← Back
The Comprehensive Aramaic Lexicon
← Return to the Text Browser
click on the file description for more information
63100: IshPs (Ishodad of Merv on Psalms)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


017:01 ܐܝܟ ܗܿܝ ܕܐܢ ܬܕܡܟܘܢ ܒܝܬ ܫ̈ܦܝܐ܂ ܘܣܿܐܡ ܠܨܒܘ̈ܬܐ ܕܠܐ
017:02 ܩܢܘܡܐܼ ܩܢܘܡܐܝܬ܂ ܐܝܟ ܗܿܝ ܕܙܕܝܩܘܬܐ ܘܫܠܡܐ ܢܢܫܩܘܢ܂
017:03 ܘܠܐܝܠܝܢ ܕܕܠܐ ܚܝ̈ܐ ܘܪܓܫܬܐ ܐܝܬܝܗܝܢ܃ ܐܝܟ ܗܿܝ ܕܩ̈ܢܝܢ
017:04 ܪܓܫܬܐ ܐܦ ܡܠܬܐ܂ ܐܝܟ ܗܿܝ ܕܢܗܪ̈ܘܬܐ ܢܩܫܘܢ ܟܦܐ܂
017:05 ܘܛܘܪ̈ܐ ܪܩܕܘ܂ ܘܬܪ̈ܥܐ ܕܡܫܥܠܝܢ ܘܕܫܪܟܐ܂ ܘܠܡܕܡ ܕܠܐ
017:06 ܡܟܬܪ ܩܿܪܐ ܠܗ ܕܓܠܐ܂ ܐܝܟ ܗܿܝ ܕܟܠ ܒܪܢܫ ܕܓܠܐ܃ ܡܢ ܗܿܝ
017:07 ܕܕܓܠܘܬܐ ܐܝܬܝܗܿ ܡܠܬܐ ܕܠܐ ܩܝܡܐ܃ ܫܪܪܐ ܕܝܢ ܡܕܡ
017:08 ܕܡܩܘܐ܂ ܡܛܠ ܗܢܐ ܟܕ ܡܠܦ ܥܠ ܡܩܘܝܢܘܬܐ ܕܪ̈ܚܡܘܗܝ
017:09 ܕܐܠܗܐ ܐܿܡܪ܃ ܛܝܒܘܬܐ ܘܩܘܫܬܐ ܐܪܥܘܢ܂ ܘܐܝܬ ܐܡܬܝ
017:10 ܕܐܝܟ ܕܣܿܐܡ ܥܠ ܚܪ̈ܫܐ ܕܡܠܝ̈ܠܐ܃ ܣܿܐܡ ܐܦ ܥܠ ܡܠܝ̈ܠܐ
017:11 ܕܚܪ̈ܫܐ܃ ܡܛܠ ܕܡܝܘܬܐ ܕܣܘܥܪ̈ܢܐ܃ ܘܡܫܡܗ ܠܗܘܢ
017:12 ܟܠܒ̈ܐ ܘܐܪ̈ܝܘܬܐ ܘܬܘܪ̈ܐ ܘܬܥ̈ܠܐ ܘܢܫܪ̈ܐ܃ ܘܒܙܒܢ ܟܕ ܚܕܐ
017:13 ܗܝ ܡܠܬܐ ܠܬܪ̈ܬܝܢ ܡܦܠܓ܃ ܐܝܟ ܕܬܗܘܐ ܪܚܝܡܐ܂ ܒܙܒܢ ܕܝܢ
017:14 ܣܿܐܡ ܡ̈ܠܐ ܒܡܨܥܬܐ ܟܕ ܠܐ ܩ̈ܢܝܢ ܣܘܟܠܐ܃ ܠܐ ܠܥܠܝ̈ܬܐ
017:15 ܐܦܠܐ/ܐܦ#2#/ ܠܬܚ̈ܬܝܬܐ܃ ܡܛܠ ܡܟܝܢܘܬܐ ܕܡܘܫ̈ܚܬܐ܂ ܘܒܙܒܢ
017:16 ‍{‍ܬܪܢܐ‍}‍‍<‍ܬܢܐ‍>‍ ܗܼܝ ܟܕ ܗܼܝ܂ ܐܝܟ ܗܿܝ ܕܡܢ ܡܛܪܬܐ ܕܨܦܪܐ ܥܕܡܐ
017:17 ܠܡܛܪܬܐ ܕܨܦܪܐ܂ ܘܬܘܒ ‍<‍ܐܝܬ ܐܡܬܝ‍>‍ ܕܒܬܪܝܢ ܐܣܟܡ̈ܝܢ ܢܡܠܠ ܐܝܟ
017:18 ܚܕܐ ܨܒܘܬܐ܂ ܐܝܟ ܗܿܝ ܕܒܥܘܼܠܐ ܐܬܒܿܛܢܬ܃ ܘܒܚܛܗ̈ܐ܂
017:19 ܘܒܙܒܢ ܕܕܡܕܡ ܣܿܐܡ ܠܡܕܡ܂ ܗܢܘ܂ ܗܼܘ ܗܿܘ ܡܕܡ܂ ܐܝܟ ܗܿܝ
017:20 ܕܒܪܗ ܕܥܘܿܠܐ܃ ܕܢܐܡܪ ܗܼܘ ܥܘܿܠܐ܂ ܘܐܢܐ ܐܡܿܪܬ ܕܐܠܗ̈ܝܢ
017:21 ܐܢܬܘܢ܃ ܘܒܢܘ̈ܗܝ܂ ܘܒܪ ܐܡܐ܂ ܘܒܪ ܓܗܢܐ ܘܒܪ ܡܠܟܘܬܐ܃
017:22 ܠܗܿܢܘܢ ܕܡܢ ܕܘܒܪ̈ܝܗܘܢ ܕܘܡܝܐ ܩܢܘ ܠܗܿܝ ܐܘ ܠܗܕܐ܂
017:23 ܗܠܝܢ ܩܠܝܠ ܡܢ ܣܓܝ ܐܡܿܪܬ܃ ܒܗܿܝ ܕܥܗ̈ܢܢ ܠܕܘܪܫܐ ܕܒܪܥܝܢܐ
017:24 ܕܟܬܒ̈ܐ ܟܠܗܘܢ܃ ܐܦܢ ܐܝܟ ܕܒܣܘܓܐܐ ܒܟܬܒܐ ܗܢܐ
017:25 ܕܡܙܡܘܪ̈ܐ ܫܟܝ̈ܚܢ܀
017:26 ܫܠܡ ܦܪܘܡܝܘܢ ܕܟܬܒܐ܂

next page