← Back
The Comprehensive Aramaic Lexicon
← Return to the Text Browser
click on the file description for more information
63100: IshPs (Ishodad of Merv on Psalms)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


097:01 ܡܫܬܩ ܡܚܫܘܠܗܿ ܕܒܒܠ ܕܙܩܝܦ ܥܠܝܢ ܘܩܠܐ ܕܚܣܕܝ̈ܗܘܢ
097:02 ܕܕܠܚܘܗܝ ܠܥܡܟ܂
097:03 ܗܿܝ ܕܡܢ ܐܬܘ̈ܬܟ ܘܡܢ܂ ܗܢܘ܂ ܡܢ ܡܕܢܚܐ ܥܕܡܐ
097:04 ܠܡܥܪܒܐ ܢܣܬܟܠܘܢ ܪܒܘܬܟ ܥܡܘܪ̈ܝܗܿ ܕܐܪܥܐ܂
097:05 ܐܫܠܝܬܗܿ ܡܢ ܩܠ ܒܥܠܕܒܒ̈ܐ ܕܠܐ ܬܘܒ ܢܫܬܡܥ ܒܗܿ܃
097:06 ܘܒܣܘܓܐܐ ܕܥ̈ܠܠܬܐ ܐܥܬܪܬܗܿ܂
097:07 ܗܿܝ ܕܬܦ̈ܐ ܕܐܠܗܐ ܡܠܝܢ܂ ܬܦ̈ܐ ܩܿܪܐ ܠܝܘܪܕܢܢ܃ ܗܿܘ ܕܡܢ ܬܪ̈ܝܢ
097:08 ܢܗܪ̈ܘܬܐ \ܝܘܪ ܘܕܢܢ/ܝܘܪܕܢܢ#2#/ ܪܕܝܢ ܡܘ̈ܗܝ܂ ܐܦ ܝܘܢܝܐ܃ ܢܗܪܗ ܕܐܠܗܐ
097:09 ܐܬܡܠܝ ܡܝ̈ܐ܂ ܕܐܠܗܐ ܩܿܪܐ ܠܗ܃ ܥܠ ܕܐܝܬܘܗܝ ܒܐܪܥ
097:10 ܡܘܠܟܢܐ /ܟܒܪ ܩܿܪܐ ܝܫܘܥܕܕ ܢܗܪ̈ܘܬܐ ܗܪܟܐ ܠܬܦ̈ܐ ܕܪܕܝܢ ܡܢ ܬܪ̈ܬܝܢ ܥܝ̈ܢܬܐ ‍{‍ܝܘܪܕܢܢ‍}‍‍<‍ܝܘܪ ܘܕܢܢ‍>‍ ܘܗܝܕܝܢ ܟܢܫܝܢ ܠܚܕ ܢܗܪܐ#2#/܂ ܬܘܒ܃ ܠܥ̈ܢܢܐ ܕܡ̈ܠܝܢ ܡ̈ܝܐ ܘܪ̈ܣܢ܂ ܡܠܝܢ ܡ̈ܝܐ܂ ܡܢ
097:11 ܣܓܝܐܘܬ ܡܛܪ̈ܐ ܕܒܗܿ܂ ܬܘܒ܃ ܠܡܥܝ̈ܢܐ ܘܡܒܘ̈ܥܐ ܕܚܪܒܘ
097:12 ܘܐܬܓܙܝܘ ܘܝܒܫܘ ܒܫܒܝܐ܃ ܘܐܬܬܩܢܘ ܒܦܘܢܝܐ܂ ܬܘܒ܃
097:13 ܠܫܘܩ̈ܐ ܘܠܦܠܛܘ̈ܬܐ ܕܐܘܪܫܠܡ܃ ܕܡܬܟܗܢܝܢ ܒܒܢܝܢܫܐ ܒܬܪ
097:14 ܦܘܢܝܐ܂ ܬܘܒ܃ ܠܝܕܥܬܐ ܕܕܚܠܬ ܐܠܗܐ܃ ܕܡܫܬܦܥܐ ܘܪܕܝܐ ܠܘܬ
097:15 ܟܠܗ ܥܡܐ ܕܝܣܪܝܠ܂ ܐܝܟ ܗܿܝ ܕܬܬܡܠܐ ܝܕܥܬܗ ܕܡܪܝܐ
097:16 ܘܕܫܪܟܐ܂
097:17 ܘܕܫܪܟܐ܂ ܟܠܝܠܐ ܠܚܘܕܪܐ ܕܝܪ̈ܚܐ ܩܿܪܐ܂
097:18 ܘܢܠܒܫܘܢ ܫܡ̈ܝܢܐ ܕܥ̈ܢܐ܂ ܗܢܘ܂ ܕܩܢܝܢ ܫܘܡܢܐ
097:19 ܘܠܒܫܝܢ ܥܡܪܐ ܣܓܝܐܐ܂ ܐܝܟ ܡܿܢ ܕܗܿܢܘܢ ܕܟܪ̈ܝܗܝܢ܃ ܐܦܠܐ
097:20 ܥܡܪܗܘܢ ܚܫܚ ܠܠܒܘܫܐ ܡܝܬܪܐ܂
097:21 ܕܝܪ̈ܐ܃ ܕܘܟܝ̈ܬܐ ܕܥܗ̈ܢܢ ܠܙܪܥܐ܂
097:22 ܗܿܝ ܕܥܘܡܩ̈ܐ ܢܬܡܠܘܢ ܥܒܘܪܐ܂ ܐܘ ܠܓܘܒܐ
097:23 ܘܠܐܘܨܪ̈ܐ ܐܿܡܪ܂ ܐܘ ܠܥܘܡܩ̈ܐ ܕܦܩ̈ܥܬܐ ܕܡܙܕܪܥܝܢ܂ ܐܝܟ
097:24 ܕܐܦ ܠܥܠ ܐܿܡܪ܂ ܕܒܫܘܒܚܐ ܪ̈ܡܬܐ ܢܬܚܙܩ̈ܢ܂ ܗܢܘ܂ ܐܦ
097:25 ܕܘܟ̈ܝܬܐ ܪ̈ܡܬܐ ܢܗܒܒ̈ܢ ܒܦܩ̈ܚܐ܂ ܒܗܿܝ ܕܟܠܗܿ ܦܠܣ̈ܛܝܢܐ
097:26 ܪ̈ܡܬܐ ܗܝ ܘܥܘܡܩ̈ܐ܂ ܘܢܪܘܙܘܢ ܥܡܘܪ̈ܝܗܿ ܕܐܪܥܐ
097:27 ܒܚܕܘܬܐ ܘܢܫܒܚܘܢ ܠܐܠܗܐ܀

next page