← Back
The Comprehensive Aramaic Lexicon
← Return to the Text Browser
click on the file description for more information
63100: IshPs (Ishodad of Merv on Psalms)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


111:01 ܢܫܘܚ ܒܝܘ̈ܡܬܗ ܙܕܩܐ܂ ܒܕܡܚܦܛ ܠܥܡܐ ܒܝܕ
111:02 ܡܠܦܢܘܬܗ ܕܢܬܠ ܦܐܪ̈ܐ ܕܙܕܝܩܘܬܐ ܘܕܕܚܠܬ ܐܠܗܐ܂
111:03 ܗܿܝ ܕܢܐܚܘܕ/ܕܢܚܘܬ#2#/ ܡܢ ܝܡܐ ܘܕܫܪܟܐ܂ ܠܘ ܕܗܟܢ ܐܡܠܟ܃
111:04 ܐܠܐ ܕܒܝܕ ܛܒܐ ܕܚܟܡܬܗ ܡܫܬܒܚ ܠܘܬ ܣ̈ܓܝܐܐ܃ ܘܐܝܟ
111:05 ܕܒܡܠܟܐ ܪܒܐ ܬܗܪܝܢ ܒܗ܂
111:06 ܘܢܨܠܐ ܥܠܘܗܝ ܒܟܠܙܒܢ܂ ܥܠ ܪܚܡܬܗ ܘܚܘܒܗ ܕܥܡܐ
111:07 ܕܠܘܬܗ ܐܿܡܪ܂ ܕܡܢ ܚܘܒܐ ܠܡ ܣܓܝܐܐ ܕܠܘܬܗ܃ ܢܨܠܐ ܥܠܘܗܝ
111:08 ܘܢܒܪܟܝܘܗܝ ܥܠ ܐܦܝ̈ ܕܝܼ̈ܢܘܗܝ ܟ̈ܐܢܐ ܘܕܫܪܟܐ܂ ܡܿܢܘ ܓܝܪ
111:09 ܡܓܕܦ ܕܥܠ ܨܠܘܬܐ ܕܡܢ ܡܗ̈ܝܡܢܐ ܣܢܝܩ ܡܪܢ܃ ܗܿܘ ܕܗܼܘ
111:10 ܡܫܦܥ ܛܒ̈ܬܗ ܥܠ ܓܢܣܐ ܐܢܫܝܐ܂ ܝܘܢܝܐ܃ ܘܢܨܠܘܢ ܡܛܠܬܗ
111:11 ܒܟܠܙܒܢ܂
111:12 ܗܿܝ ܕܢܗܘܐ ܐܝܟ ܣܘܓܐܐ܂ ܘܒܪܫܐ ܕܛܘܪ̈ܐ܂ ܗܢܘ܂
111:13 ܗܟܢܐ ܢܬܟܗܢ ܥܡܐ ܒܝܘ̈ܡܬܗ ܒܟܠܛܒ̈ܢ܃ ܒܕܡܘܬ ܐܪܥܐ
111:14 ܛܒܬܐ ܕܛܥܝܢܐ ܥܒܘܪܐ ܣܓܝܐܐ܂ ܘܐܦ ܒܢܝܐ ܕܡܢܗ܃
111:15 ܢܬܬܪܝܡܘܢ ܒܐܝܩܪܐ ܘܒܫܘܒܚܐ܃ ܒܕܡܘܬ ܐܪ̈ܙܐ ܕܠܒܢܢ
111:16 ܕܗܕܝܪܝܢ ܒܩܘܡ̈ܬܗܘܢ܂ ܢܘܥܐ ܡܢ ܡܕܝܢܬܗ ܙܕܝܩܘܬܐ ܘܕܚܠܬ
111:17 ܐܠܗܐ܃ ܐܝܟ ܥܣܒܐ ܣܓܝܐܐ ܘܣܒܝܣܐ ܕܫܘܚ ܒܙܒܢܐ
111:18 ܢܝܣܢܝܐ܂
111:19 ܘܢܗܘܐ ܫܡܗ ܠܥܠܡ܃ ܘܩܕܡ܂ ܗܢܘ܂ ܟܡܐ ܠܡ ܕܩܝܡ
111:20 ܥܠܡܐ܃ ܢܟܬܪ ܫܡܗ ܘܫܘܒܚܗ ܘܚܟܡܬܗ܂ ܐܦ ܓܝܪ
111:21 ܟܬܒܘ̈ܗܝ ܘܚܟܡ̈ܬܗ ܩܝܡܝܢ ܠܥܠܡ܂ ܢܬܒܪܟܘܢ ܒܗ ܟܠܗܘܢ
111:22 ܥܡܡ̈ܐ܂ ܚܢܢܐ܃ ܠܫܒ̈ܛܐ ܩܿܪܐ܂ ܗܢܘ܂ ܒܟܠ ܥܡܡ̈ܝܢ܃ ܒܗ
111:23 ܢܒܪܟ ܓܒܪܐ ܠܚܒܪܐ܃ ܕܢܥܒܕܟ ܠܡ ܐܠܗܐ ܐܝܟ ܫܠܝܡܘܢ܂
111:24 ܐܢܐ ܕܝܢ ܐܿܡܪ ܐܢܐ܃ ܕܐܦܢ ܒܙܒܢܗܝܢ ܥܠ ܫܠܝܡܘܢ ܐܡܝܪ̈ܢ
111:25 ܗܠܝܢ ܡ̈ܠܐ܃ ܐܠܐ ܫܘܠܡܐ ܫܪܝܪܐ ܒܡܫܝܚܐ ܫܩ̈ܠܢ܃ ܐܝܟ
111:26 ܕܐܦ ܒܕܘ̈ܟܝܬܐ ܐܚܪ̈ܢܝܬܐ ܒܢܒ̈ܝܐ܀ ‍<‍ܫܠܡ ܣܦܪܐ ܕܬܪܝܢ
111:27 ܬܘܒ ܣܦܪܐ ܕܬܠܬܐ#2#‍>‍

next page