← Back
The Comprehensive Aramaic Lexicon
← Return to the Text Browser
click on the file description for more information
63101: IshGen (Ishodad of Merv on Genesis)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


014:01 ܐܠܐ ܕܗܘܼܬ ܠܡ܂ ܝܘܢܝܐ܃ ܗܿܝ ܕܝܢ ܐܪܥܐ ܐܝܬܝܗܿ
014:02 ܗܘܼܬ ܠܐ ܡܬܚܙܝܢܝܬܐ ܘܠܐ ܡܬܩܢܬܐ܂ ܠܐ
014:03 ܡܬܚܙܝܢܝܬܐ ܕܝܢ ܩܿܪܐ ܠܗܿ ܒܕ ܡܟܣܝܐ ܗܘܼܬ ܡܼܢ
014:04 ܡܝ̈ܐ܂ ܐܩܠܘܣ ܕܝܢ܃ ܣܦܝܩܘܬܐ ܐܦ ܘܠܐ ܡܕܡ܂
014:05 ܣܘܡܟܘܣ ܕܝܢ܃ ܒܛܝܠܐ ܘܠܐ ܡܦܪܫܐ܂ ܬܐܘܕܘܛܝܘܢ
014:06 ܕܝܢ܃ ܡܕܡ ܘܠܐ ܡܕܡ܂ ܡܛܠ ܕܝܢ ܕܠܐ ܥܕܟܝܠ ܩܒܠܬ
014:07 ܐܪܥܐ ܬܨܒܝܬܐ ܘܪܘܫܡܗܿ ܒܠܚܘܕ ܘܨܘܪܬܗܿ ܐܬܥܒܕ܃
014:08 ܟܣܝܗܿ ܒܣܘܓܐܐ ܕܡ̈ܝܐ ܐܝܟ ܝܠܘܕܐ ܒܫܠܝܬܐ܂
014:09 ܘܗܕܐ ܥܒܼܕ ܐܝܟ ܕܠܝܘܠܦܢܐ ܕܪ̈ܘܚܢܐ܃ ܠܫܘܘܕܥܐ
014:10 ܕܗܘܝܘ ܐܦ ܒܪܘܝܗܘܢ ܐܡܬܝ ܕܚܿܙܝܢ ܒܬܪܟܢ ܬܘܩܢܐ
014:11 ܕܐܪܥܐ ܕܒܐܝܕܐ ܒܐܝܕܐ܂ ܥܒܪܝܐ ܪܝ‍{‍ܡ‍}‍‍<‍ܩ‍>‍ܢܝܐ ܠܡ܂
014:12 ܘܚܫܘܟܐ ܥܠ ܐ̈ܦܝ ܬܗܘܡܐ܂ ܕܢܐܡܪ ܕܡܢ ܡܝ̈ܐ ܕܥܠ
014:13 ܐ̈ܦܝ ܐܪܥܐ ܘܥܕܡܐ ܠܫܡܝܐ ܥܠܝܐ܃ ܚܫܘܟܐ ܐܝܟ
014:14 ܘܐܠܐ ܡܕܡ ܫܛܝܚ ܗܘܼܐ܂ ܬܗܘܡܐ ܕܝܢ ܩܿܪܐ ܠܡܝ̈ܐ
014:15 ܗܿܢܘܢ ܕܡܟܣܝܢ ܗܘܼܘ ܠܐܪܥܐ܂ ܛܘܒܢܐ ܕܝܢ ܒܣܝܠܝܘܣ
014:16 ܘܐܚܪ̈ܢܐ ܡܛܠ ܕܨܒܘ ܕܢܪܝܡܘܢ ܥܫܘܩܝܐ ܕܡܢܝ̈ܢܝܐ
014:17 ܘܕܫܪܟܐ ܕܒܿܕܝܢ ܕܟܝܢܐ ܒܝܫܐ ܐܝܬ ܕܗܼܘ ܒܼܪܐ
014:18 ܠܚܫܘܟܐ ܠܘܩܒܠ ܢܘܗܪܐ ܕܛܒܐ܃ ܘܬܘܒ ܡܛܠ ܕܡܥܕܝܢ
014:19 ܐܢܘܢ ܓܘܫ̈ܡܐ ܠܡܘܠܕܘ ܛܠܠܐ܃ ܐܣܒܪܘ ܕܡܢ
014:20 ܫܡܝܐ ܘܐܪܥܐ ܐܬܩܝܡܘ ܚܫܘܟܐ܂ ܐܠܐ ܢܕܥܘܢ
014:21 ܗܠܝܢ ܕܟܠ ܛܠܠܐ ܡܼܢ ܢܩܦܐ ܕܬܪ̈ܝܢ ܐܒܗ̈ܐ ܡܬܝܠܕ܃
014:22 ܡܼܢ ܓܘܫܡܐ ܘܡܢ ܢܘܗܪܐ܂ ܐܝܢܘ ܗܟܝܠ ܢܘܗܪܐ
014:23 ܕܦܪܝܣ ܠܥܠ ܡܐܢ ܫܡܝܐ ܕܡܢ ܢܩܦܗ ܕܠܘܬ ܫܡܝܐ
014:24 ܢܬܝܠܕ ܛܠܠܐ܂ ܘܐܢ ܐܝܟ ܡܠܬܗܘܢ ܫܡܝܐ ܥܠܝܐ
014:25 ܢܗܝܪܐ ܗܼܘ܃ ܘܐܝܟܢ ܡܼܢ ܟܝܢܐ ܢܗܝܪܐ ܐܬܝܠܕ ܛܠܠܐ
014:26 ܚܫܘܟܐ܂ ܘܝܕܝܥܐ ܕܟܝܢܐ ܗܼܘ ܐܝܟ ܗܿܢܘܢ ܫܒܥܐ
014:27 ܟܝ̈ܢܐ ܩܕܡ̈ܝܐ ܡܼܢ ܛܘܒܢܐ ܕܘܝܕ܂ ܥܒܼܕ ܠܡ ܚܫܘܟܐ
014:28 ܘܗܘܼܐ ܠܠܝܐ܂ ܘܐܢ ܡܐ ܕܐܡܿܪ ܕܥܒܼܕ܃ ܠܘ ܠܟܝܢܐ

next page