← Back
The Comprehensive Aramaic Lexicon
← Return to the Text Browser
click on the file description for more information
63100: IshPs (Ishodad of Merv on Psalms)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


016:01 ܥܠ ܒܢܝܢܫܐ ܟܕ ܡܡܠܠ܃ ܢܿܛܪ ܠܗ ܠܗܢܐ ܦܚܡܐ ܡܢ ܕܡܝܘܬܐ
016:02 ܕܣܘܥܪ̈ܢܐ܂ ܒܢܝܢܫܐ ܠܡ ܫ̈ܢܝܗܘܢ ܢܝ̈ܙܟܐ ܘܕܫܪܟܐ܂
016:03 ܘܦܪܘܩܝܢܝ ܡܢ ܦܘܡܗ ܕܐܪܝܐ܂ ܘܠܪܘܓܙܗ ܩܿܪܐ ܢܘܪܐ܃
016:04 ܘܠܟܢܘܫܝܐ ܕܒܥܠܕܒܒ̈ܐ ܡ̈ܝܐ܃ ‍{‍ܘܠܐܘܬܐ‍}‍‍<‍ܘܠܐܟܬܐ‍>‍ ܕܒܢܝܢܫܐ
016:05 ܚܡܬܐ ܕܐܣܦܣ܂ ܘܬܘܒ ܐܝܬ ܠܗ ܥܝܕܐ ܕܡܢ ܚܘܠܛܢܐ
016:06 ܕܒܣܘܥܪ̈ܢܐ ܠܗܘܢ ܠܣܘܥܪ̈ܢܐ ܢܫܡܗ܂ ܐܝܟ ܗܿܝ ܕܥܡ
016:07 ܪ̈ܫܝܥܐ ܠܐ ܝܬܒܿܬ ܗܢܘ܂ ܠܐ ܐܪܫܿܥܬ܂ ܘܛܘܒܘܗܝ ܠܓܒܪܐ
016:08 ܕܒܐܘܪܚܐ ܕܥܘ̈ܠܐ ܠܐ ܗܼܠܟ܂ ܘܬܘܒ ܐܝܬ ܠܗ ܥܦܝܦܘܬ
016:09 ܚܫܚܬܐ ܕܥܠܝܗܿ ܟܕ ܥܠܝܗܿ ܕܡܠܬܐ܂ ܒܥܘܼܠܐ ܠܡ ܐܬܒܛܢܬ܃
016:10 ܘܒܚ̈ܛܗܐ ܒܛܢܬܢܝ܂ ܘܡ̈ܠܝ ܨܘܬ ܡܪܝܐ܃ ܘܨܘܬ ܠܩܠܐ܂ ܘܬܘܒ
016:11 ܣܿܐܡ ܡܘ̈ܡܬܐ ܠܫܘܘܕܥܐ ܕܫܪܪܐ܂ ܘܬܘܒ ܒܝܕ ܡܡܠܠܐ
016:12 ܕܐܠܗܐ ܡܫܘܕܥ ܥܠ ܦܣܩܐ ܕܓܙܪ ܕܝܢܗ܂ ܐܠܗܐ ܠܡ ‍{‍ܡܡܠܠ‍}‍‍<‍ܡܠܠ#2#‍>‍
016:13 ܒܩܘܕܫܗ܂ ܘܚܕܐ ܗܝ ܕܐܡܼܪ ܐܠܗܐ܂ ܘܟܕ ܨܿܒܐ ܕܡܢ ܣܘܥܪ̈ܢܐ
