The Comprehensive Aramaic Lexicon

110:01	ܘܒܦܚܡܐ ܕܣܗܪܐ ܘܕܫܡܫܐ ܢܫܬܒܚ܂ ܗܿܝ ܕܕܪܕܪܝܢ܂ ܗܢܘ܂
110:02	‍{‍ܢܘܓܕܐ‍}‍‍<‍ܢܘܓܪܐ‍>‍ ܕܙܒܢܐ܂ ܗܿܝ ܕܝܢ ܕܩܕܡ ܫܡܫܐ ܘܩܕܡ ܣܗܪܐ܃ ܠܘ ܥܠ
110:03	ܩܕܝܡܘܬ ܙܒܢܐ ܐܡܝܪܐ܂ ܘܐܠܐ ܐܝܟܢ ܡܩܦ ܗܘܐ ܠܗܿ ܗܿܝ
110:04	ܕܠܕܪܕܪܝܢ܃ ܕܡܚܘܝܐ ܥܠ ܙܒܢܐ ܕܐܿܬܐ܂ ܘܐܝܟܢ ܡܨܠܐ ܗܘܐ ܥܠ
110:05	ܙܒܢܐ ܕܥܒܼܪ܂ ܘܩܕܡ ܕܢܬܒܪܐ ܣܗܪܐ܃ ܡܿܢ ܐܝܬ ܗܘܐ ܕܕܚܿܠ
110:06	ܠܐܠܗܐ܂ ܒܪܡ ܐܡܝܪܐ ܗܿܝ ܕܩܕܡ ܫܡܫܐ ܘܣܗܪܐ ܥܠ
110:07	ܡܬܚܙܝܢܘܬܐ ܕܩܕܡܘܗܝ܂ ܐܝܟ ܗܿܝ ܕܡܪܝܐ ܩܕܡܝܟ ܗܝ ܟܠܗܿ
110:08	ܪܓܬܝ܂ ܘܠܚܡܐ ܕܐܦ̈ܐ ܕܩܕܡ ܡܪܝܐ܂ ܘܐܢܐ ܐܢܐ ܓܒܪܝܠ ܕܩܿܐܡ
110:09	ܐܢܐ ܩܕܡ ܐܠܗܐ܂ ܘܩܕܡ ܡܪܝܐ ܕܐܿܬܐ ܠܡܕܢܗܿ܂ ܗܟܢܐ ܐܦ ܬܢܢ
110:10	ܗܿܝ ܕܩܕܡ܂ ܗܢܘ܂ ܩܕܡ ܚܙܬܗ ܘܦܪܨܘܦܗ ܕܫܡܫܐ ܘܣܗܪܐ܂
110:11	ܬܘܒ ܗܿܝ ܕܢܕܚܠܘܢ ܠܟ ܘܕܫܪܟܐ܂ ܗܢܘ܂ ܢܫܒܚܘܢܟ ܚܟܝ̈ܡܐ
110:12	ܘܢܫܒܚܘܢܟ ܟܠܗܘܢ ܕܪ̈ܘܗܝ ܕܥܠܡܐ܃ ܕܒܗܘܢ ܡܫܡܫ
110:13	ܫܡܫܐ ܐܝܟ ܬܚܘܡܐ ܕܣܝܡ ܥܠܘܗܝ܂ ܬܘܒ ܩܕܡ ܚܙܬܗ
110:14	ܘܦܪܨܘܦܗ ܕܣܗܪܐ܃ ܕܐܦ ܗܼܘ ܐܝܟ ܬܚܘܡܐ ܕܣܝܡ ܥܠܘܗܝ
110:15	ܡܫܡܫ܂ ܥܒܪܝܐ܃ ܢܕܚܠܘܢ ܡܢܟ ܟܠ ܟܡܐ ܕܫܡܫܐ܂ ܝܘܢܝܐ܃
110:16	ܢܩܘܐ ܥܡ ܫܡܫܐ܂ ܐܚܪ̈ܢܐ܃ ܫܡܫܐ ܠܡ ܡܫܡܗ ܠܡܠܟܘܬܗ
110:17	ܕܫܠܝܡܘܢ ܒܫܘܪܝܗܿ܂ ܐܝܟ ܗܿܝ ܕܥܠ ܐܬܘܪܝܐ܃ ܕܥܕܟܝܠ ܠܡ
110:18	ܝܘܡܐ ܐܘܟܝܬ ܫܡܫܐ ܒܢܒ ܩܿܐܡ܂ ܗܢܘ܂ ܡܠܟܘܬܗ
110:19	ܘܚܝܠܬܢܘܬܗ ܘܕܫܪܟܐ܂ ܘܣܗܪܐ ܬܘܒ ܩܿܪܐ ܠܗܿ ܟܕ ܠܗܿ
110:20	ܠܡܠܟܘܬܗ ܕܫܠܝܡܘܢ ܡܢ ܫܘܠܡܗܿ܃ ܒܗܿܝ ܕܟܕ ܐܫܬܚܠܦ ܡܢ
110:21	ܚܘܒܐ ܕܠܘܬ ܐܠܗܐ܃ ܐܬܕܡܝܬ ܡܠܟܘܬܗ ܠܣܗܪܐ ܕܡܫܬܚܠܦ܂
110:22	ܗܕܐ ܐܿܡܪ܃ ܢܕܚܠܘܢ ܟܝܬ ܘܢܫܬܥܒܕܘܢ ܠܟ ܒܡܠܟܘܬܟ
110:23	ܕܕܡܝܐ ܠܫܡܫܐ܃ ܐܟܚܕ ܕܝܢ ܘܟܕ ܡܬܕܡܝܐ ܠܣܗܪܐ܂ ܐܦ ܓܝܪ
110:24	ܠܘ ܕܕܘܡܪܐ ܗܝ ܐܢ ܥܡ ܫܡܫܐ ܘܣܗܪܐ ܡܨܠܐ ܕܬܬܢܛܪ
110:25	ܕܚܠܬ ܐܠܗܐ ܘܫܠܡܐ ܠܘܬ ܥܡܐ ܘܠܘܬ ܡܠܟܐ܂ ܐܝܬܘܗܝ ܓܝܪ
110:26	ܗܢܐ ܥܝܕܐ ܒܝܬ ܒܢܝܢܫܐ ܕܗܟܢܐ ܢܫܪܬܚܘܢ ܡ̈ܠܐ ܕܒܘܪ̈ܟܬܐ܂
110:27	ܢܚܘܬ ܝܘܠܦܢܗ ܘܚܟܡܬܗ ܥܠ ܥܡܐ ܐܝܟ ܡܛܪܐ ܥܠ
110:28	ܓܙܬܐ ܕܙܪܥܐ܃ ܕܪܟܝܟܐܝܬ ܡܬܩܐ ܠܡ̈ܝܐ ܕܡܛܪܐ܂ ܬܘܒ ܐܝܟ
110:29	ܓܙܬܐ ܠܡ ܕܪܟܝܟܐܝܬ ܡܬܩܐ ܠܡ̈ܝ ܡܛܪܐ܃ ܗܟܢܐ ܐܦ ܗܼܘ
110:30	ܡܛܠ ܢܝܚܘܬܗ ܗܢܝܐܝܬ ܢܬܩܒܠ ܥܠ ܟܠܗ ܥܡܐ܃ ܘܐܝܟ
110:31	ܪ̈ܣܝܣܐ ܕܢܚܬܝܢ ܥܠ ܐܪܥܐ܃ ܘܡܥܬܕܝܢ ܠܗܿ ܕܬܬܠ ܦܐܪ̈ܐ
110:32	ܣ̈ܓܝܐܐ܂