← Back
The Comprehensive Aramaic Lexicon
← Return to the Text Browser
click on the file description for more information
63100: IshPs (Ishodad of Merv on Psalms)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


049:01 ܕܠܟܠܢܫ ܡܛܠܩܝܢ ܗܘܘ܂ ܗܢܘ܂ ܣܦܼܬ ܢܘܪܗܘܢ ܒܫܒܝܬܐ
049:02 ܕܥܣܪܐ ܫܒ̈ܛܐ܂ ܘܟܕ ܡܬܓܘܙܠܐ ܗܘܬ ܫܠܗܒܝܬܗܿ ܥܠ ܐܘܪܫܠܡ
049:03 ܕܬܘܩܕܝܗܿ܃ ܦܣܩܗܿ ܪܡܙܗ ܕܐܠܗܐ ܡܢ ܚܕܪ̈ܝܗܿ ܕܡܕܝܢܬܐ
049:04 ܒܬܕܡܘܪܬܐ ܪܒܬܐ܂
049:05 ܗܿܝ ܕܡܕܒܪܐ ܕܩܕܫ܂ ܕܩܕܝܫ ܐܝܬܝܗܿ܂ ܩܕܫ ܕܝܢ ܬܠܬܝܢ
049:06 ܦܪ̈ܣܚܐ ܪܚܝܩܐ ܡܢ ܬܡܢ܂ ܐܦ ܥܒܪܝܐ ܩܕܝܫ ܕܝܢ ܐܿܡܪ܂
049:07 ܗܢܘ܂ ܩܕܝܫܐ܂ ܕܐܬܩܪܝ ܕܝܢ ܩܕܝܫܐ ܐܘ ܡܛܠ ܗܝܟܠܐ ܕܩܪܝܒ
049:08 ܠܗ܃ ܐܘ ܡܛܠ ܬܕܡܘܪܬܐ ܕܐܫܬܡܫܬ ܬܡܢ܂
049:09 ܐܝ̈ܠܬܐ ܩܿܪܐ ܠܡܚܝ̈ܠܐ ܕܒܡܫܪܝܬܐ ܕܐܬܘܪ̈ܝܐ܃ ܘܥܒܐ
049:10 ܠܚܝ̈ܠܬܢܐ܂ ܐܝ̈ܠܬܐ ܕܝܢ ܩܪܝܢܢ ܐܘ ܠܐܝ̈ܠܢܐ ܕܛܠܝܢ
049:11 ܒܢܨܒ̈ܬܗܘܢ܃ ܐܝܟ ܗܿܝ ܕܐܬܬܠܝ ܒܗܿ ܐܒܫܠܘܡ܃ ܐܘ ܠܐܝ̈ܠܬܐ
049:12 ܕܥܡܪ̈ܢ ܒܥܒܐ܂ ܒܐܣ̈ܟܡܐ ܓܝܪ ܣ̈ܓܝܐܐ ܡܚܘܐ ܠܪܘܓܙܗ
049:13 ܕܥܠܝܗܘܢ܂ ܐܟܙܢܐ ܠܡ ܕܡܐ ܕܐܬܥܩܪ ܘܝܩܕ ܥܒܐ܃ ܥܪ̈ܩܢ
049:14 ܚܝܘ̈ܬܐ ܡܢ ܩܠ ܬܘܒܪܐ ܕܩܝ̈ܣܐ܃ ܗܟܘܬ ܘܐܬܘܪ̈ܝܐ ܥܪܩܝܢ
049:15 ܒܒܗܬܬ ܐܦܝ̈ܗܘܢ ܡܢ ܩܠ ܚܝ̈ܠܘܬܐ ܩܠܝܠܐܝܬ܃ ܒܕܡܘܬ
049:16 ܐܝ̈ܠܐ ܕܩܠܝܠܝܢ ܠܡܥܪܩ ܘܦܝܫܐ ܕܘܟܬܐ ܕܫܪܝܢ ܗܘܘ ܒܗܿ ܐܝܟ
049:17 ܥܒܐ ܡܢ ܚܝ̈ܘܬܐ܂ ܝܘܢܝܐ܃ ܩܠܗ ܕܡܪܝܐ ܕܡܫܪܪ ܠܐܝ̈ܠܐ/ܠܐܝ̈ܠܢܐ#2#/
049:18 ܘܢܓܠܐ ܥܒ̈ܐ܂
049:19 ܡܡܘܠܐ ܓܝܪ ܠܐܬܘܪܝܐ ܩܿܪܐ܀
049:20 ‍{‍܂ܠ܂‍}‍
049:21 ܐܪܡܪܡܟ ܡܪܝܐ܂ ܗܢܘ܂ ܐܦܢ ܥܕܡܐ ܠܗܫܐ ܡܢ ܪܡܘܬܐ
049:22 ܘܕܫܪܟܐ ܠܐ ܫܒܚܬܟ ܘܪܡܪܡܬܟ܃ ܐܠܐ ܡܢ ܗܫܐ ܡܫܒܚ
049:23 ܐܢܐ܂
049:24 ܡܛܠ ܕܟܐܬܐ ܒܪܘܓܙܗ ܘܚܝ̈ܐ܂ ܗܢܘ܂ ܡܢ ܐܝܠܝܢ ܕܣܥܼܪ
049:25 ܨ̈ܐܕܝ ܝܿܠܦܬ ܛܝܒܘܬܗ܃ ܕܠܘ ܐܝܟ ܕܢܙܟܐ ܪܕܐ܃ ܐܦܠܐ ܐܝܟ
049:26 ܕܡܢ ܚܡܬܐ ܡܙܕܟܐ܃ ܐܠܐ ܐܝܟ ܕܢܬܪܨ ܘܢܚܐ܂ ܘܟܕ ܬܪ̈ܬܝܗܝܢ
049:27 ܒܨܒܝܢܗ ܣܝܡ̈ܢ ܕܢܟܐܐ ܘܢܚܐ܃ ܐܠܐ ܥܠ ܚܝ̈ܐ ܠܚܘܕ ܣܡܗܿ
049:28 ܠܗܿܝ ܕܨܒܝܢܗ܃ ܕܢܚܘܐ ܕܗܿܝ ܕܢܪܓܙ ܘܢܟܐܐ܃ ܠܘ ܒܟܝܢܗ

next page