← Back
The Comprehensive Aramaic Lexicon
← Return to the Text Browser
click on the file description for more information
63101: IshGen (Ishodad of Merv on Genesis)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


045:01 ܗܘܼܐ ܥܠܝܗܝܢ ܒܪܢܫܐ܂ ܗܢܘ܂ ܚܝܘܬܐ ܘܒܥܝܪܐ܃
045:02 ܩܪܒܗܿ ܠܒܪܝܬܗܘܢ ܠܘܬ ܒܪܝܬܗ ܕܒܪܢܫܐ܂ ܕܒܕܓܘܢ
045:03 ܠܐ ܒܪܟ ܠܚܝ̈ܘܬܐ܃ ܥܠ ܕܒܚܕ ܝܘܡܐ ܗܘ̈ܝ ܥܡ
045:04 ܒܪܢܫܐ ܘܐܠܘܬ ܠܒܘܪ̈ܟܬܗܝܢ ܥܡܗ܃ ‍[‍vܿ 28‍]‍ ܦܪܘ ܠܡ
045:05 ܘܣܓܘ ܘܡܠܘ܂ ܗܿܝ ܕܝܢ ܕܫܠܛܘ ܒܢܘ̈ܢܝ ܝܡܐ ܘܕܫܪܟܐ܃
045:06 ܠܒܪܢܫܐ ܠܚܘܕ ܐܡܝܪܐ܂ ܘܠܬܟܐܝܬ ܠܒܪ̈ܝܬܐ ܒܼܪܐ
045:07 ܩܕܡܝܬ ܘܟܢ ܠܒܪܢܫܐ܂ ܚܕܐ ܡܼܢ ܒܗܿܝ ܕܗܠܝܢ ܕܡܬܚ̈ܙܝܢ
045:08 ܠܕܘܪܫܐ ܘܠܢܘܦܩܐ ܕܡܠܝ̈ܠܐ ܐܬܒܪܝ܂ ܒܗ̈ܢܝܢ ܕܝܢ
045:09 ܡܬܪ̈ܓܫܢܝܬܐ ܣܿܠܩ ܘܡܬܥܠܐ ܡܕܥܐ ܠܘܬ ܝܕܥܬܐ
045:10 ܕܥܒܘܕܗ܂ ܐܝܟ ܕܐܦ ܓܫܪ̈ܐ ܘܣܒ̈ܠܬܐ ܡܫܬܡܗ̈ܢ
045:11 ܟܠܗܝܢ ܡܬܚܙܝ̈ܢܝܬܐ ܡܼܢ ܚܟܝܡܐ܂ ܕܒ̄ ܕܝܢ܂ ܕܙܿܕܩ
045:12 ܗܘܼܐ ܕܩܕܡܝܬ ܢܒܢܐ ܒܝܬܐ ܘܢܫܬܡܠܝܘܗܝ ܒܟܠܗܘܢ
045:13 ܨܒ̈ܬܐ ܘܚܫ̈ܚܬܐ܃ ܘܟܢ ܢܥܠܝܘܗܝ ܠܡܪܐ ܒܝܬܐ ܘܢܫܠܡ
045:14 ܠܗ ܒܝܬܐ܃ ܒܕܡܘܬ ܐܒܐ ܚܟܝܡܐ ܕܒܢܼܐ ܒܝܬܐ
045:15 ܡܛܠ ܒܪܗ ܒܟܠ ܨܒ̈ܬܝܢ ܘܟܢ ܡܫܠܡ ܠܗ܂ ܬܘܒ ܢܝܫܗ
045:16 ܗܢܐ ܗܘܼܐ܃ ܢܒܪܐ ܠܒܪܢܫܐ ܡܪܐ ܘܕܫܪܟܐ܂ ܚܕܐ
045:17 ܓܝܪ ܕܣܢܝܩ ܗܘܼܐ ܗܢܐ ܥܠ ܙܦܠܢ ܘܙܦܠܢ܂ ܕܒܕܓܘܢ
045:18 ܠܚܫ̈ܚܬܐ ܕܡܪܗ ܘܟܢ ܠܩܢܝܗܝܢ܂ ܘܐܝܬܐ ܗܿܝ ܕܫܘܪܝܐ
045:19 ܕܬܐܘܪܝܐ ܫܘܠܡܐ ܕܣܥܘܪܘܬܐ܂ ܬܘܒ ܕܝܢ ܐܟܙܢ
045:20 ܡܠܟܐ ܪܒܐ ܕܒܿܢܐ ܡܕܝܢܬܐ ܒܟܠ ܫܘܦܪ̈ܝܢ܃ ܘܡܘܬܒ
045:21 ܒܗܿ ܒܢܝܢܫܐ ܘܫܪܟܐ ܕܢܦܫ̈ܢܐ܃ ܒܚܪܬܐ ܕܝܢ ܥܿܒܕ ܨܠܡܐ
045:22 ܘܝܘܩܢܐ ܕܝܠܢ ܘܡܩܝܡ ܡܨܥܬ ܡܕܝܢܬܗ܃ ܐܝܟ
045:23 ܕܢܕܥܘܢ ܥܠܘ̈ܠܝܗܿ ܕܡܼܢ ܐܝܢܐ ܡܠܟܐ ܐܬܒܢܝܬ ܐܘ
045:24 ܕܡܿܢܘ ܐܝܬܝܗܿ܃ ܗܟܢܐ ܐܦ ܐܠܗܐ ܟܕ ܨܒܬܗܿ ܠܡܕܝܢܬܐ
045:25 ܕܗܢܐ ܥܠܡܐ܃ ܒܚܪܬܐ ܐܬܩܢ ܠܒܪܢܫܐ ܃ ܘܐܝܟ ܨܠܡܗ
045:26 ܘܝܘܩܢܗ ܐܩܝܡܗ ܡܨܥܬ ܥܠܡܐ ܀ ‍[‍vܿ 26‍]‍ ܘܐܡܼܪ
045:27 ܐܠܗܐ܃ ܢܥܒܕ ܐܢ̈ܫܐ ܒܨܠܡܢ ܐܝܟ ܕܡܘܬܢ܂ ܒܗܿܝ
045:28 ܕܐܡܼܪ ܠܡ ܐܠܗܐ܃ ܥܠ ܚܕܢܝܘܬ ܟܝܢܐ ܫܘܕܥ܂ ܘܒܗܿܝ
045:29 ܕܢܥܒܕ ܘܒܨܠܡܢ ܘܕܡܘܬܢ܃ ܥܠ ܬܠܝܬܝܘܬ ܩܢܘ̈ܡܐ

next page