← Back
The Comprehensive Aramaic Lexicon
← Return to the Text Browser
click on the file description for more information
63100: IshPs (Ishodad of Merv on Psalms)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


191:01 ܘܟܝ̈ܢܐ ‍{‍ܡܬܚܒ̈ܠܐ‍}‍‍<‍ܡܬܚܒ̈ܠܢܐ‍>‍ ܠܡܬܩܝܡܘ ܟܠܗ ܗܢܐ ܢܘܓܪܐ ܕܙܒܢܐ܃
191:02 ܐܠܘܠܐ ܡܢ ܚܝܠܐ ܐܚܪܢܐ ܡܬܢܛܪܝܢ ܗܘܘ ܕܠܐ ܢܫܬܪܘܢ
191:03 ܘܢܬܚܒܠܘܢ܃ ܗܿܘ ܕܐܦ ܗܼܘ ܐܗܘܝ ܐܢܘܢ܂ ܘܕܐܦܢ ܡܫܚܠܦܝܢ
191:04 ܟܝ̈ܢܐ ܕܒܪܝܬܐ܃ ܐܠܐ ܚܕܐ ܗܝ ܒܪܘܟܒܗܿ܃ ܒܕܡܘܬ ܚܕ ܦܓܪܐ
191:05 ܕܡܪܟܒ ܡܢ ܗܕܡ̈ܐ ܣ̈ܓܝܐܐ ܘܡܫ̈ܚܠܦܐ܂ ܘܕܚܝܒܝܢ ܐܦ ܟܝ̈ܢܐ
191:06 ܚܪ̈ܫܐ ܘܫܬܝܩ̈ܐ ܕܒܗܿ܃ ܠܡܬܠ ܡܕܐܬܐ ܠܐܠܗܐ܃ ܡܛܠ ܬܪ̈ܬܝܢ܂
191:07 ܚܕܐ ܕܒܝܕ ܢܡܘܣ̈ܐ ܟܝ̈ܢܝܐ ܕܩܒܠܘ ܒܒܪܝܬܗܘܢ ܡܢ ܐܠܗܐ
191:08 ܘܠܐ ܥܒܪܝܢ ܠܗܘܢ܃ ܐܝܟ ܗܿܘ ܕܡܫܬܡܥܢܘܬܐ ܡܕܡ ܡܩܪܒܝܢ
191:09 ܠܗ܂ ‍<‍ܘܕܬܪ̈ܬܝܢ‍>‍ ܕܒܦܘܩܕܢܐ ܕܠܘܬ ܗܿܢܘܢ ܝܬܝܪܐܝܬ ܢܟܚܕ ܠܡܠܝ̈ܠܐ܃
191:10 ܕܚܦܝܛܐܝܬ ܢܫܒܚܝܢ ܠܒܪܘܝܗܘܢ ܕܝܩܪ ܐܢܘܢ ܒܡܠܝܠܘܬܐ
191:11 ܘܕܫܪܟܐ܂ ܘܡܦܠܓ ܠܗܿ ܠܒܪܝܬܐ ܠܡܬܚ̈ܙܝܢܐ ܘܠܠܐ ܡܬܚ̈ܙܝܢܐ܃
191:12 ܘܠܫܡ̈ܝܢܐ ܘܠܐܪ̈ܥܢܝܐ܃ ܘܠܟܠ ܚܕ ܒܛܟܣܗ ܡܩܝܡ܃ ܘܦܩܕ
191:13 ܕܢܘܕܐ ܠܒܪܘܝܗ܂ ܐܟܙܢ ܡܘܫܐ ܠܫܡܝܐ ܘܟܢ ܠܐܪܥܐ ܩܼܪܐ܃
191:14 ܗܟܢܐ ܘܕܘܝܕ ܥܒܼܕ܃ ܟܕ ܡܚܘܐ ܕܕܝܠܝܬܐ ܗܝ ܕܒܪܝܬܐ ܕܬܫܒܚ
191:15 ܠܥܒܘܕܗܿ܃ ܘܕܝܠܗ ܕܢܫܬܒܚ ܘܢܬܩܠܣ ܡܢܗܿ܂
191:16 ܒܗܿܝ ܓܝܪ ܕܫܒܚܘܗܝ ܡܠܐܟܘ̈ܗܝ ܘܟܠܗܘܢ ܚܝܠܘ̈ܬܗ܃
191:17 ܡܟܣ ܠܗܿܢܘܢ ܕܡܪܫܥܝܢ ܕܟܝ̈ܢܐ ܡܬܝ̈ܕܥܢܐ܃ ܐܢ ܡܠܐܟ̈ܐ
191:18 ܘܐܢ ܢܦܫ̈ܬܐ܃ ܝ̈ܠܕܐ ܐܢܘܢ ܕܗܿܝ ܐܝܬܘܬܐ ܡܬܘܡܝܬܐ܂ ܘܐܢ
191:19 ܗܕܐ ܗܟܢܐ ܗܝ܃ ܠܐ ܦܩܕ ܠܗܘܢ ܕܘܝܕ ܠܡܦܪܥ ܬܘܕܝܬܐ
191:20 ܘܣܓܕܬܐ ܕܡܬܬܚܝܒܝܢ ܠܒܪܘܝܗܘܢ ܥܡ ܒܪ̈ܝܬܐ ܘܕܫܪܟܐ܂
191:21 ܥܒܝܕܐ ܥܡ ܥܒܘܕܗ ܠܐ ܡܬܬܚܡ܂ ܐܦ ܒܕܘܟ ܐܚܪܝܢ ܗܼܘ
191:22 ܕܘܝܕ܃ ܕܥܒܼܕ ܡܠܐܟ̈ܘܗܝ ܢܘܪ ܘܪܘܚ ܐܿܡܪ܂ ܫܠܝܚܐ ܕܝܢ܃ ܕܪ̈ܘܚܐ
191:23 ܐܢܘܢ ܕܬܫܡܫܬܐ ܘܕܫܪܟܐ܂
191:24 ܒܗܿܝ ܕܫܡ̈ܝ ܫܡܝܐ ܪܡܙܢܐܝܬ ܬܚܼܡ ܐܦ ܠܪܩܝܥܐ ܗܢܐ
191:25 ܕܡܬܚܙܐ ܕܠܥܠ ܡܢܗ ܫܡܝܐ ܥ̈ܠܝܐ܂ ܡ̈ܝܐ ܕܠܥܠ ܡܢ ܫܡܝܐ܂
191:26 ܦܠܐܬܢ̈ܝܐ ܕܝܢ ‍<‍ܟܕ‍>‍ ܒܕܝܢ ܕܠܥܠ ܡܢ ܪܩܝܥܐ ܐܢܘܢ ܡܠܐܟ̈ܐ܃ ܘܡ̈ܝܐ
191:27 ܐܬܟܢܝܘ ܡܛܠ ܣܓܝܐܘܬܗܘܢ ܘܩܛܝܢܘܬܗܘܢ܃ ܒܦܬܓܡܐ
191:28 ܗܢܐ ܡܬܓܘܣܝܢ܂ ܒܝܘܠܦܢܐ ܓܝܪ ܕܦܝܠܣ̈ܘܦܐ ܐܬܪܒܝ ܗܿܘ
191:29 ܕܡܪܫܥ ܕܗܿܝ ܐܝܬܘܬܐ ܐܠܗܝܬܐ ܒܟܠܗܘܢ ܐܣܛܘ̈ܟܣܐ

next page