The Comprehensive Aramaic Lexicon

190:01	ܠܗܘܢ ܘܡܫܢܝܢ܂ ܩܢܝܢ ܓܝܪ ܟܝܢܐܝܬ ܪܝܚܐ ܙܗܘܡܐ܃ ܘܟܕ ܦܬܚܝܢ
190:02	ܦܘܡܗܘܢ ܠܡܩܥܐ ܒܬܪ ܐܒܗ̈ܝܗܘܢ ܡܢ ܟܦܢܐ܃ ܫܚܠܐ
190:03	ܣܓܝܐܐ ܕܒܩ̈ܐ ܡܬܟܢܫܝܢ ܡܢ ܚܕܪ̈ܝܗܘܢ ܘܥܐܠܝܢ ܠܓܘܗܘܢ܂
190:04	ܘܒܗܢ ܦܘܪܣܐ ܐܝܟ ܗܿܘ ܕܡܢ ܐܠܗܐ ܡܩܒܠܝܢ ܬܘܪܣܝܐ܃ ܟܕ
190:05	ܐܬܓܠܙܘ ܡܢ ܝܨܝܦܘܬܐ ܕܐܒܗ̈ܝܗܘܢ܀
190:06	‍{‍܂ܩܡܙ܂‍}‍
190:07	ܡܫܕܪ ܡܠܬܗ ܥܠ ܐܪܥܐ܂ ܗܢܘ܂ ܗܿܘ ܕܠܟܝ ܒܢܼܐ ܘܫܪܪ܃
190:08	ܗܼܘ ܫܕܪ ܡܠܬܗ ܒܝܕ ܟܘܪܫ ܘܟܢܫܟܝ ܘܕܫܪܟܐ܂ ܘܗܼܘ ܥܿܒܕ ܙܦܠܢ܂
190:09	ܡܕܡܐ ܠܬܠܓܐ ܠܥܡܪܐ ܘܠܣܪܩܬܐ ܕܢܦܠܐ ܡܢ ܥܡܪܐ
190:10	ܡܐ ܕܡܣܬܪܩ܂
190:11	ܗܿܝ ܕܡܫܒ ܪ̈ܘܚܐ܂ ܗܢܘ܂ ܪܘܚܐ ܚܡܝܡܬܐ ܕܬܝܡܢܐ܂
190:12	ܗܿܝ ܕܡܚܘܐ ܡܠܬܗ ܒܝܥܩܘܒ܂ ܗܢܘ܂ ܡܦܩ ܫܘܘܕܝܗ
190:13	ܕܒܢܒ̈ܝܐ ܠܥܒܿܕܐ܃ ܒܝܕ ܦܘܢܝܢ ܕܠܐܪܥܢ܀
190:14	‍{‍܂ܩܡܚ܂‍}‍
190:15	ܟܕ ܛܒ ܠܥܠܬܐ ܕܗܿܘ ܕܬܫܥܣܪ̈ܐ ܘܕܗܿܘ ܕܡܐܐ ܘܐܪܒܥ ܩܢܐ
190:16	ܡܙܡܘܪܐ ܗܢܐ܃ ܒܪܡ ܝܚܝܕܝ ܡܢܗܘܢ܂ ܒܗܿܘ ܕܝܢ
190:17	ܕܬܫܥܣܪ̈ܐ ܡܠܦ ܕܐܝܟܢ ܡܛܟܣܘܬܐ ܘܡܠܚܡܘܬܐ ܕܒܪ̈ܝܬܐ
190:18	ܢܓܕܐ ܠܡ̈ܠܝܠܐ ܠܬܫܒ̈ܚܬܐ܃ ܘܠܪ̈ܥܝܢܐ ܕܕܠܩܘܒܠܐ ܡܚܝܒܐ܂
190:19	ܘܒܗܿܘ ܕܡܐܐ ܘܐܪܒܥ ܡܠܦ ܥܠ ܚܝܠܐ ܘܚܟܡܬܐ ܕܗܿܘ ܕܛܟܣ
190:20	ܒܪ̈ܝܬܐ܃ ܟܕ ܠܐ ܥܒܼܕ ܚܕܐ ܡܢܗܝܢ ܡܛܠܐܝܬ܃ ܐܦܢ ܛܒ ܫܝܛܐ
190:21	ܘܙܥܘܪܝܐ܃ ܐܠܐ ܟܠ ܚܕܐ ܠܚܫܚܬܐ ܕܡܢܗܿ܃ ܐܠܨܐܝܬ ܬܒܥܐ
190:22	ܗܘܬ ܠܗܿ ܕܘܟܬܗܿ܂ ܒܗܢܐ ܕܝܢ ܣܿܐܡ ܬܚܘܡܐ ܕܒܝܬ ܒܪܘܝܐ
190:23	ܠܒܪܝܬܐ܃ ܘܕܢܫܬܘܕܥܘܢ ܟܝܬ ܘܢܫܒܚܘܢ ܠܒܪܘܝܐ ܡܢ
190:24	ܛܟܣܐ ܕܥܒܘܕܘܬܗ ܘܡܠܚܡܘܬܐ ܕܬܘܩ̈ܢܘܗܝ܂ ܒܕܠܐ
190:25	ܡܫܟܚܝܢ ܐܣܛܘ̈ܟܣܐ ܣܩܘܒ̈ܠܐ ܠܡܬܐܘܝܘ ܒܡܘܙܓܗܘܢ܃