← Back
The Comprehensive Aramaic Lexicon
← Return to the Text Browser
click on the file description for more information
63101: IshGen (Ishodad of Merv on Genesis)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


021:01 ܟܝܢܗܘܢ ܡܬܝܕܥܢܐ܃ ܙܿܕܩ ܕܐܦ ܡܬܝܕܥܢܐܝܬ ܢܣܟܠ
021:02 ܥܠܝܗܘܢ܂ ܡܨܝܐ ܓܝܪ ܕܢܣܬܟܠ ܕܐܝܬܝܗܘܢ ܗܘܼܘ
021:03 ܡܼܢ ܒܢ̈ܬ ܩ̈ܠܐ ܕܡܫܬܡ̈ܥܢ ܗܘ̈ܝ܂ ܠܡܢܘ ܓܝܪ ܡܫܡܥ
021:04 ܗܘܼܐ ܐܢ ܠܝܬ ܗܘܼܘ ܫܡܘ̈ܥܐ܂ ܬܘܒ ܕܝܢ ܡܛܠ ܕܚܦܝ
021:05 ܐܠܗܐ ܡܼܢ ܒܢܝܢܫܐ ܥܕܡܐ ܠܗܓܪ ܕܐܝܬ ܚܝ̈ܠܘܬܐ
021:06 ܪ̈ܘܚܢܐ܂ ܘܥܠܬܐ ܕܠܐ ܢܛܥܘܢ ܒܗܘܢ ܩܕܡ̈ܝܐ ܡܼܢ
021:07 ܦܫܝܛܘܬܗܘܢ ܘܢܐܡܪܘܢ ܕܐܠܗ̈ܐ ܐܢܘܢ
021:08 ܘܢܣܓܕܘܢ ܠܗܘܢ܂ ܚܟܡܬ ܛܝܒܘܬܐ ܠܡܘܫܐ ܕܠܐ
021:09 ܢܟܬܒ ܥܠ ܒܪܝܬܗܘܢ܃ ܗܟܢܐ ܕܝܢ ܘܡܼܢ ܡܕܒܪܢܘܬܗܘܢ
021:10 ܕܡܚܦܝܐ ܗܘܼܬ ܘܡܛܫܝܐ ܡܐܢ ܗܿܢܘܢ ܕܪ̈ܐ ܩܕܡ̈ܝܐ܂
021:11 ܢܩܼܦ ܓܝܪ ܠܛܟܣܐ ܕܡܕܒܪܢܘܬܗ ܕܐܠܗܐ܂ ܐܠܘ ܓܝܪ
021:12 ܡܟܬܒ ܗܘܼܐ ܥܠ ܒܪܝܬܗܘܢ܃ ܐܦ ܥܠ ܡܕܒܪܢܘܬܗܘܢ
021:13 ܡܟܬܒ ܗܘܼܐ܂ ܘܒܗܢܐ ܙܢܐ ܠܐ ܝܕܥܝܢ ܗܘܼܘ ܒܢܝܢܫܐ
021:14 ܕܒܬܪܟܢ ܕܚܦܝ ܐܠܗܐ ܡܼܢ ܕܪ̈ܐ ܩܕܡ̈ܝܐ ܝܕܥܬܐ
021:15 ܕܥܠ ܟܝ̈ܢܐ ܡܠܐܟ̈ܝܐ܂ ܐܚܪ̈ܢܐ ܕܝܢ ܕܝܕܥܬܐ ܠܡ
021:16 ܒܠܚܘܕ ܕܥܠ ܗ̈ܘܝܐ ܕܟܝ̈ܢܐ ܓܫܝܡܐ ܨܪ ܪܘܚܐ ܩܕܝܫܐ
021:17 ܥܠ ܡܕܥܗ܃ ܠܗܘܝܐ ܕܝܢ ܕܥܠ ܟܝ̈ܢܐ ܪ̈ܘܚܢܐ ܠܐ
021:18 ܨܪܗ ܥܠ ܡܕܥܗ܃ ܒܕܪܡ ܘܡܥܠܝ ܡܼܢ ܗܘܝܗܘܢ ܡܼܢ
021:19 ܕܢܬܬܨܝܪ ܥܠ ܡܕܥܐ ܐܢܫܝܐ܂ ܐܦܢ ܓܝܪ ܚܕ ܐܢܘܢ
021:20 ܒܟܝ̈ܢܝܗܘܢ܃ ܐܝܟ ܕܚܿܙܝܢ ܗܿܢܘܢ ܠܚ̈ܕܕܐ ܘܥܬܝܕܝܢܢ
021:21 ܟܠܢ ܒܩܝܡܬܐ ܠܡܚܙܐ ܐܢܘܢ ܒܟܝܢܝ̈ܗܘܢ܃ ܐܠܐ ܙܢܐ
021:22 ܕܡܕܒܪܢܘܬܗܘܢ ܪܡ ܗܼܘ ܡܐܢ ܗܿܝ ܕܢܕܥܘܢܝܗܝ ܒܢܝܢܫܐ܂
021:23 ܐܢ ܕܝܢ ܐܢܫ ܢܐܡܪ ܕܗܐ ܢܦܫܐ ܕܐܝܬܝܗܿ
021:24 ܐܚܝܢܬܗܘܢ ܟܬܼܒ ܥܠ ܒܪܝܬܗܿ܃ ܢܕܥ ܗܢܐ ܕܥܠ
021:25 ܕܐܬܐܣܪܬ ܗܕܐ ܥܡ ܓܘܫܡܐ ܘܒܓܘܗ ܐܬܒܪܝܬ
021:26 ܘܠܘ ܠܒܪ ܡܢܗ܃ ܐܦܣ ܠܗ ܪܘܚܐ ܕܢܟܬܒ ܥܠܝܗܿ܂
021:27 ܡܢܝܢܗܘܢ ܕܝܢ ܕܪ̈ܘܚܢܐ ܠܡܪܗܘܢ ܗܼܘ ܒܠܚܘܕ ܝܕܝܥ܂
021:28 ܚܢܢ ܕܝܢ ܡܼܢ ܟܬܒ̈ܐ ܝܠܦܢ ܕܬܫܥܐ ܐܢܘܢ ܬܓܡ̈ܐ܂
021:29 ܟܪ̈ܘܒܐ ܕܡܬܦܫܩܝܢ ܛܥ̈ܢܐ ܡܼܢ ܡܘܫܐ܂ ܣܪ̈ܦܐ܂

next page