016:14 ܕܒܢܝܢܫܐ ܢܦܪܣܐ ܬܪ̈ܥܝܬܗܘܢ܃ ܣܿܐܡ ܦܪܨܘܦܐ ܠܡܠܬܐ܃
016:15 ܐܝܟ ܗܿܘ ܕܗܼܢܘܢ ܐܡܪܝܢ ܠܗܿ܂ ܘܐܡܪܘ ܠܡ ܕܡܢܘ ܚܿܙܐ ܠܢ܂
016:16 ܘܐܿܡܪ ܥܘܿܠܐ ܒܠܒܗ ܘܕܫܪܟܐ܃ ܡܛܠ ܕܗܟܢܐ ܣܥܪܝܢ ܗܘܘ
016:17 ܣܘܥܪ̈ܢܝܗܘܢ܃ ܐܝܟ ܗܿܘ ܕܠܝܬ ܐܠܗܐ ܕܚܿܙܐ ܘܕܐܿܢ ܠܗܘܢ܂
016:18 ܣܿܐܡ ܕܝܢ ܐܦ ܫܡܐ ܚܠܦ ܦܪܨܘܦܐ܂ ܐܝܟ ܗܿܝ ܕܢܕܥܘܢ
016:19 ܕܫܡܟ ܗܘ ܡܪܝܐ܂ ܗܢܘ܂ ܕܢܫܬܘܕܥܘܢ ܠܡܪܘܬܟ܂ ܘܬܘܒ
016:20 ܐܝܟ ܕܒܬܚܘܝܬܐ ܕܥܠ ܐܚܪܬܐ ܡܚܘܐ ܠܗܿܝ ܕܩܪܝܒܐ܂ ܐܝܟ
016:21 ܗܿܝ ܕܗܘܝܢ ܐܝܟ ܗܿܢܘܢ ܕܚܕܝܢ܂ ܗܢܘ܂ ܕܗܘܝܢ ܚ̈ܕܝܐ܂ ܘܬܘܒ ܗܿܝ
016:22 ܕܬܡܢ ܠܘ ܒܠܚܘܕ ܥܠ ܕܘܟܬܐ ܐܿܡܪ ܡܚܘܝܢܐܝܬ܃ ܐܠܐ ܐܦ ܥܠ
016:23 ܣܘܥܪ̈ܢܐ܂ ܬܡܢ ܠܡ ܐܚܘܝܘܗܝ ܐܘܪܚܐ ܕܦܘܪܩܢܗ܂ ܗܢܘ܂
016:24 ܠܐܝܠܝܢ ܕܗܕܐ ܕܒܚܬܐ ܕܬܘܕܝܬܐ ܘܕܬܫܒܘܚܬܐ ܡܩܪܒܝܢ܃
016:25 ܡܚܘܐ ܐܢܐ ܐܘܪܚܐ ܕܦܘܪܩܢܐ܂ ܘܬܡܢ ܢܦܠܝܢ ܟܠ ܥܒܼ̈ܕܝ
016:26 ܥܘܼܠܐ܂ ܗܢܘ܂ ܒܡܣܡ ܒܪܫܐ ܕܐܝܟ ܗܢܐ ܡܬܬܚܕܝܢ܂ ܘܫܡܐ
016:27 ܬܘܒ ܕܙܕܝܩܘܬܐ܃ ܠܘ ܒܠܚܘܕ ܥܠ ܕܘܒܪ̈ܐ ܣܿܐܡ܃ ܐܠܐ ܘܥܠ
016:28 ܬܪܝܨܘܬ ܒܘܚܪܢܗ ܕܐܠܗܐ܂ ܐܝܟ ܗܿܝ ܕܦܪܥܢܝ ܡܪܝܐ ܐܝܟ
016:29 ܙܕܝܩܘܬܝ܂ ܗܢܘ܂ ܕܟܕ ܥܘܿܠܐܝܬ ܛܠܝܡ ܗܿܘܝܬ ܡܢ ܒܥܠܕܒܒ̈ܝ܃
016:30 ܚܪܪܢܝ܂ ܘܦܨܝܢܝ ܒܟܐܢܘܬܐ܂ ܗܟܢܐ ܐܦ ܠܢܘܚܐ ܠܫܢܬܐ ܩܿܪܐ܂

next page