← Back
The Comprehensive Aramaic Lexicon
← Return to the Text Browser
click on the file description for more information
63101: IshGen (Ishodad of Merv on Genesis)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


047:01 ܘܒܕܡܘܬܐ܃ ܐܢܫ̈ܝܢ ܐܡܿܪܝܢ ܕܡܛܠ ܡܠܝܠܘܬܗ
047:02 ܘܫܘܠܛܢܗ܂ ܐܠܐ ܢܕܥܘܢ ܗܠܝܢ ܕܐܦ ܡܠܐ̈ܟܐ
047:03 ܡܠܝ̈ܠܐ ܐܢܘܢ ܘܝܕܘ̈ܥܬܢܐ܃ ܘܨܠܡܐ ܕܐܠܗܐ ܠܐ
047:04 ܐܬܩܪܝܘ܂ ܘܫܘܠܛܢܐ ܐܦ ܥܠ ܟܝ̈ܢܐ ܠܐ ܚܝ̈ܐ ܦܪܝܣ܂
047:05 ܢܗܝܪܐ ܠܡ ܪܒܐ ܠܫܘܠܛܢܐ ܘܕܫܪܟܐ܂ ܒܪܡ ܕܝܢ ܐܬܩܪܝ
047:06 ܨܠܡܐ ܡܛܠ ܕܒܒܪܢܫܐ ܠܚܘܕ ܐܝܬ ܬܐܘܪܝܐ ܕܩܢܘ̈ܡܐ
047:07 ܕܬܠܝܬܝܘܬܐ ܘܕܚܕܢܝܘܬ ܟܝܢܐ܂ ܐܝܟ ܐܒܐ ܓܝܪ ܠܐ
047:08 ܝܠܝܕܐ܃ ܐܕܡ ܠܐ ܝܠܝܕܐ ܨܠܡܢܐܝܬ܂ ܘܐܝܟ ܒܪܐ ܝܠܝܕܐ܃
047:09 ܫܝܬ ܝܠܝܕܐ ܨܠܡܢܐܝܬ܂ ܘܐܝܟ ܪܘܚܐ ܕܩܘܕܫܐ ܢܦܘܩܐ܃
047:10 ܚܘܐ ܢܦܘܩܐ ܨܠܡܢܐܝܬ܂ ܥܡ ܨܠܡܢܘܬܐ ܓܝܪ
047:11 ܕܬܠܬܝܗܘܢ ܢܦܩܐ ܘܕܡܘܬܢܐܝܬ ܬܠܝܬܝܐܝܬ܂ ܬܘܒ
047:12 ܕܝܢ ܒܢܦܫܐ ܒܐܘܣܝܗܿ ܨܠܡܐ ܘܕܡܘܬܐ ܕܐܒܐ܂
047:13 ܒܡܠܬܐ ܕܝܢ ܕܡܢܗܿ ܡܬܝܠܕܐ ܕܠܐ ܚܫܐ ܘܒܐܡܝܢܘ
047:14 ܨܘܪܬܐ ܕܝܠܝܕܘܬܐ ܕܒܪܐ܂ ܘܒܪܘܚܢܘܬܐ ܕܝܠܗܿ ܕܩܢܝܐ
047:15 ܒܟܝܢܐ ܪܘܚܐ ܕܩܘܕܫܐ ܡܬܬܨܝܪ ܨܠܡܢܐܝܬ܂ ܘܥܠ
047:16 ܗܕܐ ܐܦ ܠܒܪܐ ܟܢܝ ܝܘܚܢܢ ܡܠܬܐ܂ ܠܪܘܚܐ ܕܝܢ
047:17 ܕܩܘܕܫܐ ܩܿܪܐ ܦܘܠܘܣ ܒܛܟܣܐ ܕܚܝ̈ܘܬܐ܂ ܠܐ ܠܡ
047:18 ܐܢܫ ܝܿܕܥ ܕܒܒܪܢܫܐ ܐܠܐ ܐܢ܂ ܗܟܢܐ ܐܦ
047:19 ܕܒܐܠܗܐ܂ ܗܼܘ ܡܘܕܥ ܕܝܪܬܐ ܗܼܘ ܘܡܪܐ ܕܟܠ܃
047:20 ܘܥܠܡܐ ܪܒܐ ܠܥܠܡܐ ܙܥܘܪܐ ܡܫܥܒܕ܃ ܘܓܘܐ
047:21 ܠܝܚܝܕܝܐ܃ ܘܐܚܝܕ ܠܗ ܐܝܟ ܡܠܟܐ ܠܒܝܬܗ܂ ܬܘܒ ܠܬܠܬ
047:22 ܕܡܿܐ܃ ܠܡܬܚ̈ܙܝܢܐ ܒܦܓܪܗ ܃ ܠܡܬܝܕܥ̈ܢܐ ܒܢܦܫܗ ܃
047:23 ܘܠܐܠܗܐ ܒܡܪܘܬܐ ܘܫܘܠܛܢܐ ܕܥܠ ܟܠ ܒܪ̈ܝܢ܂ ܬܘܒ
047:24 ܕܝܢ ܨܠܡܐ ܐܬܩܪܝ ܥܠ ܕܟܘܢܫܐ ܗܼܘ ܕܥܠܡܐ ܘܒܗ
047:25 ܡܚܙܩܐ ܘܠܝܦܐ ܟܠܗܿ ܒܪܝܬܐ ܕܪ̈ܘܚܢܐ ܘܦܓܪ̈ܢܐ܂
047:26 ܘܐܝܟ ܨܠܡܐ ܣܝܡ ܒܡܕܝܢܬܗ ܕܥܠܡܐ܃ ܕܒܗ
047:27 ܬܚܘܐ ܒܪܝܬܐ ܚܘܒܗܿ ܕܠܘܬ ܒܪܘܝܗܿ܂ ܐܦ ܓܝܪ ܫܡܐ
047:28 ܕܐܕܐܡ ܒܐܪܒܥ ܐܬ̈ܘܢ ܟܬܒ ܝܘܢܐܐ܃ ܕܡܫܘܕܥܢ
047:29 ܥܠ ܐܪ̈ܒܥܦܢܝܢ ܕܒܪܝܬܐ ܕܡܛܠܬܗ ܗܘܼܬ܂ ܕܡܿܐ ܬܘܒ

next page