← Back
The Comprehensive Aramaic Lexicon
← Return to the Text Browser
click on the file description for more information
63101: IshGen (Ishodad of Merv on Genesis)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


033:01 ܘܠܝܬ ܥܢ̈ܢܐ܃ ܡܢܫܠܝ ܩܛܪ̈ܢ ܥܢ̈ܢܐ ܘܗܿܘܐ ܡܛܪܐ ܃
033:02 ܘܡܩܒܠܝܢ ܡܼܢ ܡ̈ܝܐ ܘܫܿܬܝܢ܂ ܘܐܝܬ ܐܡܬܝ ܕܐܘܪ̈ܕܥܐ
033:03 ܘܢܘ̈ܢܐ ܪܘܪ̈ܒܐ ܡܬܬܪܝܡܝܢ ܥܡ ܡܝ̈ܐ܂ ܡܫܬܠܡܐ ܕܝܢ
033:04 ܕܟܠܗܝܢ ܕܡܘ̈ܬܐ ܕܐܝܬ ܒܥܠܡܐ ܐܝܬ ܘܒܝܡܐ ܀
033:05 ‍[‍vܿ 11‍]‍ ܘܐܡܪ ܐܠܗܐ ܬܦܩ ܐܪܥܐ ܬܕܐܐ ܘܕܫܪܟܐ܂
033:06 ܬܕܐܐ ܕܝܢ ܠܥܣܒ̈ܐ ܡܫܡܗ ܕܝܿܥܝܢ ܡܼܢ ܐܪܥܐ܃ ܐܢ
033:07 ܡܼܢ ܒܢܝܢܫܐ ܡܙܕܪܥܝܢ ܘܐܢ ܡܼܢ ܢܦܫܗܘܢ ܝܿܥܝܢ܂ ܬܕܐܐ
033:08 ܡܐ ܕܡܫܪܐ ܠܡܐܥܐ܃ ܥܣܒܐ ܕܣܿܠܩ ܛܒܐܝܬ
033:09 ܘܪܓܐ܃ ܥܡܝܪܐ ܗܿܘ ܕܡܬܐܟܠ ܡܼܢ ܒܥܝܪܐ܂ ܚܙܝ
033:10 ܘܐܘܪܟ ܕܠܡܘܢ ܩܫܫ ܠܙܪܥܐ ܡܼܢ ܐܝ̈ܠܢܐ܂ ܥܠ ܕܒܠܥܕ
033:11 ܙܪܥܐ ܠܐ ܚܿܐܝܢ ܒܢܝܢܫܐ܃ ܒܠܥܕ ܐܝ̈ܠܢܐ ܕܝܢ ܐܝܢ
033:12 ܘܕܫܪܟܐ܂ ܘܗܿܝ ܕܐܝܠܢܐ ܕܦܐܪ̈ܐ ܕܢܨܒܬܗ ܒܗ܃
033:13 ܠܟܠܗܘܢ ܐܝ̈ܠܢܐ ܦܐܪ̈ܝܐ ܩܿܪܐ܃ ܗܠܝܢ ܕܐܦ ܡܼܢ ܒܬܪ
033:14 ܕܡܫܬܩܠܝܢ ܦܐܪ̈ܝܗܘܢ ܡܬܢܛܪ ܐܝܠܢܗܘܢ ܫܢܝ̈ܐ
033:15 ܣܓܝ̈ܐܬܐ܃ ܗܕܐ ܗܼܝ ܗܿܝ ܕܢܨܒܬܗ ܒܗ ܥܠ ܐܪܥܐ܂
033:16 ܡܪ̈ܦܝܐ ܕܡܘܬ ܟܘܕܢܝܐ ܡܛܥܡܝܢ ܚܙܘܪܐ ܒܟܡܬܪܐ܃
033:17 ܘܠܘ ܒܦܘܩܕܢܐ ܩܕܡܝܐ ܐܠܐ ܒܨܢܥܬܐ ܐܢܫܝܬܐ܂
033:18 ܘܣܓܝ̈ܐܬܐ ܕܐܝܟ ܗܕܐ ܕܒܐܘܡܢܘܬܐ ܕܓܐܘܪܓܝܩܘܢ܂
033:19 ܗܢܘ܂ ܕܦܠܚܘܬܐ ܕܐܪܥܐ ܣܓܝܢ ܒܙܪ̈ܥܐ ܘܢܨܒ̈ܬܐ܂
033:20 ܗܿܝ ܕܝܢ ܕܡܙܕܪܥ ܙܪܥܐ ܠܓܢܣܗ܂ ܗܢܘ܂ ܕܟܠ ܚܕ
033:21 ܡܢܗܘܢ ܐܝܟ ܓܢܣܗ ܡܘܠܕ ܘܝܿܗܒ܂ ܐܦ ܣܘܡܟܘܣ
033:22 ܚܠܦ ܗܿܝ ܕܡܙܕܪܥ ܙܪܥܐ܃ ܕܝܿܗܒ ܙܪܥܐ ܐܝܟ ܕܘܡܝܗ
033:23 ܐܡܿܪ ܀ ‍[‍vܿ 12‍]‍ ܘܙܿܕܩ ܠܡܕܥ ܕܐܝ̈ܠܢܐ ܘܟܠ ܡܘܥܝ̈ܬܐ
033:24 ܟܕ ܩܢܝܢ ܙܪ̈ܥܝܗܘܢ ܘܦܐܪ̈ܝܗܘܢ ܟܠ ܚܕ ܡܢܗܘܢ
033:25 ܐܬܒܪܝܘ܂ ܘܐܦ ܚܝ̈ܘܬܐ ܠܘ ܙܥܘܪ̈ܝܬܐ ܐܠܐ
033:26 ܡܫܠܡܢܝ̈ܬܐ ܐܬܒܪ̈ܝܝܢ܃ ܗܿܢܝܢ ܕܒܐܪܥܐ ܘܒܐܐܪ
033:27 ܘܒܝܡܐ܂ ܘܦܪܕܝܣܐ ܟܕ ܡܫܡܠܝ ܒܟܠ ܦܐܪ̈ܘܗܝ
033:28 ܐܬܒܪܝ ܀ ܘܐܦ ܗܕܐ ܙܿܕܩ ܕܢܕܥ ܕܥܡܗ ܕܦܘܩܕܢܐ
033:29 ܐܘܥܝܬ ܟܠܗܿ ܐܪܥܐ ܟܠ ܥܩܪ̈ܝܢ ܥܡ ܦܐܪ̈ܝܗܘܢ

next page