The Comprehensive Aramaic Lexicon

034:01	ܘܥܘܦܝ̈ܗܘܢ܂ ܘܐܢ ܐܢܫ ܢܐܡܪ ܕܐܝܟܢ ܐܘܥܝܬ ܟܠܗ
034:02	ܐܪܥܐ܃ ܟܕܠܐ ܥܕܟܝܠ ܚܫܚܐ ܗܘܼܬ ܠܥܡܘܪܝܐ
034:03	ܕܒܢܝܢܫܐ܃ ܢܕܥ ܕܗܕܐ ܠܘ ܕܝܠܢ ܗܼܝ ܕܢܕܘܢܝܗܿ܂ ܒܪܡ
034:04	ܚܝܠܐ ܡܘܥܝܢܐ ܒܝܕ ܒܘܪܟܬܐ ܐܠܗܝܬܐ ܩܒܠܬ܂ ܐܦܠܐ
034:05	ܓܝܪ ܕܡܿܝܐ ܗܿܝ ܕܐܢܫ̈ܝܢ܃ ܕܡܛܪܐ ܠܡ ܒܗܿܘ ܙܒܢܐ ܥܠ
034:06	ܟܠܗܿ ܐܪܥܐ ܠܐ ܢܿܚܬ ܗܘܼܐ܃ ܐܠܐ ܐܝܟܐ ܕܥܡܪܝܢ
034:07	ܗܘܼܘ ܒܢܝܢܫܐ܂ ܗܢܘ܂ ܒܐܪܥܐ ܕܥܕܢ܂ ܒܕ ܗܫܐ
034:08	ܗܐ ܚܙܝܢܢ ܓܙܪ̈ܬܐ ܣܓܝ̈ܐܬܐ ܕܠܝܬ ܒܗܝܢ ܒܢܝܢܫܐ܃
034:09	ܕܟܗ̈ܝܢܢ ܒܐܝ̈ܠܢܐ ܚܫ̈ܚܝ ܠܡܐܟܘܠܬܐ ܘܡܛܪܐ ܢܿܚܬ
034:10	ܥܠܝܗܘܢ܂ ܘܙܿܕܩ ܠܡܕܥ ܕܐܦܢ ܡܼܢ ܐܪܥܐ ܦܩܼܕ
034:11	ܠܡܐܥܐ ܗܠܝܢ܃ ܐܠܐ ܡܘܙܓܐ ܐܢ̈ܝܢ ܕܡܼܢ ܐܪ̈ܒܥܐ
034:12	ܐܣܛܘ̈ܟܣܐ܃ ܘܐܦ ܫܪܟܐ ܕܡܪ̈ܟܒܐ ܡܼܢ ܗܠܝܢ ܗܿܘܝܢ ܀
034:13	‍[‍14‍]‍ ܢܗܘܘܢ ܢܗܝܪ̈ܐ ܒܪܩܝܥܐ ܕܫܡܝܐ܂ ܢܗܝܪ̈ܐ
034:14	ܕܝܢ ܠܘ ܐܒܗ̈ܐ ܐܢܘܢ ܕܝ̈ܠܕܝ ܐܪܥܐ܃ ܐܠܐ ܡܬܪ̈ܣܝܢܐ
034:15	ܐܢܘܢ ܘܡܪ̈ܒܝܢܐ܂ ܘܥܠ ܗܕ ܒܬܪ ܕܐܘܠܕܬ ܐܪܥܐ ܟܠ
034:16	ܓܢܣ ܐܬܬܩܢ ܘܕܫܪܟܐ܂ ܡܼܢ ܬܠܬܐ ܓܝܪ ܡ̈ܠܘܐܐ
034:17	ܐܬܬܩܢܘ ܢܗܝܪ̈ܐ܃ ܡܼܢ ܐܐܪ ܘܡܼܢ ܢܘܗܪܐ ܘܡܼܢ ܢܘܪܐ܂
034:18	ܐܣܦܝܪ̈ܝܗܘܢ ܕܝܢ ܡܼܢ ܐܐܪ ܘܡܠܝܢ ܢܘܪܐ ܘܢܘܗܪܐ܂
034:19	ܡܚܕܐ ܓܝܪ ܥܡ ܒܪܬ ܩܠܗ ܕܒܪܘܝܐ ܕܢܗܘܘܢ
034:20	ܢܗܝܪ̈ܐ ܘܕܫܪܟܐ܃ ܐܣܦܝܪ̈ܐ ܐܬܒܪ̈ܝܝܢ ܡܼܢ ܐܐܪ
034:21	ܕܡܘܬ ܩܢ̈ܕܠܐ܃ ܘܢܘܗܪܐ ܘܢܘܪܐ ܐܬܚܠܛܘ ܒܚ̈ܕܕܐ܃
034:22	‍[‍ܘܢܘܗܪܐ ܝܗܼܒ ܠܢܘܪܐ ܢܗܝܪܘܬܐ ܕܠܝܬ ܗܼܘܐ ܒܟܝܢܗܿ
034:23	ܘܢܘܪܐ ܝܗܒܬ ܠܢܘܗܪܐ ܚܡܝܡܘܬܐ ܕܠܝܬ ܗܼܘܐ ܒܟܝܢܗ
034:24	ܘܐܬܚܠܛܘ ܒܚ̈ܕܕܐ܃‍]‍ ܡܠܼܐ ܐܢܝ̈ܢ ܠܐܣܦܝܪ̈ܐ
034:25	ܡܢܗܘܢ ܦܘܩܕܢ ܒܪܘܝܐ܂ ܦܠܓ ܕܝܢ ܒܪܘܝܐ ܠܢܗܝܪ̈ܐ܃
034:26	ܚܕܐ ܡܿܢ ܐܝܟ ܕܠܨܒܬܐ ܕܪܩܝܥܐ܃ ܘܕܬܪ̈ܬܝܢ ܐܝܟ
034:27	ܕܠܩܘܝܡܐ ܕܗܠܝܢ ܕܓܘܐ܂ ܘܐܟܙܢܐ ܕܠܡܝ̈ܐ ܕܐܬܒܪܝܘ
034:28	ܒܝܘܡܐ ܩܕܡܝܐ ܦܠܓ ܐܢܘܢ܂ ܚܙܝ ܠܫܬ ܥ̈ܠܠܢ ܕܬܘܩܢ
034:29	ܢܗܝܪ̈ܐ ܡܼܢ ܒܪܬ ܩܠܐ ܕܐܠܗܐ ܕܢܗܘܘܢ ܢܗܝܪ̈ܐ