦܘܪܫܢܐ ܩ̈ܢܝܢ ܗܿܢܝܢ ܠܘܬ ܚ̈ܕܕܐ܃ ܗܼܘ
013:16 ܣܕܪܐ ܕܦܬܓܡ̈ܐ ܦܫ‍<‍ܝ‍>‍ܩܐܝܬ ܡܘܕܥ܃ ܠܐܝܠܝܢ ܕܨܒܝܢ
013:17 ܕܢܬܛܦܝܣܘܢ ܠܫܪܪܐ܂ ܡܐ ܕܝܢ ܕܐܡܼܪ ܡܪܢ ܠܝܗܘ̈ܕܝܐ܃ ܕܐܝܟ
013:18 ܕܐܪܝܡ ܡܘܫܐ ܚܘܝܐ ܒܡܕܒܪܐ ܘܕܫܪܟܐ܃ ܡܛܠ ܕܡܝܘܬܗ
013:19 ܕܣܘܥܪܢܐ ܝܗܒܗ ܠܗܘܢ ܒܦܠܐܬܐ܃ ܕܠܐ ܢܬܦܠܓܘܢ ܥܠ
013:20 ܦܘܪܩܢܐ ܕܗܿܘܐ ܠܒܢܝܢܫܐ ܒܝܕ ܙܩܝܦܐ܃ ܐܦܢ ܒܟܝܢܗ ܒܪܢܫܐ
013:21 ܡܬܚܙܐ ܕܐܝܬܘܗܝ ܗܿܘ ܕܐܙܕܩܦ܃ ܐܝܟܐ ܕܒܚܘܝܐ ܕܢܚܫܐ
013:22 ܕܓܠܝܙ ܡܢ ܚܝܘܬܐ ܘܪܓܫܬܐ ܡܬܦܪܩܝܢ ܗܘܘ ܐܝܠܝܢ ܕܡܬܢܟܬܝܢ
013:23 ܡܢ ܚܘ̈ܘܬܐ ܚܪ̈ܡܢܐ܂ ܘܒܗܢܐ ܛܟܣܐ ܐܦ ܦܘܠܘܣ ܫܡܗܗ
013:24 ܠܡܫܝܚܐ ܟܐܦܐ ܕܒܡܕܒܪܐ ܘܚܘܣܝܐ ܕܥܠ ܩܒܘܬܐ܂ ܕܐܝܟ
013:25 ܕܒܡܨܥܝܘܬܗ ܕܗܿܘ ܛ‍<‍ܟ‍>‍ܣܐ ܡܬܝܗܒ ܗܘܐ ܚܘܣܝܐ ܠܥܡܐ܃
013:26 ܗܟܢܐ ܒܡܫܝܚܐ ܡܬܬܪܝܡܐ ܚܛܝܬܐ ܘܡܝܘܬܘܬܐ ܡܢ ܟܠܗ
013:27 ܟܝܢܐ ܐܢܫܝܐ܃ ܘܡܩܒܠܝܢ ܒܗ ܚܘܣܝܐ ܓܡܝܪܐ܂ ܘܐܝܟ ܗܿܝ
013:28 ܟܐܦܐ ܒܝܕ ܫܦ̈ܥܝܗܿ ܦܝܓܬ ܨܗܝܐ ܕܝܣܪ̈ܠܝܐ܃ ܗܟܢܐ ܐܦ ܟܠ
013:29 ܕܐܫܬܝܘ ܡܢ ܝܘܠܦܢܗ ܚܝܐ ܕܡܫܝܚܐܼ܃ ܠܐ ܬܘܒ ܡܫܬܠܛ
013:30 ܒܗܘܢ ܨܗܝܐ ܕܛܥܝܘܬܐ܂ ܠܘ ܟܕ ܒܗܠܝܢ ܠܫܪܪܗܘܢ
013:31 ܕܣܘܥܪ̈ܢܐ ܥܿܛܐ ܘܡܒܛܠ܃ ܘܡܕܡ ܐܚܪܝܢ ܚܠܦܝܗܘܢ ܣܿܐܡ܂

next page