← Back
The Comprehensive Aramaic Lexicon
← Return to the Text Browser
click on the file description for more information
63100: IshPs (Ishodad of Merv on Psalms)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


015:01 ܕܫܦܪ̈ܢ ܠܐܠܗܐ܂ ܘܗܟܢ ܓܕܠܼ ܘܪܟܒ ܠܡܙܡܘܪ̈ܐ ܬܡܝܗܐܝܬ܂
015:02 ܕܗܠܝܢ ܕܐܡܝܪ̈ܢ ܥܠ ܚܙܩܝܐ ܠܚܡ̈ܢ ܠܟܠ ܙܕܝܩܐ܃ ܘܗܠܝܢ ܕܥܠ
015:03 ܫܐܘܠ ܘܪ̈ܒܫܩܐ ܚܫܚܝܢ ܘܐܦ ܠܟܠܗܘܢ ܒܝܫ̈ܐ ܘܪ̈ܫܝܥܐ܂ ܘܥܠ
015:04 ܫܪܟܐ ܗܟܘܬ ܐܬܗܘܢܢ ܐܘ ܩܪܘܝܐ܂ ܒܗܢܐ ܙܢܐ ܢܣܒܘ
015:05 ܦܚܡܐ ܡܢ ܩܕܡ̈ܝܐ܃ ܫ̈ܠܝܚܐ ܐܟܚܕ ܘܡ̈ܠܦܢܐ܂ ܘܐܠܐ ܡܢܐ
015:06 ܝܘܬܪܢܐ ܢܣܒܝܢ ܗܘܝܢ ܡܢ ܬܪ̈ܥܝܬܐ ܕܐܚܪ̈ܢܐ܃ ܕܠܢ ܒܡܕܡ
015:07 ܠܐ ܚܫܚܐ ܗܘܬ܂ ܢܣܛܐ ܡܕܝܢ ܡܢ ܦܟܝܗ̈ܬܐ ܘܡܥܝܣ̈ܬܐ
015:08 ܕܦܠܐܬܢܝ̈ܐ܀
015:09 ‍{‍ܝܓ‍}‍
015:10 ܘܙܿܕܩ ܕܢܕܥ ܕܟܕ ܬܫܥܝܬܢܐܝܬ ܐܟܬܒ ܠܢܒܝܘܬܗ ܕܘܝܕ ܘܠܘ
015:11 ܦܠܬܢܐܝܬ܃ ܡܬܚܙܐ ܠܗܿ ܠܢܒܝܘܬܗ ܐܝܟ ܗܿܘ ܕܦܠܐܬܢܐܝܬ
015:12 ܡܡܠܠ ܠܗܿ܂ ܘܥܿܒܕ ܐܣܟܡ̈ܐ ܠܨܒܘ̈ܬܐ ܘܡܠܒܫ ܠܗܝܢ ܦܪ̈ܨܘܦܐ܂
015:13 ܘܡܡܠܠ ܥܠ ܐܠܗܐ ܓܘܫܡܢܐܝܬ܃ ܐܝܟ ܕܠܝܘܠܦܢܐ ܕܫܡ̈ܘܥܐ܂
015:14 ܠܐ ܓܝܪ ܡܫܟܚܝܢ ܦܓܪ̈ܢܐ ܕܐܚܪܢܝܐܝܬ ܢܩܒܠܘܢ ܚܬܝܬܘܬܐ
015:15 ܕܐܝܠܝܢ ܕܡܬܡ̈ܠܠܢ܃ ܐܠܐ ܐܢ ܟܕ ܡܬܡܫܚܐ ܡܠܬܐ ܥܡ
015:16 ܡܚܝܠܘܬܐ ܕܪ̈ܥܝܢܝܗܘܢ܂ ܘܥܠ ܗܕܐ ܠܡܥܒܕܢܘܬܐ ܠܐ
015:17 ܡܬܚܙܝܢܝܬܐ ܕܐܠܗܐ ܐܝܟ ܕܒܗܕܡ̈ܐ ܓܫܝܡ̈ܐ ܡܡܠܠ ܠܗܿ܃
015:18 ܘܡܫܡܗ ܠܓܠܝܢܗ ܐܦ̈ܐ܃ ܘܠܚܙܝܘܬܗ ܥܝ̈ܢܐ܃ ܘܠܡܥܒܕܢܘܬܗ
015:19 ܐܝܕܐ ܘܝܡܝܢܐ܃ ܐܝܬ ܐܡܬܝ ܕܐܝܟ ܕܠܡܛܐܒܘ ܘܐܝܬ ܐܡܬܝ
015:20 ܕܐܝܟ ܕܠܡܒܐܫܘ܂ ܒܝܕ ܪ̈ܓܠܐ ܕܝܢ ܥܠ ܡܐܬܝܬܗ܃ ܘܒܝܕ
015:21 ܦܪܘܚܘܬܐ ܥܠ ܩܠܝܠܘܬܐ܃ ܘܒܫܢܬܐ ܘܫܬܩܐ ܥܠ ܡܓܪܬ
015:22 ܪܘܚܗ܃ ܘܒܩܘܡܐ ܥܠ ܚܦܝܛܘܬܗ܃ ܘܒܝܕ ܟܘܪܣܝܐ ܘܡܘܬܒܐ
015:23 ܥܠ ܕܝܢܘܬܗ ܘܫܘܠܛܢܗ܃ ܡܢ ܕܡܘܬܐ ܕܡ̈ܠܟܐ܃ ܕܟܕ ܝܬܒܝܢ ܥܠ
015:24 ܬܪܘܢܘܣ ܕܝܢܝܢ܃ ܘܒܐܣܪ ܚ̈ܨܐ ܥܠ ܡܥܬܕܘܬܐ܃ ܘܒܠܒܘܫܐ ܥܠ
015:25 ܫܘܒܚܗ܃ ܘܒܪܘܡܪܡܐ ܘܣܘܠܩܐ ܥܠ ܡܬܝܕܥܢܘܬܗ
015:26 ܕܒܣܘܥܪ̈ܢܐ܃ ܒܝܕ ܡܬܩܢܢܘܬܐ ܕܝܢ ܥܠ ܫܪܝܪܘܬܐ ܘܠܐ
015:27 ܡܫܬܚܠܦܢܘܬܐ ܕܫܘܠܛܢܗ ܡܚܘܐ܂ ܘܒܝܕ ܩܠܐ ܘܩܥܬܐ
015:28 ܘܬܫܕܪܬܐ ܕܓܐܪ̈ܐ ܘܕܒܪ̈ܩܐ ܘܡܣܡ ܒܪܫܐ ܬܩܝܦܐ܂ ܘܐܦ

next page