← Back
The Comprehensive Aramaic Lexicon
← Return to the Text Browser
click on the file description for more information
63100: IshPs (Ishodad of Merv on Psalms)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


168:01 ܐܘܪ̈ܚܬܗ܂ ܢܡܘܣܘ̈ܗܝ܂ ܒܗܠܝܢ ܓܝܪ ܫܡܗ̈ܐ ܡܫܚܠܦ̈ܐ ܡܟܢܐ
168:02 ܠܢܡܘܣܐ ܒܡܙܡܘܪܐ ܗܢܐ܂
168:03 ܛܘܒܝܗܘܢ܂ ܒܝܕ ܛܘܒܐ ܣܝܟ ܘܚܒܫ ܠܟܠܗܘܢ
168:04 ܦܘܪ̈ܥܢܐ ܕܥܠ ܐܦܝ̈ ܡܝܬܪܘܬܐ ܕܣܿܥܪ ܐܢܫ܂
168:05 ܣܗܕܘܬܐ ܗܪܟܐ ܠܢܡܘܣܐ ܩܿܪܐ܃ ܐܝܟ ܕܐܦ ܕܝܼܢܐ
168:06 ܘܡܠܬܐ ܘܦܘܩܕܢܐ ܩܿܪܐ ܠܗ܂ ܕܝܼܢܐ ܐܝܟ ܡܿܢ ܕܬܒܥ ܒܚܬܝܬܘܬܐ
168:07 ܘܒܟܐܢܘܬܐ܂ ܣܗܕܘܬܐ ܕܝܢ ܐܝܟ ܡܿܢ ܕܡܩܕܡ ܣܿܗܕ ܘܟܢ ܡܩܦ
168:08 ܡܣܡ ܒܪܫܐ܃ ܐܦܪܘܥ ܛܒ̈ܬܐ܂ ܦܘܩܕܢܐ ܕܝܢ ܐܝܟ ܐܝܢܐ ܕܡܢ
168:09 ܡܪܐ ܨܝܕ ܥܒܼܕܐ ܡܬܦܩܕ܂ ܡܠܬܐ ܬܘܒ ܐܟܡܿܢ ܕܗܼܘ ܐܠܗܐ܃
168:10 ܟܐܡܬ ܐܣܬܒܪ ܕܡܠܠ ܘܪܚܿܡ ܗܠܝܢ܂
168:11 ܒܟܠܗ ܠܒܝ ܥܩܒܬܟ܂ ܗܢܘ܂ ܥܩܿܒܬ ܘܐܫܿܟܚܬ
168:12 ܕܒܢܛܘܪܬ ܦܘܩ̈ܕܢܝܟ ܡܕܟܐ ܐܢܐ ܣܘܥܪ̈ܢܝ ܢܦܫܝ܂
168:13 ܗܿܝ ܕܐܘܪܚܐ ܒܟܠܕܘܟ ܠܣܘܥܪܢܐ ܩܿܪܐ܃ ܗܠܟ̈ܬܐ ܕܝܢ
168:14 ܠܚ̈ܫܐ/ܠܚܘܫܒ̈ܐ#2#/܂
168:15 ܗܿܝ ܕܥܡܘܪܐ ܐܢܐ ܥܡܟ ܘܕܫܪܟܐ܂ ܠܐ܂ ܗܿܢܘ܂ ܠܘ
168:16 ܠܢܘܓܪܐ ܡܬܝܚܐ ܙܒܢܐ ܕܚܝܝ̈܃ ܐܠܐ ܣܓܝ ܟܪܐ ܘܡܙܠܗܙ܂
168:17 ܕܒܕܓܘܢ ܬܟܝܒܐܝܬ ܡܬܟܫܦ ܐܢܐ ܕܥܓܠ ܢܩܒ̈ܠܢ ܫܪܝܐ
168:18 ܥܩ̈ܬܐ ܐܘ ܒܝܫ̈ܬܐ ܕܚܕܝܪ̈ܢ ܠܝ܃ ܕܐܬܡܨܐ/ܕܐܬܡܢܝܢ#2#/ ܠܡܛܪ
168:19 ܦܘܩ̈ܕܢܝܟ ܐܝܟ ܙܕܩܗܘܢ܂ ܗܫܐ ܕܝܢ ܡܛܠ ܝܠܝܕܘܬܝ ܘܬܪܒܝܬܝ
168:20 ܒܝܬ ܫܒ̈ܝܐ܃ ܠܐ ܦܪܝܫ ܐܢܐ ܡܢ ܐܝܢܐ/ܐܝܠܝܢ#2#/ ܕܡܛܫ̈ܝܢ ܡܢܗ
168:21 ܣܝ̈ܡܬܐ ܕܒܝܬ ܐܒܗ̈ܘܗܝ܃ ܘܠܐ ܫܒܩܝܢ ܠܗ ܒܥܠܕܒܒ̈ܐ ܕܢܚܙܐ
168:22 ܐܢܝܢ܂ ܝܘܢܝܐ܃ ܬܘܬܒܐ ܐܝܬܝ ܒܐܪܥܐ܃ ܠܐ ܬܛܫܐ ܡܢܝ܂ ܐܘ
168:23 ܠܐ ܬܛܫܐ ܡܢܝ ܦܘܩ̈ܕܢܝܟ ܒܪܘܚܩܐ ܕܡܢ ܐܝܟܐ ܕܡܦܣ
168:24 ܕܢܬܦܠܚܘܢ܂
168:25 ܗܿܝ ܕܠܐܘܪܚܐ ܕܣܗܕܘܬܟ ܪܚܡܿܬ܂ ܗܢܘ܂ ܠܐܘܪܚܐ
168:26 ܕܕܪܫܼܬ ܠܝ ܒܛܘܪܣܝܢܝ ܪܚܡܿܬ ܛܒ ܡܢ ܟܠܗ ܥܘܬܪܐ ܕܒܝܬ
168:27 ܒܒ̈ܠܝܐ܂

next page