← Back
The Comprehensive Aramaic Lexicon
← Return to the Text Browser
click on the file description for more information
63101: IshGen (Ishodad of Merv on Genesis)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


005:01 ܡܘܫܐ ܘܡܫܬܕܪܢܘܬܗ ܕܠܡܨܪܝܢ ܘܡܕܒܪܢܘܬܗ
005:02 ܕܒܐܝܕܘ̈ܗܝ ܗܘܬ ܒܡܕܒܪܐ ܟܬܒܐ ܕܡܦܩܢܐ ܩܕܝܡ܃
005:03 ܐܠܐ ܒܛܟܣܐ ܕܒܪܝܘܬܗ ܕܐܠܗܐ ܘܡܕܒܪܢܘܬܗ
005:04 ܟܬܒܐ ܗܢܐ ܕܒܪܝܬܐ ܩܕܝܡ ܘܛܘܒܢܐ ܡܘܫܐ
005:05 ܒܛܟܣܐ ܕܡܕܒܪܢܘܬܗ ܕܐܠܗܐ ܣܼܡ ܟܬܒ̈ܘܗܝ ܘܠܘ
005:06 ܠܦܘܬ ܩܕܝܡܘܬ ܝܘܠܦܢܐ ܕܠܘܬܗ܂ ܐܠܐ ܐܚܪ̈ܢܐ
005:07 ܕܡܬܚܪܝܢ ܕܐܝܬ ܗܘܼ̈ܝ ܠܡ ܐܬܘ̈ܬܐ ܕܣܦܪ̈ܐ ܩܕܡ
005:08 ܡܘܫܐ̈ ܒܗܠܝܢ ܡܩܝܡܝܢ ܡܠܝ̈ܗܘܢ ܡܼܢ ܗܿܝ ܕܐܬܪܕܝ ܠܡ
005:09 ܡܘܫܐ ܒܟܠܗܿ ܚܟܡܬܐ ܕܡܨܪ̈ܝܐ ܘܡܢ ܗܿܝ ܕܚܢܛܘ
005:10 ܐܣܘ̈ܬܐ ܠܝܘܣܦ ܘܗܿܝ ܕܐܬܪܕܝܘ ܣܿܦܪ̈ܐ܂ ܘܠܐ ܐܬܒܝܢܘ
005:11 ܘܗܿܝ ܕܪܣ ܡܘܫܐ ܡܼܢ ܕܡܐ ܥܠ ܣܦܪ̈ܐ܂ ܘܠܐ ܐܬܒܝܢܘ
005:12 ܫܛܘܪ̈ܐ ܕܣܓܝ̈ܐܬܐ ܕܐܝܟ ܗܠܝܢ ܐܝܬ ܕܐܝܟ
005:13 ܕܒܥܝܕܐ ܡܬܚܫܚ ܒܗܝܢ ܟܬܒܐ܃ ܟܕ ܠܐ ܝܕܝ̈ܥܢ ܘܠܝܬ
005:14 ܐܢܝ̈ܢ܂ ܐܝܟ ܗܿܝ ܕܥܡ ܙܕܝܩ̈ܝܟ ܠܐ ܢܬܟܬܒܘܢ ܘܗܿܝ
005:15 ܕܥܛܝܢܝ ܡܼܢ ܣܦܪܟ ܕܟܬܒܬ ܘܒܘܟܪ̈ܐ ܕܥܕܬܐ
005:16 ܕܡܬܟܬܒܝܢ ܒܫܡܝܐ܂ ܢܣܝܡܘܢ ܡܕܝܢ ܩܪ̈ܛܝܣܐ
005:17 ܘܩܢܝܐ ܘܕܝܘܬܐ ܒܪܘܡܐ܂ ܘܐܢ ܠܘ ܡܼܢ ܡܘܫܐ ܫܪܝ
005:18 ܟܬܝ̈ܒܬܐ ܒܟܠ ܥܡ̈ܡܝܢ܃ ܡܢܐ ܚܕܬ ܝܗܼܒ ܠܗ ܐܠܗܐ܂
005:19 ܐܢ ܕܝܢ ܡܥܩܒ ܐܢܫ ܡܫܟܚ ܠܚܟܝ̈ܡܝܗܘܢ ܕܝܘܢܝ̈ܐ
005:20 ܕܛܠܝܢ ܡܼܢ ܡܘܫܐ܂ ܕܝܕܘܪܘܣ ܓܝܪ ܗܿܘ ܡܫܟܚܐ
005:21 ܕܝܠܗܘܢ ܕܐܪܒܥܝܢ ܟܬܒ̈ܐ ܕܬܫܥܝ̈ܬܐ ܐܟܬܒ ܐܿܡܪ܂
005:22 ܕܪܫܐ ܠܡ ܘܩܕܡܝܐ ܘܣܿܐܡ ܢܡܘ̈ܣܐ ܡܘܫܐ ܗܘܼܐ܃
005:23 ܓܒܪܐ ܚܕ ܪܒ ܢܦܫܐ ܕܡܝܬܪ ܗܘܼܐ ܒܕܘܒܪ̈ܘܗܝ
005:24 ܘܡܫܡܥ ܛܒ ܡܼܢ ܗܠܝܢ ܕܡܣܬܗܕܝܢ܂ ܗܢܐ ܕܝܢ ܫܪܝ
005:25 ܠܡܟܬܒ ܒܐܬܘ̈ܬܐ ܥܒܪ̈ܝܬܐ ܘܡܢ ܥܒܪ̈ܝܐ ܒܬܪ ܣܓܝ
005:26 ܢܣܒܘ ܦܘܢܝ̈ܩܝܐ ܘܡܢ ܗܠܝܢ ܝܘܢܝ̈ܐ܂ ܗܐ ܓܝܪ
005:27 ܩܩܪܘܦܘܣ ܛܒܝܒܐ ܕܝܘܢܝ̈ܐ ܗܿܘ ܕܐܬܟܢܝ ܓܐܝܘܣ܂
005:28 ܗܢܘ܂ ܝܠܕܐ ܕܐܪܥܐ܃ ܒܙܒܢܗ ܕܡܘܫܐ ܐܬܚܙܝ܂ ܘܗܼܘ
005:29 ܠܡ ܩܕܡܝܬ ܩܼܪܐ ܫܡܐ ܕܙܘܣ ܘܗܼܘ ܩܕܡܝܬ ܐܩܝܡ

next page