← Back
The Comprehensive Aramaic Lexicon
← Return to the Text Browser
click on the file description for more information
63101: IshGen (Ishodad of Merv on Genesis)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


044:01 ܐܫܬܟܚ ܠܗ ܡܥܕܪܢܐ ܀ ܡܚܕܐ ܓܝܪ ܘܗܿܝ ‍[‍vܿ 26‍]‍ ܕܢܥܒܕ
044:02 ܐܢܫ̈ܐ ܘܗܿܝ ‍[‍vܿ 27‍]‍ ܕܓܒܼܠ܂ ܘܠܐ ܐܡܼܪ ܕܢܗܘܐ ܐܢ̈ܫܐ܂
044:03 ܐܘ ܬܦܩ ܐܪܥܐ ܐܢܫܐ܃ ܐܝܟ ܕܒܗܠܝܢ ܩܕܡܝ̈ܬܐ܂
044:04 ܥܠ ܐܝܩܪܗ ܫܘܕܥ ܘܕܫܪܟܐ ܐܘܪܟ܂ ܐܠܐ ܗܼܘ ܡܬܢܚܬ
044:05 ܘܒܐ̈ܝܕܘܗܝ ܓܒܿܠ ܘܡܪܐ ܘܫܠܝܛܐ ܒܛܘܦܣܗ ܥܿܒܕ
044:06 ܠܗ ܒܐܪܥܐ ܀ ܡܛܠ ܓܝܪ ܕܐܦܩ ܐܢܝ̈ܢ ܛܘܒܢܐ
044:07 ܡܘܫܐ ܠܒܪ̈ܝܬܐ ܟܠܗܝܢ ܡܬܝ̈ܕܥܢܐ ܥܡ ܡܬܪ̈ܓܫܢܐ
044:08 ܚܕܐ ܒܚܕܐ ܐܝܟ ܗܕܡ̈ܝ ܓܘܫܡܐ܃ ܐܝܟܢܐ ܕܟܕ
044:09 ܢܚܙܘܢ ܡܬܝ̈ܕܥܢܐ ܕܠܐ ܩܕܝܡܝܢ ܠܡܬܪܓ̈ܫܢܐ
044:10 ܒܗܘܝܗܘܢ ܘܠܝܬܗܘܢ ܕܒܗܘܢ ܐܝܬܝܗܘܢ
044:11 ܢܠܦܘܢ ܕܚܕ ܗܼܘ ܥܒܘܕܐ ܕܬܪ̈ܝܗܘܢ܃ ܘܢܐܬܪܘܢ
044:12 ܘܢܘܬܪܘܢ܃ ܘܫܠܡܘܬܐ ܘܚܘܣܪܢܐ ܕܚܕ ܕܟܠ ܢܗܘܐ܂
044:13 ܕܐܟܙܢܐ ܕܒܓܘܫܡܢ܃ ܐܢ ܚܕ ܗܕܡܐ ܢܚܫ ܟܠܗ
044:14 ܓܘܫܡܐ ܚܐܫ܃ ܘܐܢ ܡܿܪܕ ܚܫܐ ܥܠ ܚܕ ܡܼܢ
044:15 ܗܕܡ̈ܐ ܟܠܐ ܚܐܫ ܦܣܩܐ܂ ܐܝܟ ܕܐܦ ܡܠܐܟ̈ܐ
044:16 ܨܒܘ ܕܢܟܘܢ ܠܒܢܝܢܫܐ ܟܕ ܡܪܕܘ܃ ܐܠܘ ܠܐ ܪܡܙܐ
044:17 ܐܠܗܝܐ ܟܠܼܐ ܐܢܘܢ ܡܼܢ ܗܕܐ܃ ܘܐܬܟܠܘ ܐܢܘܢ
044:18 ܒܣܒܪܐ ܐܝܟ ܕܣܿܗܕ ܫܠܝܚܐ܃ ܕܒܪܝܬܐ ܠܡ
044:19 ܐܫܬܥܒܕܬ ܘܕܫܪܟܐ܂ ܘܕܠܐ ܬܘܒ ܟܕ ܢܚܙܘܢ
044:20 ܠܐܣܛܘܟ̈ܣܐ ܕܣܩܘ̈ܒܠܝܝܢ ܠܚ̈ܕܕܐ܃ ܢܪܢܘܢ ܕܠܦܘܬ
044:21 ܡܫܚܠܦܘܬ ܣܥܘܪܘܬܗܘܢ ܡܫܚܠܦܝܢ ܘܣܥܘܪ̈ܝܗܘܢ܃
044:22 ܠܚܕ ܡܕܡ܂ ܗܢܘ܂ ܠܒܪܢܫܐ ܡܟܢܫ ܠܣܩܘ̈ܒܠܝܐ ܀
044:23 ܐܪܒܥܐ ܓܝܪ ܐܣܛܘ̈ܟܣܐ ܐܝܬܝܗܘܢ ܒܗ ܒܚܝܠܐ܃
044:24 ܘܡܼܢ ܐܪܒܥܐ ܐܣܛ̈ܘܟܣܐ ܡܬܬܪܣܐ܂ ܩܘܝܡ ܦܓܪܗ
044:25 ܡܼܢ ܐܪܥܐ܂ ܚܝ̈ܘܗܝ ܡܼܢ ܐܐܪ܂ ܙܘܥܗ ܡܼܢ ܢܘܪܐ܂
044:26 ܪܓܫܬܐ ܡܼܢ ܡܝ̈ܐ܂ ܗܟܘܬ ܘܡܼܢ ܗܠܝܢ ܡܬܬܪܣܐ
044:27 ܒܡܨܥܝܐ ܘܕܠܐ ܡܨܥܝܐ܂ ܐܚܪ̈ܢܐ܂ ܙܘܥܗ ܠܡ ܡܼܢ
044:28 ܐܐܪ܃ ܚܝ̈ܘܗܝ ܡܼܢ ܢܘܪܐ܂ ܟܕ ܠܗܠܝܢ ܕܝܬܝܪ ܣܢܝܩ

next page