The Comprehensive Aramaic Lexicon

014:01	ܘܐܢܕܝܢ ܠܐ܃ ܡܢܐ ܗܝ ܟܠܝܬܐ܃ ܕܐܦ ܕܘܝܕ ܠܘ ܕܘܝܕ ܢܗܘܐ
014:02	ܘܫܐܘܠ ܘܐܒܫܠܘܡ ܘܟܠܚܕ ܡܢ ܦܪ̈ܨܘܦܐ ܩܕܡ̈ܝܐ ܕܪܫܝܡܝܢ
014:03	ܒܟܬܒ̈ܐ܃ ܗܼܢܘܢ ܘܣܘܥܪ̈ܢܝܗܘܢ܃ ܠܘ ܗܟܢܐ ܐܠܐ ܡܕܡ
014:04	ܐܚܪܝܢ ܢܗܘܐ܃ ܐܝܟ ܕܐܦ ܡܫܝܚܐ ܘܡܕܒܪܢܘܬܗ ܡܕܡ
014:05	ܐܚܪܝܢ ܢܣܬܟܠܝܘܗܝ܂ ܬܘܒ ܕܝܢ ܗܼܘ ܡܕܡ ܥܡ ܝܬܗ ܬܚܘܝܬܢܐܝܬ
014:06	ܠܐ ܡܬܦܚܡ܂ ܘܐܝܟܢܐ ܡܕܝܢ ܦܪܘܩܢ ܦܚܡ ܙܩܝܦܘܬܗ
014:07	ܒܙܩܝܦܘܬܐ ܕܚܘܝܐ ܕܢܚܫܐ܃ ܐܢ ܗܘܼܝܘ ܟܕ ܗܼܘ ܠܗܠ ܘܬܢܢ܂
014:08	ܘܟܒܪ ܟܕ ܣܓܕܝܢ ܗܘܘ ܠܗ ܒܢܝ ܝܣܪܝܠ ܒܝܘܡ̈ܝ ܚܙܩܝܐ܃ ܫܦܝܪ
014:09	ܥܒܕܝܢ ܗܘܘ ܥܠ ‍{‍ܕܐܣܬܟܠܝܘܗܝ‍}‍‍<‍ܕܐܣܬܟܠܘܗܝ#2#‍>‍ ܕܗܘܼܝܘ ܡܫܝܚܐ܂ ܘܠܡܢܐ
014:10	ܡܕܝܢ ܦܣܩܗ ܚܙܩܝܐ ܥܡ ܫܪܟܐ ܕܕܚ̈ܠܬܐ ܘܐܥܒܪ ܣܓܕܬܗ܂
014:11	ܘܐܢ ܒܠܐ ܝܕܥܬܐ ܥܒܼܕ ܗܕܐ܃ ܘܠܡܢܐ ܟܬܒܐ ܐܠܗܝܐ ܡܩܠܣ
014:12	ܠܗ܂ ܘܠܗܘܢ/ܘܠܡܘܢ#2#/ ܚܿܫܒ ܛܥ̈ܝܐ܂ ܐܠܐ ܝܕܝܥܐ ܗܿܘ ܒܕܝܐ ܕܠܐ
014:13	ܛܥܡܐ ܠܛܥܡ̈ܢܐ܂
014:14	ܡܐ ܓܝܪ ܕܐܡܼܪ ܦܘܠܘܣ ܕܗܠܝܢ ܟܠܗܝܢ ܠܛܘܦܣܢ ܗܘ̈ܝ܃ ܠܘ
014:15	ܗܕܐ ܐܿܡܪ ܕܗܿܢܘܢ ܕܠܘܬܗܘܢ ܗܘܘ ܣܘܥܪ̈ܢܐ ܘܐܫܬܡܝܘ܃
014:16	ܡܕܡ ܠܐ ܐܬܥܕܪܘ ܡܢܗܘܢ܃ ܟܠܗ ܕܝܢ ܣܘܥܪܢܐ ܡܛܠܬܢ
014:17	ܗܘܐ܂ ܐܠܐ ܦܫܩܗܿ ܒܗܿܝ ܕܡܢ ܒܬܪܟܢ܃ ܐܬܟܬܒ ܠܡ ܡܛܠ
014:18	ܡܪܕܘܬܐ ܕܝܠܢ܂ ܗܢܘ܂ ܕܗܿܘ ܡܐ ܕܠܗܿܢܘܢ ܕܪܫܼ ܒܕܚܠܬ ܐܠܗܐ܃
014:19	ܐܦ ܚܢܢ ܒܥܘܗܕܢܗ ܢܬܪܕܐ ܘܢܬܢܦܩ ܒܕܚܠܬܐ ܕܡܢ ܐܠܗܐ܂
014:20	ܘܒܡܣܝܒܪܢܘܬܐ ܕܐܿܝܠܝܢ ܕܦܓܥ̈ܢ ܒܢ܂ ܘܚܠܦ ܡܨܪ̈ܝܐ ܘܐܬܘܪ̈ܝܐ
014:21	ܘܒܒ̈ܠܝܐ ܕܐܠܨܝܢ ܗܘܘ ܠܥܒܪ̈ܝܐ܃ ܢܣܩ ܥܠ ܒܠܢ܃ ܡܫܪ̈ܝܬܐ
014:22	ܟܣ̈ܝܬܐ ܕܪ̈ܘܚܐ ܒ̈ܝܫܬܐ܃ ܕܟܬܫ̈ܢ ܥܡܢ ܥܠ ܐܦܝ̈ ܫܡ̈ܝܢܝܬܐ܂
014:23	ܘܕܐܝܟ ܕܗܿܢܘܢ ܡܛܠ ܒܝܫܘܬܗܘܢ ܡܫܬܠܡܝܢ ܗܘܘ
014:24	ܠܒܥܠܕܒܒ̈ܝܗܘܢ܃ ܗܟܢܐ ܐܦ ܚܢܢ ܡܛܠ ܡܨܛܠܝܢܘܬܢ ܕܠܘܬ
014:25	ܪ̈ܓܝܓܬܐ ܘܚܫ̈ܐ ܦܓܪ̈ܢܝܐ܃ ܡܫܬܠܛܝܢ ܥܠܝܢ ܒܥܠܕܒܒ̈ܝܢ܂ ܘܐܢ
014:26	ܢܬܦܢܐ ܡܢ ܒܝܫ̈ܬܢ܃ ܡܬܚܪܪܝܢܢ ܡܢ ܫܘܥܒܕܗܘܢ ܐܝܟ ܕܐܦ
014:27	ܗܿܢܘܢ܂ ܘܚܠܦ ܛܘܪܐ ܕܨܗܝܘܢ ܘܐܪܥܐ ܕܡܘܠܟܢܐ܃ ܢܬܝܐܒ
014:28	ܚܢܢ ܠܢܝܚܬܐ ܫܡܝܢܝܬܐ ܘܠܐܘܪܫܠܡ ܕܠܥܠ܂ ܘܚܠܦ ܕܒ̈ܚܐ
014:29	ܘܩܘܪ̈ܒܢܐ ܕܒܗܘܢ ܦܪܥܝܢ ܗܘܘ ܩܘܒܠ܆ܛܝܒܘܬܐ ܠܐܠܗܐ܃
014:30	ܢܩܪܒ ܕܒ̈ܚܐ ܪ̈ܘܚܢܐ܃ ܬܘܕܝ̈ܬܐ ܡ̈ܠܝܠܬܐ ܘܬܫܒ̈ܚܬܐ ܕܟܝ̈ܬܐ