The Comprehensive Aramaic Lexicon

032:01	ܘܐܡܼܪ ܗܿܘ ܐܪܣܛܘܛܠܝܣ ܕܬܪ̈ܝܢ ܥܛܪ̈ܐ ܣܿܠܩܝܢ ܡܼܢ
032:02	ܐܪܥܐ܂ ܘܡܼܢ ܝܒܝܫܐ ܣܿܠܩ ܬܢܢܝܐ܃ ܕܡܢܗ ܥܠܥ̈ܠܐ
032:03	ܘܥܪ̈ܦܠܐ ܘܕܫܪܟܐ܂ ܪܛܝܒܐ ܠܗܓܢܝܐ܃ ܘܡܢܗ
032:04	ܗܿܘܝܢ ܥܢ̈ܢܐ ܘܡܛܪ̈ܐ ܘܕܫܪܟܐ܂ ܬܘܒ ܕܝܢ ܐܢ
032:05	ܡܠܝ̈ܚܐ ܐܬܒܪܝܘ܃ ܐܝܟܢܐ ܡܐ ܕܡܬܥܠܝܢ ܒܥܢ̈ܢܐ
032:06	ܒܣܡܝܢ܂ ܕܚܡܪܐ ܕܝܢ ܢܫܬܚܠܦ ܠܚܠܐ ܡܨܝܐ܃ ܚܠܐ
032:07	ܕܝܢ ܠܚܡܪܐ ܘܠܐ ܣܟ܂ ܘܐܢ ܢܐܡܪܘܢ ܕܩܛܝܪܐ
032:08	ܡܫܚܠܦ ܠܗܘܢ܃ ܡܕܝܢ ܠܒܪ ܡܼܢ ܡܐ ܕܡ̈ܟܢܢ ܨܒܘ̈ܬܐ
032:09	ܡܣܛܥܪ ܠܘܬܗܝܢ܂ ܐܚܪ̈ܢܐ ܕܝܢ ܐܦ ܥܠܬܗܿ ܕܗܕܐ
032:10	ܐܡܼܪܘ܃ ܕܥܠ ܗܕܐ ܐܬܡܠܚܘ ܐܝܟ ܕܠܐ ܢܘܥܘܢ
032:11	ܘܠܐ ܢܪܚܫܘܢ ܗܿܢܘܢ ܕܠܥܠ ܡܼܢ ܪܩܝܥܐ܂ ܒܕܠܐ
032:12	ܐܣܬܟܠܘ ܒܪ̈ܚܫܐ ܣܒܝ̈ܣܐ ܕܐܝܬ ܒܝܡ̈ܡܐ܃ ܘܕܠܐ
032:13	ܡܫܟܚܐ ܕܢܘܥܘܢ ܐܘܿ ܢܪܚܫܘܢ ܡܝ̈ܐ ܟܕ ܕܫܡܫܐ
032:14	ܘܐܐܪ ܠܐ ܡܫܡܫ܂ ܡܫܬܚܠܦܝܢ ܕܝܢ ܡ̈ܝ ܝܡܐ ܠܚܠܝܘܬܐ
032:15	ܕܡܛܪ̈ܐ ܒܝܕ ܨܒܥܐ ܕܒܪܘܝܗܘܢ܂ ܗܿܘ ܓܝܪ ܕܠܕܡܐ
032:16	ܕܣܿܠܩ ܠܬܕܝ̈ܐ ܡܫܚܠܦ ܡܼܢ ܣܘܡܩܘܬܐ ܠܚܘܪܘܬܐ܃
032:17	ܠܡܝ̈ܐ ܕܣܿܠܩܝܢ ܒܥܩܪ̈ܐ ܡܫܚܠܦ ܠܓܘ̈ܢܐ ܘܠܥܨܪ̈ܐ
032:18	ܐܚܪ̈ܢܐ܃ ܡܫܟܚ ܗܼܘ ܕܐܦ ܠܡܝ̈ܐ ܒܥܢ̈ܢܐ ܢܚܠܐ܂
032:19	ܕܐܝܟܢ ܕܝܢ ܣܿܠܩܝܢ ܒܥܢ̈ܢܐ ܐܝܬ ܕܐܡܼܪܘ ܕܫܡܫܐ
032:20	ܒܝܕ ܠܗܓܗ ܡܬܩ ܘܡܣܩ ܠܗܘܢ܃ ܡܼܢ ܕܡܘܬܐ
032:21	ܕܩܕܣ̈ܐ ܕܡܠܝܢ ܡܝ̈ܢܐ ܘܡܫܬܓܪܝܢ܃ ܕܐܢ ܣܿܐܡ ܠܥܠ
032:22	ܡܼܢ ܦܘܡܗܘܢ ܐܣܦܘ̈ܓܐ܃ ܣܠܩܐ ܪܛܝܒܘܬܐ
032:23	ܘܡܬܡ̈ܠܝܢ ܐܣܦܘ̈ܓܐ܃ ܐܝܟ ܕܐܦ ܪ̈ܕܝܝ ܒܝܡܐ ܡܐ
032:24	ܕܚܿܣܪ ܠܗܘܢ ܡܝ̈ܐ ܒܗܢ ܙܢܐ ܡܚܠܝܢ ܠܡ̈ܝ ܝܡܐ܂
032:25	ܘܗܼܢܘܢ ܗܠܝܢ ܥܛܪ̈ܐ ܡܬܚܠܛܝܢ ܒܐܐܪ܃ ܘܡܬܥܒܐ
032:26	ܘܥܿܒܕ ܥܢ̈ܢܐ܂ ܐܚܪ̈ܢܐ ܕܝܢ܂ ܕܗܼܘ ܠܡ ܐܐܪ ܡܬܓܫܡ
032:27	ܐܝܟ ܡܥܒܕܢܘܬܐ ܡܠܐܟܝܬܐ ܘܢܿܚܬ܃ ܘܛܥܝܢ ܡܝ̈ܐ
032:28	ܘܣܿܠܩ܃ ܐܝܟ ܕܣܿܗܕܝܢ ܪ̈ܕܝܝ ܒܝܡܐ ܪܒܐ ܕܒܥܝ̈ܢܝܗܘܢ
032:29	ܚ̈ܙܝܢ ܠܡܝ̈ܐ ܕܡܬܬܪܝܡܝܢ ܡܼܢ ܝܡܐ܃ ܘܟܕ ܐܫܝܕ ܨܚܘܐ