← Back
The Comprehensive Aramaic Lexicon
← Return to the Text Browser
click on the file description for more information
63101: IshGen (Ishodad of Merv on Genesis)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


062:01 ܦܘܩܕܢܐ ܘܗܿܘ ܕܥܝܢܐ ܕܥܠܘܗܝ܂ ܡܕܝܢ ܥܒܪ ܦܘܩܕܢܐ
062:02 ܩܛܠܗ ܘܠܘ ܗܼܘ ܐܝܠܢܐ܂ ܐܝܟܢܐ ܕܥܒܪ ܦܘܩܕܢܐ ܐܣܪܝܗ
062:03 ܠܡܢܢܐ ܠܬܪ̈ܝܢ ܝܘܡ̈ܝܢ܃ ܗܿܘ ܕܐܬܢܛܪ ܒܩܣܛܐ ܠܕܪ̈ܐ܂
062:04 ܘܐܟܙܢܐ ܕܠܘ ܢܘܗܪܐ ܥܒܼܕ ܠܓܢܒܐ ܕܢܓܢܘܒ܃ ܗܟܢܐ
062:05 ܐܦ ܠܐ ܢܡܘܣܐ܂ ܢܡܘܣܐ ܒܕܡܘܬ ܫܪܓܐ
062:06 ܘܐܝܠܢܐ ܐܝܟ ܡܢܪܬܐ ܘܐܕܡ ܐܝܟ ܓܢܒܐ ܘܕܫܪܟܐ܂
062:07 ‍{‍vܿ17‍}‍ ܡܢܐ ܗܼܝ ܥܠܬܐ ܕܦܘܩܕܢܐ ܗܢܐ܂ ܐܕܡ ܓܝܪ ܠܐ
062:08 ܡܕܡ ܦܪܝܫ ܗܘܼܐ ܡܼܢ ܫܒܪܐ ܐܠܐ ܐܢ ܒܩܘܡܬܗ܃
062:09 ܕܡܨܐ ܗܘܼܐ ܠܡܩܒܠܘ ܦܘܩܕܢܐ܂ ܘܡܛܠ ܕܣܢܝܩ ܗܘܼܐ
062:10 ܕܢܐܠܦ ܘܬܬܓܠܐ ܦܪܘܫܘܬܗ܃ ܐܠܦܗ ܐܝܠܝܢ ܕܡܨܐ
062:11 ܗܘܼܐ ܠܡܩܒܠܘ܂ ܠܐ ܓܝܪ ܥܠ ܠܐ ܡܝܘܬܘܬܐ ܘܠܐ
062:12 ܥܠ ܡܠܟܘܬ ܫܡܝܐ ܐܫܟܚ ܠܡܐܠܦ܂ ܕܗܐ ܝܗܘ̈ܕܝܐ
062:13 ܒܬܪ ܝܘܠܦܢܐ ܕܗܿܘ ܟܠܗ ܙܒܢܐ ܐܪܥܐ ܕܡܪܕܝܐ ܚܠܒܐ
062:14 ܘܕܫܪܟܐ ܐܫܬܘܕܝ ܠܗܘܢ܃ ܘܥܕ ܗܫܐ ܡܣܒܪܝܢ
062:15 ܕܥܬܝܕܝܢ ܠܡܐܟܠ ܘܠܡܣܒ ܢܫ̈ܐ܂ ܘܠܘ ܒܠܚܘܕ ܗܼܢܘܢ
062:16 ܐܠܐ ܐܦ ܫܠܝ̈ܚܐ ܩܕܡ ܩܘܒܠܐ ܕܪܘܚܐ ܡܣܒܪܝܢ
062:17 ܗܘܼܘ ܕܒܐܪܥܐ ܗܘܝܐ ܡܠܟܘܬܗ ܕܡܫܝܚܐ܂ ܡܪܢ܃
062:18 ܐܢ ܒܗܢܐ ܙܒܢܐ ܡܦܢܐ ܐܢܬ ܡ܂ ܘܐܟܙܢܐ ܕܐܢܫ
062:19 ܡܐ ܕܡܫܕܪ ܠܒܪܗ ܠܒܝܬ ܝܘܠܦܢܐ ܒܣܝܒܪ̈ܬܐ ܚܠܝ̈ܬܐ
062:20 ܡܓܪܓ ܠܗ ܠܘܬ ܚܦܝܛܘܬܐ ܕܝܘܠܦܢܐ܃ ܒܕܠܐ ܡܨܐ
062:21 ܠܡܩܒܠܘ ܕܢܐܡܪ ܠܗ ܕܐܢ ܡܬܪܕܐ ܐܢܬ ܗܘܿܐ ܐܢܬ
062:22 ܪܗܛܪܐ ܐܘ ܫܠܝܛܐ ܘܕܫܪܟܐ܃ ܫܘܥܝ̈ܬܐ ܐܢ̈ܝܢ ܓܝܪ
062:23 ܗܠܝܢ ܠܛܠܝܐ܃ ܗܟܢܐ ܐܦ ܐܠܗܐ ܠܐܕܡ ܫܒܪܐ܂ ܗܿܘ
062:24 ܐܓܪܐ ܕܢܛܝܪ ܠܟܫܝܪ̈ܐ ܐܪܦܝ ܟܕ ܠܝܬ ܗܘܼܐ ܒܗ ܚܝܠܐ
062:25 ܠܡܫܡܥ܃ ܐܠܐ ܚܘܝ ܠܗ ܐܝܠܢܐ ܚܕ ܕܩܪܝܒ ܠܗ ܘܕܚܠܗ
062:26 ܘܓܪܓܗ ܒܗ ܕܐܢ ܐܿܟܠ ܡܢܗ ܡܿܐܬ܃ ܘܐܢ ܡܙܕܗܪ
062:27 ܡܢܗ ܚܿܝܐ ܠܥܠܡ܂ ܐܦ ܓܝܪ ܟܠ ܢܡܘ̈ܣܝܢ ܒܬܪ̈ܬܝܢ
062:28 ܡܬܢܛܪ̈ܝܢ܃ ܒܕܚܠܬܐ ܕܡܼܢ ܓܙܪ ܕܝܢܐ ܘܒܣܒܪܐ
062:29 ܕܦܘܪܥܢܐ ܛܒܐ܂ ܐܝܬ ܕܐܡܼܪܘ ܦܠܬܢܐܝܬ ܕܒܐܝܠܢܐ

next page